كوكي يا كوكي
انا شايف ناس
يتلموا عليكي
وف نيتهم
كده ياخدوكي
ويخبُّوكي
ووقت العوزة
راح ياكلوكي


كل غرضهم
بيصاحبوكي
كل كلامهم
مدح وفيكي
لكن افعالهم
هتخليكي
تِهِجِّي تفرِّي
من أراضيكي

واحدة تقول لك
شكراً ليكي
وغيرها تبوس
ف تراب رجليكي
وهمَّا حقيقي
بيدعوا عليكي
وبقى أجوازهم
شمتانة فيكي
يوم تحتاجي
لواحدة تجيكي
هيقولوا جمعاً
آه يا فكيكي.

أصل النسوة
مليانة قسوة
ومافيش واحدة
تنفع اسوة
لمِّي ف إيديك
رمل وحسوة
تعمي عيون
شياطين ما بتسوى
وانضمي لحزب الرجالة
واحنا بأرواحنا هنفدوكي
كوكي يا كوكي
يا كوكي يا كوكي.

[size=6]
[align=center]
سلام قولاً من رب رحيم! حزب الستات؟ أهو ده اللي مش ممكن أبداً. وانتظري الرد.

والله القهـوة ما باشربهاش
أصلي باحب أنام من بدري
أما الفـول فبقى لي سنين
لما باشـوفه باطلع أجـري

بيفكـرني بنمـرة واحـد
كان الفول أبو سوسه قريبها
والعدس أبو جبة وطـربوش
جنب المش أبو دود حبـايبها

كنت أقول لها بقى يا حيـاتي
عايز مـرة ف يـوم بروتين
أنا مش ممكن هابقى نبـاتي
قالت الدود ف المش يا عين!

كن ادِّيهـا فلـوس بالكـوم
لاجـل تجيب لي خزين البيت
مـرة تدكِّـن فـي المعلـوم
مـرة تقول لي ما فيش غير زيت.

جيت قلت لها يا روحي تعالي
كيف ع الزيت والملح نعيش
دا انا كسِّيب، بالكوم أموالي
نفسي ف يوم بطني ما تمشيش

حتـة لحمـة تصلب عـودي
وكباب حلّـة وصدر فـراخ
ده اللي يشوفني يقـول معدوم
شوفـوا الراجـل خسّ وداخ!

طبعـا رسيت على تطليقهـا
بعد ما كنـزت كل فلـوسي
وانا مبسوط وسعيد من يومهـا
روحي يا شيخة يار ب تحـوسي.

يبقى القهـوة يا ستِّنـا كوكي
ولاَّ الفـول مش راح يغـريني
الستـات حالفين يسيبـوكي
تطحني وحدك، وآدي يمينـي

راح اطلقهـا .. دي نمرة اتنين
إن فتـحت بقهـا وبكلمـة
وقالت لك: آه يا كوكي يا زين
خلَّصي تاري بكلمـة وشتمـة.

وانا عـارف بقى نمـرة تلاتة
في الجبن ما فيش أحسن منهـا
رغـم انَّهـا أكبـر لتَّـاتـة
في الغيبـة ما فيش حد سابقها

أما الرابعـة يا عينـي عليهـا
هاديـة وطايعـة ومـخ تخيـن
تسمـع كل كـلامـي إليهـا
إن قلت يميـن، بتبـص يميـن

يبقى يا كوكي فاضل لك مين؟
رايتك بيضـا عليهـا القيمـة
معـروف إن النسـا تايهيـن
والحركات دي موضـة قديمـة.

بقى كده يادكتور

والله على رأي المثل

ان غاب القط العب يافار

وانت عارف سبب غياب القط

استناني بس لما افوق لك

اصل الساحة فضيت لك

بس على مين

راجعين راجعين شايلين بإيدنا سلاح

صبرك عليا حبة بس اتمكن من الكيبورد

وبكره تشوف انا ح اعمل ايه

خد لك حته صغيرة تسليك سنان


سيبت الساحة شوية يادكتور

القاك جـــــاي تبرطع فيهـــــا

والقاك جـــاي مستجدع حالك

علــى ناس سكـر ربي حاميها

طيـــــب صبـرك حبـة يادكتور

واملك نفســـي من اللي آذيها

بس طاوعني وشوف لك مهرب

شوفك مثوى وروح نواحيهـــا

معلهش حاجة بسيطة بجرب فيها نفسي على حسك

هههههههههههههههههههه

طبعا مش ح انسى اقولك انك وحشتني قوي قوي

ووحشني الدكتور جمال والأخت العظيمة عبلة زقزوق

وجميع الإخوة الأفاضل والأخوات الفاضلات

مع خالص محبتي للجميع

بدنجان ومحشي وطبيخ

راحت فين الرومانسية

والا شطبت في بلدكم

احنا برضه المحلاوية والكل يشهد لنا

واذا كنت ياباشا بتقول كده عن الستات

فاحنا جدعان قوي مع الستات

زي ماحنا جدعان في كل حاجة

شوف انا بقى باقول ايه عن الست واتعلم

وربنا يهديك ياللي ف بالي


خد ياسيدي


وحشتينــــي باقــــولهــــــالــك

في بعــــدك ابقــــى انا الهالـك

يا أغلــــى من ضيــــا عنيـــــا

ياريتني اكــــون علــــى بالك


وحشتينــــــــي في كــــل أوان

يامالكة العقــــــــل والوجــــدان

كفايــــة تقــــــــل ياغاليـــــــــة

تعب قلبــــي مــــن الحرمــــان


وحشتينــى وانتــــي جوايـــــــا

صاحية ونايمــــة ومعايــــــــــا

رموشي غطاكي وجفونــــــــي

ياشمسي وقمري وسمايــــــــا


وحشتيني ياللي نسيانــــــــي

ونار البعــــد كاويانــــــــــــي

بنظرة وبسمة تحيينــــــــــــي

و ح انسى كل أشجانــــــــــي


وحشتيني وضناني الشـــــوق

وقلبي م الفــراق محــــــروق

ياريــــــــح الجنة ياغاليــــــة

يا اصل الرقــــــــة ويا الذوق


وحشتيني والغياب حيطــــول

ياريت ياغالية قلقي يــــزول

واشوف الفرحة مـــــن تاني

واكتــبلك واغنــــــي واقــول


يانجمة في السما زاهيــــــة

جرحتيني بعيون ساهيـــــــة

وحشتيني ومشتـــــــــاق لك

يادرة في العيـــــــون باهيـة


وحشتيني ح اقولهـــا ياناس

دي روحي وأغلى م الألماس

وح اكشـــف كل مافيـــــــــا

لأصل الرقـــــــة والإحساس


ياواخده العقل ياجنونـــــي

بشوفك وردة ف عيونـــي

واشوفك في الفضا نجمــة

وقلبي يقــــــول وحشتيني


ياريتك يا أمــــــل بكــــــره

يكون عنـــــــــدك ولو فكره

بأن هواكي مقسوم لـــــي

قوليلي واحشني لو مــــرة


ياشمسي وقمري ونجومي

ياساكنة ف قلبي ماتقومي

وقولي ليــا لـــو كلمــــــــة

تنسينــــي تعــــب يومـــي


وحشتيني ودايـــــــــــب دوب

وحبك ع الجبين مكتــــــــوب

دا عمري قبل ماعرفتـــــــــك

نسيته وعندي مش محسـوب


وحشتيني وياريتني ارتــاح

واشوفك عندي كل صبـــاح

اتوه واسرح في اوصافـــك

ياوردة بعطرها الفـــــــواح


وحشتيني وحشتينــــــــي

ياسارحة في فضا عيوني

ياواخده العقـــــل بجمالك

سهام حبك بتحيينـــــــــي


خديني بحـــــــب ضمينــــــي

حنان قلبك بيحوينـــــــــــي

وانام واصحى على همسك

منايا انك ماتنسينــــــــــــي


يالله وامرنا لله

الله أكبر! ألف مليون مرحباً أخي الحبيب عاشق الورد. لا تدري كم أنا سعيد بعودتك. وقد كنت مسافراً وعدت بالأمس والحمد لله. ولدي مشاغل كثيرة أرجو أن يتيسر لي خلالها الوقت للرد والتعقيب على قصائدك، وتشريحها وسلخها ونتف ريشها أيضاً.
دمت بألف خير أخي الحبيب.

وشهد شاهد من أهلكم
عاشق الورد جاء يعارضكم
وللستات مناصر وانتو بيعلمكم

اسمعوا وعوا فالحكمة من استاذنا تنفعكم


شكرا لك يا استاذي عاشق الورد فانت فعلا عاشق للورد
دمت بود

لو عاد حبك كنت أفكر
داهية ودقت، مُرّ مكرر

غوري يا شيخة وروحي ف داهية
دا انا ف وجودك عمري بيقصر

يوم ما طفشتي سعادة الدنيا
هزت قلبي، ورحت اتبخر

خايف إن الناس تحسدني
أصله دا وشِّك قرد مكشر

بركة يا جامع جت أهي منِّك
خمسين قُلَّة وراكي هاكسَّـر

طبع النسا معووج ع الآخر
مهما تعافر يفضل أزعـر

احمد ربك ، دا انت الفايز
مُر حيـاتك أصبح سكَّـر

[align=center]راح أغور من وشك وحماتي
ماهى اللي بلتني بابن فلاتي
حادعي عليكي الله لايسامحك
مش في كلامي لأ وسكاتي


جت تدحلب زى الحية
بتبوس في أيديه ورجليه
لجل موافق أنا عالخايب
كان يوم اسود وقعة رضية

لو تشوفوه يوم مايجينا
متكليّن ..متسبسب بعجينا
فاكر لي نفسه الان ديلون
ماشافش شرابه أسود طينة

قلت اتحمله وأمه لطيفة
وياريتها روخره نضيفة
قلت بكرة أغير حالهم
وأعرفهم الصابونة والليفة
[/align]

الأفاضل
الشعراء
الكبار
جئت هنا
كى أسجل إعجابى بكم الشعر
وأقصد بالشعر
" الشعر "
داخل هذه الردود نصوص غاية فى الابداع
أشكر من تسبب "

فى هذه المناظرات الحريمى جالية
أو الرجالحيمية
د. جمال مرسى"
تحياتى
د. أحمد الليثى
عبلة زقزوق
صابرين الصباغ
احمد الشربينى
وكل من شارك
هنا بجمال كلماته
جئت مهنئاً

شوفوا يا ناس كُهْن النسوان
آدي أخرتها تقول فلتان
دا انا من يومي سترت عليكي
بعد ما حِفيت جوز رجليكي

جيتي لأمي وبوستي إيديهـا
وادحلبتي، صعبتي عليهـا
قالت يا بني تعيش أهي جنبي
سُترة ويكتب أجرك ربي

قلت يا أمي اعملي معروف
حيَّة وجايّة ف توب ملفوف
أنا هادِّيها بريزة وتمشي
لاجل تغور ولا اشوفها بوشِّي

قعدت تبكي وتترجاني
لاجل أحِنّ عليكي م تاني
قلت ارضيها، دي أمي يا عالم
رغم انا عارف سيرة الهانم
******
وتاريخها موجود في المداخلة 93 وما بعدها.

ولي عودة إن شاء الله!!