سوزان لمبارك : خسارة في الجنيهات اللي إدناهم للبلطجية وما قدروش يعملوا حاجة)-:
مبارك : ما تخافيش .. كلها مزوّرة(-:


2011/2/16 Nariman Abdulla Kamber Al Awadhi <nariman.kamber@cbuae.gov.ae>

أثار الراجل الذي كان واقفا خلف اللواء عمر سليمان وهو يذيع بيان تنحي الرئيس مبارك عن السلطة الكثير من التساؤلات عن من هو، ولماذا يظهر وما دوره في إلقاء البيان.
وقد استطلعت آراء شباب الفيس بوك وبعضاً من فئات الشعب المصري الذي يتميز بروحه المرحة، فكانت هذه الإجابات والتعليقات :
1. الراجل اللى ورا عمر سليمان هو الراجل اللى كانو مأجرين القصر منه . . . . كان مستنى ياخد المفاتيح
2. الراجل الي ورا عمر سليمان هو صاحب الميك الي كان بيتكلم منه عمر ، وكان مستنيه يخلص علشان يلم العده ويمشي
3. هو غالبا هو الولد بتاع الدليفري بتاع كنتاكي و كان مستني الباقي.
4. هناك مصادر تؤكد ان الراجل الي ورا عمر سليمان هو رجل المستحيل ادهم صبري
5. يقولون ان الراجل الي كان خلف عمر سليمان هو حفيد العجوز بتاع كنتاكي
6. الراجل الي وراء عمر سليمان بيشبه الراجل الي بيقاتل في لعبة دووم القديمة
7. الراجل الي ورا عمر سليمان هو جورج قرداحي بتاع من سيربح المليون، أو على الأٌقل أخوه

وكان آخرون لم يستطيعوا ان يخمنوا من هو الراجل الواقف وراء عمر سليمان، فكان لهم تعليقات جديرة بالتسجيل هنا :
8. أنباء غير مؤكدة عن جلوس الراجل اللي واقف ورا عمر سليمان .
9. عمر سليمان لما لقى الراجل اللى واقف وراه بقى أشهر منه.........قرر يغير اسمه الى "الراجل اللى واقف قدام الراجل اللى واقف ورا عمر سليمان"
10. هيلارى كلينتون تطالب الراجل اللى واقف عمر سليمان بضبط النفس.
11. ليس المهم أن تصل إلى القمة ، المهم أن تكون الراجل اللي واقف ورا عمر سليمان
12. احمد عز للعربية: لست خائفاً على شخصي وإنما قلقي على الراجل اللي واقف ورا عمر سليمان
13. احنا انتصرنا عشان إحنا كنا رجالة..ووقفنا وقفة...الراجل اللي ورا عمر سليمان
14. هند صبرى عايزه تتجوز الراجل اللى واقف ورا عمر سليمان
15. تلقى السيد المهندس / الراجل اللى ورا عمر سليمان برقيات تهنئة من رؤساء وملوك دوول العالم على وقفته الشجاعة
16. أوباما يعرب عن قلقه من انه لن يتم انتقال سلمي للسلطة طول ما أم الراجل ده واقف ورا عمر سليمان
17. الحكومة هي المتسببة في شهرة الرجل اللي ورا عمر سليمان عشان الشعب ينسي مطالبه
18. الجمعة الجاية اعتصام في ميدان التحرير حتى يتم شراء كرسي للراجل اللي ورا عمر سليمان
19. الجزيره:مبارك سافر الي دبي...... العربيه: مبارك سافر الي لندن....التلفزيون المصري:مبارك في شرم الشيخ.... و الحقيقه هي إن مبارك في بيت الراجل اللي ورا عمر سليمان
20. وراء كل عظيم امرأة و وراء كل عمر سليمان الراجل اللي ورا عمر سليمان
21. يا نعيش عيشة فل، يا نقف ورا عمر سليمان اخنا الكل
22. فيلم الموسم : الوقوف وراء عمر سليمان
23. فيلم الموسم الي بعده: عودة الراجل اللي ورا عمر سليمان
24. التلفزيون المصرى ينفى وجود اى شخص ورا عمر سليمان
25. اشهر 3 حاجات في مصر: ميدان التحرير و وائل غنيم و الراجل الي ورا عمر سليمان
26. ظهور الراجل اللي ورا عمر سليمان في كليب نانسي الجديد
27. أنباء عن مفاوضات بين الاهلي و الزمالك لشراء الرجل اللي ورا عمر سليمان
28. الجمعة الجاية اعتصام حتى يتم شراء كرسي للراجل اللي ورا عمر سليمان
29. شعار المرحلة القادمة : الله .. الوطن .. الراجل اللى ورا عمر سليمان
30. عايزنا نرجع زى زمان -- قول للراجل اللي ورا عمر سليمان
31. الشعب والراجل اللي ورا عمر سليمان أيد واحدة
32. احب اوجهه رساله واحده للناس اللي بتتفرج علي الدوري الاسباني. . . .. .... . . . .. ماله الدوري المصري والراجل اللى ورا عمر سليمان
33. الشعب يريد معرفة الراجل اللى ورا عمر سليمان
34. الانتربول ينفي تسلمه اي قائمة لتوقيف. . . . . . . الراجل اللي ورا عمر سليمان
35. كمان ايران فيها مظاهرات !! لأ بجد ياعرب نظموا ثوراتكوا هنخلع كل الحكام ونبعت مين القمة العربية؟ نبعت الراجل اللى ورا عمر سليمان؟
36. بيان للجيش بعد شويه اكيد هايتكلمو عن الراجل اللى ورا عمر سليمان
37. البيان السادس للقوات المسلحة المصرية:ايها الشعب الكريم.مالكومش دعة بالراجل اللي واقف ورا عمر سليمان. و الله الموفق
38. لاول مرة نري شعباً يقوم بثورة ثم يبقي حتي الفجر يتكلم عن الراجل اللي ورا عمر سليمان
39. الاسم الجديد لعمر سليمان. الراجل اللى قدام الراجل اللى ورا عمر سليمان
40. الراجل اللي ورا عمر سليمان ده لو رشح نفسه في الانتخابات هيكسب جامد
41. القوات المسلحة تبحث ترقيه استثنائية ليصبح: الراجل اللي واقف جنب عمر سليمان
42. سيذكر التاريخ عمر سليمان بانه اول واخر نائب للرئيس مبارك ولكن الشعب كله لن ينسى الراجل اللى كان واقف ورا عمر سليمان
43. الراجل الى ورا عمر سليمان يعرب عن امله فى شرق اوسط خالى من كنتاكى
44. إبراهيم الفريان يصرح : ليس لي أي علاقة بتاتا بالرجل الواقف ورا عمر سليمان
45. احب الكلام المفيد ... والدماغ المليان ... وكمان الراجل اللى ... واقف .. ورا عمر سليمان
46. أنا خايف كتب التاريخ تذكر الثوره دى بـ"ثورة الراجل اللى كان واقف ورا عمر سليمان
47. بعد انشاء صفحه على الفيس بوك للراجل اللي واقف ورا عمر سليمان والراجل اللي بيظهر ورا الراجل المتحدث باسم القوات المسلحه والراجل اللي ورا احمد شفيق ...نهيب بالساده المواطنين انهم مايوقفوش ورا اي مسئول عشان هيتقفشوا هيتقفشوا
48. لقد قرر الراجل اللى ورا عمر سليمان تخليه عن منصبه و تسليمه الى الراجل اللى ورا مسؤول القوات المسلحة
49. هذا و قد عين الرجل اللي ورا عمر سليمان في منصب الرجل اللي ورا عمر سليمان
50. المجلس العسكري يصدر بياناً بعد قليل يعلن فيه تنحى الراجل اللى ورا عمر سليمان
51. عاجل : بيبسي تلغي تعاقدها مع تامر حسني وتتعاقد مع الراجل الي كان واقف ورا عمر سليمان
52. البلد دي اللي يشوفها من فوق غير اللي يشوفها من ورا عمر سليمان
53. منظمات المجتمع المدنى تناشد الجيش بشراء كرسى للرجال الى واقف ورا عمر سليمان
54. الشعب يريد معرفه الراجل الي ورا عمر سليمان
55. القمة العربية ببغداد نهاية مارس و سيرأس وفد مصر الراجل اللى ورا عمر سليمان
56. الراجل الى ورا عمر سلميان يرفض الدخول فى مفاوضات الا بعد رحيل عمر سليمان
57. احمد عز الان على العربية يحمل ما حدث في مصر للراجل الي واقف خلف عمر سليمان
58. عاجل : لن اترشح لرئاسة الجمهورية ، ويكفيني الوقوف ورا عمر سليمان
59. مدرس يسأل تلميذ : نفسك تبقى ايه لما تكبر ؟ .. التلميذ : الراجل الي ورا عمر سليمان
60. احمد شفيق يؤكد انه تم استبدال صورة الرئيس في مجلس الوزراء بصورة الراجل اللي كان وراء عمر سليمان
61. المحتجون في التحرير يطالبون بمحطة مترو على اسم الراجل اللي واقف ورا عمر سليمان
62. النادي الاهلي يعلن فسخ التعاقد مع مانويل جوزيه و يتعاقد مع الراجل اللي ورا عمر سليمان
63. تقف ورا عمر سليمان فى خطاب مقتضب فى دقيقتين و مصر كلها تفضل تتكلم عنك لتسعين سنة قدام، هى دى الحياة مع كوك زيرو
64. الجزيرة فى تصريح خاص للراجل اللى واقف ورا عمر سليمان : لم أكم أنتوى الوقوف ورا عمر سليمان
65. أحمد خالد توفيق: سلسلة جديدة انتظروها قريباً "ما وراء عمر سليمان"
66. نطالب بتسمية الجمعة القادمة 'جمعة الراجل اللي ورا عمر سلمان
67. عز: لا أخاف على حياتى لأنى أقف ورا عمر سليمان
68. حملة تغيير صورة البروفيل في الفيس بوك و التويتر لصورة الراجل الي كان واقف ورا عمر سليمان
69. مرتضي منصور قرر يرفع قضية علي الراجل الي واقف ورا عمر سليمان .... و بيقول ان الملف القديم بتاعه لسه موجود و هو فاهم انا باتكلم علي ايه و عارف كويس كان واقف ...
70. كفاية كده يا جماعة ... و خلونا كلنا نفكر ف اهم مرحلة جديدة .. مرحلة ما بعد الراجل اللى ورا عمر سليمان
71. أمريكا عندها بات مان وسوبر مان لكن أحنا عندنا الراجل الي واقف ورا عمر سليمان
72. عز: كلنا وقفنا ورا عمر سليمان فى بداية حياتنا السياسية
73. وثائق و يكليكس : إسرائيل تدرس جدياً مدى اهمية تجنيد الراجل الواقف ورا عمر سليمان فى الموساد
74. خبر عاجل: كنتاكى قام بتغيير علامته المميزة ليضع صورة الراجل اللى ورا عمر سليمان
75. محتاجين القنوات الفضائية تجيب لنا الراجل اللى ورا عمر سليمان
76. التلفزيون المصرى ينفى وجود اى شخص ورا عمر سليمان و يهيب بالمواطنين بعدم الاستماع لاى اجندات خارجية او قنوات عربية
77. وهيبقى سؤال فى امتحانات التاريخ بعد خمس سنين... من هو الرجل اللى ورا عمر سليمان؟
78. حفظ الله مصر و أهلها و الراجل اللي ورا عـُمر سليمان
79. عاجل : تجميد أرصدة الراجل اللي ورا عمر سليمان
80. الراجل اللى وراعمر سليمان يثير ضجة فى الشارع المصرى واجتماعات مكثفة لاوباما للكشف عن هويته
81. دعوة إلى الإعتصام لتبديل النسر بالراجل اللى ورا عمر سليمان على العلم
82. في مفاجائه من العيار الثقيل : الراجل اللي ورا عمر سليمان يعترف للنائب العام بأنه هو فعلا الراجل اللي ورا عمر سليمان
83. و اكد الراجل اللي ورا عمر سليمان لمصادر مطلعه انه سيقف ورا عمر سليمان حتي نهايه ولايته لحين اجراء انتخابات حره و نزيهه للشعب لتحديد من يقف من بعده!!
84. عاجل : في ظروف غريبه انتحر الراجل اللي ورا عمر سليمان
85. من مصادر مقربة من الباشمهندس عمر سليمان ... اكد عدم معرفته بالراجل اللى واقف وراه ...!!!
86. وراء كل واحد فينا ........... الراجل اللى ورا عمر سليمان
87. ولا مرجان ولا ترتان انتخبوا الراجل اللى ورا عمر سليمان
88. ويكيليكس تكشف وثائق هامة عن ثروة الراجل الى ورا عمر سليمان.....
89. عاجل:زاهى حواس يعلن سرقة اربع تماثيل للراجل اللى وافق ورا عمر سليمان من المتحف المصرى
90. الله يكون في عون الراجل اللي ورا عمر سليمان
91. ويش اسم الرجال اللي كان امام الرجال اللي كان وراه الرجل اللي خلف عمر سليمان
92. اذا الشعب يوم ارد الحياة لابد ان يستجيب الراجل الي خلف عمر سليمان
93. لو لم أكن فى الميدان لوددت أن أكون خلف عمر سليمان
94. عاجل : تغيير مسمى ميدان التحرير إلى ميدان الراجل اللي ورا عمر سليمان
95. اكون او لا اكون: الراجل إلي ورا عمر سليمان... رجل هز عرش مصر
96. يعني ايه كولا زيرو : يعني الشعب كله يقف في الميدان، و الراجل ده يقف ورا عمر سليمان
97. البيان رقم 6 من القوات المسلحة: مالكوش دعوة بالراجل و اللي ورا عمر سليمان.. والله الموفق والمستعان
98. نظرة الراجل الي خلف عمر سليمان هي النظرة الوحيدة الي بذوب فيها البنت الاخوة اللي بيتريقوا على الراجل اللي ورا عمر سليمان....ياريت نقدره حق قدره، الراجل ده حارب في 3 حروب واستشهد مرتين
99. ﺇﺫﺍ ﺍﺭﺩﺕ ﺷﻴﺌﺎ ﺑﻘﻮﺓ ﻓﺄﻃﻠﻖ ﺳﺮﺍﺣﻪ ﻓﺈﻥ ﻋﺎﺩ ﺍﻟﻴﻚ ﻓﺎﻧﻪ ﻟﻚ ﻭﺇﻥ ﻟﻢ ﻳﻌﺪ . . . . . . . . . .. . . . . . . . . ﻓﺈﻧﻪ ﻣﻠﻚ ﻟﻠﺮﺍﺟﻞ ﺍﻟﻰ ﻭﺭﺍ ﻋﻤﺮ ﺳﻠﻴﻤﺎﻥ
100. يا جماعة حرام عليكم.. انا لو كنت الراجل اللي ورا عمر سليمان كان زمان جالي انهيار عصبي دلوقتي!!!
101. الصعايدة يتقدمون بجزيل الشكر للراجل إإللي ورا عمر سليمان وذلك لتخفيف من عليهم ضغط النكت
102. الراجل اللى ورا عمر سليمان: هو مقدم اركان حرب حسين شريف , قائد المجموعة 64 قتال من القوات الخاصة بالجيش المصري.... يعني رحنا في داهية!!

وفي النهاية نرجو من هذا القائد العظيم أن يسامحنا، فنحن نكن له كل احترام وتقدير، مشكلته فقط أنه مصري وأن شعب مصر يميل إلى الدعابة، فنشكره على دوره في تلبية مطالب الشعب، ونرجو ثانية أن يسامحنا، وأن يتقبل تعليقات المصريين بصدر رحب، فهم جميعاً كانوا يريدون إسقاط النظام، وحالياً يريدون شكرَ الراجل الواقف ورا عمر سليمان.
وهذه آخر مرة نهازر معه.