السلام عليكم

الان يتراود للبعض ما المعنى من كلمة دارمي

ومن هو مكتشف الدارمي

يسعدني ان اضع بين أيديكم

مقالة للدكتور هشام العقابي
وهو مقدم معروف في قناة الفيحاء ليجيب على هذا السؤال




بنات العراق، وبشكل خاص في الجنوب منه، فتحن سجلاً شعرياً غنائياً رائعاً بابتكارهن (الدارمي) وهو لون من الشعر الغنائي سمي باسمهن (غزل البنات). انه سجل شعري وثقن به همومهن الحياتية، وخاصة ذلك الهم العاطفي النابع من تجارب الحب الصافية التي اتسمت بالعذوبة والرقة لتنسجم مع عفوية الطبيعة وسحرها حيث ضفاف دجلة والفرات ومياه الاهوار وظلال النخيل.

لا ينكر انه، وبحكم الواقع الاجتماعي الريفي الذي نشأن فيه، كانت تجاربهن في الحب قاسية حيث انتهت معظم تلك التجارب العاطفية، ان لم نقل جميعها، الى خيبات امل انعكست على اشعارهن فجاءت ابيات (الدارمي) مليئة بالحزن واللوعة والاسى. ومن اقسى حالات الالم حالة او (ظاهرة) زواج الاكراه طبقاً للتقاليد القروية المعروفة. وفي اجواء الضغط الاجتماعي الذي احاط المرأة العراقية بشكل عام والمرأة الريفية بشكل خاص، ما كان امام الفتاة العراقية العاشقة وهي (تزف مجبرة) الى من لا تحب الا ان تلجأ الى (الدارمي) كمتنفس تبث فيه رفضها والمها الموجعين.. ومن الصعب تناول كل تلك الابيات الشعرية الجميلة، لكننا هنا سنختار منها ما يتلائم والحيز المسموح به للنشر.

يأخذ رفض البنات طابعاً يصل حد تفضيل الموت على العيش بعيداً عن الحبيب. فهذه التي احست ان (الخطابة) في طريقهم الى طلبها من (يد) الاهل الى من لا تحب تصرخ:

لا والـذي نـاجـــــــاه والبلعتـــه الحــوت
سمعوا يهل تمشــــــون لو ولفي لو مــوت

واخرى تتمنى العمى، فما نفع العينين حين يقع النظر على مكان خال من الحبيب:

كـل ما يمـــــــر الليـل يطرن احزانك
عينـي العمــــه اولا شوف خالـي مجانك

انه لقرار قاس حقاً، لكنها وبعفويتها قدمت لهذا القرار ما يبرره، حيث اجتماع الليل والحزن وغياب الحبيب، اذن فلتذهب العينان الى حيث العمى.

واخرى لم تكتف بالرفض، بل انها رسمت صورة كاريكتيرية ساخرة لهذا (المغتصِب المكروه) الذي اجبرت على الزواج منه فتقول:

زفــوني نص الليل للبرد حيـله
حبني او ترسني اتفال من وره الشيله

ما اعنفه من رفض لهذا (البرد حيله)، انه وصف غير مباشر ودقيق لهذ الكبير السن البارد القوى الجنسية، الذي ما عاد يجيد غير المداعبة الشفهية على طريقة (باردي الحيل)، ومع هذا جاءت قبلته مثيرة للاشمئزاز و (لعبان النفس) كما يقولون. والملفت للنظر في هذا البيت هو نجاح استخدام صاحبته للـ(تفال) الغير مستساغ شعراً، وذلك من خلال تمريره عبر (الشيلة) ذلك الرداء النسائي الشفاف الجميل، مما زاد الرفض قوة واحتجاجاً نالت به تضامن صاحباتها اللواتي مررن بمثل ما مرت هي به.

وفي نفس الصدد تقول اخرى:

وين اليفك مظلـوم وين الله وينـه
يتركرك اعله اجلاي هذا الحضينــه

ان معنى (التركرك) على الكلى لا يخفى على القاريء اللبيب.

واخرى تصف معاناتها بشيء من المبالغة المبررة، من اجل التعبير عن الوجع الكامن في دواخلها. فان كانت صاحبتها قد تألمت على (الشيلة) الجميلة التي دنسها (المغتصِب)، فها هي تختار سراً من اسرار جمال بنات الريف الا وهي (الّذلة) خصلة الشعر المتدلية على الجبين، التي اعتدى عليها الزوج المكروه:

اسهر وّضي الليـــل عن المريدة
بالكـذلــه بيّـن شيب من مدة ايده

هذا الرفض الموجع يتخذ بعض الاحيان شكلا من اشكال السخرية الحادة. فهذه تعرض زوجها الذي لاتحبه في مزاد علني للمقايضة:

ياهي التبدل اوياي رجلي ابرجلهـــه
ونوزنه بالميزان والزايد الهــــه

ياله من بيت شعري مليء بالتمرد الساخر، يصعب حتى التعليق عليه. واخرى تجاريها ممعنة بالسخرية والتنكيل:

يا خيــّه رجلي اوياُ للسوّ اوديــــه
فــردة تمر لـوجاب بالــج تـرديـه

وتتصاعد حدة الرفض عند هذه العاشقة الى حد كره ولدها، لانه ابن الزوج المكروه، وكم تتمني لوكان ابن ذلك الحبيب:

ظل ابجي طول الليل ابداً مهـــزك
لـو انت ابن اهواي جان اشمعزك

ان هذه القسوة او هذا الرفض لا يمكن اتخاذه مؤشراً على ان بنات العراق في اشعارهن لا يمتلكن العاطفة الرقيقة المليئة بعذوبة الحب وعفويته، لكنها خيبات الامل القاسية هي التي فرضت تلك الروح الرافضة للامر الواقع المفروض عليهن. والا فلنقرأ بعضاً من اشعارهن التي تمطر عشقاً وتعط برائحة الوفاء والمحبة الصادقة. فهذه تخاطب الحبيب:

نجمة صبح يهواي وسّط عله اغطاك
وبحجـة البـردان اتلفلف اويــاك

واخرى ترق للحد الذي ترى روحها وقد احالها العشق الى نسمه:

عمده ارد اتيه الروح وبعاصف الريــح
بلجي اعله نزل اهواي من يصفن اتطيــح

والاخرى ياخذها العشق حتى للهواء الذي مر بحبيبها:

هذا الهوى امن اهواي حيل ارد اشمه
بلُت يمر بجـــروح قلبي اويلمـــه

ان بنات العراق في غزلهن الشعري قد جسدن حالة من الرفض حتى الاستهانة بالموت، وتمرد مليء بالقسوة حين يجبرن على الزواج بمن لا يحببن. تقابله رقة تنافس نسمات الصبح الندية بعذوبتها حين مخاطبة الحبيب، ووفاء اسطوري من النادر ان نرى مثله في اشعار غيرهن

بحث جميل ..
ليت الاستاذ الفاضل علي جاسم يزيدنا من الدارمي ..

او يسمح لي بالاضافة ..

واحترامي


ميـــــــنا

الاستاذة مينا عبد الله

شكرا على التواجد

والموضوع لا يحتاج الى اخذ الاذن مني فهو ملك للجميع

وانا شاكر لك اي اضافة

مودتي وتقديري

تشكرات

الأستاذ / علي جاسم
أشكرك غاية الشكر على هذا الجهد
وللعلم ، فإن العامية العراقية ( شعرا وأدبا ) من أقرب العاميات إلى الفصحى ، وسهل فهمها ، وتحتاج إلى المزيد من الدراسات النقدية المنهجية ، ولعل هذه الدراسة تساهم في التعريف بالشعر الدرامي .
هناك جيل جديد من شعراء العامية العراقيين ، يحتاجون إلى التعريف ( حياة ونماذج ) ، فنحن ننتظر إبداعاتهم بشغف .
تحياتي وتقديري

السلام عليكم

شكرا لك دكتور مصطفى على التواجد ومطالعة هذه الدراسة

نعم اللهجة العراقية قد تكون من اقرب اللهجات الى الفصحى لذلك ففهمها يكون اسهل لدى المتلقي

بارك الله فيك

شبعانه ضيم اعليك حد الشبح ضيم

تصبح معيدة الناس وآنه اصبح بغيم

.................................................. .......

آنه الصحت بجفاك خل روحي خلها
من صوتي حتى الكاع راطت باهلها


.................................................. ...........

شمسوية انا بدنياي واشيتي سبعة
والثامن زغيرون يومي بصبعه



أضيف أيضا ً استاذ علي جاسم أم لا ؟

تحيتـــــــــــــي

ميـــــــنا

السلام عليكم

شكرا لك اختي على الاضافة وانا سعيد بهذه الاضافة والمتابعة

ومؤكد الموضوع للجميع وانا ارحب باي اضافة

مودتي لكِ

تشكرات

يعتبر شعر الدارمي احد اهم الالوان الشعبيه بالشعر الشعبي العراقي ، وينتشر شعر الدارمي في مناطق جنوب العراق وله خصوصيه ابداعيه في الموسيقى ، ولقد وصل شعر الدارمي إلى الاغاني العراقيه الحديثه في عدة مواضيع منها الحب والعتب والاماني وغيرها من بحور الغناء ، والدارمي اطلق عليه عدة اسماء في جنوب العراق فمنهم من يسميه البسته ومنهم من يسميه ركباني كما هناك من يسميه موشحات فراتيه وهو ايضا مايسمى في المناطق الغربيه من العراق بالسويحلي إلا ان السويحلي يقدم به العجز على الصدر كقول احدهم بالسويحلي :

والحقيقه ان الاسم الشايع له هو الدارمي وقد اتفق عليه الجميع ، والدارمي هو قصيدة الايجاز والتعبير الجمالي حيث يتالف من بيت واحد اي من شطرين تنتهي قافيته بقافيه متشابهه تحمل معنى قصيده كامله ، اما سبب تسميته بالدارمي فيقال ان اول من قاله هن نساء الدوارم والدوارم هو احد فروع قبيلة بني تميم القبيله العربيه الكبيره والمعروفه وقد تواجدت في فتره من الزمان في مناطق جنوب العراق ولا زال للقبيله اثار ورجال بالمنطقه الجنوبيه من العراق

ويختلف كثير من الناس عن من هم اللذين نضموا شعر الدارمي وفيهم من يقول محافظة ميسان وأخر يقول مدينة سوق الشيوخ.

واليكم بعض من شهر الدارمي...


الدارمي العراقي في الصداقه ولوفاء

حسدوني عندي اخوان مابيهم احنان
بس بل اسم خوان بلغدر ربحان
&&&
اربح وانا الخسران كل البنيته
يم خرب الطيبين صارت وصيته
&&&
شامت يشمر النار يكطف عداوه
ماعندي كلشي وياه زاهي بنقاوه
&&&
ثوبي الطويل يلوك لطفل يرضع
ولبسته بطيبين الكم هل اخضع
&&&
جرح الكبر بحشاي ماضنتي يطيب
جربه وتبدت ماي شيلمهة بجريب
&&&
الشيبه وسط الراس يشامت احجي
هذا البخت براس يسمع ويبجي
&&&
ماضحك سني بيوم خلصت بلهموم
وهذا انا هسه وياك ياخويه مهضوم
&&&
دله انا عد عيناك بمضيفك افتر
لشامت ونمام سجل يدفتر
&&&
مجبور اطيب الروح وصرخ ونه اسعر
جرحك غميج وياي يلصرت تشعر
&&&
الخوه ماتراد صارت عداوه
التمو عليه اليوم كلهم شقاوه
&&&
مذموم ارد عليك اسكت وكشفك
لناس اعصرك ثوبك بيدي ارد انشفك
&&&
اوهة امداهة الروح خاوت حيايه
تلدغ اكبال الناس كشفت الغايه
&&&
يامن يطم الروح كلش وكيحه
ذلوهة وسفه وعيب صارت ذبيحه
&&&
سمجه انا عد صياد بزهر مصيود
يحركني بنيران وعضامي الوكود
&&&
الهضم موش اليوم بلكتب مختوم
ومسجل بذرعان شمتت بلنجوم
&&&
طك صبري ما مليت بكلاس انا افتر
وبحلك اليسب الزين شربت تفتر
&&&
جربت اخوي وصاح مكدر اعينك
جا كلي هل عدوان شتكول اصينك
&&&
عكلي الشرف يا صاح والكلب غتره
جلبني يابن الناس عاشك العتره
&&&
بلعز اضلاً صيت مرتفع هل راس
مانزل صدك يوم للخوه ينداس
&&&
بصوت احس خوان خوتهم اصحيح
وبلسان اهم عدوان حربت مجاريح
&&&
الشاعر من ايلوذ بشعر ينخه
يتماطل الجلمات كلبه ويملخه
&&&
يمراوغ من اتكول انا ارد افيدك
والغدر صب نيشان هذا انا بيدك
&&&
ياخويه بالله عليك خليني اشيلك
خافن تشيل اعداك وصلت شليلك
&&&
يل تستر المكَشوف ومخرب الاوزان
حط لشعر عنوان وجلبه نسوان
&&&
ماتت تراهة الناس بس كَلب ينبض
والخوه صارت طين بس حجي اترعبض
&&&
فلش بعد بروح كل البنيته
لو فتشت بروح شنهو الجنيته
&&&
فتشت وسط الروح ماكو البنيته
خافن خذاه البين لو فلشيته
&&&
فلش بعد هلعين والكَلب وياك
شنهو اليضل يزين يركَض تلكاك
&&&
اشتم نسيم الهاب محلاته طاري
عذيبي ويرد الروح مابيعه شاري
&&&
اتمنه كرسي وياك وكَعد وحسك
ومرد جلاوي الزين خليني اجسك
&&&
دوشك انا بفركَاك وتغطه خواف
جلبني بالله وشوف يا حلو الاوصاف

إحداهن كانت حامل بطريقه غير شرعيه فأرسلت الى حمدي الحمدي تقول

.............................

حبلـه إبنَـغَـل وايـــام كلـٌـش جريــــبات
واليَـمي مو خالات كلهن غريــــــــــــبات

رد الحمدي قائلا

يم نغَـل لا تبجــين إنستره لو تــــــوم
من هذا وتجوزيــــــن لو حبله كل يــــــوم

………….

همــٌكْ .. وهَم الناس .. وهَم هم الأيــــــــــــام ْ
وفوكًًـــــاها هم العين ماتقبل إتنــــــــــام

………………

همٌك وهم الناس وهم الله فـــــــــــــوكًًـه
صاحت عليــٌه الناس جن عندي بوكًًـــــــــــه

................

متعجـٌب المهمــوم يشرب جكًًــــــــــــــاره
كًًلبي بكثر ما نــــوح تجويـــــــــــني ناره

…………..

همٌــــك .. وهم الناس وهم هم الهمــــــــــوم
لو وحده منهن بيــــك ماتكًًدر إتكًًــــــــــوم

…………

نذرك ياسيد دخيـــل نوط أبو الميـــــــــــــــه
من أفز والكًًه إهــــــــــواي غافي إعله إديـــــُه

…………….

نذرك يا سيد إدخيـــــل نوط أبو العشــــــره
من أفز والكًًه إهواي صدري إعله صــــــــدره

……………..

الدهر بس وياي راكب إحصانــــــــــــــــه
ويكًًــــلي وين إتروح جدٌامـــك آنــــــــــه

………….

كًًــلبي أرد أكًًــصٌــه إبموس وأكوي إبمكانــــــــه
علٌمني إعله درووب كلهن مهـــــــــــــــــــانه

……………

كًًــلبي أرد أكًًـصٌه إبموس وبفاس أكًًطعه
خلُصها بالسختــات مالحَك ربعــــــــه

……………

شامت وكًًف عل الباب حاير شــــــــكًًـلٌـه
أرتجي إعله المكســــور لو دمعي إهلـٌــــــــه

……………

إرتجي إعله المكســــور حيل إردس الكًًاع
بالك تذل جدام شمٌاتك إبســــــــــاع

………………

شمٌـاتي مو شٌـمات شمٌـاتي شمٌــــــــــــات
بالكًًبر ويسألــون حي بعده لو مـــــــــــــات

……………

شِمـٌاتي مو شِمــٌات شماتي شرطـــــــــــــه
بالكًًبر ويكًًولـــــون طلعه أرد أكًًرطـــــــــه

…………

شمٌـاتي مو شمــات شمــاتي إخــــــــوتي
حتى أمي يا هالناس تدعي إعله موتـــــــــــي

…………….

شمٌـاتي مو شِمٌـــات شماتي تســــــــعه
والعاشر إزغيرون يأشر بإصبعــــــــــــه



................................................

منقول من موقع مدينة سوق الشيوخ



............................


وكل الشكر لك أخي علي .

تحياتي وتقديري

مساجلة شعرية بالدارمي على هذا الرابط :




وحبذا لو يبدأ الأخ علي مساجلة شعرية أيضا.

تحياتي وتقديري

دراسات نقدية



غزل البنات (2 ـ 2)

عبدالكريم هداد / السويد

hadadkarim@hotmail.com

مذكرات الشعوب، يمكن قرائتها من خلال تصفح الأدب الشعبي لها. فالحكاية الشعبية والأغنية وآلاتها الفلكلورية ومصنفات الأبداع الأخرى التي يتناقلها الناس يومياً بلغة بسيطة وعميقة الوضوح، تعطي الأنطباع العام لخصوصية هذا الشعب أو ذاك.

الأدب الشعبي العراقي مازال متواصلاً وزاخراً بالتنوع والتعدد في الأشكال الفنية الضرورية له. وما نراه واضحاً في تجربة الشعر الشعبي العراقي المتنوع الأشكال والأغراض كالزهيري، الأبوذية، الميمر، العتابة، الهوسة، المربع، الملمع، وكذلك الدارمي، الذي يكنى في منطقة الفرات الأوسط من العراق _ غزل البنات _ وهو بإعتقادي من أجمل وألذ الأشكال الشعرية في الشعر الشعبي العراقي. واسم الدارمي له الكثير من التعليلات عند الباحثين العراقيين، منهم من يرده الى بني دارم، او لصبغة " الديرم " الداكنة المستعمل من قبل النساء في العراق وهو لحاء شجرة الجوز، ومنهم من يعلل الأسم لـ " دردمة " وهي تسمية شعبية للمتحدث مع النفس.

