تويت
مونولوغ هو وهي
رُوحِي رُوحِي
*********************
روحي روحي الله يسهل
راني غي شومور معطل
لقراية خذات ليا صغري
لاحتلي شهادة ف كبري
وهاذي سنين وآنا نجري
تا شاب راسي وآنا دري
لا خدمة لقيت ولا ردمة
ومثالي كثار وب لعرمة
كذا واحد قالولو رصا
حتى تخوا شي بلاصة
ملي برگم شبعوه عصا
كماها الزغبي ب لفقصة
انت ك تقلبي على راجل
خدام ب لقفة عليك يدخل
وأناغير بيطالي عاطل
نخاف يلا تزوجت نحصل
يا بنت الناس روحي روحي
صُومي عليا وفيَّا سَمحِي
**************************
سمحلي نقولَّك ياولد الناس
راني واعية ماناشي طماعة
ظاهرلي قولك ما ليه لساس
آناغير سولتك على الساعة
ماكنتشي نظنك هكذا حساس
لبنات ماهوما سلعة وبضاعة
معروضة تتباع ل كل ترَّاس
الزواج تراضي ومعاه الطَّاعة
ديرها ف بالك حُطَّها ف الراس
بيت العشرة ماتبنيه فقاعة
تتفركت كل ماتنداس
ايلا حسبتيني ليك تبَّاعة
بلا شك ساكنك لوسواس
*********************
المريني ادريس
القصر الكبير بتاريخ : 18 / 11 / 2015
*********************
روحي روحي الله يسهل
راني غي شومور معطل
لقراية خذات ليا صغري
لاحتلي شهادة ف كبري
وهاذي سنين وآنا نجري
تا شاب راسي وآنا دري
لا خدمة لقيت ولا ردمة
ومثالي كثار وب لعرمة
كذا واحد قالولو رصا
حتى تخوا شي بلاصة
ملي برگم شبعوه عصا
كماها الزغبي ب لفقصة
انت ك تقلبي على راجل
خدام ب لقفة عليك يدخل
وأناغير بيطالي عاطل
نخاف يلا تزوجت نحصل
يا بنت الناس روحي روحي
صُومي عليا وفيَّا سَمحِي
**************************
سمحلي نقولَّك ياولد الناس
راني واعية ماناشي طماعة
ظاهرلي قولك ما ليه لساس
آناغير سولتك على الساعة
ماكنتشي نظنك هكذا حساس
لبنات ماهوما سلعة وبضاعة
معروضة تتباع ل كل ترَّاس
الزواج تراضي ومعاه الطَّاعة
ديرها ف بالك حُطَّها ف الراس
بيت العشرة ماتبنيه فقاعة
تتفركت كل ماتنداس
ايلا حسبتيني ليك تبَّاعة
بلا شك ساكنك لوسواس
*********************
المريني ادريس
القصر الكبير بتاريخ : 18 / 11 / 2015