بسم الله الرحمن الرحيم
السلام عليكم ورحمة الله وبركاته
احبتي
اسعدني انظمامي اليكم واشكر جميع من يخدم الادب العرب
و
شكر خاص
لجميع القائمين على هذا المنتدى الرائع
واتقدم لكم في قصيدتي هذه
التي لم تعرض كامله في شاعر المليون الجوله الاولى
واعدكم في الجديد


(الثمانين)


[poem=font="Simplified Arabic,5,black,bold,italic" bkcolor="transparent" bkimage="" border="none,5,white" type=2 line=0 align=center use=ex num="0,black"]
ياعارفة وجه الـردى لا تبوحيـن=طفي سراج المعرفة داخل الصوت
خليني أجهـل سيرتـه للثمانيـن=ولا يعجلني قبـل سـره المـوت
والنشوة الي راس ماله قلاصيـن=أصارع الأمواج به وأركب الحوت
سر العنب يا جاهل أيـام لونيـن=خلى شراكتنا على حبـة التـوت
من يومهـا لليـوم حنـا غنييـن=مليون واحد واشتركنـا بتابـوت
لا والي من اليوم والكـل واليـن=والكون طفرة لا تقولون ملكـوت
آمين قولو لأولـه بآخـره ميـن=قاد السرايـا بدلـو قاديـا بـوت
السين كاف الماريه ياسع الصيـن=بناتها من كـي لينـه بـلا لـوت
نسى العبث بعروقنا وأنبعث ديـن=العارية تلبس على نصفها كـوت
يعني بقى يا جاهلي بـس ردفيـن=واللي يشوفون ألرديه سمل لـوت
شفهم على صفوة حليبـه مربيـن=اليوم عن نهج السلف مالهم قـوت
ببيوت كانوا جبلته جيل من طيـن=واليوم جيلٍ طينوا عيشـة بيـوت
اللي وضع سبعه على نار ستيـن=في أربعينه يا عمت عين جالـوت
الناصر الله مـا نصرنـا معييـن=والواحد الثاني على ثامنـة فـوت
والعاشر اللـي وحدتـه الملاييـن=ورث لهم صفره من الزاد والقوت
صاحت يمامه غيرة التغلبي ويـن=والزير عمه لابس ثيـاب ياقـوت
يا زهرة ألحانه كفى مـا تغنيـن=دامي وصلت لبكر الأمجاد بسكوت
غني على شان الدفى من تشاريـن=هزي لنا هزه على فايـت الفـوت
لا تذكرين البن والهيل يـا ميـن=يسقيني الفنجـال بـذراع مليـوت
هاتي لي اللي راس ماله قلاصيـن=أصارع الأمواج به وأركب الحوت
دامي عرفت اللي بوجه الردى زين=خليني أفهم وش يخبي لي المـوت
يا عارفه ما قلت لك لا تبوحيـن=أحرقتي سنيني على سيرة الصوت
واليوم أحس إني دخلـت الثمانيـن=واللي بقى حفره وخامه وتابـوت [/poem]