صباحكم سكر جميعا
اللى جايين من بعدي
و اللى عدوا من هنا قبلي

أترككم مع أغنية وديع الصافي
دار يا دار ناموا ليه حبايب الدار
إمسكي يا رشا الريمود و علي الصوت

[align=center]" وفضيت علينا الدار
والغربة زى النار"
ذكرتني بأمي
حينما غنى هاني شاكر "أغنية الحلم الجميل"
كانت تقضي ساعات تبكي بعدها
ومع هذا كانت تعيد سماعها
"اقولها هاتفة كمشجعين الكورة كفاية ... حرام"
لكن دون فائدة
أغنية عاطفية كئيبة
بلغة عامية بسيطة ولجن بسيط وصوت دافىء
إستطاعت ان تنتزع من أمي تلك الدموع التي تجمدت طوال ثلاث ايام
"هى ايام تلقى العزاء بوفاة أبي"
عجيبة هى بعض الكلمات وبعض المواقف
وبعض الأشياء الصغيرة حين تفتح لنا مجالا كبيرا
للتفكير والتأمل
تصبح وكأنها نوع من إقتناص الفرص
"يا تلحق يا ما تلحقش"!!


صباحكم بلا دموع ولا أحزان
صباحكم بلا عدوى[/align]

[align=center] صباح بطعم" الرو جاجو" للجميلات الفاتنات
صباح بطعم "سندوتش الفول" لرجال الملتقى واصحاب العقول

صباح عدوى الجمال....
يقولون ان الضحك "معدى"
فأنا أضحك فى الدور الأول
لأسمع صدى صوتي من حنجرة بنت خالتي فى الدور السابع
يأتيني عبر البلكونة
او "شباك المطبخ" أو حتى عبر الهاتف
الأهم أني أنجح دوما بنقل العدوى
حتى أن بعضهم اطلق عليا" فيرس عضال"
فحينما تبتسمون
ابتسم انا
هل تتوقعون ايهما اكثر عدوى
"البكاء ام الضحك أم إنفلونزا الخنازير؟؟
أصابكم الله بمرض الضحك وأصابنا منكم بعدوى دائمة
تحياتي
وشوقي لكل من كانوا ومن مروا
ومن يمرون
وكما قال سيد درويش
"زروني كل سنة مرة
حرام تنسوني بالمرة"[/align]

بمناسبة الذكريات طالما الموضوع إتشح بالسواد و إتنيل بنيله
فكرتوني بقصيدة كتبتهاها زمااااااااااااان عندما قرر وزير التعليم تجريم الدروس الخصوصية و إعتبارها جريمة يعاقب عليها القانون بالحبس و الطرد من الوظيفة في حال ثبوتها ؟ دلدلوا ودانكم و جهزوا إيدكم للــــ الطم ع الخدود
********************************
الحكاية مش جديدة .. دي حكاية كل بيت و كل دار
فـــ الحكاية قال وزيرنا ... فـــ الإعلام بصوت جبار
أنا هــ أقضي ع الدروس .... و أحرق كل الأوكار
و من هنا تبدأ كل الحكاية ... حكاية الألم .. حكاية الندم .. و قفل الدار
********
فضيت مشنة الدار ... و العيشه زي النار
بوظيفة أخر مرار .. و بعت الولية ..
بكل الماهية السوق !
رجعت بكيلو خيار !!!!!!!!!!
******
بعد م كانوا يقولوا ... إمسك حرامي .. بينط ع الأسوار
دلوقتي كمان بيقولوا ... إمسك مدرس .. بيدى خصوصي
حوه سور الدار
****************
و فـــ كل يوم نفوت ... و نخبط ع البيوت
درس .. طب حصة .. خلاص هنموت
*************
و فــ ليلة مش ناسيها ... سهران مع أم العيال فيها
جانا الوزير و معاه ... مكافأة فرحنا بيها
و مش فاكر الباقي ..
بس اللي انا فكره إني مخرجتش م البيت يومين ؟؟؟؟؟؟؟؟

[align=center]سحورة الجميلة منورة ومبروك يا سكر عقبال رئاسة الجمهورية
هههه تخيلي أول قرار يمكن أن تأخذيه إذا "صحيتي فجأة" لتجدي نفسكِ" رئيس جمهورية " الغلابة " العربية!؟




موناموري الجميلة "نوجا"
لاتنسي ان تخبرينا يا قمر بعدد"الكليوات" التي ذهبت ولم تعد

المصطفيان الجميلان اللذيذان
بونيف اللذيذ وشرقاوي العزيز
منورين ويبدو ان مرحلة الإمتحانات جعلت الزبائن تنشغل "بالدروس والمذاكرة"[/align]

أهلا بكم !

حمد لله على السلامة يا جاي من السفر
وحشانا الابتسامة وشك ولا القمر !!

أهلا يا رشا ...انشغلنا عليك ، كنت فين .؟

لعل المانع خير !

أموت وأعرف كنت فين

صباح الخير يا.. مساء

حقيقة اختلط العنوان بالمضمون مشكلا لوحة بزيت الزيتون وقليلا من العسل الملكي

المهم يا جماعة

وحشتوني ... وحشتوني ... وحشتوني ... كثير... وبس

تحيات لكم ايها الاحبة

تاركا المجال لصاحبة اللمسة الذكية

الانسة / السيدة

شرشورة الجماهير

وقبل ان أسلم لها مكبر الصوت اترككم تستمعون لأغنية من اغاني السيدة ام كلثوم

[align=center]يا مسـهـرني[/align]


[align=center]ماخطرتش على بالك يوم تسأل عنى


و عنيه مجافيها النوم يا مسهرني

دانا قلبي بيسألنى إيه غير


و يقول لى بقى يعنى ما خطرتش على باله

أمال غلاوة حبك فيـــــــــــــــــــــن


وفين حنان قلبه على

وفين حلاوة قربك فين


فين الوداد و الحنيه

يا ناسيني وإنت على بالى


وخيالك ما يفارق عينى

ريحنى و اعطف على حالى


وارحمنى من كتر ظنونى

لا عنى بيهواها النـــــــــوم


ولا باخطر على بالك يوم


إسأل عنى يامسهرنى


***


إسأل عن اللى يقضى الليل


بين الأمل وبين الذكرى

ويصبر القلب الشغول


ويقول له نتقابل بكره

وبكره يفوت وبعده يفوت


ولا كلمة و لا مرسال

وهو العمر فيه كام يوم


وأنا بعدك على طال

يا ناسينى وإنت على بالى


وخيالك ما يفارق عيني

ريحنى و اعطف على حالى


وارحمنى من متر ظنونى

لاعنى بيهواها النوم


ولا باخطر على بالك يوم

إسأل عنى يامسهرنى


***


يا مسهر النوم في عينيه


سهرت أفكارى وياك

الصبر ده مش باديه


و الشوق واخذنى لبحر هواك

أقول لروحى وانا ذنبى إيه


يقول لى قلبى حلمك عليه

أقول لروحى وأنا ذنبى إيه


يقول قلبى حلمك عليه

مصيره بكره يعطف علينا


ونبقى نعرف هجرنا ليه

يا ناسينى وإنت على بالى


و خيالك ما يفارق عينى


إسأل عنى يا مسهرنى


***


تعالى خلى نسيم الليل


على جناح الشوق يسرى

الهجر طال و الصبر قليل


و العمر ايامه بتجرى

طالت الايام

ريحنى و اعطف على حالى


و ارحمنى من كتر ظنونى

لا عنى بيهواها النوم


و لاباخطر على بالك يوم

تعالى لى قوام

دانا كلام بدى اقوله لك

دانا عندى كلام

وفي قلبى غرام

وفي قلبى أوصفولك

ونعيش أيام و لا في الاحلام

يا ناسينى وإنت على بالى


و خيالك مايفارق عينى

ريحنى واعطف على حالى


و ارحمنى من كتر ظنونى

لاعنى بيهواها النوم


ولا باخطر على بالك يوم

إسأل عنى يل مسهرنى


***[/align]

[align=center]ههههه
ترى كم ألفا مؤلفة جنيتها من الدروس الخصوصية يا ابن خالتي؟؟
"اللهم لاحسد" اظن انك سافرت للسعودية
عشان تعطي دروس خصوصية هناك
حتى لاتضطر لإعطاء دروس خصوصية فى مصر فى ساحة "سجن طره"

بمناسبة التربية والتعليم والذريات السوداء
تعالى أحكيلك ما حدث لى فى إمتحانات الثانوية العامة
فقد كانت ا بنت خالتك القصير
آخر دفعة فى قالفلة نظام التحسين"آخر سنة تحسين"
انهينا امتحانات دو ر مايو بسلام"علمي علوم"
وحصلت على مجموع "89%" بعد ان خانتني الفيزياء وطعتني "بفشتي وكلوتي"
وصفعني الفرنساوي على" قفايا"
وقلت أحمل" بلوتي" واعيد كرتي بشهر أغسطس
حتي لايموت حلم أمي بكلية الطب والهندسة أو "يفطس"
وقضيت أجاة الصيف بلا بحر او تصييف
التهم الكتب التهام
فقط اذاكر لاآكل ولا أنام"صعبت عليك صح يا حرام"
المهم ذاكرت كل المواد ماعدا الفرنساوي طبعا
فيني وبينه ما صنع الحداد
اذاكره فقط لحفظ ماء الوجه
واشعر بشلل رعاش وانا انطقة
حتى تكاد "شلاضيمي" ان تبقى على وضعها المعووج
ومررت بالإمتحانت
مادة تلو المادة وتصورت انى سأفتك بالمجموع فتكا
واحصل على 150% وأعلن من اوائل الثانوية
وجاء موعد إمتححان الفرنساوي واقنعتني صديقتي"ام البلاوى"
ان ادخل اللجنة وخلاص"طالما ناجحة انا بدور مايو" ادخل من باب الدلع
وكما السكران العبيط يهتف ويقول هييييييه انا جدع"

ودخلت ادلع فى اللجنة
وامامي الورقه "كمنت بل تو"
"جو سوي ملاد"
"جو مبل تو"
تواه مواه أو لالا
انتهت الإجابة بإنتهاء معلوماتي
وجلست باقى وقت الإمتحان انتظر خروج صديقتي من اللجنة"عشان نروح سوى"
وحين اصابني ملل الإنتظار
قلبت ورقة اجابتي من الخلف
وكتبت بالعربية العامية وبالرصاص
قصيدة أشجب فيها نظام التحسين اللعين
" وذكرت اسم وزير التعليم حينها وقلت بالعربي الفصيح
"تحسين.. تهجين .. تكفين
الله يسامحك يا عم حسين
احنا الطلبة المساكيين
بنقولك هتروح من دعوة المظلوم فين"
ويبدو ان قصيدتي لاقت صادها وحققت غرضها ومناها
فبعد انتهاء امتحانات التحسين
جائتني النتيجة والدرجات
واصابتني حالة"صمت وسكات"
فكانت درجاتي كما هى لم تزد حتى ولو نصف درجة "حزينة"
بكل المواد
"يا ناس أشد شعوري" هتخرجوني عن شوري.. كيف هذا والزاى
هوة انا كنت بكتب بالحبر السري
ادعي عليكم بصوت عالي ولا بسري"
المهم بعد طول بكاء
احتسبت درجاتي الضائعة عند الله
وقلت منهم لله الظلمة
وقدمت اوراقي بكلية العلوم
وبعد اول اسبوع دارسة
جاءني جواب
خطاب من وزارة التربية والتعليم
يقر فيه وزير التعليم
بمنع الطالبة"رشا عبادة من دخول الثانوية العامة لمدة سنة وحرمانها من حقها فى الدرجات والنتيجة الخاصة بشهر أغسطس "بعد التحسين"
وكان الوزير بسلامته يظن أنني "ساقطة" بدور مايو او لاسمح اله معايا" ملحق"

وخد عندك صراخ وصويت وعويل وأمي تشجب وتدين
وعمي يلعن فيا ويقولي ليلتك طين
وشبشبين على قلمين
وشلوتين وصفعتين
وعرفوا القصة من التربية والتعليم
واتهمتني الوزارة اننى طالبة حمقاء
اوجة الشتائم لوزير التعليم
وانقد المنهج الأساسي للخطة الخامسة بع المليون
للإرتقاء بمستوى التعليم المصري
بشكل متفرد وحصري وعصري
وعلى هذا تمت معاقبتي
وسجن درجاتي وحصار شهاداتي
وظللت نصف عام
اقدم شهادات إعتذار ارجو فيها الوئام
وادعو لجراح امي وعمي بالشفاء والإلتئام
ولا أراكم الله مكروها فى إمتحان
ولا احد فيكم ومنكم او لديكم يهان
وتم العفو عني اخيرا والسماح
وقالها عمي بالفم المليان
"كده احسن يعنى هتعمل ايه بالعلام
البت بالنهاية لبيت جوزها"!!
والباقي لديك عنه معلومات
ادعي لجهازى بالثبات فقد مسحت كل الفايلات
والماسنجر اختفت منه الأسماء والكلمات
والتعلب فات فات
[/align]

السلام يا رواد المقهى .. معايا أجهزه وعارضها للبيع والعرض ساري لمدة المفهوم وع العموم لازم تتبلي بقراءة الحوار علشان تحدد تشتري ايه وتبيع ايه والطبيعي انك تملك الكثير .. سواء كل الأجهزة المعروضة أو أحدهم ولكن يقينا لابد انك تمتلك شيئا من ذلك .. أو حتى تستعمله ...

إليك المفيد

اللقطه الأولى :-
كنيش // شاب .. من حدما
يختشيش ميعرفش التحبيش ولا عمروا في يوم فكر يعيش .

يجلس بعد مباراة منتخب بلاده حتى يسمع الأنشوده المحببه إلى قلبه .

((والله وعملوها الرداله ورفعوا راس فشن بلدنا ووقفوا وقفة رداله وجابولنا الخيبه لحد بابنا ))...
فدار الحوار بين كنيش وصاحبه ميختشيش ....
ميختشيش يا ساحبي إيه رأيك ؟
كنيش يا ساحبي كله تمام !
طب ميختشيش قولي كمان ؟
كنيش يا ساحبي الآشيه ماشيه وآخر انسجام !
كنيش لميختشيش .. تكونش الحياه عندك مستكره وكاره تيجي وراها كاره وكل حاجه بقت استيراد من بره ؟
إيه الفلسقه دي يا كنيش كلامك ع الناس. ميعجبنيش .
ميختشيش يا سحبي .. نفسي اتأهل من بعد المؤهل واحنا قاعدين مفيش جديد ومفيش تعيين ولا حتى حسه نظبط فيها البني آدمين !
كنيش يا ساحبي فكك ونفد يعني انت فاهم هتقوم تفهم ..
خلي الطابق مستور وادينا مستنيين دورنا في التابور ...
ومن ناحية التأهيل عندي ليك عرض جنان ...
إلحقني بيه أبوس الإيدين يا مان ..
. فيه عروسه نازله من اليابان سعرها دلوقتي جنان بطاريتها بتقعد شهر أو يمكن أكتر كمان .

كلها شهور وتضربها الصين وتنزل عروسه بشفاتين ..
نشترك فيها احنا الاتنين
وبعدها نبيعها يوزد"used " ونشتري عروسه باربع ايدين ...
شكلك بتهزر يا ميختشيش
.يا ساحبي اهرس في نفسك بتفرس والحكايه مش مستاهله كلمتين ...
كل حاجه والعه نار .. والاسم عمار يا بلدي عمار .. فكر سنين تتاوي فين وباقي اللوازم هتجيب منين ...
إسمعني يا واد ميختشيش جاتني فكرة ب 175 جنيه .. نجيب موبايل عليه مقاطع واقوم مقاطع كل البني آدمين وانفرد بذاتي وانسى ملذاتي واحمل عليه حبة نظافه .. يخرجوا من قلبي الآفه وكفايانا بقى عيشه في النحافه خلي البركه تطرح وبلاش نسرح .

أجهزة معروضه للبيع بأسعار يوزد ؟
التليفزيون والريسيفر وكارت artاللى بيشوف عليه كنيش وميختشيش المباراة
الكمبيوتر ووصلة النت اللى ميختشيش جاب من عليه خبر العروسة الياباني
الموبايل والمقاطع اللى عليه المحتمل يشتريه كنيش

......" كم = تلك الأجهزة عندك "..................
دمتم بكل ود

صباح الخير للجميع
اشتقتلكم جميعا ..

ولي عودة غدا ان شاء الله
بعد فترة من الانقطاع عن شرب الحليب بالتمر البلدي ..

صباحكم سكر !
الساعة عندي 04.30 فجرا .

أكتب لكم ، وفراشة تحوم حولي ..عالصبح !

ورائحة ( الخفاف ) تداعب أنفي !

لله الله الله .

يا صباح الورد والياسمين
اترككم بينكم مش فاضيين
عندى غسيل مواعين
المهم مع السلامه انا راحه
اكتب فى يوميات زعلانه
لاحسن الدنيا ولعانه
يا ريت تنورونى هناك علشان تصلحونى
مع
واحد
عاطل ..يا ترى هو على حق ولا على با طل
مرفت عاصم

يا صباح الورد والياسمين
اترككم بينكم مش فاضيين
عندى غسيل مواعين
المهم مع السلامه انا راحه
اكتب فى يوميات زعلانه
لاحسن الدنيا ولعانه
يا ريت تنورونى هناك علشان تصلحونى
مع
واحد
عاطل ..يا ترى هو على حق ولا على با طل
مرفت عاصم

صباح الخير


الجنس أحد مداخل العمالة-بياتريشيا اللذيذة

[align=center] صباح النور
لكل الحضور
صباح بدون كسور
فى بعض السلالم
أو فى الأثار والمعالم
او كسور النحو
والمبني والمرفوع والمذكر السالم


صباح جديد سعيد
بعيدا عن اعطال الجهاز العنيدة
والفيروسات الشديدة
وحالة النت البليدة




صباحك لذيذ يا طوفه" الجهاز يعاني من زهايمر خريفي"
صباح نادي لحائط دفاع الملتقى أستاذنا حمزة نادي
ويا مسهرنــــــــــــــي
الله عليك وانت تبدع بإختيار روائع ام كلثوم
كلمات رائعة ولحن اروع للجميل سيد مكاوي
صباحك بدون سهر أو عد للنجوم
أو سحب أو غيوم[/align]