تويت
عمايل ألوزه 5
سلقط ملقط وزه بتلـقط
عامله حكاية ودايره رحاية
نافشه الريش وغاوية جناية
جو البيت و كآبه الزيت
ولما بتخرج تعـــمل كُتْكُتْ
بدهـــا تمشي على شعرايه
داخله تكشر طالـعة تكشر
فارده قلوعها وراكبه المـركب
ولما بتمشي بتعمل شكشك
كيف مقلاية على غلاية
شاده المنشر ورافعة القنطر
فاكره غسيلها مسك وعنبر
حمزة أبـوها وبعــلها عنتر
ولما بتحكي خــشمها نشتر
راسمه حكاية على فلايه
سايبه عيـــالها على حدايه
جو جحورهم في الحلـفايه
حالفه يمين على القطمير
لا زم تسكن فــوق البير
قرفت تشرب مية الزير
مخها ضارب وعقلها فارغ
عايشه في دنيا مليها قوارب
كل ما تبحر عقلها ضارب
وبدها تقتل بسم عقارب
طعمها مر عكس الُبر
واللي واخدها شايف المر
حتى الدم ما فيه يخر
سلم أمره لخالقه وربه
وغمض عينه وأسبل جفنه
غابت شمسه وكفن عزه
عاش يراود بنت مهاود
طاطا براسه وبده تهاود
أما الخــالي معايزه يعاود
حكم القــاضي أنه معاند
عاش يزمر ليه يتعايب
قال أشكيها وعم ماليها
عمر وعدى أراوض فيها
أسكت ياابني أنا شاقيها
كسرت شوكته وهدت حيله
مين يصدق كيف بتجيله
حتى القاضي ليها ميال
عنده قانون للغزلان
أصدر حكمة بكل جرآه
إن الوزة بنت حداقة
صادقة وعاقله وفيها لباقة
عايزه وزير يكبش من البير
كيس متعبي وغزله حرير
أما صاحبها بات خنزير
يلزمه مكبس أو خراطة
تطحن عضمه طحن سلاطة
وتسلم لينا بنت حداقة
وفضل الحال ع دا الحال
واللي خربها عبد العال
سلقط ملقط وزه بتلقط
واللي ما عاجبه يروح في لمان
بقلم // سيد يوسف مرسي
