مسابقة يناير للتواصل والإبداع ووسام نجم الشعر ..

**سميرة ابراهيم** · 09-01-2011, 17:47

كان يوم أغبر يوم ما شفناك
تتمخثر بين الناس بلؤم
وتلاغي الكل ولا حتى عبرناك
واول ماانطعنت ، قلت علينا شؤم
(قلبت المحطة على جمهورية مصر هههه)

**سميرة ابراهيم** · 09-01-2011, 17:52

يا نجلاء يا حسنة النية
حاجاتنا بإذن الله مقضية
بس لقضايا العربية
تحتاج لأيادي قوية

**د.نجلاء نصير** · 09-01-2011, 18:07

تالله والله ما في أي قضية
الحكايا إن كلنا لازم نحسن النية
ونضرب علي أيد الشيطان بأيد قويه
مش نقول نتوحد ونية الفرقة مستخبية

**الخليل عيد** · 09-01-2011, 18:13

هات أيدك فى أيدى
نبنى جسر على نيلك
خد فاسك وأحضن أرضى
ترابى هو اللى باقى لك

**د.نجلاء نصير** · 09-01-2011, 18:24

كل الحكاية غننا بعدنا شوية
وانشغلنا ف مليون الف قضية
ونسينا تراب ارضك يا بهية
والله ما تزعلي حقك يا غاليه عليّ

**سميرة ابراهيم** · 09-01-2011, 18:27

[align=center]
يدوب نقول ياجماعة
تلاقي الفرقة غلابة
عايزين نوحد العملة
والعملة ليها وجوه كذابة
[/align]

**الخليل عيد** · 10-01-2011, 08:59

هو اللى يشتريك تبيعه
واللى يوهبك عمره تهينه
ليه كده يا أبن أمى وأبويا
توهب ودك لعدوك وتقلب الصورة

**ماجى نور الدين** · 10-01-2011, 15:20

هو دا الكلام ياشعرا مفيش كلام

مظاهرة حب والكلمة ترفرف من غير ملام

وبين نجلاء وسميرة والخليل يحلى السلام

ونستنى غيرهم وغيرهم ونسمع منهم أحلى الكلام

.

**الخليل عيد** · 10-01-2011, 16:27

ما الواد درويش المدهول نزل يوم للحارة وكان فى أيده زمارة

الباشا الملهم بسلمته لم جنوده الجبارة وعمل كردون على الحارة

وسؤال للجار والجارة بعصاية وبلغة وهراوة حارة تنظيم الزمارة!!!

ومعايا لمسألتكوا أمارة : ( الواد درويش والزمارة)

**د.نجلاء نصير** · 10-01-2011, 17:17

تحكي عن الناس الجبارة
اللي عملواكردون ع الحارة
مسكين الواد الدرويش
راح ضحية زمارة
،،،

**الخليل عيد** · 10-01-2011, 17:27

هم يضحك وهم يبكى يا نجلاء
لما تعيش الخوف وتنتظر البلاء
لما تحس بالظلم وتدوق المرارة
لما تقول الحق تحصل شهداء العبارة

**د.نجلاء نصير** · 10-01-2011, 17:58

تقول الحق دي شطارة
ماتخاف يصطادك الظالم بسنارة
ولا يجلدك الجبار وتروح خسارة
ولاتعيش ف ذل ومرارة

**الخليل عيد** · 10-01-2011, 18:08

خايف عليك يا بنتى متعنديش
أصل حتعدلى يجيلك الشويش
ألتزمى بكلامنا وبلاش تشويش
ولا أعملك قضية بانجو وحشيش

**وليد الوصيف** · 10-01-2011, 22:09

شاور نفسك مليون ألف مرة
قبل ما تقول كلمة حق
لأن الحقيقة يا صاحبي مرة
ونجاه فى الأخرة لكن الدنيا لاء

**سميرة ابراهيم** · 11-01-2011, 00:21

[align=center]
آه يا طير تعلى بعيد ف السما
وتجاور صقور فاكر يحميك قربهم
ريشك يبقى ايه مع اي هبة هوا
لحظة صيد ينسوا يا حلو انك جنبهم
[/align]

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث