تسجيل لهتافات الشعب المصري

تقليص
X
تقليص
 
  • الصفحة لـ 7
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 template التالي
  • إيمان الدرع
    نائب ملتقى القصة
    • 09-02-2010
    • 3576
    #61
    مصر نعمة ربنا

    مصر نعمة ربنا مصر غنوة حبّنا
    مصر عاشت قبلناومصر باقية بعدنا


    مصر ضل وبيت وارض
    مصر اهل وناس وعرض
    مصر دنيا ودين وفرض
    مصر معنى وروح ونبض
    مصر حب....... مصر قلب....مصر ام....مصر اب

    لو في يوم النور يغيم. نور ايمانك شمسنا
    لو ضلام الليل يخيم صوت ادانك نجمنا
    لو يضيع الفجر منا تحت رايتك فجرنا
    لو يغيب البدر عنا نور هدايتك بدرنا

    يحميك الاله يا ام الحياة
    وتعيشي بولادك مرفوعة الجباه
    يفديك شهيدك. تحييك دماه
    وفي لحظة وداعك اسمك ع الشفاه...




    كنّا نشعر باليتم ...واليوم عادت أمّنا المصريّة العربيّة واحتضنتنا من جديد ...
    نحن أقوياء بك يا مصر ...نحن سعداء بك يا مصر ..نفخر بأولادك يا مصر..

    تعيش وتسلم يا ااااااوطني ...يا حبّ فاق كلّ الحدود

    تعليق

    • د/ أحمد الليثي
      مستشار أدبي
      • 23-05-2007
      • 3878
      #62
      http://www.youtube.com/watch?v=Poy0NGzJHsk&NR=1
      د. أحمد الليثي
      رئيس الجمعية الدولية لمترجمي العربية
      ATI
      www.atinternational.org

      تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
      *****
      فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

      تعليق

      • د/ أحمد الليثي
        مستشار أدبي
        • 23-05-2007
        • 3878
        #63
        أغنيـــة لميــــدان التحــريــر


        ياللا حالاً بالاً بالاً
        نطـرد حسني مبارك
        الطيارة يا افندم واقفة
        واقفة في انتظارك

        حيث جنابك جبت لشعبك
        قرحة كمان ومرارة
        ياللا ف داهية يا ريس ياللا
        روح بقى ف خرارة

        قوم واتفضل لحلح طولك
        خُد ويَّاك سي جمال
        وعلاء وامُّه وكل معارفك
        ورموز الاحتيال

        لو تقلان م التخمة يا ريس
        خليك واحنا نشيلك
        يوم السعد يا ريس لَمَّا
        تشوفنا لَمَّا نجيلك

        هيلا بيلا يا مصري يا اخويا
        ياللا وهـات نقالة
        لاجل نروح للريس فوراً
        نرميه في الزبـالة

        لولا حرام واللهِ بيشهد
        كنت أسب الدين
        ليك ولسوسو وجوجو وعوعو
        يا شلة نصابين

        ياللي طفحتوا الكوتة معايا
        غنـوا وقولوا آمين
        ملعون اللي يخون الشعب
        ما تقولوا يا مصريين

        يسقط يسقط حسني مبارك
        ربي يلخبط كل احوالك
        بكرة الشعب يحاكمك حتمًا
        إنت ومَرتَك كده وعيالك

        ياللا حالاً بالاً بالاً
        نمشي لحد القصر
        نطرد أُس فساد الدولة
        لاجل نحرر مصر

        هي مسيرة صغيرة كبيرة
        ماشية بكل الشعب
        نهتف لازم لازم يرحل
        اهتف كده م القلب

        إحنا لَدَيْنا مطلب واحد
        واحد واحد بس
        يسقط كل نظام الريس
        أصل ده وش النحس



        مش ماشيين كده قبل ماتمشي
        دا احنا طردنا الخوف
        دم الشهداء دا لسه بينزف
        والقاتل معـروف.
        د. أحمد الليثي
        رئيس الجمعية الدولية لمترجمي العربية
        ATI
        www.atinternational.org

        تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
        *****
        فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

        تعليق

        • د/ أحمد الليثي
          مستشار أدبي
          • 23-05-2007
          • 3878
          #64
          اصمد اصمد يابن بلدنا
          احنا شباب وِشْياب
          اصبر ثانية بعد مبارك
          هيزول ألف حجاب



          مهما يقولوا ومهما يخونوا
          اسمع كلمة حق
          اللي بيرعب حاكم خاين
          هو كلمة لأ.



          راح تكتب في العزة قصايد
          وتحرر م القهر
          شعب وأمة، وبعد الضلمة
          لازمًا يطلع فجر.
          د. أحمد الليثي
          رئيس الجمعية الدولية لمترجمي العربية
          ATI
          www.atinternational.org

          تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
          *****
          فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

          تعليق

          • د/ أحمد الليثي
            مستشار أدبي
            • 23-05-2007
            • 3878
            #65
            يا منتقم يا جبار املا بيوت الظلمة نار
            اوعوا تصدقوا الكداب كل وعوده هتبقى سراب
            النهارده يقول حرية بكرة تبقى إجرامية
            د. أحمد الليثي
            رئيس الجمعية الدولية لمترجمي العربية
            ATI
            www.atinternational.org

            تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
            *****
            فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

            تعليق

            • د/ أحمد الليثي
              مستشار أدبي
              • 23-05-2007
              • 3878
              #66
              26 شاب ضحية من حكومة البلطجية
              26 شاب ضحية مِ الحكومة المفترية
              لفق لفق في القواضي أمن الدولة واطي واطي
              هو مبارك عايز أيه؟ كل الشعب يبوس رجليه؟
              لأ يا مبارك مش هنبوس بكرة عليك بالجزمة ندوس
              يسقط يسقط حسني مبارك، يسقط يسقط كل مبارك
              لا لمبارك أب وإبن، لا للفردة والاستبن
              حضرات السادة الضباط بإيديكم كم واحد مات
              حضرات السادة الضباط: عيشوا بشرف، جتكوا القرف
              أمن الدولة كلاب الدولة، دولا عتاولة كلاب الدولة
              دول عاملين علينا أسود وبيتسحلوا على الحدود
              دول عاملين علينا أسود وبيتضربوا على الحدود
              اللي بيسجن أهله وناسه يبقى عميل من ساسه لراسه
              مجلس شعب؟ مساء الخير! وانت رئيسك ملياردير!
              رصاصة خدت اللي فات، ورصاصة هتاخد ده، التاريخ بيقول كده
              ادي اديها كمان حرية وابعت هات لنا 100 عربية
              ابعت هات مليون شاويش، آه يا حكومة ما تختيشيش
              أمن الدولة، يا أمن الدولة، فين الأمن وفين الدولة؟
              إنتو حكومة دولة مين، إنتو حكومة دولة مصر؟ والا أمن لإسرائيل؟ إنتو أمن لإسرائيل
              لَمُّوا الشرفا في الزنازين، يبقى مكان المجرم فين؟
              المجرم حابس أهالينا وبيمنعنا تملي ف سينا
              ربنا ياخدك روح يا بعيد، إنت وصاحبك عز حديد
              وكمان جيمي وبقية الشلة، يوم ما تغوروا دا يوم العيد
              علي وعلي وعلي الصوت، اللي بيهتف مش هيموت
              علي وعلي وعلي كمان ضد حكومة الطغيان
              محمد شوقي قول بأمانة عمر السجن ما كان يوم عار
              مر العتمة في الزنزانة أغلى وسام ياخده الأحرار
              خدوا واحد خدوا ميةن مش هتنسونا القضية
              والقضية القضية المجلس من غير شرعية
              بطل تمشي جنب الحيط أصل سكاتك مش هيفيد
              يا أهالينا يا أهالينا الداخلية بتعادينا، كل يوم تطلع علينا
              الشعب اتهان الشعب اتذلّ، بقت العيشة خل ف خل
              باشا يا باشا يا باشا يا كبير، بيني وبينك فرق كبير
              أنا هنا واقف لاجل قضية مش مستني يا باشا ترقية
              أنا هنا واقف لاجل سجين مش مستني يا باشا نياشين
              الخروج الآمن لأ، الخروج الآمن لأ.
              د. أحمد الليثي
              رئيس الجمعية الدولية لمترجمي العربية
              ATI
              www.atinternational.org

              تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
              *****
              فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

              تعليق

              • رشا عبادة
                عضـو الملتقى
                • 08-03-2009
                • 3346
                #67
                " أعترف بأني لا أمتلك كل الجمال، ولكني أكره كل القبح"
                كلــنــا مــيـــدان التــحــريـــر

                تعليق

                • رشا عبادة
                  عضـو الملتقى
                  • 08-03-2009
                  • 3346
                  #68
                  جلس السلطان على العرش فوجد العرش ملتهبا .. تحمل السلطان وتمسك بالجلوس حتى لا يمشي بمؤخرة محترقة .. الغريب أن سدنة العرش جلسوا يتبارون فى مدح جلد السلطان وقوة تحمله ، بدلا من أن يسعوا لإطفاء العرش المشتعل ..سيحترق السلطان بعناده وغباء حاشيته

                  بقلم أحمد هواري
                  " أعترف بأني لا أمتلك كل الجمال، ولكني أكره كل القبح"
                  كلــنــا مــيـــدان التــحــريـــر

                  تعليق

                  • بنت الشهباء
                    أديب وكاتب
                    • 16-05-2007
                    • 6341
                    #69
                    بنفسي أعرف يا دكتور أحمد ليه حسني مبارك متشعبق بالكرسي ، وما بدو يتركو ؟؟؟......
                    عجب متل ما سمعنا اليوم لأنو تعديل الدستور رح يضيع إذا ما أجى واحد وأخد منو الكرسي ؟؟.......
                    معلش الله يخليك ما تواخذني لأنو طلعت عن أصل الموضوع ...

                    أمينة أحمد خشفة

                    تعليق

                    • بنت الشهباء
                      أديب وكاتب
                      • 16-05-2007
                      • 6341
                      #70
                      أنا بقول يمكن خايف تلحقوا الصرامي وهو رايح يركب الطيارة
                      متل ما شفت بالكاريكاتير هلق

                      أمينة أحمد خشفة

                      تعليق

                      • د/ أحمد الليثي
                        مستشار أدبي
                        • 23-05-2007
                        • 3878
                        #71
                        المشاركة الأصلية بواسطة بنت الشهباء مشاهدة المشاركة
                        بنفسي أعرف يا دكتور أحمد ليه حسني مبارك متشعبق بالكرسي ، وما بدو يتركو ؟؟؟......




                        عجب متل ما سمعنا اليوم لأنو تعديل الدستور رح يضيع إذا ما أجى واحد وأخد منو الكرسي ؟؟.......


                        معلش الله يخليك ما تواخذني لأنو طلعت عن أصل الموضوع ...
                        أصل الموضوع محتاج عملية فصل توائم.

                        أما موضوع الدستور فالجميع يعلم إن هذا كلام فارغ؛ والسبب بسيط: يعني لو مات الرئيس في أي لحظة، موتة طبيعية من عند ربنا بلا تدخل من أي حد واقف ورا الباب ويقول "بخ" على غفلة، هل ساعتها لن يمكننا تغيير الدستور؟
                        ثم إن المادة الثالثة تقول إن السيادة للشعب وحده. فإذا أسقط الشعب النظام، ومجرد هذه المطالبة الكاسحة هي فعلياً إلغاء لشرعية النظام انسجامًا مع الدستور، اللي خايفين عليه. فالمسألة كيل بمكيالين مرة نحتاج الرئيس لإصلاح الدستور (رغم هو اللي خرب الدستور أصلاً) ومرة لما الدستور يقول كذا، نقول لأ ما ينفعش. يروحوا، الله "يعطيهم طقة" على رأي ليلى الطرابلسي.
                        د. أحمد الليثي
                        رئيس الجمعية الدولية لمترجمي العربية
                        ATI
                        www.atinternational.org

                        تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                        *****
                        فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                        تعليق

                        • د/ أحمد الليثي
                          مستشار أدبي
                          • 23-05-2007
                          • 3878
                          #72
                          الشعب يريد محاكمة السفاح.
                          الشعب يريد محاكمة الرئيس.
                          د. أحمد الليثي
                          رئيس الجمعية الدولية لمترجمي العربية
                          ATI
                          www.atinternational.org

                          تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                          *****
                          فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                          تعليق

                          • د/ أحمد الليثي
                            مستشار أدبي
                            • 23-05-2007
                            • 3878
                            #73
                            هتافات جديدة:

                            إنت يا جيشنا بتحمي القصر؟ والا بتحمي أولاد مصر؟
                            ارفع ارفع الحصار ... يا للا يا جيش الثورة اختار
                            أوعى تحرك دي الدبابة ... أصل حكومة مصر ديابة
                            جيشك مصر لابد يقوم ... لازم ينصر المظلوم
                            الجيش المصري يا مصريين ... جاي يدافع هنا عن مين؟
                            حتى ان قالوا الجيش اختارك ... يسقط يسقط حسني مبارك
                            الجيش المصري ليه بتقامر؟ مين بيدِّيك الأوامر؟
                            الجيش المصري مش عميل ... طب ليه بيحمي إسرائيل؟
                            اسمع وافهم يا ابو جمال ... جيشنا ما بيحمي المحتال
                            جيشنا جيش الثورة برئ ... م الخيانة والتفريق
                            ياللا يا جيش ازعق بالصوت ... ليه تختار الشعب يموت؟
                            الجيش المصري قول الحق ... إنت معانا ولا لأ
                            ارفع ارفع الحصار ... عن شبابنا م الثوار
                            مصر جيشك في التحرير ... لازم يثبت إنه كبير
                            هو جيشنا ساكت ليه؟ مصر مش صعبانة عليه؟ التغيير ده لينا وليه.
                            ما في جيش عبد المأمور ... خلي مصر تشوف النور
                            ما في جيش كده ع الحياد ... كدب مبارك عدَّى وزاد
                            د. أحمد الليثي
                            رئيس الجمعية الدولية لمترجمي العربية
                            ATI
                            www.atinternational.org

                            تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                            *****
                            فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                            تعليق

                            • د/ أحمد الليثي
                              مستشار أدبي
                              • 23-05-2007
                              • 3878
                              #74
                              هتافات أمهات مصر:

                              أمهات أمهات مِ الميلاد للممات
                              دم الشهدا بيناديك ... قلب الأم بيدعي عليك
                              اللي يموِّت إبن لأم ... لازم يدفع تمن الدم
                              اللي بيحرق قلب الأم ... لازم يدفع تمن الدم
                              إرحل إرحل يا جبان ... قلبي وربي عليك غضبان
                              يا مبارك يا جبان ... مش ممكن ننسى اللي كان
                              إرحل إرحل ويَّا سوزان ... قبل ما يفوت الأوان
                              أمهات مصر الأبرار ... ممش ممكن راح ينسوا التار
                              اصرخ اصرخ يا شباب ... خلَّص مصر من الكلاب
                              أمهات مصر ينادوك ... المطلب هو الرحيل ... بكرة هنيجي ونزفُّوك ... على المحاكمة يا عميل
                              ثورة ثورة حتى النصر ... إبني فداكي وليكي يا مصر
                              د. أحمد الليثي
                              رئيس الجمعية الدولية لمترجمي العربية
                              ATI
                              www.atinternational.org

                              تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                              *****
                              فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                              تعليق

                              • د/ أحمد الليثي
                                مستشار أدبي
                                • 23-05-2007
                                • 3878
                                #75
                                ارحل بقى القلم فِضِي.

                                آدي الكلمة جابت مليون ... والمليون هيدوس فرعون.
                                د. أحمد الليثي
                                رئيس الجمعية الدولية لمترجمي العربية
                                ATI
                                www.atinternational.org

                                تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.
                                *****
                                فعِش للخيرِ ، إنَّ الخيرَ أبقى ... و ذكرُ اللهِ أَدْعَى بانشغالِـي.

                                تعليق

                                السابق 1 2 3 4 5 6 7 template التالي

                                ما الذي يحدث

                                تقليص

                                الأعضاء المتواجدون الآن 66194. الأعضاء 5 والزوار 66189.

                                أكبر تواجد بالمنتدى كان 409,257, 10-12-2024 الساعة 06:12.

                                يعمل...
                                X