إن التسمية _ غزل البنات _ أطلقت بسبب كون المرأة العراقية رائدة في الأبداع من خلال هذا النمط والشكل الشعري الشعبي. فقد دجنته وعبئته بدفء مشاعرها ومكونات أحاسيسها الشجية العذبة، كذلك نمنمات أشياءها اليومية. فما بين شفافيتها كأمرأة ووضعها الأجتماعي المتوارث والذي يقمع طموحها الأنساني، فوجدت في الدارمي خير لسان حال لها.

فتلك الفتاة التي منعها إخوتها من ترديد – ياعلي – وهي عادة مكتسبة بالفطرة لأغاثة النفس، بعد أن إتضح لهم إنها تعشق فتى من القرية إسمه " علي ". هذه الفتاة هي التي تنهدت بنار حزنها المكتوم قائلة :

حَرِمَوْا حَتَى الصوت بِسْمَك فَـلا صيح
دمعتي بْطَرفْ العين بَسْ أرمِشْ اتْطيحْ

لذا فشكل بناء الدارمي يتكون من شطرين فقط. وهو سلس الوقع ذو موسيقى ناعمة تفيض به الكلمات الدارجة العراقية البيئة ذات الشحنات الجذابة بمدلوليتها. ومن خصائص الدارمي هو الكشف عن حالة ما، وبوضوح تام. وهنا نتلمس ابداعية شاعرة أو شاعر الدارمي لكون المساحة الكتابية ضيقة وقصيرة جداً مقارنة مع الأنماط الأخرى في الكتابة الشعرية الشعبية العراقية. فيمكننا هنا تسميته بشعر " الومضة "، فهو يحمل روحية الأقصوصة المرتوية بزوايا الحدث، كما توضح ذلك عند الدارمي المذكور أعلاه. ونظراً لسهولة معانيه العميقة وما يحمله من ترافة نغمية أخاذة ذات صدى شفاف على النفس، اعتمدت الكثير من الأغاني العراقية على شعر الدارمي وخاصة الأغاني التي ينتهي بها مطربو المقام العراقي، والمسماة بـ " البسته ".

وقد أعطت الحياة العراقية اليومية الغنية والمتنوعة المواقف، تنوعاً حتمياً لأغراض الدارمي وموضوعاته المراد التعبير عنها. ومن الموضوعات التي تشبع بها هذا النمط من الشعر الشعبي، هو وصف الحال، وما أقرب حال الأنسان العراقي الآن من حالة قائلي هذه الدارميات...



أَنْهَضْ وَگَعْ لِلگاعْ وَتْوَچَّه وَانْهَضْ
ماخَلَه عَظِمْ اصْحيحْ رَضْني الدَهَر رَضْ
***

يِالتِنْشِدْ اعْلَى الحال حالَتْنَه حالَه

سِمْچَه وشِحيحْ المايْ وِبْظَهْري فالَه

***

الدنيَا لِلتِهْواهْ تِرخيلَه الِحْبال

اتْنَزِلْ الطَيْبينْ وِاتْغَيّرْ الحال

***

مِتْعَجِبْ ابْدِنْيّاك غَثِتَكْ فَدْ يومْ

غَثَتني وَكْ دنيايْ خَلَتْني ماگومْ

وكم هي جميلة وصية الأم لأبنها، على أن يكون عزيز النفس في زمن ردئ...

خَلْ روحك ابْعِزْ دوم بالَكْ تِذِلْهَا
ولا تِطلِبْ الحاجات إلا من اهَلهَا

***

لو ضَكِتَكْ دِنْيّاك ها بالَكْ اتْصيحْ

إرچي الرمح لِچلاك واصبر لَمَا اتْطيحْ

***

الدنيا يوم ويوم إسْحَ?ْ عَليهَا

لو بالعمر تِشْريك لا تِشْتِريهَا

المتتبع منا لشعر الدارمي، بستشف في الكثير منها إسلوب المحاكاة، وهو نمط اسلوبي جميل بنيّ على طريقة المطاردة الشعرية. والمطاردة الشعرية في الدارمي تختلف عن تلك المتبعة في الشعر العربي الفصيح، لأنه يركز على الموضوعة المتناولة لا على حرف الروي. كما أن المطاردات في الدارمي تأخذ منحى المجارات للموضوع او نقضه وأحياناً كثيرة المبالغة في تناول الموضوع المطروح...



بَتْ بَعَدْ بِالَدلال واتعكزْ اعليه
لا يِن?ِطِعْ وَابْلاك يالحادي رِدْ بيه

***

بَتْ بعَد بِالدَلال شعره ايْتِلولَحْ

حتَى المِچانْ البيه ذاب وتِمولَحْ
***

بتْ بعد بالدلال عندك عجيبَه

هم شِفِتْ هَمْ سِمعيتْ بالريَه شيبَه

وعلى هكذا منوال تستمر الردود في الموضوعة الواحدة لعشرات الأبيات من الدارمي، وفي موضوعات أخرى مختلفة ومتنوعة طرحها الشعراء في مباراتهم. التنوع هذا أعطى لشعراء الدارمي الكثير من مناهل تدعيم بنائية الدارمي. فمنهم من استساغ الشعر العربي الفصيح وأخذ موضوعاتها وأعاد صياغتها بوجة نظر مختلفة ضمن إطار الدارمي. فقول الشاعر قيس بن الملوح :

دعا بأسمِ ليلى غيرها فكأنها

أطار بليلى طائراً كان في صدري

يكون خلال صياغة شاعر الدارمي في بناء أكثر وضوحاً، ضمن سلاسة شعبية لها رجفتها الخاطفة في ومضها :

ريتْ الله لا ينطيك يالصحتْ باسمَه

فَرْ فَرّتْ العصفور گلبي شيلِزْمَه

كما غرف اغترف شعراء الدارمي من الأمثال الشعبية لتدعيم موضوعهم. فالمثل الشعبي القائل ( اذا طاح البعير كثرت السجاجين..!) يتعامل معه الشاعر الشعبي كركيزة في الأفصاح عن مبتغاه، فها هو يقول...



