سألت في حارة الساخرين عن ثروت الخرباوي.مخبر ابن حلال!! دلني على شيخ الحارة وجرى الحوار التالي :
السلام عليكم يا شيخ الحاره
رد علي بصوت يشبه صوت المرحوم علي الشريف:وعليكو السلام اتفضل
انا جاي اسأل عن الاستاذ ثروت الخرباوي لو سمحت
القى عصا الشيشه من يده: يا فتاح يا كريم يا رزاق يا عليم يا قاعدين يكفيكو شر الجايين
ايه في ايه يافندم قلت حاجة غلط؟
شيخ الحارة: يا استاذ وطي حسك دي الحيطان ليها ودان
تلفت يمنة ويسره وتسائلت: ليه هو في حاجة في كلامي تخوف؟
تلفت هو ايضا وقال:يجعل كلامنا خفيف عليهم
سألت: ما جاوبتنيش فين الاستاذ ثروت الخرباوي
رد بغضب: الله ما تحل عن سمايا يا استاذ الاستاذ عزل من هنا بقاله مدة
سألت: معلش طول بالك علي ممكن اعرف راح فين
هز رأسه : اف اما انت تلقيحة بشكل يا راجل افهم ما تخربش بيتي انا عندي كوم لحم عاوز اعيشهم
شكرته وابتعدت فجائني المخبر ابن الحلال وقال لي: انت عاوز تشوف الاستاذ ثروت
قلت بلهفة:آه
سألني :هو انت بتعرفه
جاوبت:لا بس اعرف ادبه
هز رأسه قائلا:اممممممممممممممممممم ادبه؟ طيب والي يدليك عليه؟
اجبته فرحا: ليه الحلاوة
واخدني المخبر ودي الوقت يا استاذ ثروت انا بكتبلك من اللومان انا فعرضك تجي وتقولهم انك ما تعرفنيش ولا انا اعرفك
( يا ناس يا عالم احنا بتوع الاوتوبيس)
تحية تقدير لقلمك المبدع استاذ ثروت وارجوا ان تروق لك هذه المداعبة البسيطة