بحـب الحكـومـة

**د/ أحمد الليثي** · 14-04-2009, 06:14

المشاركة الأصلية بواسطة سيدة الشولى مشاهدة المشاركة

أنتم كمان بتحبوا الحكومة ؟!
وأنا كممممممممممممممممممممممممان
دي حتة ست زى العسل

الأخت سيدة الشولي عندنا، يا دي الهنا اللي احنا فيه.
أشرقت الأنوار أختنا الفاضلة. سعدت بوجودك في متصفحي المتواضع.
دمت سالمــة.

**د/ أحمد الليثي** · 14-04-2009, 06:19

المشاركة الأصلية بواسطة رنا خطيب مشاهدة المشاركة

بحبك يا حكومة بطريقتي أنا
بحب فيك نقائك وسط سواد الغيوم
و بحب فيك إخلاصك وسط الغدر المكنون
و بحب فيك تفانيك في قضايا الهموم
و بحب فيك خططك للاقتصاد الهابط من القمم إلى الحفر
و بحب فيك سجونك مصنوعة بقضبان الذهب للحر و المظلوم
و بحب فيك إعلامك في سفر الكلمة المجون
و بحب فيك رعايتك لشعبك المستسلم المظلوم

دنت وكلة عقلي و قلبي يا حكومة.. و مهما قلت فيك نثر مش حوفقيك حقوقك يا غالية

الأستاذ د. أحمد الليثي..
أشكرك.. عجبني حبك للحكومة..

و من الحب ما قتل.. و ربنا يستر

مع التحيات
رنا خطيب

الأخت الفاضلة الأستاذة رنا
شكر الله مرورك.
المواطن اللي ما يحبش حكومته يستاهل كل اللي يجرى له. هي يعني الحكومة هتعمل لنا أيش ولا أيش؟ يعني هتشوف للناس وظايف، ولا تنضف الشوراع، ولا تبني بيوت، ولا تأكِّل الجعانين، ولا تقضي على الفساد ... إلخ. مش معقول يعني هتعمل كل ده. فهي بتعمل حاجة حاجة. كان الله في العون. صحيح شعوب تخاف ما تختشيش.
دمت سالمــة.

**د/ أحمد الليثي** · 14-04-2009, 06:35

المشاركة الأصلية بواسطة بنت الشهباء مشاهدة المشاركة

وهو في مواطن أصيل ما بحب الحكومة اللي كل يوم ما بتقبل إلا تسدّ تمه برغيف شعير !!!؟؟....
في واحد ما بحب الحكومة وهي بتحارب كل شريف ونزيه وبتنادي بأعلى صوتها يعيش كل من باع شرفه وراح المسرح ليرقص مع الوزير وأخت الأمير !!!؟؟...
في واحد لئيم وجبان ومنافق ما بحب الحكومة بعد ما فتحت له شركات النصب والاحتيال والتزوير !!!؟؟...
خلينا يامواطن ساكتين ونمشي الحيط الحيط ونقول ياربي السترة والعافية والموت على الايمان يارب يا سميع يا مجيب

الأخت الفاضلة الأستاذة بنت الشهباء
شكر الله مرورك وتعليقك.
لكن يبدو إن الحكومة اللي بتتكلمي عنها غير الحكومة اللي أنا باتكلم عنها. دا انا من حبي فيها عايز أموت علشان أوسَّع مكان لغيري يحبها، تيجي انتِ تقولي نصب واحتيال وتزوير. بقى ده اسمه كلام؟
عن نفسي أنا بادعي للحكومة في كل صلاة وباقول: أسأل الله أن يرفع الحكومة.
دمت سالمــة.

**رزان محمد** · 14-04-2009, 09:42

مش بس الحكومة وكمان الرئيس/ من بريدي ولكن لاأعرف اسم الكاتب

أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول
مشغول انه يلم فلوسنا
بره سويسرا يحوشها لنا
وف حسابات سريه يشيلها
نفسه يأمن مستقبلنا
شفتوا ازاى بقى قلبه رحيم
عنده ايمان وضميره سليم
بيجوعكوا لأجل تخسوا
آه ياشعب يا محتاج لرجيم
من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟
أما حكاية المنتجعات
ليه تسموها المعتقلات؟
ليه الظن وسوء النيّه
نفسه يفسحكوا يا بهوات
أما الكرسى واللى اتقال
دا كلام مش محتاج لسؤال
الغلطه دى غلطتنا يا عالم
إن مجبناش كرسى تيفال
والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل
بعد دا كلّه........ماله الريس؟؟؟؟؟؟؟؟؟؟؟

**دكالي** · 14-04-2009, 12:20

السلام عليكم

**دكالي** · 14-04-2009, 12:45

اتقوا الله في خدام أوطانكم
ألم تكونوا أمة واحدة فأصبحتم بنعمتهم أوطانا

**محمد فهمي يوسف** · 15-04-2009, 02:08

طبعا أحبها

الحكومة دي أمنا .
جت وارتمت في حضننا
واحنا ولادها من جهلنا
سرى دمها في دمنا
العدوى انتقلت منها لنا

===
صرنا ندافع عنها قوي
وهيا ما فيها واحد سوي

====
اذا كان رب البيت بالدف ضارب
فشيمة أهل البيت كلهم الرقص .
وأنا با حب الحكومة قوي . قوي .

**د/ أحمد الليثي** · 15-04-2009, 15:20

المشاركة الأصلية بواسطة أمل محمود مشاهدة المشاركة

أحبُّ رحماً حكمني زمناً
والداً والدةً
مدرسةًً معاهداً
تعلَّمنا فيها أن نخيطَ جلدَّ التماسيح
ملابساً تحمي حبَّنا
ترعاه لينمو زهوراً ورياحين
عبرَ محطَّاتٍ زمنيةٍ
تركت فيها
حكوماتٌ وحكوماتٌ ندوباً غيَّرت ألوانها
أشكالها التي تهجَّنت ,غريبةً عن أفهامنا ,عقولنا
لكننا نحبُّها لنعمِّرَ كوناً رسمَ الحبُّ جدرانه.

