تويت
.........قصة الأخلاق......
اليوم عندي ليكم احكاية
نحكيها اللبعيد واللي احذاي
نترجى منها حسن الهداية
اقبل ما تخطفنا المنايا
هما اثلاثة هازين الراية
الصدق والشهامة والأمانة
اتصنطو راه هذي غي البداية
أو تبعوني حتى للنهاية
الصدق انتفض أو گال
ابقاو اعلي عوال
راه ما ايهمني لا جاه لا مال
دازو به للسوق يا احبابي
أو سولو واحد المرابي
بشحال هاذ السلعة ازوينة
راها عمرتنا عينينا
واش من لعروبية
ولا من لمدينا
گال هذي سلعة من اتشينا
جاية من برا العندي حينا
واحلف عليها اليمينا
او تلفنا گاع اللي اقرينا
الصدق ارجع افحالو
إجر اذيالو
واتغيرت احوالو
مين القا لكذوب هو راس مالو
گال الراوي نمشيو انشوفو الأمانة
واش باقية عذرا كي الرمانة
ولا اتوسخت كي الذبانة
امشينا عند مو لخزين
ذكرناه ابذاك الدين
فين امانتنا يا عمو الأمين
أشمن امانة ابغيتو؟
شوف راكو اتعديتو
رجعو مين جيتو
شوف لمن افلوسكم اعطيتو
راكو وقيلا انسيتو
الراوي حك ف راسو
او هز الصدق والأمانة
وارجع لناسو
اكالهم كل واحد يشرب من كاسو
راه الناس اعليكم داسو
سيرو ..كل واحد يرجع إكمل انعاسو
الشهامة انتفضت وابكات
لما شافت الأخلاق اتهلكات
او من الحقيقة اتعرات
الشهامة حست بالغدر
لما اتعداو اعلى الصدق والامانة
سكتت ما ابغات تهدر
واتحكمت ابقلة لقدر
رجعو هما اتلاتة اللقصر
عند ملك الأخلاق
باش للحق ينتصر
لكن ملك الأخلاق
كبر أو زاد كبر
واعطى اوامرو
يتحفر اقبر
يدفنو فيه الصدق
اللي ما ابقا عندو اعذر
والامانة ...
اللي دازها الزهر
والشهامة اللي المجتمع
ليها اتنكر..
يا اخوتي ...آش هاذ المنكر
الإنسان لمربي ... اتحكر
والإنسان البلعاط...ولا عنتر
الكذاب...اتقوى واتجبر
ولينا عايشين ف ازمان كور
لوز واعطي اللعور...
سيرأو زيد سير
الله يعطينا الصبر.
..... محمد مهداوي..........
اليوم عندي ليكم احكاية
نحكيها اللبعيد واللي احذاي
نترجى منها حسن الهداية
اقبل ما تخطفنا المنايا
هما اثلاثة هازين الراية
الصدق والشهامة والأمانة
اتصنطو راه هذي غي البداية
أو تبعوني حتى للنهاية
الصدق انتفض أو گال
ابقاو اعلي عوال
راه ما ايهمني لا جاه لا مال
دازو به للسوق يا احبابي
أو سولو واحد المرابي
بشحال هاذ السلعة ازوينة
راها عمرتنا عينينا
واش من لعروبية
ولا من لمدينا
گال هذي سلعة من اتشينا
جاية من برا العندي حينا
واحلف عليها اليمينا
او تلفنا گاع اللي اقرينا
الصدق ارجع افحالو
إجر اذيالو
واتغيرت احوالو
مين القا لكذوب هو راس مالو
گال الراوي نمشيو انشوفو الأمانة
واش باقية عذرا كي الرمانة
ولا اتوسخت كي الذبانة
امشينا عند مو لخزين
ذكرناه ابذاك الدين
فين امانتنا يا عمو الأمين
أشمن امانة ابغيتو؟
شوف راكو اتعديتو
رجعو مين جيتو
شوف لمن افلوسكم اعطيتو
راكو وقيلا انسيتو
الراوي حك ف راسو
او هز الصدق والأمانة
وارجع لناسو
اكالهم كل واحد يشرب من كاسو
راه الناس اعليكم داسو
سيرو ..كل واحد يرجع إكمل انعاسو
الشهامة انتفضت وابكات
لما شافت الأخلاق اتهلكات
او من الحقيقة اتعرات
الشهامة حست بالغدر
لما اتعداو اعلى الصدق والامانة
سكتت ما ابغات تهدر
واتحكمت ابقلة لقدر
رجعو هما اتلاتة اللقصر
عند ملك الأخلاق
باش للحق ينتصر
لكن ملك الأخلاق
كبر أو زاد كبر
واعطى اوامرو
يتحفر اقبر
يدفنو فيه الصدق
اللي ما ابقا عندو اعذر
والامانة ...
اللي دازها الزهر
والشهامة اللي المجتمع
ليها اتنكر..
يا اخوتي ...آش هاذ المنكر
الإنسان لمربي ... اتحكر
والإنسان البلعاط...ولا عنتر
الكذاب...اتقوى واتجبر
ولينا عايشين ف ازمان كور
لوز واعطي اللعور...
سيرأو زيد سير
الله يعطينا الصبر.
..... محمد مهداوي..........