د. أشرف
الله يسلمك من كل شر .
شكلك تقلت العيار هناك شويه ولا إيه..؟
و حياتك مش شويه واحده ولا أثنتين بلا ثلاث شويات
صباح شريف باشا
-
المشاركة الأصلية بواسطة أحمد أبوزيد مشاهدة المشاركةحمدلله على السلامة ياعم أحمد
أنت دخلت الحلقات فى بعض كده
نهرو دا فى الهند والحلقة الهندى لسه ماجتش..!!
وبعدين تيتي كان لسه مخطوبه مدودناش في داهية
واللى راحت للدكتور هيا سها وكانت متجوزه حسام عرفي
وبعدين أبو الجاسم راجل بيعرف ربنا وبيتجوز رسمي
ومالوش فى العبودية دا كان أيام الجاهلية مع وهران و بثينه الشامية و ثريا الروميه
أن شكلك تقلت العيار هناك شويه ولا إيه..؟!
اترك تعليق:
-
د. أشرف
مساء القشطة
إن كنتي مش مصدقاني .. إسألي الدكاتره عن حالته .. و بعد العمليه.. مش
هيبقى نافع في الجواز .. ولا دياوله .. وإنتي ممكن تشترطي عليه.. يطلقك قبل ما يسافر بلده ..
زنا
أعوذ بالله من الشيطان الرجيم
هل عدنا إلى عصر العبودية
ولا عصر العبودية كمان على الأقل وقتها كان هذا شىء شرعى و معروف
و لكن الأن .........
ماذا نقول ..........
تحياتى و تقدير
د. أشرف
لما كنت فى شارع الهرم أمس أنا سألت الدكتور حواس عن موضوع سنهرو و تيتى
و عرفت منه إن الفرعون أعدم الطبيب الذى أجهض
تيتى و لكن للأسف الدكتور حواس رفض يقولى
الدكتور أجهضها ليه
عارف أنت صح
أنت مش دكتور
قول بقى .........
اترك تعليق:
-
المشاركة الأصلية بواسطة دكتور مشاوير مشاهدة المشاركةد. سامح حبيب قلبي
واحشني ياراجل
أنت غطسان فين يا برنس
محدش شافك من بعد الفخفخينا و جاد و بابا عبده
ماشيه معاك ياعم .. و مشاويرك كترت..!!
أنا مش بحسد..
عاوزينك تقولنا رأيك فى الشيخ أبو الجاسم و سوسن..؟!
وأنت شكلك كده مقرتش العصر الفرعونى
المهر زمان كان هرمين .. و تلت مسلات..!!
اترك تعليق:
-
لغــز اسمه الــزواج .. العصر الحالي (الحلقة التاسعة) الـزواج في الخليـج (3)
(3)
.. بعدها بلحظات ؛ بينما كانت (سوسن) تبكي , دخلت عليها (الريسه) مهللة , و قالت :ـ يعني إنتي فكرك كده ..؟!!
ـ يا سعدك يا هناكي.. يا سوسن يا بنتي .. الشيخ أبو القاسم.. فاتحني دلوقتي في جوازك .. و هينفذ كل إللي تؤمري بيه ..!!
التفتت (سوسن) إليها , و هي تمسح الدموع عن عينيها, قائلة :
ـ إنتي بتقولي إيه .. هو فاكرنا بضاعه يقعد يشتري و يبيع فينا ..؟! إحنا بني آدمين .. من لحم ..و دم .. و مشاعر .. هو فاكر إيه .. بفلوسه يقدر يشتري كل حاجه ..؟! إزاي أتجوز واحد مش باطيقه .. و أديه نفسي.. و أنا قلبي .. و عقلي .. مع واحد غيره ..!!
ربتت ( الريسه) على كتفها , و قالت :
ـ ما تبقيش عبيطه ..!! جواز إيه و بتاع إيه ..!! هو إنتي فاكره إن هو له في الجواز .. دا زمانه نايم في العسل نوم .. لكن أهوه .. ده من حلاوة الروح .. و كلها كام يوم ..و يرجع على بلده و يغور .. تاخديلك كام ألف جنيه .. و يا دار ما دخلك شر ..!!
نظرت إليها (سوسن) , و هي مستغرقة في التفكير, ثم قالت :
أجابتها ( الريسه ) على الفور :
ـ إن كنتي مش مصدقاني .. إسألي الدكاتره عن حالته .. و بعد العمليه.. مش هيبقى نافع في الجواز .. ولا دياوله .. وإنتي ممكن تشترطي عليه.. يطلقك قبل ما يسافر بلده ..
شردت (سوسن) ثانية تفكر , ثم قالت مترددة :
ـ أنالازم الأول أفاتح أهلي .. كمان لازم افهم حمدي ..!! عشان يعرف أد إيه.. أنا باضحي ..!! عشان خاطر حبي له .. و إنه يقـدر يتجوزنـي ..!!
..عادت (سوسن) إلى منزلها , شاردة الذهن , مشتتة الفكر . كمن كانت منومة مغناطيسياً من أثر كل ذلك الأمر ؛ الذي لم يخطر لها ببال . و لم تكن تتصوره طوال العمر . ماذا تقول لأمها ..؟ و كيـف تقنعها بذلك الأمـر ..؟ ماذا تقول لـ (حمدي) ..؟ و هل سيلتمس لها العذر ..؟ أم تتكتم الأمر , و تجعل الزواج في السر ..؟!!
.. دخلت إلى حجرتها في صمت . نادتها أمها ؛ فلم ترد . فدخلت وراءها قائلة :
ـ فيه إيه يا سوسن يا بنتي ..؟! مالك كده مش زي عوايدك ..؟! و لما بناديكي ..مش بتردي ..!!
استيقظت من شرودها , و سألتها:
ـ فيه حاجه يا ماما ..؟!!
قالت ( الأم ) في قلق :
ـ إنتي إللي فيكي حاجه ..؟! مالك ..؟!!
أجابتها (سوسن) بتردد :
ـ فيحاجه يا ماما عندي .. وعاوزه أقولهالك .. لإني مـش هاقدر أخبـي ..!!
قالت لها ( الأم ) :
ـ قولي يا بنتي.. وغوشتي قلبي ..!!
قالت (سوسن) , مطأطاة رأسها , تنظر إلى الأرض :
ـ أنا جاي لي عريس ..
ضحكت ( الأم ) قائلة :
ـ يا سلام ..!! و فيها إيه ..؟! مانا عارفه من زمان .. مش قصدك على حمدي ..؟
نظرت إليها , و الدمع يكاد يفر من مقلتيها ؛ قائلة :
ـ لا يا ماما .. مش حمدي ..!!
ضربت ( الأم )على صدرها قائلة :
ـ ليه يا بنتي .. هو حصل حاجه بينك .. و بينه..؟!!
أجابتها على الفور :
ـ أبداً يا أمي .. أنا باحبه من كل قلبي .. لكن ظروفه لسه مش كويسه .. و بيقبض فلوس لا تجيب .. ولا تودي .. و أنا كمان ظروفي على أدي .. و شفت إن الحل .. إني أتجوز واحد غني .. يشيل الحمل عنك ..و عني ..
قالت لها (الأم ) جزعة , و هي تضرب صدرها :
ـ لا يا بنتي .. ما تغلطيش الغلطه دي ..!! مش لازم توقعي في نفس الغلطـه ..إللي أنا وقعت فيها من قبل ما تتولدي ..
نظرت إليها بتعجب , فهذه المرة الأولى التي تسمع فيها ذلك الكلام . استطردت ( الأم ) قائلة :
ـ أنا كنت زمان إتجوزت شيخ عربي .. أبويا هو إللي باعني.. و قبض التمن .. ألف جنيه .. و كانوا يساوو كتير في الزمـن ده .. و طبعاً طلقني بعد عشر أيام .. و بعدين إتجوزت أبوكي .. إللي سترني .. لأنه كان واحد من قرايبي..
أخرست المفاجأة لسان (سوسن) , و لم تستطع أن تنطق ببنت شفة . فربتت ( الأم ) على كتفها قائلة :
ـ إوعي ..!! إوعي يا بنتي .. تغلطي نفس غلطتي .. إوعي ..!!
ثم تركتها , و مضت . بينما لازالت (سوسن) لا لا تدري ؛ ماذا تصنع أيضاً مع (حمدي) ..؟!
.. التقت به في اليوم التالي . فحاولت تجنبه وعدم الحديث معه وحينما وجدها ليست كعادتها . استوقفها في الردهة قائلاً :
ـ فيه إيه يا سوسن ..؟! إنتي زعلانه مني .. ولا إيه..؟!!
نظرت إليه , فوجد الدموع تترقرق في عينيها . فزع (حمدي) و قال بلهفة :
ـ إنتي بتعيطي ..؟! فيه إيه يا حبيبتي .. هو حصل حاجه مني ..؟!
قالت له , و هي تتحاشى النظر في عينيه :
ـ أبداً .. لكن إنت عمرك.. ما هتفهمني ..!!
أجابها (حمدي) في رقة :
ـ أنا ..!! دا أنا الوحيد إللي بيفهمك .. من غير ما تتكلمي .. و قلبي بيتقطع .. لما بيشوفك بتتألمي .. و مستعد إني أحارب الدنيا كلها .. علشان بس .. تتبسمي ..!!
ثم أمسك بكتفيها , و رفع رأسها , و نظر في عينيها قائلاً :
ـ فيه إيه بس.. طمنيني ..؟!!
ثم صرخ فيها بنفاذ صبر:
- إتكلمي ..!!!!
لم تستطع منع نفسها من البوح بالحقيقة أمامه , و قالت دفعة واحدة :
ـ أنا هاتجوز ..!!!!
صعق (حمدي) , و ارتد إلى الوراء عدة خطوات ؛ كمن مسه مس من الكهرباء . ثم هتف قائلاً :
ـ إيه .. إنتي بتقولي إيه ..؟!!
صرخت قائلة :
ـ حمدي .. أرجوك تفهمني.. و تعذرني ..
أجاب , و الشرر يتطاير من عينيه :
ـ أفهم إيه ..؟! إنك هتكوني لغيري ..!! بعد كل إللي بينا .. بعد الحب إللي رويناه بدموعنا .. بعد كل الأحلام إللي رسمناها .. بإن يكون لنا بيت يجمعنا سوى .. و وعدك بإن ما في حاجه أبداً تفرقنا ..
قاطعته متوسلة :
ـ أرجوك يا حمدي .. بلاش تعذبني .. و اسمعني ..
ثم استجمعت اصرارها , و قالت:
- أنا هاتجوز الشيخ أبو القاسم ..!!
صعق (حمدي) مرة أخرى . و نظر إليها بدهشة قائلاً :
ـ آآآه .. دلوقتي فهمت ..!! إنتي بتبيعي نفسك.. للي يقدر يدفع أكتر .. بتبيعي نفسك للي يدفع لك السعر أعلي .. خلاص بقينا في زمن كل حاجه فيه .. بتتشرى بالفلوس حتى النفوس ..!!
اقتربت منه في حزن قائلة :
ـ حمدي .. أرجوك تسمعني ..!!
فصفعها على وجهها , قائلاً :
ـ إنتي عندي ولا تسوي .. و تستحقي أكتر من كده .. لكن أنا إللي غلطان ..إني حطيت فيكي ثقتي .. إنتي خاينه.. ولا تستاهلي إني أزعل عليكي .. أو أندم على السنين إللي ضيعتها معاكي ..ثم تركها , و مضى إلى حال سبيله ..
يتبعالتعديل الأخير تم بواسطة د .أشرف محمد كمال; الساعة 18-05-2010, 15:06.اترك تعليق:
-
[align=center]
إيه ده يادكتور ...
نفرتيتي ونفرتاري ،وشارع الهرم..
دا انتم هايسيين بقىَ ههههه
[/align]اترك تعليق:
-
المشاركة الأصلية بواسطة أحمد أبوزيد مشاهدة المشاركةبالهنا و الشفا أنت
أشارتك حمرا
أنا بدوخ من الميه الساقعه
هأعينك مراسلنا في قهوة فيصل
و أديك شفت في العصر الفرعوني
سي نفرو عمل إيه في تيتي..!!اترك تعليق:
-
د. أشرف
تمام كدة
بداية موفقة
طريقك أخضر
دوس يا دكتور
على فكرة انامسافر غدا القاهرة و لقائنا الخميس بالليل
تعرف الفندق الذى أقيم فيه بالقاهرة فى شارع الهرم به ثلاث كباريهات
محتاج تقضى كام يوم فى الفندق عشان تعيش التجربة الشعرية بنفسك و تكتبلنا قصص عن تاريخ الفراعنة فى شارع الهرم
تحياتى و تقديرىاترك تعليق:
-
لغــز اسمه الــزواج .. العصر الحالي (الحلقة التاسعة) الـزواج في الخليـج (2)
(2)
.. دخلت إلى حجرته إحدى الممرضات الجميلات , و هي تمسك في يدها حقنة شرجية , و قالت له مبتسمة :
ـ صباح الخير .. يا شيخ أبو القاسم ..
قال لها الرجل ؛ بمجرد أن رآها ـ فلم يعد يرى إلا على بعد خطوات معدودة ـ :
ـ تصبّحي بالخير ..
توددت إليه سائلة :
ـ عامل إيه النهارده ..؟!!
أجابها , و قد انشرحت أساريره:
ـ الله يعطيكي العافيه .. الحمد لله ..زين و الله زين..
ضحكت (سوسن) , و قالت له :
ـ طيب أنا عاوزه أركب لك .. الحقنة الشرجية عشان أحضرك للعمليه ..
تأفف الرجل , قائلاً :
ـ كل يوم حجنه شرجيه ..؟!! هذا و الله شئ عجيب ..!!
قالت له (سوسن) معتذرة :
ـ معلهش يا عم أبو القاسم .. المره دي كمان .. علشان خاطري ..
هنا ابتسم الشيخ (أبو الجاسم) , و أخذ يداعب لحيته , و يتراقص بحواجبه . قائلاً :
ـ علشان خاطرك غالي عندي.. أنا هاعمل كل إللي تؤمرى بيـه.. يا حلـوه ..!!
نظرت إليه (سوسن) متعجبة من ذلك العجوز المتصابي الذي لا يقوى على الحراك , و لا زال ؛ و هو تحت العلاج , و على وشك دخول غرفة العمليات , يرتدى تلك المريلة البيضاء التي تربط من الخلف كالأطفال ؛ يغمز لها بعينيه , و يضغط على يديها بيديه . و يملس على أجزاء من جسدها ..!! بينما كانت تعطيه العلاج . قائلاً :
ـ عظيم .. و الله عظيم ..!!
حتى أنها فكرت أن تشكوه إلى الأطباء , أو إدارة المستشفى ؛ لكنها خشيت من العقاب ..!! فهو يدفع آلاف الجنيهات . ثم أنه مريض , و المريض دائماً على حق , فلا أحد يستمع لكلام الممرضات ..!! فكرت أن تقول إلى زميلها , و حبيبها (حمدي) الذي يعمل ممرضاً معها في نفس المستشفى . لكنها خشيت من غضبه , و تهوره ؛ فقـد يقتلـه , قبل أن يموت بمفرده ميتة ربه..!!
.. لذا حاولت فيما بعد ألا تذهب إليه مرة أخرى كي تمرضه ..!! إلا أنه لم يتركها لحالها , و طلبها هي بالاسم . فوجدت رئيسة التمريض بالقسم , تأتيها مهرولة . و تقول لها لاهثة :
ـ يلا بسرعة يا سوسن .. الشيخ أبو القاسم عاوزك ..!!
قالت لها (سوسن) معتذرة :
ـ و النبي إعفيني يا مس .. و خلي أي واحدة تانيه من زمايلي .. هيا إللي تروح له ..
أجابتها على الفور :
ـ ما ينفعش ..!! هو عاوزك إنتي .. و رافض ياخد العلاج من أي حد تاني .. حتى مني ..!! و لو مدير المستشفى عرف بالموضوع ده .. يمكن يرفدني .. يلا يا بنتي ما تجيبيش لنا الكلام ..!!
أجابتها (سوسن) بخجل :
ـ أصله راجل قليل الأدب ..!!
و استطردت قائلة :
ـ و كمان إيده طويله أوي ..!!
ضحكت (الريسة), قائلة :
ـ يا سلام ..!! يعني هو ده إللي مزعلك ..؟!! يا عبيطه .. هاوديه شويه ..و هو هينغنغك ..!! دي فرصة العمر جت لحد عندك ..!! دا عنده الفلوس بالكوم .. و باقي له في الدنيا كام يوم .. دا يبقى يوم السعد لما يتجوزك ..!!
دهشت (سوسن) , وهي تستمع لكلامها , و هتفت جزعة :
ـ يتجوزني كمان ..!! إزاي إنتي مش عارفة إني بأحب حمدي ..؟!
ضربت على صدرها , و شهقت , قائلة :
ـ حمدي إيه الكحيان الصدمان العدمان ده ..!! هو حيلته إيه إلا مرتبه ..؟! و بقالكوا خمس سنين مع بعض .. و لسه قدامكوا يجي عشر سنين ..على ما تقدرو تشوفولكوا شقه ..!! عموماً يا ستي إذا ما كنش في الموضوع جواز .. أهو جايز ينوبك من الحب جانب .. و تطلعيلك بقرشين ينفعوكي بعدين .. و تقصري المسافات .. و تتجوزي حبيب القلب .. المهم .. المطلوب منك إنك تريحي الشيخ أبو القاسم على الآخر .. و تنفـذي له كـل طلباتـه ..!!
ثم ضغطت على يديها , و قالت ضاحكة :
ـ مفهوم ..؟!!
ومضت , و ذيل ضحكتها يلاحقها , قائلة :
ـ يا ريتني كنت أنا ..!!
.. ذهبت (سوسن) إليه تتخبط في خطواتها . فابتسم , و كأنه كان يعلم ذلك الحديث الذي دار بين (الريسة) و بينها ..!! و ربما يكون هو أرسلها . بل قد يكون دفع لها ..!!
ثم أمسك بيديها , و أجلسها بجواره . و أخذ يحدثها عن مدى ثرائه . و عدد اللائي تزوجهن في حياته . كيف أنه تزوج من الممثلة الأمريكية الشهيرة (برجيت باردو) , و تزوج من (جاكلين كندي) بعد طلاقها من (أوناسيس), و تزوج من تلك الراقصة المصرية المشهورة (كيتي) , و تزوج الفرنسية (إيرما) , و تزوج أميرة (موناكو), و تزوج .. , و تزوج . و أخذ يعدد لها الحسان في كل مكان . و عشرات الفتيات اللاتي لم يبلغن سن الرشد . بل اللائي لم يبلغن أيضاً ..!! ـ بعدما يأتي آبائهن بالطبع بشهادات تسنين لهن تفيد تجاوزهن الستة عشرة عاماً ـ و أنه رجل تقي يخاف الله , و يخشى الحرام , ولا يرتكب أبداً معصية . لذا فهو يتزوج دائماً في الحلال ..!! و كان طوال حديثه معها ؛ يعبث في جسدها . و هي تستمع له ؛ كما لو كانت مخدرة . فشردت عنه بفكرها ؛ إلى حبيبها (حمدي) و تخيلت أنه هو من يحدثها ..!! و أنهما لو أن عندهما القليل من ذاك الكثير؛ لتزوجا . و كان من يداعبها الآن . فجأة تنبهت إليه , و انتفضت واقفة . و خرجت من الحجرة راكضة ..!!
يتبعالتعديل الأخير تم بواسطة د .أشرف محمد كمال; الساعة 18-05-2010, 15:02.اترك تعليق:
-
المشاركة الأصلية بواسطة أحمد أبوزيد مشاهدة المشاركةلاااااااااااااااااااااااااا
إللي يجاوبك على السؤال ده
جورج قرداحياترك تعليق:
-
آآآآآآآآآآآآآآآآ ةةةةةةةةةة
فهمت
تقصد إنها إستعانت بصديق
بس إستعانت به إزاى
فهمنى طيباترك تعليق:
-
المشاركة الأصلية بواسطة أحمد أبوزيد مشاهدة المشاركةهههههه
أنت مش عاوز برضو تجيبها لبر
ماسمعتش عن القصة المأثورة
فلان خلف في الستين ( يجوز..!!)
فلان خلف فى السبعين (سبحان من يحيي العظام وهي رميم..!!)
فلان خلف فى الثمانين ..( أكيد كان له جار في العشرين..!!)
اترك تعليق:
-
د. أشرف
مساء أحمر نادى
و كانت أغلب الزوجات تحرصن على إنجاب الأطفال ؛ حتى يضمن حقوقهن في الميراث , و يأخذن نصيبهن , و نصيب أولادهن ؛ حتى و لو لم يمسسهن ..!! فمتى و أين له أن يتذكر
مش فاهم كيف ينجبون و لم يمسسهم
ممكن توضيح
مع ذكر مثال للإيضاح
تحياتى و تقديرىاترك تعليق:
-
لغــز اسمه الــزواج .. العصر الحالي (الحلقة التاسعة) الـزواج في الخليـج
الحلقـة التاسعـة
الزواج في الخليـج
..حدث في الكثير من بلاد النفط العربية - الخليجية منها , وغير الخليجية - طفرة فجائية ..!! نتيجة تلك الثروة التي هبطت عليهم - أو عفواً صعدت إليهم من تحت القشرة الأرضية - بلا أدنى سابق نيه . فما بين يوم و ليلة . وجد شيخ القبيلة نفسه يملك آلاف من الآبار التي كانت تحت احتكار الشركات الأجنبية . ثم ما لبثت و أصبحت ملكه , تدر عليه آلاف الريالات و الدينارات . بل أصبح كل فرد يملك الآن في حديقة منزله الخلفية بئر بترولية ؛ تلقي بأطنان من الذهب الأسود له بصورة يومية . فانتعشت الحالة التجارية و استوردوا العمالة الأجنبية من الدول الآسيوية , و الإفريقية , و الأوروبية أيضاً . هذا غير الدول العربية الأخرى الفقيرة , و المعدمة منها .
أصبح الرجل النفطي منهم مثل شهريار فى سالف الأسحار . يتزوج كل ليلة , و ليلة من صبية جميلة , أو من فتاة فقيرة بلا حيلة . بل أصبح يتزوج زوجة من كل بلد . و أعاد إلى الأذهان عصر الجواري الحسان , و الرقيق الأبيض . و صار يحيا في ترف أكثر مما رآه (هارون الرشيد) في الفتوحات الإسلامية . فلكل عصـر فتوحاته ..!! و أمسي ذلك الشيخ يملك في حوزته جامعة للدول العربية و الأجنبية . بل تعد فرع جديد من فروع منظمة الأمم المتحدة . و لأول مرة استطاع رجل واحد أن يوحد العالم على فراش الزوجية ..!!
الشيخ (أبو الجاسم المرزوقي) تزوج من ابنة عمه , و أم أولاده الخمس منذ قرابة الأربعين عاماً ؛ التي لا تزال فى عصمته حتى الآن . رغم أنه لم يعد يراها منذ أكثر من خمسة و عشرين عاماً . في أثناء تلك الفترة . تزوج العديد من النساء . و لا زال حتى الآن مستمر في الزيجات . حتى أن عدد زوجاته يقدر بالمئات . و عدد أولاده بالألاف . فقد كان يتزوج ربما لعدة أيام فقط , أو حتى بضعة ساعات ..!!
و كانت أغلب الزوجات تحرصن على إنجاب الأطفال ؛ حتى يضمن حقوقهن في الميراث , و يأخذن نصيبهن , و نصيب أولادهن ؛ حتى و لو لم يمسسهن ..!! فمتى و أين له أن يتذكر وسط هذا الكم من النساء , و الليالي الحمراء ..؟! و الحبوب الزرقاء التي أيقظت الأغنياء ..!!
الشيخ (أبو الجاسم المرزوقي) تزوج من مختلف البلاد ؛ العراقية , و اللبنانية , و الفلسطينية , و المصرية , و السورية , و حتى السودانية ..!! و الفلبينية , و الإيطالية , و الإنجليزية , و الأمريكية ,و الروسية , و اليابانية , و التايوانية , و الهندية , و البنجلادية (نسبة إلى بنجلاديش) و سافر إلى كافة بلدان العالم . طبعاً بقصد التجارة ..!! فكان يتزوج من كل بلد مدة الإقامة فيها . بل تزوج ذات مرة في الطائرة ..!! من إحدى مضيفات الطيران , و قام بتزويجهم الربان . ناهيك عن سفينة الحب المعروفة . حين تعرف فيها على ممثلة أمريكية شهيرة , و تزوجها . و لم يستمر زواجه إلا بضع ساعات . فقد على إثرها ملايين الدولارات . لكنه كان يقول قولته المأثورة :
ـ كله يهون من أجل إثبات الذات ..
ـ طبعاً فى الملذات ..!! ـ
الشيخ (أبو الجاسم) انتهى به المطاف الآن في إحدى المصحات للعلاج من العديد من الأمراض ؛ أهمها مرض البروستاتا اللعين الذي جعله لا يستطيع حتى النظر إلى الحريم ..!! إلا إنه لا يزال يعيش حتى الآن في الحلم القديم . و يحيا مع الذكريات , و تذكر ما فات .. هيهات ..!!
يتبعالتعديل الأخير تم بواسطة د .أشرف محمد كمال; الساعة 18-05-2010, 15:17.اترك تعليق:
-
المشاركة الأصلية بواسطة أحمد أبوزيد مشاهدة المشاركةألف سلامة على نفسيتك يا احمد باشا
علشان خاطرك هنزل الحلقة الخليجي على طول
شغل التترات ياعم
أوعوا تروحوا فى أي حته أبو الجاسم وصااااااالاترك تعليق:
اترك تعليق: