```html id="7r1mda"

🔍 البحث المتقدم في الملتقى

⚙ خيارات البحث المتقدمة

البحث يتم عبر Google داخل المنتدى

```

(سلسلة) لغــــز اسمــــه … الــــزواج ..؟!

تقليص
X
تقليص
 
  • الصفحة لـ 14
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 9 10 11 12 13 14 template التالي
  • د .أشرف محمد كمال
    رد
    المشاركة الأصلية بواسطة أحمد أبوزيد مشاهدة المشاركة
    د. أشرف كمال أحمد

    مساء القشطة

    على فكرة انا كنت صبى داية زمان
    عود الملوخية لوحدة ما ينفعش
    لازم معه عود قش ( سيقان نبات القمح الجاف )
    و يوضع مع عود الملوخية داخل الرحم
    حتى تتم عملية فض كيس الجنين
    و ينزل دم
    لو محصلش من أول مرة يتم التكرار كل يوم
    مع بذل مجهود عضلى

    و هناك طريقه أخرى

    تشرب كوكا كولا مع مغلى الشيح و القرفة

    دى الأمانة العلمية يا دكتور
    لازم نشرح صح

    تحياتى و شكرا
    ألالالالالالالا أنت هتقطع علينا ولا ايه يا أبوحميد
    وكمان بتفشى أسرار المهنة
    و بتعمل دعاية لشركات أمريكية
    معلش أصل أنا دكتور باطنة و قلب مش نسا وولاده
    شكراً لمرورك المبهج و اضافاتك القيمة أخي أحمد
    لك خالص مودتي و ودي

    اترك تعليق:

  • شيرين عبد المنعم
    رد
    دكتور اشرف محمد كمال احي حضرتك علي خفة الظل في هذه الحلقات الفرعونية التي اصبحت تتميزبفكاههة تطويرية واشك ان آن وتيتي قد يفكروا في الدخول علي الفيس بوك ويبحثوا علي زوجة ثانية مثلما فعل احمد هامان كبير الكهان ولكن ربنا ستر معاه وفاق بالاكراه
    نحن في انتظار المزيد والمزيد من هذه الحلقات فنحن في اشد الاحتياج لبعض من الابتسام دومت متالقا ومبدعا تحياتي وتقديري ودمت مدافعا او خائفا من الدنيا الاولي فهي تستحق ان يعمل لها الف حساب

    اترك تعليق:

  • أحمد أبوزيد
    رد
    د. أشرف كمال أحمد

    مساء القشطة

    على فكرة انا كنت صبى داية زمان
    عود الملوخية لوحدة ما ينفعش
    لازم معه عود قش ( سيقان نبات القمح الجاف )
    و يوضع مع عود الملوخية داخل الرحم
    حتى تتم عملية فض كيس الجنين
    و ينزل دم
    لو محصلش من أول مرة يتم التكرار كل يوم
    مع بذل مجهود عضلى

    و هناك طريقه أخرى

    تشرب كوكا كولا مع مغلى الشيح و القرفة

    دى الأمانة العلمية يا دكتور
    لازم نشرح صح

    تحياتى و شكرا

    اترك تعليق:

  • د .أشرف محمد كمال
    رد
    المشاركة الأصلية بواسطة ريما منير عبد الله مشاهدة المشاركة
    اول شي يسعد مساك دكتور
    و مساك
    تاني شي شو بدها باعواد الملوخية ينفعوها بايه
    دي حاجه طبيه و وصفه بلدي للإجهاض



    تالت شي ايه ده يا دوك كدة وكدة يعني ايه يعني بتضحك عليي وبتاخدني على قد عقلي
    أهو مش قارية ليك حاجة
    وابقى شوف مين ح ينطلك كل شوي ويشجعك ويقلك احكي يا وحيد
    هو الواحد مايعرفش يقول كلمة سر في البلد دي
    شفت بقى يا عم أحمد عملت إيه فينا هتطفش منا الزباين
    بس أنت شكلك بيتغير قوى يا ريما لما بتكوني غضبانه
    يا لطيييييف

    اترك تعليق:

  • ريما منير عبد الله
    رد
    المشاركة الأصلية بواسطة د .أشرف محمد كمال مشاهدة المشاركة

    ثم بدأت تجهز بعض الأدوات , كما أخذت معها بعض أعواد الملوخية لزوم العملية ..!!


    اول شي يسعد مساك دكتور
    تاني شي شو بدها باعواد الملوخية ينفعوها بايه

    المشاركة الأصلية بواسطة د .أشرف محمد كمال مشاهدة المشاركة

    دا كلام كده .. وكده عشان نتقي شرهم
    ربنا يجعل كلامنا خفيف عليهم

    تالت شي ايه ده يا دوك كدة وكدة يعني ايه يعني بتضحك عليي وبتاخدني على قد عقلي
    أهو مش قارية ليك حاجة
    وابقى شوف مين ح ينطلك كل شوي ويشجعك ويقلك احكي يا وحيد

    اترك تعليق:

  • د .أشرف محمد كمال
    رد
    لغــز اسمه الــزواج .. العصر الحالي (الحلقة الخامسة) الريف المصري (2)

    (2)

    ..أخذت (مسعده) تحدث نفسها :
    ـ آآآه .. ما هو أنا حظي كده .. إني أتجوز راجل ما بيخلفش .. و أنا ساكته .. و صابره ..و راضيه .. و يتولد على إديا عيال البلد كلها .. و ما يكنش ليا حتة عيل ..؟!!
    وأخذت تبكي إلى أن سمعت طرقات على الباب. فهتفت قائلة :
    ـ ميييين ..؟!!
    أجابها صوت قائلاً :
    ـ أنا خالتك أم إسماعين ..
    قامت مهرولة , و مسحت دموعها بأصابعها . ثم فتحت الباب في سرعة قائلة :
    ـ أهلاً وسهلاً يا حاجه .. دا إيه النور ده ..!!
    أجابتها السيدة المسنة :
    ـ دا نورك يا مسعده يا بنتي .. أنا عوزاكي في خدمة عندي ..
    أجابتها على الفور :
    ـ أنا تحت أمرك ..!!
    قالت بصوت خفيض:
    ـ إنتي عارفة البت عنايات .. بنت إسماعيل ابني ..
    قاطعتها قائلة :
    ـ أمال ..!! دي زينة البنات .. اسم النبي حارسها ..
    طأطأت المرأة رأسها , و هي تقول :
    ـ الظاهر أن فيه حد ابن حرام ضحك عليها .. و بطنها كبرت ..و بان عليها ..!!
    ضربت(مسعده ) صدرها , و قالت متصنعة اللهفة :
    ـ يا نهار أسود ..!!
    ثم استدركت قائلة في خبث:
    - ماتخافيش يا خالتي .. سرك في بير .. و أنا هاعمل كل التدابير ..
    أخرجت السيدة من صدرها شيئاً قائلة :
    ـ خدي الكردان الدهب ده .. حلاوة الشغلانة دي ..
    أمسكت الكردان الذهب في يدها , وهى تنظر إليه في جشع . ثم قالت:
    ـ و النبي ما تكسفنيش يا خالتي .. دا أنا اخدمك بعيني.. و عنايات زي أختي ..
    ثم خرجت السيدة العجوز مسرعة , بينما (مسعده) تحدث نفسها قائلة :
    ـ والله عال يا عنايات .. هي حصلت البنات يحملوا .. و يقدروا على إللي مش قادره عليه الستات ..!!
    ثم بدأت تجهز بعض الأدوات , كما أخذت معها بعض أعواد الملوخية لزوم العملية ..!!
    وخرجت من دارها مسرعة ,و قالت محدثة نفسها :
    ـ أروح الأول أولد الست تحيه .. و بعدين أروح لعنايات في العصريه ..
    قابلتها سيدة متشحة بالسواد . فقالت لها (مسعده) :
    ـ خييير يا أم سمير .. راحه على فين كده ..؟!!
    أجابتها السيدة :
    ـ إنتي مادرتيش .. مش عمك درويش.. تعيشي إنتي ..
    قاطعتها (مسعده) بصرخات مدوية , و صويت , و عويل :
    ـ يا لااااااهوي .. يا خرااااابي .. ماكنش يومك يا عم درويش ..
    و ابتسمت , و هي ماضية . قائلة:
    ـ عاااال .. الشغل النهارده مش بطال ..!!



    يتبع
    التعديل الأخير تم بواسطة د .أشرف محمد كمال; الساعة 18-05-2010, 16:06.

    اترك تعليق:

  • د .أشرف محمد كمال
    رد
    لغــز اسمه الــزواج .. العصر الحالي (الحلقة الخامسة) الريف المصري

    العصــــر الحــــالي

    أما في عصرنا الحديث .. فالحديث شرحه سيطول . فلكل بلدٍ طقوس و شئون . بل داخل كل بلد تختلف الأمور . ما بين الريف و الحضر . لذا سنتطرق لذلك الأمر بالمفيد المختصر .. ولنبدأ بمصر المحروسة . و لنرى كيف يختار العريس العروسة .



    الحلقة الخامسـة


    الزواج في الريـــف


    أولاً في الريف المصري . تلعب شخصية الداية دوراً رئيسياً في كافة شئون الزواج و الحياة . فهي تقوم بدور المولدة , و بدور الخاطبة الموددة - المؤلفة بين طرفي الزواج – و المعددة - في حالات الوفاة - في أوقات الفراغ . بل هي طبيبة القرية لعلاج كل الأمراض ؛ من المرارة , و الكلى , و الطحال . لكافة الأمراض العضال حتى الإجهاض ..!!

    و سنلتقى بتلك الأسرة الذكية . داخل القرية المصرية . الزوجة (مسعده) الداية المولدة , و الزوج (عبدالعال) حلاق الرجال , و الحمير , و البغال ..!!
    هيا لنقترب أكثر , و ندخل إلى غرفة نومهما مع أول شعاع شمس يدخل من النافذة . تثاءبت (مسعده) قائلة , و هي تهز زوجها هزات عنيفة :
    ـ إصحى يا راجل.. الساعة بقت سته ..
    تململ (عبدالعال) , و أشاح بوجهه عنها قائلاً:
    ـ نامي يا شيخه .. إنتي متسربعه على إيه ..؟ يعني وراكي الديوان ..؟!!
    لكمته بعنف في كتفه قائلة :
    ـ قوم يا كسلان .. افتح الدكان .. جايز يجيلك كام عيان .. و الا حد تحلق له .. أو طهارة كمان ..
    أجاب (عبدالعال) , و هو يتمطى :
    ـ هو فيه حد بيصحى دلوقت .. دول بيسهروا قدام الدش للفجر ..و بيناموا لحد الضهر ..!!
    قاطعته (مسعده) قائلة :
    ـ هو فيه حد عيان بينام .. إنت إللي بس خيبان ..
    انتفض جالساً على السرير ,و قال غاضباً:
    ـ ليه بس طولة اللسان يا بنت الحلال ..؟!
    نهرته قائلة :
    ـ عبد العاااااال ..!!
    انكمش مرة ثانية قائلاً :
    ـ خلاص .. خلاص .. بدل ما تفتحي ليا الموال .. بتاع كل مره ..
    قالت (مسعده) , و هي تمصمص شفتيها :
    ـ ما هو إنت السبب .. لو كنت عرفت تجيبلي حتة عيل .. كان ملى عليا البيت ..و كنت بقيت زي بقية الستات.. إللي بولدهم .. صبيان و بنات كل يوم .. و إنت قاعد زي قلتك في الدار .. مش عارف تجيبلي حتة صرصار ..
    قاطعها قائلاً بحنق :
    ـ يا سلام .. يا سلام .. و اشمعنا ما يكنش السبب منك يا مدام ..؟!!
    صرخت فيه قائلة :
    ـ ليه أنا فيا إيه ..؟! ما أنا كويسة أهه قدامك .. و أعرف كمان أعالج ..إللي ما بتخلفش من النسوان ..
    ضحك قائلاً :
    ـ الله .. إحنا هنضحك على بعض .. ما قلت لك نروح لحكيم بجد ..!!
    قاطعته قائلة :
    ـ طب أقعد ساكت .. إنت بس عاوز تداري خيبتك .. إللي ما وردت على حد ..
    هب واقفاً ؛ يرتدي جلبابه قائلاً :
    ـ والله ما أنا قاعد لك في البيت .. يا مسعده يا أم ..!! الملافظ سعد ..!!
    و صفق الباب خلفه , بينما يهمس في سره بالشتائم , و اللعنات .




    يتبع
    التعديل الأخير تم بواسطة د .أشرف محمد كمال; الساعة 18-05-2010, 16:03.

    اترك تعليق:

  • د .أشرف محمد كمال
    رد
    المشاركة الأصلية بواسطة أحمد أبوزيد مشاهدة المشاركة
    د. أشرف سوف تكمل لأجلها فقط

    هذا تحيز عنصرى
    أين وعدك لى

    تحياتى و شكرا
    ياعم أحمد خليك دبلوماسي أنت مننا فينا
    دا كلام كده .. وكده عشان نتقي شرهم
    ربنا يجعل كلامنا خفيف عليهم
    وعشان خاطرك يا سيدى خد عندك القصة دي
    وفيها زوجه تانيه كمان عشان تنبسط

    اترك تعليق:

  • أحمد أبوزيد
    رد
    د. أشرف سوف تكمل لأجلها فقط

    هذا تحيز عنصرى
    أين وعدك لى

    تحياتى و شكرا

    اترك تعليق:

  • د .أشرف محمد كمال
    رد
    المشاركة الأصلية بواسطة ريما منير عبد الله مشاهدة المشاركة
    وينك أنا هون
    كمل
    مادام أنت هون
    فأنا بجوارك
    إيد هون
    سأكمل لأجلك

    اترك تعليق:

  • د .أشرف محمد كمال
    رد
    المشاركة الأصلية بواسطة سحر الخطيب مشاهدة المشاركة
    يا مسكين يا دكتور باين مدخلتش دنيا
    اين العمق اين كيد النساء على حق هههه
    عندما تعطيك البرستسج امام الناس وتأخذه منك بعد ذهابهم
    عندما ترفعك فى السمه وتنزلك سابع ارض دون ان تدرك ما يحصل لك ههه
    دكتور ادخل بالعمق
    صباحك زين باذن الله ههه
    مين قالك أنا دخلت دنيا
    و طلعت منها بتلت عيال
    صبرك عليا التقيل لسه جاي ورا
    إن كيدهن عظيم
    صباحك مثل الشهد

    اترك تعليق:

  • ريما منير عبد الله
    رد
    وينك أنا هون
    كمل

    اترك تعليق:

  • سحر الخطيب
    رد
    يا مسكين يا دكتور باين مدخلتش دنيا
    اين العمق اين كيد النساء على حق هههه
    عندما تعطيك البرستسج امام الناس وتأخذه منك بعد ذهابهم
    عندما ترفعك فى السمه وتنزلك سابع ارض دون ان تدرك ما يحصل لك ههه
    دكتور ادخل بالعمق
    صباحك زين باذن الله ههه

    اترك تعليق:

  • د .أشرف محمد كمال
    رد
    المشاركة الأصلية بواسطة أحمد أبوزيد مشاهدة المشاركة
    أستاذنا الفاضل
    كل موضوعاتك عن الزوجة الأولى أين الثانية و العشرة
    أين الجوارى الحسان
    طرى القاعدة شويه

    تحياتى و شكرا
    لا يلدغ المؤمن من جحر مرتين يا أحمد يا أخويا
    وبعدين ماعندك الجواري الحسان فوق أهم بثينة الشامية وثريا الرومية
    وبعدين الخوف من مقص الرقابة على المصنفات الفنية
    وأحنا مش ناقصين بهدله في المحاكم
    عموماً انتظرنا في الحلقة الخليجى قريب هتجد مايسرك
    وهتندم على اليوم اللي فكرت تقرأ فيه السلسلة
    سلام يا صاحبي وكان الله في عوننا جميعاً :(

    اترك تعليق:

  • أحمد أبوزيد
    رد
    أستاذنا الفاضل
    كل موضوعاتك عن الزوجة الأولى أين الثانية و العشرة
    أين الجوارى الحسان
    طرى القاعدة شويه

    تحياتى و شكرا

    اترك تعليق:

السابق 1 2 3 4 5 6 7 8 9 10 11 12 13 14 template التالي

ما الذي يحدث

تقليص

الأعضاء المتواجدون الآن 7766. الأعضاء 2 والزوار 7764.

أكبر تواجد بالمنتدى كان 1,072,363, 21-10-2025 الساعة 14:58.

يعمل...
X

نقوم بمعالجة البيانات الشخصية الخاصة بمستخدمي موقعنا ، من خلال استخدام ملفات تعريف الارتباط والتقنيات الأخرى ، لتقديم خدماتنا ، وتخصيص الإعلانات ، وتحليل نشاط الموقع. قد نشارك بعض المعلومات حول مستخدمينا مع شركائنا في الإعلانات والتحليلات. للحصول على تفاصيل إضافية ، ارجع إلى سياسة الخصوصية .

بالنقر على" أوافق " أدناه ، فإنك توافق على سياسة الخصوصية ومعالجة البيانات الشخصية وممارسات ملفات تعريف الارتباط كما هو موضح فيه. كما تقر أيضًا بأنه قد يتم استضافة هذا المنتدى خارج بلدك وأنك توافق على جمع بياناتك وتخزينها ومعالجتها في البلد الذي تتم استضافة هذا المنتدى فيه.

موافق