تويت
زماني تْعدَّي و فاتْ
بقلم
منيرة الفهري
قصيد باللهجة العامية التونسية
َ زماني تعَدّي و فَاتْ
لا تِبْكِ يا ْولِيدِي
لا تْسَيِّلْ الدّمْعَاتْ
أُخزُرْ لقُدّامْ و تْعَدَّى
لا تْوَقْفِكْ لا مْحَايِنْ
وَ لا شِدَّة
امِّيمْتِكْ هَانْ عَظْمِي
وِ شْحِبْ
صِرْت منِ الماضِي
زْمانِي غَابْ تِحْجِبْ
صِرْت ذِكْرَى جْمِيلَة
في قْلُوبْ بَاكِيَة
وِ عْلِيلَة
ذكري بعيدة
ذكرى تشقّ القَلْب ّ
بزفرتَه و تنهيده
كبِّرتْ...ربِّيتْ
فرِحْت..تألمِّت..تعذِّبت
و بعض أحيان بْكيت
م الزمان و غدرَه
م الجْراح تْعود و تَبرا
م الزمان و مْحاينَه
منْ خُوفي علِيكم
م الوْجَع و قْراينَه
بْكيت بحُرقة
نهار الرْحيل و الفُرقة
يُوم تْفِيق
عقاب طريق
ما تَلقي المِّيمَة
الباهية..الفْهيمة
الفْراق صْعيبْ
يمزّق الجْواجي سامُور نار
حامي..لهيبْ
الفراق مُرْ
بعد الوِلفة و عِشرة العمر
هي الدنيا بمُرْها و دْرَنْها
ما نقدر نغيِّر شَرْعها
و سنُنْها
جفّفْ دمِيعاتِك
و احضُنْ حياتِك الزّاهية
و ساعَاتِك
داعْيِتْلِك بالخير و السْلامة
بعُمْر جمِيل
سْعِيدة ايَّامه
ربِّي يْلِم شمْلكُم
يحْمِيكُم
و يَصْلَح رايْكُم
يِهْديكُم
بقلم
منيرة الفهري
قصيد باللهجة العامية التونسية
َ زماني تعَدّي و فَاتْ
لا تِبْكِ يا ْولِيدِي
لا تْسَيِّلْ الدّمْعَاتْ
أُخزُرْ لقُدّامْ و تْعَدَّى
لا تْوَقْفِكْ لا مْحَايِنْ
وَ لا شِدَّة
امِّيمْتِكْ هَانْ عَظْمِي
وِ شْحِبْ
صِرْت منِ الماضِي
زْمانِي غَابْ تِحْجِبْ
صِرْت ذِكْرَى جْمِيلَة
في قْلُوبْ بَاكِيَة
وِ عْلِيلَة
ذكري بعيدة
ذكرى تشقّ القَلْب ّ
بزفرتَه و تنهيده
كبِّرتْ...ربِّيتْ
فرِحْت..تألمِّت..تعذِّبت
و بعض أحيان بْكيت
م الزمان و غدرَه
م الجْراح تْعود و تَبرا
م الزمان و مْحاينَه
منْ خُوفي علِيكم
م الوْجَع و قْراينَه
بْكيت بحُرقة
نهار الرْحيل و الفُرقة
يُوم تْفِيق
عقاب طريق
ما تَلقي المِّيمَة
الباهية..الفْهيمة
الفْراق صْعيبْ
يمزّق الجْواجي سامُور نار
حامي..لهيبْ
الفراق مُرْ
بعد الوِلفة و عِشرة العمر
هي الدنيا بمُرْها و دْرَنْها
ما نقدر نغيِّر شَرْعها
و سنُنْها
جفّفْ دمِيعاتِك
و احضُنْ حياتِك الزّاهية
و ساعَاتِك
داعْيِتْلِك بالخير و السْلامة
بعُمْر جمِيل
سْعِيدة ايَّامه
ربِّي يْلِم شمْلكُم
يحْمِيكُم
و يَصْلَح رايْكُم
يِهْديكُم
تعليق