تويت
كرهت الشعر وسنينه
بقلم
آمال محمود كحيل
كرهت الشعر وسنينه
ومليت غوص في تكوينه
كرهت الحبر والأقلام
ودمـع الحيرة والآلام
كرهت حروفي من خوفي
لتخطف نبضهــا الغـربان
وبات صمتي
رديف ضعفي
فمات قلبي مع الأيام
لكن جوايا باقي كلام
وصرخة حزن واستسلام
بتسأل ليه بقيت باهرب ؟
وفي الكـــون ليه
ماليش عنوان ؟!
كرهت الشعـر من يأسي
ليلهب صهـــد أنفاسي
فليه باظلم كتير نفسي
واترجم صدق إحساسي
وليه أكتب ؟
وليه ألضم ؟
خيوط ذكرى ف زمن قاسي
وليه أنزف دموع قهـري
وليه أشرب مرار كاسي
وليه أحلم في كون حاني
مفهش خداع ولا أحزان
واعيش الكدبة من تاني
واتوه في الماضي والأحلام
واصدق .. إن انا إنسان
لا زلت وقلبي لساه حي
وإني اقـــــدر
أشوف الضي
في وسط الضلمة والأوهام
وإن قصايدي دي بتاعـتي
هاتفضل باسمي من بعدي
وبكـرة أكـــيد
هانول غايتي
واجمعها في ألف ديـوان
ويااااااه من صدمة خلتني
أشوف فيها بعينيه الغـول
بيخطف روحي ويسـيبني
على رصيف الألم مذهول
بالـوم ريشتي ، وأوراقي
وإحساس قلب كان بيدق
وإيه فاضـل ، وإيه باقي
ما غاب العقل والمنطـق
خلاص هاهرب
من المجهـــول
لدايرة حـزني ، واتشـرنق
دا سيف الغدر كان مسلول
وصـاب جوايــا في مقتــل
لكني هادوس على جرحي
ومهما هاقاسي هاستحمل
ولو دكُّــوا العـــدا صرحي
فمش هاعتب
ومش هانطق
وهافضل صابرة طول عمري
لكن هاحـرق حروف شعـري
وهاوئد نبضي بسكوتي
وهاحبس جوه مني الآه
ولمـا يحـين أوان موتي
عشان خاطري ولاجل الله
بلاش تنعوا سنين صبري
ورحلة قاسيت مآسيها
بلاش وردة عـلى قــبري
ورشة مــية تحييهــــا
منيش محتاجة غير دعوة
تزف الروح لباريهـــا
وسايبالكم أنا الدنيـــا
ما دام مات الضمير فيهــا
بقلم
آمال محمود كحيل
كرهت الشعر وسنينه
ومليت غوص في تكوينه
كرهت الحبر والأقلام
ودمـع الحيرة والآلام
كرهت حروفي من خوفي
لتخطف نبضهــا الغـربان
وبات صمتي
رديف ضعفي
فمات قلبي مع الأيام
لكن جوايا باقي كلام
وصرخة حزن واستسلام
بتسأل ليه بقيت باهرب ؟
وفي الكـــون ليه
ماليش عنوان ؟!
كرهت الشعـر من يأسي
ليلهب صهـــد أنفاسي
فليه باظلم كتير نفسي
واترجم صدق إحساسي
وليه أكتب ؟
وليه ألضم ؟
خيوط ذكرى ف زمن قاسي
وليه أنزف دموع قهـري
وليه أشرب مرار كاسي
وليه أحلم في كون حاني
مفهش خداع ولا أحزان
واعيش الكدبة من تاني
واتوه في الماضي والأحلام
واصدق .. إن انا إنسان
لا زلت وقلبي لساه حي
وإني اقـــــدر
أشوف الضي
في وسط الضلمة والأوهام
وإن قصايدي دي بتاعـتي
هاتفضل باسمي من بعدي
وبكـرة أكـــيد
هانول غايتي
واجمعها في ألف ديـوان
ويااااااه من صدمة خلتني
أشوف فيها بعينيه الغـول
بيخطف روحي ويسـيبني
على رصيف الألم مذهول
بالـوم ريشتي ، وأوراقي
وإحساس قلب كان بيدق
وإيه فاضـل ، وإيه باقي
ما غاب العقل والمنطـق
خلاص هاهرب
من المجهـــول
لدايرة حـزني ، واتشـرنق
دا سيف الغدر كان مسلول
وصـاب جوايــا في مقتــل
لكني هادوس على جرحي
ومهما هاقاسي هاستحمل
ولو دكُّــوا العـــدا صرحي
فمش هاعتب
ومش هانطق
وهافضل صابرة طول عمري
لكن هاحـرق حروف شعـري
وهاوئد نبضي بسكوتي
وهاحبس جوه مني الآه
ولمـا يحـين أوان موتي
عشان خاطري ولاجل الله
بلاش تنعوا سنين صبري
ورحلة قاسيت مآسيها
بلاش وردة عـلى قــبري
ورشة مــية تحييهــــا
منيش محتاجة غير دعوة
تزف الروح لباريهـــا
وسايبالكم أنا الدنيـــا
ما دام مات الضمير فيهــا
تعليق