طاح الگلب وارتاح كثروا السچاچين
ما بعد يِسْوَه اللوم والعتَبْ يَاحسين


وهناك من يعتمد صيغة السؤال والجواب كوحدة أساسية ضمن إطار حدود شكل الدارمي مع الإبقاء على خاصية هذا النمط الشعري ألا وهو إبراز الحالة بوضوح عميق...

اشْلونَك اشْلون الدار واشْلون اهَلهَا
حَزْنانَه خويَه اعْليك جا ما تِصَلْهَا

إضافة لذلك استخدم اسلوب الحوار حينما يكون هناك موضوعاً مشتركاً بين اثنين أو أكثر، ومن هذه الحوارات الحوار التالي بين عاشقين...

هايِمْ وادور اعليچ واتنشَد الناس
ياحِلوَه كيف انساچ والفشخه بالراس

***

تِلگاني بالبستان وي ريحة الياس

ويه الهوه الحلمان اصرخ ياعباس

ومن الحوارات ذات النكهة المنولوجية، والمشهد حاصل بين سيدتين...

المرأة الأولى :

دادَه اخذي رجلي اوْياچْ لِلسوگ اجلْبيه

بِوجيَةْ تمر بيعه بالِجْ تِرِديه
المرأة الثانية :

دادَه انتي رجلج زين ايْجيبْ الوْجيّه

بِعتَه ابْثَلِثْ تمرات او ردوه عَلَيّه

والدارمي ادناه يرسم الشاعر نفسه به بشكل كاريكتيري طريف ذا تعبير يبين روحية صاحبه الفكاهية...

وبْجيبي ابو الفلسين واطرب واغني
لو چان ابو الخمسين چان اشحملني

أما عن علاقة الدارمي بالسويحلي، هو أن السويحلي دارمي مقلوب أي زحف االقافية الى البداية في الشطرين ولتوضيح ذلك نرى أن الدارمي التالي...

يايمّه شيلي الزاد بالهَّم تَعَشيتْ
جابولي طاري اهوايْ وبالزبده غَصيتْ

وعندما يتحول الى السويحلي يكون شكله هكذا...

بالهَم تَعَشيتْ يايمّه شيلي الزاد
وبالزبدة غَصيتْ جابولي طاري اهْوايْ

ومن الدارميات الجميلة...

شبه الدرج دنياك شَيْ اعْلى من شَيْ
يِالبِشَمس ظَليتْ لازم يِجي الفَيْ

***

ياروحي لا تملين للنذل بالچ

راح وبعد ماعاد اليرجي حالچ

***

اصفج الراح ابراح واتغنه بالراح

خاف من اگولن آه شماتي ترتاح

***

گالولي منهو ذاك گلتلهم اهواي

شنهو العلامة البيه رف گلبي وچلاي

***

نجمة صبح ياهواي واسگط على اغطاك

وبحجة البردان اتلفلف اويّاك

ـــــــــــــــــــــــــــــــــ

نشر هذا الموضوع في جريدة المجرشة العراقية، التي اصدرها الفنان العراقي فيصل لعيبي في لندن، في أواخرعقد تسعينيات القرن الماضي.

ولكاتب هذه السطور بعض الدارميات المنشورة في ديوان " آخر حزن " الصادر في السويد عام 1999.

يَالرايِحْ اعْلَه الدار هاك إخذْ العيونْ

حَنّتْ تِشوفْ هْناكْ أهلي اليِنطرونْ

***

لِلوطن... للناس مشتاگه كِلِّشْ

روحي بْحَنين وشوگ بَردانَه تِرعِشْ

***

بْداري لُـو مَريتْ طِشْني ندَى وياسْ

ولأمي بوسَة عيد حِبْهَا عَلَى الراسْ


................

***

مَراتْ أفزْ فرحان چنّي بْوَطنَه

وفْيّايْ نخل البيت يْلِمْني وْيَه اهلنَه

***

فارِشْ جفون العين مَلگه لْصِوَرْكُمْ

بلچنْ أصادِفْ طيفْ يحچيلي عَنْكُمْ

وهذا من منتدى الغناء والموسيقى - منتديات كريم العراقي :

الدارمي



يعتبر شعر الدارمي احد اهم الالوان الشعبيه بالشعر الشعبي العراقي ، وينتشر شعر الدارمي في مناطق جنوب العراق وله خصوصيه ابداعيه في الموسيقى ، ولقد وصل شعر الدارمي إلى الاغاني العراقيه الحديثه في عدة مواضيع منها الحب والعتب والاماني وغيرها من بحور الغناء ، والدارمي اطلق عليه عدة اسماء في جنوب العراق فمنهم من يسميه البسته ومنهم من يسميه ركباني كما هناك من يسميه موشحات فراتيه وهو ايضا مايسمى في المناطق الغربيه من العراق بالسويحلي إلا ان السويحلي يقدم به العجز على الصدر كقول احدهم بالسويحلي :
والحقيقه ان الاسم الشايع له هو الدارمي وقد اتفق عليه الجميع ، والدارمي هو قصيدة الايجاز والتعبير الجمالي حيث يتالف من بيت واحد اي من شطرين تنتهي قافيته بقافيه متشابهه تحمل معنى قصيده كامله ، اما سبب تسميته بالدارمي فيقال ان اول من قاله هن نساء الدوارم والدوارم هو احد فروع قبيلة بني تميم القبيله العربيه الكبيره والمعروفه وقد تواجدت في فتره من الزمان في مناطق جنوب العراق ولا زال للقبيله اثار ورجال بالمنطقه الجنوبيه من العراق
ويختلف كثير من الناس عن من هم اللذين نضموا شعر الدارمي وفيهم من يقول محافظة ميسان وأخر يقول مدينة سوق الشيوخ.
واليكم بعض من أشهر الدارمي :

خَـلْ روحَـــكْ إبعِـز دوم بالك تذلهــــا
ولا تطلب الحاجــات إلاٌ من أهلهـــــــــــــا

غصبن عليـٌه الروح آنـه الأذلهـــــــــــــا
محتـــــــــاج والحاجات ماهُـمٌـه أهلهـــــــا
.
. وين الكفن ينباع يالشايل الخـــــــــــــــام
عدله أرد أطمها الروح من ظيم الأيــــــــــــــام
.
.خلـٌـيتك إبسرداب فوكًًـــــه متر صَـبْ
صبٌـح الواشي وياك من ياكتر طـَــــــبْ
.
.
عود آنه مثل الناس هم عندي بــــــطه
راحت تغط بالماي والغطٌـه غطٌــــــــــه
..
الغربه سـاحة خيــل ومزامط إرجــــــال
واليطب بيها إبزود كون أصله خيـــــــــــٌال
.
الغربه وصــلة بور مابيــها ثمره
تترجٌه غيم الصيف يمطرله كًًــــــــطره
.
الغربــه زين وشين ذ ٌبت عليـٌـــــــه
والعيـــشه وي بـــذاٌت أكبر بليـــٌـــــه
.
الغربه من الناس راوتني أشكـــــــــــال
والكذب لو بفلوس ما ظنـٌـــــه ينكًًــــــــــال
.
بالغربــه خاوه الروح تنـْـوِخـِـــذ كًًـــــوٌه
واليرِد حكًًٌــــه إبسيف مو بالمـــــــــــروٌه
.
حقي من أحامي إعليـــج ياشجرة التيــن
ماي الربيـــــتي إعليه من دمعة العيــن
.
.ميت والمعزيــات موش أمهــٌاته
مايبجـَن إعله المات يبجـَن شمــاته

ميت والمعزيات يبجـَن عياره
ويرمـَن على التابوت كَطف الجكًــاره

ميت والمعزيات مابيهن أمـــــٌه
وحده التشـَتم بيه وحده التـُغمـٌه

هاك استكانة جاي أشرب عوافــي
أو دزيته لك مخصوص يامايه صافي

رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام


كل ما يجي الليل أذكر وفــــاكم
واذكر محاشي الطيب وابجي أبرهاكم

ويا النجم سهران وايدي أعلى خــدي
الليل أوظلام الليل شو كلها ضـــدي

وحدي ابنص الليل بس حيرتي أوياي
أبجي أعلى وقت الراح واتنطر الجاي

إشما تقول الناس عندي أنته لول
سو كلشي بالدلال يالحلو مخـول

يالتون تالي الليل سمعني حسك
لولا القلت والقال لعبر وونسك

شحجي وتريد الناس من عندي أحجـي
دمعتي إبطرف العين بس أحجي أبجـي

للخوه ماقضيت شي ماقضيته
حتى الصخر ياناس وتوسديته

انت العطش والماي وانت المشوفـه
ورسمش وحق عيناش بالكاس اشوفه

أرد انشدك وارجوك صارحني ياهواي
تذكرني لوغصيت من تشرب المــاي

نارك يخايب ماي مومثل نـــاري
اومن يطري بيا الشوق يحترق جاري

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

بالك تقول الاه ياخويا بـــالك
كل التقوله ايصير روحي ابدالك

مبخوت أضل للشيب يافلان أذكـرك
أوينكرني نور العين من كون أنكرك

سبحانه من سـواك نص وجهك إعيــون
إزغيــر سبيــت الناس من تكبر شلون

بيدي أوقرضها الفار فجت عباتي
كل هذا ماطخيت وامشي ابرهاتي

أتمنى كون أيصير لحدي أويا لحدك
أو من يطلع الدفان أقعد وقعـــدك

بيدك ضيعت ديك الليـــالي
وبلحظه ما أجى أبعينك دلالي

شقيت ثوبي أعليك وصلته للنــص
جاوين قلبك أوياي صاير مثل جص

لاتهتم على الراح وي همك الراح
والعالي مو بالطول بالصبر ينلاح

اشمالك يبعد الروح لونك تغــير
عندي خوات أهواي طب أوتخير

يسألني البطران حالك إشلونــه
الغاضب الله إعليه هم ينشدوونـه

جاشلي بالخوان والماينفعـــــون
عود أمن اموت أيجون ويا اليشيعون

عبالي طيب زاد واعطيتك اعيون
تالي توج النار ويا اليكرهـــون

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي

علمني عالنسيان ارد انسى ضيمـــــك
وي غيري قمره اتصير بس حصتي ضيمك

سبحان امن خلاك تقسي ابغرامك
جانك اتداوي اجروح رقت كلامك

اوقف يبعد الروح اوياك الحســـاب
سَافر أو جرحي اينوح ليهسى ماطاب

هامسى أوها مصباح باجر يشيلـون
اورجليا شالت طيب من دمع العيون

الدنيا بس وياي شـدت عـــداوه
ولا واحد إمن الناس لجروحي داوه

ارد انشد الصباغ هم يصبغ اقــلوب
اصبغ دليلي اعليك واحزن فرد نوب

حـط باللبن تيــزاب مجبـور أشربـه
بس لا أشوفك يوم تمشي وي غربـــه

سباحه لك بالروح خضرى أوطريه
تسقيها من تشتاق وتمر علــــيه

الدنيا ماتسواش لاتصفن إلهـا
عالطيب والمزيون يكثر حملها

يسألني البطران ليش وجهك اصفر
مايدري على المحبوب قلبي تفطر

يسألني البطران ليش راسك اقرع
مايدري على الحلوين شعري تشلع

يسألني البطران تشرب عرق ليش
هم سقم هم فراق هم لوعة الجيش

يسألني البطران اعربلي كان
حسباله مثل العام عقلي بمكانة

الدنيا بس أوياي صارت حريصـه
أو من سلة المكتوم تطلع لي شيصه

همي الليالي اتعود واتعاتب أوياك
احجايه للشمات خلاني فرقــاك

سـلـم ولَو بالعين تكفي الإشــــاره
روحي إبتلت بهواك .. سـويلي جـاره

أرد اسأل العراف واهل القوافـي
ليش الحجاب إيلوق للوجه صافي

شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه

شمـاتي مو شـمات شمـاتي شمات
بالكًًبر ويسألـون حي بعده لو مـات

شماتي موشمات شماتي خوتـي
حته امي ياهل ناس تتمنه موتي

شماتي موشمات شماتي اشرار
بالكبر ويقولون ياربي بالنـار

شماتي موشمات شماتي ورطــه
نصهم امن واجرام والباقي شرطه

شمـاتي مو شمـات شماتي تسعه
والعاشر إزغيرون يأشر باصبعـه

حطيتك بسرداب وفوقه متر صـب
اصبح الواشي وياك من ياكتر طب

وينه اليخَيـطْ العين ويفكني منهـــا
كل ما تصد للدار يكثر حزنــــها

لو غبت عني الروح احسبها شده
واحرق ابدمع العين حتى المخده

بالك تمر بالدار عنها أشمر ابعــيد
دار العزيز اهواي نوح أوبجي اتريد

عمده ارد امر بالدار والنوح ازيده
واسمع صداها يقول راح التريده

عمده ارد امر بالدار واشبع مغمه
والمعتني الطيبات لوطاح شيهمه

غصبن عليها الروح جابتني اشوفك
كفر عليها للوم بلجن تعوفــــك

ظلمى اوذرب عاثور لليلة شتى أوعت
روحي اشتهت ملقاه عتتني لك عــت

أهلا وسهلا بيــك وكثــر بالوياك
الكَلب قبل العين فز وتلـكَـــــاك

اقدر اسكت الناس وامك واخوتك
قلي شيسكت اهواك لودره ابموتك

ياعازة الخوان عازتها عــازه
والماوراها صياح وحشه الجنازه

انشدني عالحال حالي أعلى حـــــاله
سمجه أوشحيح الماي وبظهري فاله

حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت

اتعمن والعباس بسجن يالعيون
ابجن وهما هناه لوشالو اشلون

كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه

كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه

القلب قال أحاه ! قتله وجعــــــــــتين
منهو الاجى أوعزاك من طقك البين

يالردت عني اتروح خليلي صبرين
واحد يصبر الروح والثاني للعـــين

شامت وكًًف عل الباب حاير شـــــكًًـلـه
أرتجي إعله المكســــور لو دمعي إهله

إرتجي إعله المكسـور حيل إردس الكًًاع
بالك تذل جدام شماتك إبســــــــــــــــــاع

اقعد ابتالي الليل وادعي ابصلاتي
ياربي بعد افلان شلي ابحيــــــاتي

ارد انصحك يافلان هذي النصيحه
عوف اتلف وادور حب الصريحه

احمل وفى والطيب والرقه كلــــــها
أوكل مشكله ابهالكون بس يمه حلها

ريته اليطيح ابضيج كون اخوه وياه
اوكل مايقول احاه كلها اتلــــــــــقاه

إلي تطلبه ايصير بس أمر انــته
أو لاتعب الجلمات أشرلي سكته

الردأطلب وقلك صار تامرني أنــــته
عمري من أول يوم بسمك رهنته

ميت والمعزيات يبجن عيـــــاره
طفن على التابوت راس الجكاره

الدهر شل يمناي شل يسرتي الــــــبين
جابيش اصبر الروح بيش امسح العين

متعجب المهموم يشرب جكاره
قلبي ابكثر مانوح تجويني ناره

هاك ابره هاك الخيط خويه ارد اكلفك
امقطع الدلال شله على عرفـــــــــــك

هاك ابره هاك الخيط كوم امشي عني
لو بيه اشل جروح جاشل هـــــــــذني

حسره الك بالدلال ظلت لما امـــوت
مادرت حقها الناس صوابي بسكوت

حسره وحدرها احاه وبقلبي لــوعه
كلما اضوق الزاد اركض وازوعه

خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا

غصبن عليـه الروح آنـه الأذلهـا
محتاج والحاجات ماهـمـه أهلهـا

بسك ولك يالبين دقاتك أويـــاي
أدقني وسط الضيق وتشمت اعداي

الاخو وقت الضيج ماينكر أخـته
أوحان الوقت هاليوم ياخويا وقته

لاتسأل إعله الحال خلـيها سكته
تسأل على المكتول والكاتل إنته

شحجي وتريد الناس من عندي أحجي
دمعتي إبطرف العين بس أحجي أبجي

أقبل صباح اليوم ابدنيتي هـــاي
شلت الردا أوفزيت لن عيني بهواي

لانفع نصحي أوياك لانفع لــــومي
أنا ادري مامحضوض راح ابقى دومي

حقي من أحامي إعليـــج ياشجرة التيـن
ماي الربيـــتي إعليه من دمعة العيــن

لاواشي لانمام يبعدني عــنك
بس النجف يهواي ياخذني منك

تيزاب أحط بالعين واعميها بجـــفاك
خافن تصد للغير أوتنسى المضى أوياك

الدهر بس وياي راكب إحصانــــه
ويكًًــلي وين إتروح جدامـك آنـه

بالـك تمر بالدار عنها إشمر إبعيـد
دار العزيز هواي نوح وبجي إتريـد

عمداً أمر بالدار والنـوح أزيــــده
وأسمع صداهـا إيكًـول راح التريـده

عمداً أمر بالدار وأشبع مغمــه
وابجي بجي المفطوم ومفارك أمه

الدنيه للتهواه ترقص امفرعــه
والماتريده بنوح لو خلص دمعه

متعجب بدنياك جرحتك مــره
منخل اقليبي صار بيه العمه يقره

أرد أسـأل العشاك ليش آنه مشتــاك
نايم إبحضن إهـواي واشكي من الفراك

ميت والمعزيــات موش أمهـاته
مايبجـَن إعله المات يبجـن شماته

ميت والمعزيات يبجن عيـــــاره
ويرمـن على التابوت كَطف الجكًاره

ميت والمعزيات مابيهن أمــــه
وحده التشـتم بيه وحـده التـغمه

همــك .. وهم الناس .. وهم هم الأيـام
وفوكــاها هم العين ماتقبل إتنـــــام

همك وهم الناس وهم الله فــــــوكـه
صاحت عليــه الناس جن عندي بوكــه

متعجـب المهمــوم يشرب جكــاره
كًًلبي بكثر ما نــوح تجويـني ناره

همــك .. وهم الناس وهم هم الهموم
لو وحده منهن بيــك ماتكًًدر إتكـوم

طقني أو طحت للقاع قلت اكتفى البين
طقاني مره النور أوخر ضوى العـين

الردكل دقش أعلى الراس بسش يدنياي
مطقوقه باليافوخ ماشوفن احــداي

اصغير وخاف إعليك من شـــدة الاه
اشنون احمل أنا افراق واصبر بلا اياه

الرداصغير وخاف اعليك من حضن امك
ابقلبي وقول ابعيد جاوين اضمــك

تاري البنات اشكال مثل الجفافـي
وحده التضل للغير أواحده التوافي

أشرب واريـد أنساك واسكر واذكـرك
مو بالعظم ويطيــب بالكًلب كســرك

كل مرض لامابيك ياخويا محسود
اوحق اليحسدك داخ بعيونك السود

منك سمعت الاه كثرت جراحـي
وشبيدي خويا اعليك قصوا جناحي

وين الكفن ينباع يالشايل الخـــــام
عدله أرد أطمها الروح من ظيم الأيـام

لم جرحك أو للبيت قوم امشي ويـاي
وامشي ابدلال أرجوك لاتشمت اعداي

كَـالولي ولفـك راح كَلتلهم أبعد
كَـالو صعد للغيـم كَلتلهم أصعد

من كثر حر الضلع أحترقن هدومي
وتسعين ناقة وجمل ماشالن همومي

شحجي شقول للناس من همي شحجي
مليان بالحسرات بس احجي ابجــي

اجلد ابممشاي ناحل ترانــــي
خوفي من الشمات مو من زماني

أتجدب علي واتقول , اسمع كلامك
وانا ابطيب القلب امشي ابمرامــك

عفيه كَلب مَيليــن من يسمـع إبجـاي
لو من صخر هم جـان لان وغده مـاي

شامت وقف بالباب حاير شقـــله
حيل ابجي عالمكسور أو دمعي هله

الردحيل ابجي عالمكسور حيل ارفس القاع
اولا تنكسر جدام شماتك ابســــاع

شلونـك.. شلون الدار .. وشلون الأحباب
أذكر جرح بجلاك خبــرني ما طــاب

مر والمراره البيك محد حواهـــا
أو روحي اشتهت ملقاك عفيه اشقواها

الردروحي اشتهت ملقاك رغم المراره
أو بجفوفك الدلال شيطفي نــاره

متعني للعبـاس أشكي الهظايـــم
الواشي قبلي بيـوم بالحظره نايـم

متعني للعباس أبجي إبحظرتـه
والينكسـر بهواه شنهو جبرتـه

قلنا دلال إيجوز وتحمليـــــنا
أو ماندري بيه مغرور يلعب علينا

الردألعب عليك إشلون وانت أعز مني
أو صدقني مو مغرور يالتتهمـني

بطلت ممشى الحيل قمت أمشي تاته
أومثل اليقودن بيه أمه أو خـواتـه

لو ممشى عشر اسنين أمشيها واكثر
ماأتعب وما جوز من حب الأسمـر

دارميات من تأليف كريم العراقي :


لا بيَّ أروح أوياك .. لابيَّ أخَّــــليك
ساعه العذاب اوياك..ساعه الأمل بيك.
******
نتعذب آني وياك .. حُكـــم الليالي
ما بيهه لذه الآه ..للكَلبه خــالي ..
******
أسمع سمع بالعيد .. مادامــك بعيد
ما باوست خـَّدين ..ما صافحت إيد.
******
لامعتبرني إهواك .. لا إنته ناســي
مثل الشمع ظليت .. ناري أعله راسي ..
كريم العراقي1974


دارميات من تأليف رحيم العراقي :
يلســـــافرت لبعيد // من بين الهموم
حتى إنتظارك عيد // لوحـبَّك إيدوم..
****
لالا تظن أنســـاك // لوتنســـــــه ودي
دمعتك وإنته إهناك // تجري إعلى خدي..
*****
يلسافـرت لسنين // غــيّرت طـبعــك
ومن سافرت للحين // كل يوم اودعك..
****
كم غربة مّرت بيك// يحجولي عنهه
أصعبهه غربة ناس // داخل وطنَّهه..

رحيم العراقي

السلام عليكم

شكرا لك استاذ عادل العاني على المرور وعلى الاضافة القيمة

اما مساجلة الدارمي

فهذه يا اخي تحتاج الى تواجد اعضاء عراقيين هنا

وانت تعرف ان المنتدى لا يوجد فيه اعضاء من العراق بالقدر المطلوب والذي من خلاله يتم التواصل بعمل مساجلة بين الاعضاء

مودتي لك
تشكرات

استاذ علي جاسم ...
أثني على طلب الاستاذ العاني
نريدها مساجلة
وانا أسجل حضور هنا ..

.................................

الاستاذ العاني :

خَـلْ روحَـــكْ إبعِـز دوم بالك تذلهــــا
ولا تطلب الحاجــات إلاٌ من أهلهـــــــــــــا

غصبن عليـٌه الروح آنـه الأذلهـــــــــــــا
محتـــــــــاج والحاجات ماهُـمٌـه أهلهـــــــا

هناك رد آخر عليها هو :

خَـلْ روحَـــكْ إبعِـز دوم بالك تذلهــــا
ولا تطلب الحاجــات إلاٌ من أهلهـــــــــــــا


متوازي والحاجات غيّاب أهلها
وبهالزمان الروح مجبور أذلهـــــــــــــــــا


احترامي

ميــــــــــــنا

ومن طريف الدارمي وحديثه , ما وصلني على الجوال :

القلب نص الليل حنّ وذكركم
والعقل مثل الرام يخزن صوركم ..

وجاء ردي عليه وبشكل عفوي ومباشر :

يا رام يا رامين ألتحجي عنّا
صوركم بنص العين وبصف جفنّا


.....

استاذ علي جاسم هل ينفع هذا للتواصل ؟

احترامي

ميـــــــــنا