تويت
يا اللي خذاك لفايس وجلاك " 1 "
يا اللي خذاك لفايس وجلاك " 1 "
*******************
يا اللي خذاك لفايس وجلاك
ومخالف باباك ويماك
ياك هومايا سباب وجودك
من يوم زدتي تعبو وشقاو
شحال قراو فيك ورباو
وكل زينة ليك تمناو
كان أملهوم فيك كبير
ترجع ف لمثلة مدير
وعلاش لا حتى وزير
أو رجل أعمال شهير
أولا تعلم الناس لخير
بصَّح انت خرجتي سايب
ماتعلمتي غي لغرايب
كنتي تهرب م لمدرسة
وف السيبير تتكلاصا
عاطيها ديما غي للشاط
تبحث فيه ب جد ونشاط
تام لحشيش بيه اتبليتي
ما ارفقتي لحالك ما حنيتي
ونسيتي لسوار اللي قريتي
لقراية عادت ليك ذكرى
مابقات ليك منها تا فكرة
خرجتي على شبابك وحياتك
وعشرة السوء ديما مرافقاك
*****************************
المريني ادريس
القصر الكبير بتاريخ : 22 / 09 / 2015