دكتور أحمد الليثي :لهجة مصرية محبَّبة إلى أفئدتنا.

الأخت الفاضلة الأستاذة أمل محمود
شكر الله مرورك وإضافتك الجميلة.
دمت سالمــة.

**د/ أحمد الليثي** · 15-04-2009, 15:23

المشاركة الأصلية بواسطة رشا عبادة مشاهدة المشاركة

[align=center] اااااااااااااه
قولتولى فيما يرااه النائم
لامؤاخذه... اصلى غشيمه
وصواميل دماغى شويه... قديمه
والقمحه عند الفرخه
والفرخه هبله وسارحه
فى الشارع لابسه طرحه
وبتهتف.....
كاك..... كاك... بيب ... بيب
يا حكومه... سرقه وتهليب
قصدى يا ... غاليه يا ريحة الحبيب
على راسنا .. انشاله تلبسى قباقيب

قولتولى حكومه....
اااااه لامؤاخذه
اصلى عاطله وماليش لازمه
يعنى قصدى عايشه ... عاله
مع انى بكالوريوس فى فن تدوير الزباله
يعنى تحويلها لبلاستيك
ولا... سلك
او حتى.... استك
والشكوى لغير الله... محاله

قولتولى بنحب الحكومه

لامؤاخذه
اصلى عانس بالوراثه
مخطوبه من ايام ما الريس مسك الرياسه
بنحوش فى تمن الشقه
وحق اللقمه ...ام دقه
وعريسى فضله .. زقه واجوزه فى الارافه

قولتولى
حب ايه... اللى انتوا جايين تقولوا عليه
بس انتوا قبوا بخمسه جنيه
وانا اروح اجرى ورا الفرخه
واهتف وانادى وبأعلى صرخه
بحب الحكومه... بحب الحكومه
مع انى عاميه ..وخرسا ...وطرشه
ويلا تقعدوا بالعافيه ويدوم الحب اللى يجيب الكافيااااااا

تحياتى وكده يا استاذنا الجميل[/align]

الأخت الفاضلة الأستاذة رشا عبادة
شكر الله مرورك، وإضافتك التي أضفت على متصفحي المتواضع رونقاً وبهاءً.
كفانا الله وإياكِ شر اللي ما يتسموش.
دمت سالمــة.

**د/ أحمد الليثي** · 15-04-2009, 15:29

المشاركة الأصلية بواسطة الإبراهيمي مشاهدة المشاركة

دكتورنا الحبيب
فكاهية ولذيذه
إكتشاف لحب جديد
ولكن سؤال
هل الحكومة يكفيها هذا الحب

الحب ده خطوة ف طريق
زي قشـة ف إيد غريق
لو انت كلك كنت قشـة
الحكومة بمِيت حريـق

.

**د/ أحمد الليثي** · 15-04-2009, 15:37

المشاركة الأصلية بواسطة بتول عبدالرحمن مشاهدة المشاركة

الحكومه نحبهم ابينا ام رغبناا
شكرا لك وبوريك فيك

ليـه الرفض يا ست بتـول؟
أحلف لما حكومتي تقول
قلبي يرفرف كده على طول
والقى الفرحة تجيب لي ذهول.

**د/ أحمد الليثي** · 15-04-2009, 15:42

المشاركة الأصلية بواسطة محمد فهمي يوسف مشاهدة المشاركة

وأنا أحب الحكومة والنظافة .
أخي دكتور أحمد الليثي
كما كنا معا نقول:
كلنا بنحبك يا حمار.

الحكومة والنضافة
هما دول أصل اللطافة
إملا جيبك عبِّي كرشك
والحكومة تحش وسطك
بعد نفخة وعيش ألاطة
تلقى نفسك ع البلاطـة.

**د/ أحمد الليثي** · 15-04-2009, 15:46

المشاركة الأصلية بواسطة رزان محمد مشاهدة المشاركة

أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول
مشغول انه يلم فلوسنا
بره سويسرا يحوشها لنا
وف حسابات سريه يشيلها
نفسه يأمن مستقبلنا
شفتوا ازاى بقى قلبه رحيم
عنده ايمان وضميره سليم
بيجوعكوا لأجل تخسوا
آه ياشعب يا محتاج لرجيم
من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟
أما حكاية المنتجعات
ليه تسموها المعتقلات؟
ليه الظن وسوء النيّه
نفسه يفسحكوا يا بهوات
أما الكرسى واللى اتقال
دا كلام مش محتاج لسؤال
الغلطه دى غلطتنا يا عالم
إن مجبناش كرسى تيفال
والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل
بعد دا كلّه........ماله الريس؟؟؟؟؟؟؟؟؟؟؟

يِعْمِر بيتك ست رزان
أيوه الريس بقى غلبان
يصحى صداع، وعليه بينام
حبـة عينى عليه تعبــان.

والتشكيل عليكم انتم.

**د/ أحمد الليثي** · 15-04-2009, 15:58

المشاركة الأصلية بواسطة دكالي مشاهدة المشاركة

السلام عليكم

وعليكم السلام.

**رزان محمد** · 15-04-2009, 16:56

يِعْمِر بيتك ست رزان
أيوه الريس بقى غلبان
يصحِّى صداع، وعليه بينام
حبـة عينى عليه تِعبــان.

كم علامتي دكتورفي فحص التشكيل؟

بحـب الحكـومـة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث