صباح الخير يا ملتقى " قهوة الصباح"

**محمد برجيس** · 08-06-2009, 11:08

زميلي العزيز رفيق القلم الساخر/ مصطفي بونيف

و الله شكلك كده مش هــ تجيبها البر . و كمان جاي تحلل الماتش هنا
جهزي المحامي يا رشروش هنفسخ العقد ؟
كان تلت منيل بنيله الي مشاركنا بيه في القهوه.
اعملي جرد و شوفي نصيبه كام و اعطيه له
شوفي له كام كرسي و كام كوباية وكام فنجان و كام حجر معسل
و حطيهم فــ الجردل بتاعي .
و (روشيهم ) له بره القهوه . و افسخي العقد

قال يتأهلوا 2010 قال ؟ ليه مش لسه فيه لقاء عندنا في مصر ؟
احنا مجهزين لهم دستة اهداف . و كمان هنحط للحارس بتاعهم ( دهن) كتير في الأكل علشان يجي له اسهال . و يسيب الجون و يروح الحمام.
و ابقى تعالى بقى عد الأجوان يا بونيف ؟ الصبر طيب

**مصطفى بونيف** · 08-06-2009, 11:12

الله الله الله ..جرا إيه يا برجيس ...إنت نسيت نفسك ولا إيه ..أنا مدير المكان هنا ...قال نفسخ العقد قال !!!
كل ده عشان كسبناكم في ماتش ..طيب اتنى لما نكسبكم في أرض ملعبكم ...
وهنخلي ستاد القاهرة ..يعيط ...وعلى فكرة الجزائر هتطلب تدخل قوات أممية عشان تحميها من الضرب ...
عموما خليك فاكر احنا هنكسبكم في الستاد تبعكم ب 2-1
وبردو الوحيد اللي هيسجل هو الدلعادي ...أبو تريكة ...لأننا بصراحة بنبحبه أوي ..خصوصا بعد الحركة اللي عملها ( تضامنا مع فلسطين)

**محمد برجيس** · 08-06-2009, 11:50

الأخ / بونيف

بتقول ايه ((طيب استنى لما نكسبكم في أرض ملعبكم )) انت بتحلم !

احنا قلنا نفرحكم شويه علشان ظروفكم صاعبه . و كله عند الله .
و بعدين حد يعمل عملتكم السوده دي( انتم أكلتم إيه لعيال فريقنا) أكلتهم ملوخية بالضفادع . العيال جالهم اسهال و المدرب جه له تلبك معوي؟
و ده غير الدخان اللي كان في ارض الملعب؟

و انت طمعان تغلبونا عندنا ؟ ساعتها اتنازل لك عن التلت بتاعي؟
و لو فزنا مش هـ اخليك مدير أنا هـ أرجعك ( نفر) .
رجعي العقود تاني يا رشا ؟ لكن خليك مجهزاهم ؟ علشان هنرقيه من مدير الى زائر؟ قال يكسبونا قال؟

**مصطفى بونيف** · 08-06-2009, 11:56

دخان إيه وزفت إيه ....إنت شكلك مبتتفرجش على مبارايات الأندية الكبرى ..ده ألعاب مرخصة دوليا من الفيفا ...وموجودة في كل ملاعب الدنيا ..! هنتلكك ..

وبعدين إيه حكاية الأكل ده ..إذا كان حسن شحاتة شخصيا أنكر حكاية الأكل ده في برنامج شوبير ..؟؟

أنتو اتغلبتو ...لا تنسى أن كل اللاعبين الجزائريين يحترفون في أقوى الأندية الأروربية ....

وأنتو آخركم ...نادي دبي !!

ومع ذلك ...هنقطعكم في ملعبكم ....وابقو سممونا بالملوخية بالأرانب ، وخلو الجمهور المصري يخش الستاد ...ومع كل واحد جوزة ...بردز هنغلبكم !

مفيش عقود يا رشا ! ، وشكلي كده هطردكم ...!!! ههههههههههههههههههه

**محمود مغربى** · 08-06-2009, 14:22

صباح الفل ياناس يافل

بجد
الله عليكم

وننتظر المزيد
والجديد

**رشا عبادة** · 09-06-2009, 04:55

[align=center] صباحكم ورد
وفرح وخير
ورسالة حلوة طيبة
يحملها على جناحه الطير

صباحكم سكاكر
مفردها" سكر"
وشهد أصلي
وبخور يعطر

صباحكم حكاية
من غير دموع
وراية مرفوعة
وعزيمة متعرفش الخضوع

صباحكم بوش
او حتى أوباما
او اللى هيجوا بعده يامـــــــا
المهم صباح العرب
صباحكم بحلم الكرامة[/align]

**رشا عبادة** · 09-06-2009, 05:02

[align=center]أستاذ "محمود مغربي"
صباحك "برشاقة أوباما وهو يصعد سلالم قاعة الخطاب بجامعة القاهرة"
تسلم طلتك الحلوة يا سيدي" أرجو تكرارها"

جميلتي .ز موناموري
"نجلاء الرسول" صباحك بطعم الفوز القادم
لمنتخب مصر على الجزائر بالقاهرة ان شاء الله 6\0
ههههه قولي يارب[/align]

**رشا عبادة** · 09-06-2009, 05:13

[align=center]ابن خالتي "أبو جردل ماركة مسجلة"
أخي العزيذ اللذيذ الذى أفتخر دوما بحجم مناخيره" مصطفي بونيف"

فارس الفرات امتعدد اللهجات "طارق الأيهمي"
ريسنا "موجه الموجي" أين انت يا طيب
أخي الطيب جدا صاحب الحضور المميز"ركاد خليل"
دكتورنا الطيب أبو الكتاكيت الصغيرين" مازن ابو يزن"
صاحب الروح المرحة وطلته الجديدة المميزة"هري عبد الرحيم"
استاذنا الجميل الجالس على المنصة"حمزة نادي"
وكل الأخوة الطيبين الرجال شباب او عواجيز" وومنوع إصطحاب الأطفال"

جميلات نون النسوة
" نجلاء" نوجا الغالية
"نعيمة" نعومتي الدافئة
"مرفت" اللى مش عارفه الاقيها وبدور عليها هههه
سحورة .. سحورتي" سحر جبر"
"رنا" الجميل زعلان ليه.. ومضرب عن شرب القهوة، يكفينى انك تقرأين يا صديقتي وجود اسمك بالزاور يسعدنى ويمنح المقهى عطرك الجميل
أخشي ان أنسي أحد

للجميع وكل رواد المقهى
وكل أهل هذا البيت الجميل العامر "بما لذ وطاب"
من مأكولات ومشروبات
وأخوات واخوة وأصحاب

"صباحكم قشدة" كاملة الدسم[/align]

**رشا عبادة** · 09-06-2009, 05:21

[align=center] توكلنا على الله
بسم الله
نفتتح الجلسة
قصدي "القهوة"
مشروب اليوم الرئيسي
هو "أحبك"\"أحبكِ" \أحبكم تلك الكلمة الساحرة ،الطيبة،
التى يهديها كل منا للآخر وكأنه يهديه قطعة من قلبه
لا تبخل اليوم بتلك الكلمة على أحد

املأ ملامحك
وإبتسامتك
وقلبك
ودمك
بروح الحب
وأطلق لها العنان لتخرج من صدرك
اتصل بصديق تفتقده..
وقل له "أحبك"
قلها لزوجتك\لزوجكِ كبديل عن تحية الصباح اليوم
"أحبكِ"
قلها لأمك\لأبيك\لأخوتك وأخواتك
قلها لجارك\ولسائق التاكسي
ولبائع الخبز
ولبواب العمارة
قلها ببساطة ورضي وصدق
"أحبك فى الله"
وأنا أيضا سأقولها لكم جميعا
"أحبكم جدا فى الله"
صباحكم حب وسلام[/align]

**اسماعيل الناطور** · 09-06-2009, 05:41

وعد الحر دين عليه
كان هناك وعد للأخ محمد برجيس بشرب شئ ما في قهوتكم وعلى حسابي الشخصي ولكن بعد إنتهاء الإنتخابات اللبنانية
وها نحن هنا
رغم العتب
أن القهوة هي مجلس سياسة وحوار أدب قبل أن تكون طاولة وقتل فراغ
وكان من المفروض ان تقوم القهوة بمتابعة الأحداث
للأسف لم أجد منكم أحدا
فعلمت أن القهوة في وقت قتل الفراغ
لا تعتبروا هذا نقدا
هو كلام أيضا لقتل الفراغ
وأما عن أحبكم
فأنا أحب كل شريف
شريف اللسان والجسد
أحب الجنرال عون(مسيحي)
أحب سليمان فرنجية(مسيحي)
أحب عمر كرامي (سني)
أحب حسن نصر الله (شيعي)
أحب نجاح واكيم (شيوعي)
أحب كل من صدق لسانه ......فعله

Home - ملتقى الأدباء والمبدعين العرب - Arabs of Letters Forum

http://www.almolltaqa.com/vb/showthread.php?t=31950&page=3

Home Description

**رشا عبادة** · 09-06-2009, 06:16

[align=center] صباحك بلون قول وفعل من تحبهم
يا أستاذنا الهادىء الراقي
كنا هناك يا سيدي
شخصيا تابعت تحليلك الشامل
للموضوع وللمنتخبين
وللنسب وللتوقعات
واستمتعت,, وغضبت وفرحت وأستبشرت
وأنا أتابع الردود والتعليقات والحوارت الساخنة
وأنهل من بين السطور
ربما معلومات وحقائق لأول مرة أسمع بها
فأعذر جهلي السياسي
فمواضيع السياسة يا سيدي
لاتحتمل المشاركة لمجرد إضافة تعليق
او إقتباس رد
او توجيه شكر
او حتى محاولة للصلح بين المشجعين للأطراف المنتخبة
لكن الأمر وأنت تعلم يا سيدي أكبر وأعمق من هذا
فأما ان يكتفي القارىء بالتعلم ومحاولة فهم الأمور بصورة اشمل على الساحة السياسية
كمخزون لنقاش قادم يكون فيه على قدر المسؤلية لمناقشة تاريخ والتدحرج داخل دهاليز السياسة العميقة المتشابكة
أو أنه يكون بالفعل على دارية بحقائق أكبر وثقافته السياسية مرتفعة ولها وزنها تمنحه خلفية آمنه لإلقاء رأى أو فتح باب لنقاش
ولهذا كنت هناك قارئة وتلميذة
وسعدت جدا كوني أتعلم من حروف الأساتذة ما أجهله
وسامحنا يا طيب على السهو
نعم كان لابد ان نجعل من قهوتنا الأدبية محور إهتمام لما يدور على كل الساحات
أدبية
كروية
سياسية
،،،،،
تلك نقطة هامه يا أستاذنا الطيب
سأعتبرها بعد إذنك
إقتراح يضيف لإثراء المقهي
والمكان مفتوح للجميع لتوجيهنا
ومنحنا أراء نرتقي بها "كملتقي بأكمله " نحو الأجمل والأكمل
لو كان احد زورانا او حضرتك فتحتم باب النقاش للإنتخابات هنا بصورة بسيطة
صدقنى كنت ستجد تفاعلا وحوارا ربما سيختلف الى حد ما لكنه سيصب فى نفس الهدف
سعيدة جدا بوهج صباحك يا أستاذنا
شرفتنا
أحب من يفي بالوعد
وانت رجل تعرف قيمة الكلمة
قرأت وعدك للعزيز برجيس انه بعد انقضاء الإنتخابات سـتأتينا لترتاح بقهوتنا
وها أنت وعدت وصدقت وأفدت يا سيدي
كل الشكر والتقدير[/align]

**مرفت عاصم** · 09-06-2009, 06:34

ايوه يا رشا صباح الحب والحب والحب
بس رشروش مش عارفه بحس ان الكلمه مدلولها اقوى من لفظها يعنى الحب مش كلمه تنطق من الفم لاذن تسمعها
الحب معنى نحسه من من نحبه يعنى الطاعه للام فى اى امر منها دا حب
البسمه الجميله دى حب
الهديه حب
التضحيه حب
يعنى يا قلبى يا رشروش
الحب حركات افعال
وصباح كل حب على الكل احب كل قلب طيب وعقل واعى ونفس ذكيه
احبكم فى الله
وبعدين ايه انتى مش لقيانى اعمل ايه النت اول ما جيت اكلمك قطع وراح بلا رجعه حتى الصباح اش معنى النت يعنى ما كل حاجه ماشاء الله لازم يصبها القلق ولعلمك انا من بلد اسمها القلج
يالله يا رشروش اعزمينى على حاجه اشربها على حسابك ولا مفلسه
وقفله الموبيل مش راضيه تفتحيه
ولا انتى مكلمانى من تليفون البقال
هههههههه
سلام يا قمر مستنيه المشاريب
مرفت عاصم

**نجلاء الرسول** · 09-06-2009, 07:40

صباح الجمال

كيف الحلوين اليوم

صباحكم هنا وفرح وسرور

**طارق الايهمي** · 09-06-2009, 07:53

صباح الورد المنقى من عفونة سياسة العصر الحديث وقذارتها
صباح الحب الطاهر الذي أينعت به القلوب الطاهرة
صباحكم سكر

أيه أيه أيه ... شو يرشروشة
أنت مابتفهمين في السياسة .....؟
وحيات خالتي وحليبها الطاهر الذي أرضع هذه الجوهرة
أعني رشا بنت عبادة بنت خالة أمير الحرف الكوميدي الساخر أستاذ محمد برجس
لو كان الأمر بيدي لربطت على ألسنة كل من يتبجح في السياسة
وصوته المأجور من على الفضائيات المأجورة
ولايصلح الحديث إلا لرشا عبادة ومن هم يحملون فكر كفكرها
نسوة ورجال
يرشروشة ضيعونه المدعين السياسة الذين يتاجرون بدماء الشعوب
ويجعجعون بأصواتهم لمن يدفع لهم مبالغ أكثر
ياحسرتي على السياسة وياحسرتي على الشعوب

هات الكوب والمركوب
وأكتب شعر بالمقلوب
نصب نفسه وما محسوب
مايدري الشعب مغلوب
فلسطين محتله
وبغداد اتبكي الفلوب
كافي كذب ع الشعوب
ساسة فرس وأمريكان
صهيون البسله الثوب
حياكم وين الشعوب
وين البي غيره وشجاع
يقطع دابرهم هينوب
كافي كذب يالمنكوب
يضحك عليك الدبدوب

رفيق درب الكفاح المسلح أستاذ محمد برجس
سأنتظر صهيل حرفك

كافي دوختكم يارشا خلي اخذلي جوله بشرفة البيت
لتحسبين راح افرفر ع المنتديات
واليوم مابدي قهوه لأن شارب فنجان قهر من الصبح

صباحكم ياسمين

**مصطفى شرقاوي** · 09-06-2009, 08:13

مرحب بالموجودين ... جمع مذكر سالم أو نون النسوة

صباحكم معطر ... من قلب تفطر ... من قلم مسطر

ايه جديدكم منا مش متابع منا سبق وقولت للقضيه بايع .. شاغلين دماغنا بحاجات كتير مرة طيفا أبو الدساتير ومرة برجيس والجراديل واتجمعوا مع بنت عباده وكده كالعاده شوية تعديل ... واكمني كاتب مكتوب متغذي بنوع من الحبوب ... للي لابس بدله بجيوب نقوله
لا ....حمد لله ع السلاما

لا مرحب بيك يا سي أوباما

جيت تعدل لنا النظاما

وكمان تظبط لنا الكلاما

نسيت الناس السخاما

وفكرتهم بشعار الحماما

هتنشط لنا العَلاما

وهتصلح لنا الحطاما

خطابك نظيف وخطابهم رمراما

جسدك نحيف وعقلك تماما

يامين يسمع تخاريف الهياما

ويعشق بسمه من بعد الدماما

كان قبلك منبوش ما عرفنا الغراما

لكن سكتك واتمهدت بكل احتراما

فتحنالك القلوب قبل أبواب الإماما

دليلك من القرآن زاد منا الإهتماما

والختم من القفا موجود بل بعض أختاما

ختم عليه نسر والتاني عليه شعلة السلاما

صباح الخير يا ملتقى " قهوة الصباح"

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث