ع البساطه البساطه ، يا عيني ع البساطه !!

**نعيمة عماشة** · 15-06-2010, 15:27

[frame="11 98"]

أهلاً بكَ أخي محمد
والله زارتنا البركه
نحنُ عزيزي لا نردح ولا نقدح وقد نمدح
ولا نعادي من يخالفنا الرأي
ونعتبر أن المواضيع التي تحتمل نقاشًا هي مواضيع على أهمية كبيرة
لذا فلا نسنُ حرابًا ولا نعلنُ قتالاً
ولا نشدُّ شعرًا ولا شعورا
دمتَ بخير!

[/frame]

**سحر الخطيب** · 15-06-2010, 16:37

ياااا نعيمه من داخل الارض المحتله الى جبل الكرمل الاجمل فى فلسطين
اكيد سمعتي صوتي الان ههه
بما اننا بلاد جبليه
المهم بساطه بقلب ابيض فى هذا الزمن يا بنتي يعني وقعه تحت الرجلين
لاحظت امور كثيره ان كنت طيب واعتذرت نفخوا ريشهم عليك اي انت سوفاج مين هالمفعوصه الى داخله علينا هههه
ديري بالك لتكوني مفعوصه تحت الاقدام اصل الدنيا مش للغلبان فى هذا الزمان
دنيا للي له مخلاب واضافر وانياب
لكن انا راضيه بدون هالكلام
اصل الدنيا اي كلام
وبتفرج على جميع الناس
مش عايزه اكون اي شى حتى
لا انداس تحت المداس
لا بالوهم ولا بواقع الايام
وعنا داء استفحل بالعباد
كان اسمه بالماضي ضن والان اصبح شك اي كل شى حوليكي مشكوك فيه
حتى الماء
يا بنتي ما عاد فيه امان
حتى لبن الغنم خلطوه بالطحين
حلف التاجر ميت يمين ان هالبن
عمري ما رح اذوق طعمه
والضاهر كان صادق بحلفانه
قلت اعمل شويه لبنه كالعباد
اغلي يا بنت هالبن واستفيدي منه
شوي ما شفت الا طحين مترسب وريحه مخيفه
كانت من نصيب البلاعه

**سحر الخطيب** · 15-06-2010, 16:48

على فكره يا نعيمه انت تشبيهين خالتي نعيمه قلبا وقالبا
لما كانت من عمرك وكل ما اذكره منها ونحن فى ايام الطفوله عندما رفعتي باسنانها الحاده من ذراعي ومن شدة الالم صرخت وجاء جدي بعكازه كمل هجومه علي فخاصمتها شهر وضحكت علي بمصاصه هههه

**نعيمة عماشة** · 15-06-2010, 16:59

[frame="11 98"]

سحوره منيح يللي إجيتي، مو بس اللبن مشكوك فيه ، بهاليومين حتى البني آدميين مشكوك فيهن ، يعني شو بتقولي عن السيليكون! كذبه كبيره ! والله يرحمك يا بيي كلامك ولدني وبالقلب جدي ، هذا بيي الله يرحمو ويرحم مواتك ومواتكو جميعًا حكياتو كانوا حكم ، كان يقول ما تقول فول ليصير بالمكيول وما تشتري سمك ببحر ، ونام حد عنزتك بتجيب توم ! يعني زمان والله يرحم إيام زمان كانوا يعلموا ولادهن بالمثل ، بس اليوم صار يعلمهن النت الله يحرسه ويحميه ، طيب ما عاد جدي يقعد حولينا ويحكيلنا حكايا ، حتى سحوره والله ومالك علي يمين عمنا ليبرمان قال شو بدو ما نحكي عربي ، قال لازم نحكي لغة الدولة ، يعني بدهن ايانا ننسى لغتنا ، وما نحكي فيها ، هم يضحك وهم يبكي ، يعني ما بدها هـ الواسطه ، عربيات هـ العرب مكسره ، وأحلى شي لما بيكتبوا العربي بالإنجليزي وروحي قطبيها ! ما منفهم عربي ولا منفهم إنجليزي ! أنا بقول ثقافتنا بالفصحى وبالعامية بالأمثال السائرة واللي بتطرز ثقافتنا ومنتوارثها عن جدودنا ، شوفي شو قالوا زمان ، سوس الخشب منو وفيه ! ويا ريت ظل خشب ، كلو ساندويش وبليه بالمي بفوش ، شفتي يختي كيف كل الدروب بتودي ع الطاحونه ! حتى الخشب مو بس اللبن غشوه !

[/frame]

**نعيمة عماشة** · 23-06-2010, 12:28

[frame="11 98"]

يا جماعة الخير ، قلبي من العجُّور مبجور ومن الحامض لاوي ، شو بيقولولك ، قال نسوان،
مو عاجبينهن يعني بنوب !
هاي الواحده منا بدها تعمل فانوس علاء الدين تنها ترضيهن ويلا تلحق !!
كل يوم بيطلعولك بموضوع عنا ، يعني إنو إحنا ساكتين ساكتين ، بس بمزاجنا مو بالقوة !
يعني روحي يا بنت اشتغلي برا وجوا وربي بهالأطافيل وزقي وشيلي وحطي وضويلهن العشره شمع ، ما بيقولوا لا شكرًا ولا شكورا ولا حمدًا ولا محمودا!
الصراحه راحه ، شو بدنا باللف والدوران! وكنو حبيبك عسل ما تلحسو كلو ! بس شو السيره معهن ، زودوها ولوووووووووووووه !
يعني إن حطينا الأصفر والأحمر مش عاجبين وان حطينا اللموني والليلكي مش عاجبين، يلا كلوا مع الله ، إعملي مليح وزتي بالبحر ! قلو ليش عمبتشقني قلو من اللي عمبدقني ! والشكوه لغير الله مذله ، يعني سيداتي آنساتي سادتي ، مجبورين تقبلوا أبيتم أم أبيتم !
يا رجال ما عاد بدها ، هاتوا حدا كبير تنحكي معو !!
ما عاد بدها!!

[/frame]

ع البساطه البساطه ، يا عيني ع البساطه !!

تعليق

تعليق

تعليق

تعليق

تعليق

ما الذي يحدث