صباح الخير يا ملتقى " قهوة الصباح"

**محمد برجيس** · 07-06-2009, 21:51

ايه الشماته دي يا عم مصطفي انت ناسي ان معاك 2 شركاء
يعني أغلبية

قرار ملتقاوي رقم 3/ بند جزائري
يحرم بونيف من المشاريب ثلاثة ايام متواصله
و عليه مسح و تنظيف الطاولات
استنادا للبند الخاص بإساءة معاملة الزملاء و الشماته فيهم

**محمد برجيس** · 07-06-2009, 21:57

الأخت / ‏نعيمة القضيوي الإدريسي

محدش يجيلك في وحش يا اختي
طيبتي خاطر اختك رشا؟ اصلها حالفه لا تأكل ولا تشرب و هتولع فـ نفسها
الحقيها و طيبي خاطرها .
بس م تمسكيش فيها قوي لو عاوزه تولع؟ اعملي اللي عليك و سيبيها.
و م تنسيش تقربي منها الكبريت علشان م تتعبشي و تولع بسرعه و نخلص.

**نعيمة القضيوي الإدريسي** · 07-06-2009, 22:05

وانا قدر ازعل رشروشتي يا حرام
لكن يارشا انت السبب في خسارة المنتخب الحق يقال
لانه لوما قلت عن الشيخ بتاع البيضة والحجر،ماكان بونيف ماصدق خبر وراح عندو عمل تعويذة حتى ينتصر المنتخب الجزائري،وأنت عارفة صطوف لما يحط مناخيره في حاجة .
معليش ولا تزعلي ما برجيس مسئول أيضا مش هو رقيب كان يأخد بالوا من كلامك ومن صطوف قبل ما يعمل عمايلوا فيكم
المشكلة في الرايس كان متحمس للماتش،راح يسوي فينا إيه؟
والأخت رنا متضامنة معكم شايفها غايبة؟ سلموا لي عليها
صباحكم فل

**ركاد حسن خليل** · 07-06-2009, 22:14

صباح الخير للجميع
ولا تزعل أخوي برجيس، يوم لك ويوم عليك

**مرفت عاصم** · 07-06-2009, 22:14

مساء الخير واهلا بكم ومرحبا مع هذا الفاصل نظيرالاسف الحاصل
تعبير عن الواقع بأغنيه اعتقد انها مستويه على وجه السرعه ومعده خصيصا لهذه الواقعه
لا تؤخذونى نحن فى موقف لا نحسد عليه لو اننا اتحسدنا من بدرى
والمعلم حسن شحاته فاق من التسمم علشان يجيلو الضغط النهارده سبحان الله
ربنا يصبرنا وبعدين احنا روحنا رياضيه والا ما كان حصل اللى حصل
مع الاغنيه
حسره علينا ياحسره علينا ما جات برجليناولا بالهد ولا بالهاند
ما كان بإدينا ولا برجلينا
واللى حصل قدر ومكتوب علينا
حسره علينا يا حسره عليه
ههههههه
محدش يزعل منى يا جماعه
لازم الواحد يخرج رد الفعل اللى جاله عقب انتهاء المباره فضلا عن حله رز بلبن شاطت ووووو........ووووو.اطلب تعويض من مين بقى
ويا ريت جه بفيده
مرفت عاصم

**رشا عبادة** · 07-06-2009, 22:28

[align=center] ههههههه
لاتسألوني لماذا أضحك
منذ أنتهى "اللطش" قصدى الماتش
وأنا فى حالة ضحك هستيرية
حتى اني أصبحت أحدث تلك الذبابة الشمتانة التي احتلت سقف الصالة
وروحت اقول لها" يا خايبة لما عندك جناحين كنتى روحتى لغاية الجزاير "البليدة" تشجعي الفريق يمكن" يوضع سره فى أضعف خلقه"

ههههه الغريب قبل المباراة بساعتين
وكل القنوات الرياضية المصرية
بيذيعوا أغاني
" أصله معداش على مصر .. أصله معداش على مصر
مشفش الرجال.. السمر الشداد فوق كل المحن
ولا شاف إصرار فى عيون البشر
بيقول أحرار ولازم ننتصر..."
ههههههه صدقا شر البلية ما يضحك
ال احرار ال
وننتصر ال
لا وكمان رجال وفوق كل المحن
أنا مش غايظني بس غير ان ا" الكيكة الى كنت بتنيل على عينى بعملها" هيا كمان طلعت من الفرن مهزومة 5\صفر

يا مرفت يا عاصم
ياااااااااااااامرفت
غطيني وصوتي يختي يونبك ثواب فيااا

نعومة نعومتي نعيمة..
وهوه الى يشوف طلتك الحلوة يا قمر يقدر يزعل
يلا أهو راح ولا جه
منتخب
خد الشر وراح
الله جاب الله خد الله عليه العوض

دكتور مازن.. شكرا انك جيت تعزينا

يلا بقه يا ابن خالتي
تعالى نقف خمسين دقيقة حداد على روح الفرحة الكروية المقتولة[/align]

**مرفت عاصم** · 07-06-2009, 22:31

يا استاذ محمد لما قرأت تعليقك بصراحه حبيت استفسر انت شكلك شايل من رشا اوى اوى
وانت اللى عايز تولع فيها مش هيه
امال لو ما كنتم قرايب كان ايه حصل
بس بجد قول اللى فى قلبك متخبيش رشروش عايز تخلص منها ليه
اكيد سلطت عليك الراجل بتاع التعويذه يهزر معاك شويه
بصراحه رشا بقى يتخاف منها اوى دى وصله ووصله اشتات شلوت اشتات شلوت اشتات شلوت
هههههههه
مرفت عاصم

**محمد برجيس** · 07-06-2009, 22:46

اهلا استاذه / مرفت عاصم

انتي هــ تولولي؟ ناقص كمان تجيبي رشا تلطم
ايه المشكله يعني لما اتغلبنا؟
م تنسيش المره الجايه هيكون الماتش عندنا فــ استاد القاهره و هــ نخرطهم للوز
و بعدين عاوز اقول حاجه مهمه

لما الكل هيبقوا فتوات.... مين اللي هينضرب!!

اكيد رشروش بنت خالتى ؟ منك لله يا استاذه نعيمه كنتي اتركيها تولع نحستنا

**ركاد حسن خليل** · 07-06-2009, 22:53

حاجه تفرس والله كل يوم بندخل وبنصبـّح
لا مين شاف ولا مين درى
السـّلام لله يا خوانـنا

**رشا عبادة** · 07-06-2009, 22:58

المشاركة الأصلية بواسطة ركاد حسن خليل

حاجه تفرس والله كل يوم بندخل وبنصبـّح
لا مين شاف ولا مين درى
السـّلام لله يا خوانـنا

مالك بس يا غالي ....!! خير
مين اللى زعلك؟؟
وأنا " أكشف راسي وادعي عليه"
وعليكم السلام ورحمة الله وبركاتة
صباحك ومساك فرح وخير
يا أخي الطيب
"حقك على راس ابن خالتي، وامسحها فيا"
ولو اني وحياة ابويا ما انا فاهة حاجه
" لازالت متأثرة بالهزيمة"

**محمد برجيس** · 07-06-2009, 23:00

ؤالاخت /مرفت عاصم
مين قال كده اني شايل من رشروشتي ؟ طيب دي هي بسمة الملتقي

و حياة خالتي انا كتبت لها جواب غرامي على الرابط ده ؟ و كمان استاذنا الموجي علق عليه بيحسدنا على صلتنا ببعضنا
اتفضلي الرابط اهوه

Home - ملتقى الأدباء والمبدعين العرب - Arabs of Letters Forum

http://www.almolltaqa.com/vb/showthread.php?t=32016

Home Description

**ركاد حسن خليل** · 07-06-2009, 23:01

أكم من مرّه يحصل لي
وحياتك رشا ما حد شايفني في المقهى غيرك
دايمـًا أسلـّم ولا حد يرد غيرك
تسلمي يا رب

**ركاد حسن خليل** · 07-06-2009, 23:04

عندك ابن خالتك البرجيس
دخلت أطيـّب خاطرو بكلمتين
لسه مش سامعني

**مرفت عاصم** · 07-06-2009, 23:04

يعنى عايزنى اصدق وادخل على الرابط ماشى
وعموما ما حد قالى شئ دا انت اللى بتقول خليها تولع ونخلص افهم ايه بقى انا والجمهور
وعموما ما يقع فى عسلكو طيره
مرفت عاصم

**طارق الايهمي** · 07-06-2009, 23:05

أستاذ محمد برجس أمير الحرف الكوميدي الساخر

أميرة الحرف الساخر رشروشة عبق البسمة على وجه الحزين

أستاذه رشا عبادة

بنجو مورننج

يعني صباحكم عسل بالقشطه البلدي

أنا حزين

ورغم الحزن بتُ غير شاكي

قد رسمتُ البسمة على وجه الأسى

وغنيت بآلام الوجع الراقد في جوف حرفي

كسرتُ الصمت على جدار صرختي

حضنت الفجر المغيب بأطراف جنح ليلي

فعانقتُ جرفَ بؤسي وأطلقت الخطى حيث أنتِ

حيث الوطن وعشق الثرى

حيث مسقط رأس دمعتي

لأتدثر بأكفان الردى

وأختصر الخطى

عل الفجر يبزغ بأطراف ليلٍ

فيشرق نور الهدى

لكم مني ألف تحية ممرغة بعبق النرجس والياسمين

صباح الخير يا ملتقى " قهوة الصباح"

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث