مسابقة يناير للتواصل والإبداع ووسام نجم الشعر ..

**د.نجلاء نصير** · 20-01-2011, 14:08

هي الحكاية إيه ظلمنها كده ليه
بهية طول عمرها شيلانا
احنا ارتضينا بالظلم والمرارة جوانا
ليه كل لما نتخنق نلوم أرضنا وسمانا

**وليد الوصيف** · 20-01-2011, 14:33

أصرخ يا مصري صرخة حره تونسية
وأرفع بصوتك وعلمك وقلمك راية الحرية
من غير إنتحار تخسر فيه الأخرة والدنيا
وتهدم حضارة صدى صرختها مداوية

**الخليل عيد** · 20-01-2011, 17:52

تحت التراب عايشين
مع الأموات ساكنين
من أوصافهم شربنا
الصمت ليوم الدين

**جمال عمران** · 20-01-2011, 19:19

نكون هنا او حتى لو رحنا بعيد ..
بنحب مصر ام العروبة و الشهيد..
مصر الكرامة والخلود مهما حصل ..
طول ما ابنها بيمد ليها الإيد ..

**سميرة ابراهيم** · 21-01-2011, 00:12

دال ، دال على فاعل فعل
والمفعول به عمال يحاول
والمفاعيل تحطم وتتحطم
والجار يجر وراه واهم

**الخليل عيد** · 21-01-2011, 08:35

مصر حبيبتى يا نور العين
طول عمرك سراج الدين
وحائط صد للملاعين
ربنا يحميك ليوم الدين

**د.نجلاء نصير** · 21-01-2011, 14:44

نور طريقك بذكر الله
وحب الخير لمنتهاه
دا كل من نسي ربه تاه
سبحانه لا أعبد سواه

**جمال عمران** · 21-01-2011, 15:19

هل النورمن بين ثنايا ثورة الياسمين ..
كل العروبة شجعت ثوارها المؤمنين ..
ويارب تصحى الدول زى ابطال تونس ..
وتبقى ثورة فى كل مكان على الظالمين ..

**د.نجلاء نصير** · 21-01-2011, 15:44

نور الحق لازم يبان
ويصعق كل مجرم جبان
الثورة نجحت بالايمان
لأنهم رجالة شجعان

**الخليل عيد** · 21-01-2011, 15:54

نور الحق عاوزإيمان
وفعل حقيقى مش كلام
وودان صاحية لأول أدان
وقطع أيد كل اللئام

**جمال عمران** · 21-01-2011, 16:24

متقولش ياعم عن تونس انها فى ثورة ..
ده ناس بيحبوها قاموا يستروا العورة ..
وعورة الدول عندنا فى ظلم حكامها ..
وتونس هى البداية وع الباقى تدور الدورة ..

**الخليل عيد** · 21-01-2011, 16:37

تونس رغم اللهيب حتفضل الخضرا
بركان دم الشهيد بيرسم عهده الجديد
طرد منها العبيد وخلى بسمه للعيد
وشرارة حرية هبت من عند سيدى بوزيد

**جمال عمران** · 21-01-2011, 16:46

دارت الايام على الظالم واندحر ..
كان اشرف ليه الغبى لو إنه انتحر ..
لكن بتاع تونس هرب الجبان ..
وجابت خبر ذله نسمات السحر ..

**الخليل عيد** · 21-01-2011, 17:16

راح وغار فى مزبلة التاريخ
وغيره وشه زى الخريف
خايف يا عينى على الكرسى
وعمل علاوة عشرين رغيف

**جمعه محمد** · 21-01-2011, 17:25

فرح وعند الجيران انا قلت أقدرهم
افرح معاهم وانور فى قناديلهم
سألونى فين دعوتك؟ انا قلت حق الجوار
قالوا الحقوق إنتهت ولا عادش لازمهم
وعجبى!!!!!

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث