تويت
بيني وبينك يا الشـربيني
عقل مراتي هو اللي كاويني
صوم رمضان يعني مصبَّرْني
وِمْراعي فيهـا ربي وديني.
في اليوم تعمل لها كام عملة
والفيـل عندها يصبح نملة
وِانْ قلت يا هانم ما يصحِّش
تعمل لي قضايا وبالجُمـلة.
لما زهقت، وآدي مـرارتي
طقِّت، واحكي لك عن حالتي
يمكن ألاقيك كده تعـذرني
ما خلاص الناس جايبة ف سيرتي
قالت نِفسي ف كحك العيـد
في صـواني، وحبِّة تجـديد
وشوية شوية لقيت نفسـي
متورط وهاروح في حـديد.
أصل الهانم وبسلامتـها
من غير ما اعرف، و"بشطارتها"
راحت رهنت عفش البيت
عند شلاطة بن ام خيبتها.
وده واد مؤذي زعيم عصابات
كل تعامله ده بالدراعـات
وان ما دَفَعْت يا حبـة عيني
ينزل فيك ضرب بونيَّـات.
وانا يعني صحتي على قدي
حساس ودموعي على خدي
جنب الحيط هو شعار عمري
وماليش في السكة اللي تودي.
جيت من شغلي لقيت ستات
م الحتة وصبيـان وبنـات
قاعدين يفتلوا كحك ف بيتي
ويرصوا في صواني وصاجات
قلت يا هانم كـده تبذير؟
قالت عيـد والشغل كتير.
قلت خلاص أدخل وأريَّح
رحت أنام ما لقيتش سرير!
يا نهار أزرق على عِنّـابي
فين يا وليّة سريري ودولابي؟
ضَرَبِتْ لَخْمَة ورَقَعِتْ صوت
لخبط حال أهل جنـابي!
هو سريرك أيه يا مكحكح
قوم ياللا اتحرك واتلحلح
بُص في قايمة يوم تعاستنا
شوف اسمي منوَّر، يا متنَّح؟
أيوه رهنت يا خويا حاجاتي
لاجل اعمل لك كحك نباتي
بالسمن البلدي اللي ما شفته
في حياتك يا مسود لي حياتي.
شوفوا يا خواتي يعض الإيد
وصـوابعي شمعة وبتقيـد
دا العفش اتنيِّـل واتهكَّـع
قلت أجيب عفش وتنجيـد.
يبقى جـزاتي ان انا حبيت
أفرح ف العيد واملا البيت؟
أيوه صحيح راجل ما بيفهم
ولا عنده شـوية إتيكيت.
يعني ننام ع القايمة يا ناس؟
كيف افهِّم وش النسناس؟
أنا يا خوانَّا خلاص هانشلّ
ضغطي خلاص فرقع ف الراس!
وقعدت يا شربيني يا اخويه
سنتين في ديون مش معقولة
ولحد اليوم برضه غبـاءها
نصين واتقسمت دي الفولة.
أما الكحك يا عيني عليـه
ما اعرف أيه غيَّر حاله أيـه
نص عجين، والنص حـروق
م الدرجة الأولى السـواريه.
بادعي المولى أهوه ف رمضان
تنهدّي يا وش الغِـربان
يا كتيبة أوجاع ومصايب
ودواهـي بكـل الألـوان.
عقل مراتي هو اللي كاويني
صوم رمضان يعني مصبَّرْني
وِمْراعي فيهـا ربي وديني.
في اليوم تعمل لها كام عملة
والفيـل عندها يصبح نملة
وِانْ قلت يا هانم ما يصحِّش
تعمل لي قضايا وبالجُمـلة.
لما زهقت، وآدي مـرارتي
طقِّت، واحكي لك عن حالتي
يمكن ألاقيك كده تعـذرني
ما خلاص الناس جايبة ف سيرتي
قالت نِفسي ف كحك العيـد
في صـواني، وحبِّة تجـديد
وشوية شوية لقيت نفسـي
متورط وهاروح في حـديد.
أصل الهانم وبسلامتـها
من غير ما اعرف، و"بشطارتها"
راحت رهنت عفش البيت
عند شلاطة بن ام خيبتها.
وده واد مؤذي زعيم عصابات
كل تعامله ده بالدراعـات
وان ما دَفَعْت يا حبـة عيني
ينزل فيك ضرب بونيَّـات.
وانا يعني صحتي على قدي
حساس ودموعي على خدي
جنب الحيط هو شعار عمري
وماليش في السكة اللي تودي.
جيت من شغلي لقيت ستات
م الحتة وصبيـان وبنـات
قاعدين يفتلوا كحك ف بيتي
ويرصوا في صواني وصاجات
قلت يا هانم كـده تبذير؟
قالت عيـد والشغل كتير.
قلت خلاص أدخل وأريَّح
رحت أنام ما لقيتش سرير!
يا نهار أزرق على عِنّـابي
فين يا وليّة سريري ودولابي؟
ضَرَبِتْ لَخْمَة ورَقَعِتْ صوت
لخبط حال أهل جنـابي!
هو سريرك أيه يا مكحكح
قوم ياللا اتحرك واتلحلح
بُص في قايمة يوم تعاستنا
شوف اسمي منوَّر، يا متنَّح؟
أيوه رهنت يا خويا حاجاتي
لاجل اعمل لك كحك نباتي
بالسمن البلدي اللي ما شفته
في حياتك يا مسود لي حياتي.
شوفوا يا خواتي يعض الإيد
وصـوابعي شمعة وبتقيـد
دا العفش اتنيِّـل واتهكَّـع
قلت أجيب عفش وتنجيـد.
يبقى جـزاتي ان انا حبيت
أفرح ف العيد واملا البيت؟
أيوه صحيح راجل ما بيفهم
ولا عنده شـوية إتيكيت.
يعني ننام ع القايمة يا ناس؟
كيف افهِّم وش النسناس؟
أنا يا خوانَّا خلاص هانشلّ
ضغطي خلاص فرقع ف الراس!
وقعدت يا شربيني يا اخويه
سنتين في ديون مش معقولة
ولحد اليوم برضه غبـاءها
نصين واتقسمت دي الفولة.
أما الكحك يا عيني عليـه
ما اعرف أيه غيَّر حاله أيـه
نص عجين، والنص حـروق
م الدرجة الأولى السـواريه.
بادعي المولى أهوه ف رمضان
تنهدّي يا وش الغِـربان
يا كتيبة أوجاع ومصايب
ودواهـي بكـل الألـوان.
تعليق