[frame="13 70"]غريبةالاهل والدار

خيا العمر وحل ع باب خيامنا وكتر
وشفت بزماني الموت ولحم ولادنا واكتر
وعقد الحبل مشدود فوق وتاد منسية

مــجــد

خيتي العمر مش أيام نمضيها
العمر حب الوئام
وصفحات الألم نطويها
ونولع الشمعات
نهزم الظلام
وخيام العز
بالأمل نضويها
وتعيش أطفالنا
تحقق الأحلام
وتراب الوطن
بالحب نرويها
تفرح العصافير
ويغني الحمام
وزغاليل صغار
تكبر في روابيها


غريبة الأهل والدار
خيا بعيش بدل
والسياق حامل سيف ع الرقبة
بذكر وطن بنجن
ما في غير هالخيطان تجر بعين الإبرة

مــجــد

خسا الذل وان طب
بحدائك لان الذل للاندال راية
مش لصبية بنت حرة وحر
تزين الشرف بغصون زاهية
السياف والي حمل
سيف العهر
ما نال من عفة العذرا
ولا من الطهارة


تفضل كفن لشافنا تاتموت كل الحروف
ها لكلمة
وحامل با يدو حساب وجدول ضرب فاتل بوز
بالعقدة
اما تعيش بدل او تندار
متل الموت ع القبلة


مــــجـــــد
الشفايف لو خيطولها كفان
تبقي تغرد بديرتنا
وتغني للوطن اجمل الالحان
اوف وعتابا وميجانا
حتى ولو ضاعت كل الحروف
حرف الفاء يعود يلملمها
والكلمة تيقى صدق
وفا وايمان
وخيمة حب تجمعنا
وعمر الحر ما عاش بدل وهوان
طريق الموت بالعز عبدنا
وعهد الله والوطن والفرح والاحزان
غير فلسطين ما تكون قبلتنا


غريبة الاهل والدار

خايفة تقول الناس انو الليل من كتر السهر مطر
قهر الزمن ما عاد للغياب دمعة شوق يتحمل
كتر المغص بالقلب شل دراعنا وكتر

مــجـــد
خيتي لا تخافي شو بقولو الناس
انت قد الجبل واكبر
والجبل ما خاف من زحف الافاعي
ولا من لسعة عقربة واكتر
واسهري ليلك وافرحي بشوقك
وارسمي احلامك بالغصن الاخضر
شيلي القهر وافرحي القلب
وخلي سماك بحبات المطر
تفرح سنبلة تزهر

غريبة الاهل والدار

وحتى الدمع ممنوع من العيون يتصدر
قالو على الحدود ان العين منها الارض
تتطهر
خيا بحن كتير بكتر حدودنا واكتر

مــجـــد
مشتاقة ياما احلى شوق الغريب في الغربة
دمع ينساب من عيون حلمانة ع خدود وفية
وحنينك يا ما احلى حنينك مليان بشوق وحنية
وعيونك ما احلى عيونك تبرق بصبر يسوع عالاذية
وحبك ما احلى حبك ما حبة يوم الا رابعة العدوية

غريبة الاهل والدار
نفسي انام الليل فوق كتاف هالوادي
واصحى الصبح بكير قبل ما الشمس تشرق
واسمع صياح الديك فوق حدود دمعاتك

مــجــــد

اكتاف هالوادي ياختي
اكتافي انا
نامي واحلمي واسترخي
بهنا
والصبح لما تفيقي بكير
تلاقي العصافير تفرح
بالغنا
مع ادان الفجر يصيح الديك
وبصوتة المخملي يتحنا
السما


غريبة الاهل والدار
وخل يالشمس تجرف اسم الحدود حتى تعود بسمتك
بلكي الارض تفرح مع النسمات شتوية
وقرص الشمس من فوق هالغيمات
يتحول

مـــجـــد

ومين الي منع الشمس عنا
ومين الي على الحدود نيمنا
ومين بالشيب جنزرنا
ومين بالغربة مرمرنا
مين سبنا ومين شتمنا
ومين ملا السجون منا
ومين اللي ذبح أحلامنا
واللي قصف بالموت مخيمنا
أشكركم أشكركم
يا عرباني[/frame]