[align=center]
الظلم م الستات
مكتوب حديث وآيات
لو واحدة إسمها نسمة
تقلب تكون فتاكات.

معلهش يا رجالة
الحظ بيكم مالا
والست بعد جوازها
بتربي في العضلات.
[/align]

من الواضح تماماً إن أغلب المشاركين مش عيشين فى مصر

و مش عارفين إن الستات طورت أسلحة العكننة

لدرجة إن البردعى لم يكتشفها

و طبعا الأمريكان مش عرفنها

دة غير النكد الآذلى الضارب فى أعماق

النيل إل نشفوا و لوثوا

كحك آيه إل إنت جايى تقول عليه

الموديلات الحديثة من الستات بتشترى الكحك جاهز يا دكتور

كيلو الكحك ب 60 جنيه

ألطم

إن الزوجة تذبح جوزها عشان كحك العيد أصبحت موضه قديمة

دلوقتى فى خروف العيد و التكيف و الميكروف

يارب كيفهن كمان و كمان

و لو جبتلها لبن العصفور مش راضية

ليه بقى

هما كدة عكننه

لبسهم قبيلة عفاريت ربنا غضبان عليهم

و بعدين أنتم مش حسين بينا مجوزين خوجات

صناعة أوربية

و معلوماتكم عن الصناعة الوطنية الحديثة معدومة

النهاردة فى موديلات

ستات دفع رباعى

يعنى جوزها يقف أمامها

مش تفش جيوبه زى زمان

لالالالالالالالالالالالالا

دة كان زمان

دة بيقلع و يسلملها هدومة

و يدخل البيت بلبوص

زى الفرخة الدايخة

يجيلوا إنفونزا الطيور

يموت تورثه و تجوز غيره

اللهم أرنى فيهن يوماً أسودا

الهم باعد بينى و بينهم كما باعد بين المشرق و المغرب

يارب أشوفهم مولعين بجاز فى ميدان عام

و أتفرج عليهم و هن بيصوتوا

زى ما أنا بصوت من يوم ما عرفتهم

تحياتى أستاذنا الفاضل

الأخت الفاضلة الأستاذة ماجي
شكر الله مرورك وإضافتك الجميلة التي تسهم في إشعال الحرب، وزيادة الخسائر على الجانبين. وهو المطلوب إثباته.
دمتِ في طاعة الله.

الأخ الفاضل الأستاذ أحمد أبو زيد
شكر الله مرورك وتعليقك. وعلشان ما تزعلش خد عندك الكلمتين دول:

[align=center]
كل كحك وانت سعيد
جيب عفش جديد بالتأكيد
والعادة يا سعاده
موجودة وبزيادة
----------------
اضحك الله سنك استاذنا ومعلمنا دكتور أحمد
ودي وتقديري
[/align]

اضحك الله سنك قرئته الان
عندى حل لحضرتك
كعك جاهز بالفستق والبنان
وجهاز ملونكس ومفرمه كمان
ملوخيه جاهزه لصوابع النسوان
وايدك وايدها فى المطبخ يا غلبان
تحبك وتحلف ما شافت غير هالانسان

شكر الله مرورك وتعليقك أخي الفاضل الدكتور مشاوير.
على الله ما تقع في إيد واحدة من هذه العينة.
دمت في طاعة الله.

الأخت الفاضلة الأستاذة سحر الخطيب
شكر الله مرورك وتعليقك.
أنا بالفعل عندي "مفرمة" اسمها "المدام"، بتفرم كل شيء، حتى البشر.
دمتِ في طاعة الله.

د / أحمد الليثى

إشتكينا كثير
و لطمنا الخدود
و رفعنا لله شكونا
الحل آيه
قولى بالله عليك
نطلق و نجوز تانى
ولا نصبر على بلونا
فكرت فى التانية
و التالتة
بس خايف
من عيوب الصنعه
كلهم ماركة مسجلة
سمعت عن خواجة
إخترع زوجة آليه
تسمع و تنفذ من غير عكننه
فكرت أشتريها
خوفت من الكهربا

تحياتى و شكرا

الأخ الفاضل الأستاذ أحمد أبو زيد
شكر الله مرورك.
ومع موقفنا الثابت إلا أنه يجب القول أنه لا عيوب في الصنعة أخي الكريم. فالصانع هو الله عز وجل، وهو القائل "لقد خلقنا الإنسان في أحسن تقويم".

أما الحل فليس الطلاق بالتأكيد، الحل تتجوز أربعة مرة واحدة، وهن يتصرفن مع بعضهن. صدقني، خدها نصيحة من أخوك. هههههه والسبب بسيط وهو أن المرأة تكره ضرتها أكثر من كرهها لزوجها، ولذلك لا يمكن أن يتفقن عليك جميعًا أبدًا. واللي تتفق عليك، بدِّلها بغيرها. هه.

دمت في طاعة الله.

د. أحمد الليثى

ومع موقفنا الثابت إلا أنه يجب القول أنه لا عيوب في الصنعة أخي الكريم. فالصانع هو الله عز وجل، وهو القائل "لقد خلقنا الإنسان في أحسن تقويم".

بالله عليك لا تدفعنى فى حارة ظلماء

الذى أقصده بالصنعه هو فكر المرأة أفكارها تصرفتها ثقافتها أسلوب تعامله مع زوجها
ما إكتسبته من البيئة المحيطة
ولا أقصد الخلق فالخالق لها و لى هو الله

تحياتى و شكرا