بنت الحراير ديما تسال
وين نروح نلڤى منها مرسال
باهية هي بنت العربان
شكوة ومغزل عليه الكلام
سِنية فيها قهوة جزوة كلها هال
معاها تطيب الخواطر ويحلى الموال
هزت الراس وڤالت آي ياي
كملت وراها بالمرابطة تركية
وزيدلها وحدة عديلية !

الاستاذة خديجة ( الشعر فى الحروف )
دائماً مجتهدة ومتألقة وشاعرة تمتلك الكثير .. فلماذا تبخلين على مسابقة الشعر العامى بالتواجد وقد كنتى فى المسابقة الماضية ( العطر ) فى الرباعيات..
أرجو أن يكون المانع خيراً ..
تحيتى ومودتى ..
تحية خالصة لبلد المليون شهيد..

نخلة وزيدها شمروخ عرجون
تمرة ، حرة ، فحلة
في العين تحلى بنت الصحرا
زايخة القد
خالها وخلخالها رج الكون
خلا الشمس منها تقير
سارعت لمكانها وخلات بهاها
يتهادى فيه سيد الرجالة .

مساء النور أخي جمال عمران
لم أبخل أبدا وسأكون معكم
لكن لا أود أن أدخل مثل الروووس ههه مثل المرة الماضية
بعد تخطي بنود المسابقة
سأحاول المشاركة لكن بند بند يعني سأكتب اولا الموضوع كاملا
وبعدها سأشارك في الرباعيات ...لا عليك فأختك بخير دائما
محبتي واحترامي .

شاف عقلي جمال وأداه معاه
يا اللي راك راكب الريح وعلاه
حط بالك عني والحب لا تخفاه
هاك مني ياسمينة والقلب كل رضاه
واشكر كل طالب واش جاب معاه
وڤول يا لميمة نهاري لبس برنوسو وزاد بهاه

ڤالو عني رومية !

http://2.bp.blogspot.com/-nBzZdXCAJ_4/T6SCIGSqd1I/AAAAAAAACc0/PjizsSbXszc/s640/G631-Femme-de-la-tribu-des-Ouled-Nail.jpg

[flash1=http://www.lamst-a.net/upfiles/sxd85069.swf]WIDTH=100 HEIGHT=100[/flash1]

راه جاني مرسول وڤالو عني رومية
يا حسراه على الدنيا الفانيا المَرْبَوِيَة
بنت العُربان ذِيك الحرة الديسية
برهومية شان معلومة في أُمالِية
معروفة بالخال والخلخال يا عينية
تْشَرْنِيْنَة وحده تلاڨي فرسان الصحرا تتغزل بية
كحلة لرماش ، حنة تفحفح مابين جبال سالات وطواية
ولات اليوم عيون الحساد تاكل فية
شوف يا ميمون مادارو لحباب وقَاشِيَة
ڤرب يا سامع وانصت لية
أنحاكيك بصنعة يدية
وأحكم بالحق ياك قدوة مافيه خطية ولاقصية
منصبة عليها براد تاي مجمر على الوڤيد ومعاه نعناع شوية
والحديث ميحلاش بلا مقزل يدور مابين طبڤ وركبية
صوفو يرڤاڤ منو خيط برنوس وحتى زربية
هذا رڤم مزابي والأخر شلالي والخلالة تشهد علية
حولي ، حصير ، ولا قشبية
وماتزهاش خواطري بلا ما تڤعد وحدة مسامية
واختار يا مختار غداك كسرة رقدة
مطلوع ، فطير حتى الشواط مذابية
الكل موجود ، هرماس وضلفة راعي لية
مثرد رفيس ولا ڤصعة مسفوف طرطڤ حباته مابين سنية
ولا حار شخشوخة ،عَيش سيدي ابراهيم الغول حن علية
سرجي ديما محطوط عقاش ، مجبود ، فتلة
من القل والقالة ،حتان عنابة القسمطيني داير حالة
والشاوي بثرور ولحاف وزينو جبين تتباهى بيه الرجالة
أرواح للنايلي مدور وڤصة راس من جلفة لقواط وشامة
واذا هذا الكل ومتعلمتيش أرواحي نعطيك الكيفية
راها الهيدورة مازالها بيضا ناصعة تحت رجلية
حَمَّارة شكوة تستنى نطلع زبدتها برجة
والڤربة منهيه فوڤها قبوشة
مدهونة بالمْهَل شربة منها باردة
ياه اذا جات المواسم مڤدمة
فريك ومرمز من بريواني الخنڤة بهذا عالمة
من خزرة وحدة نعرف النعجة اذا وحيدة ولا متاومة
قرداشي مايخطيش داري والناس تتقيزب بية
وعلاه علية قاسية ومني حاقدة
بجاه الصلاح والناس لملاح راني جيتك ناوية
طفي ناري ولاتخلي حرڤة مشعالي ڤادية
راه جفاني النوم والأحلام مني هاربة
ياه يا ماري الباهية بعد كل هذا وڤالو رومية
عن دينا وملتنا خارجة
متبكيش يا قليبي اذا ڤالو رومية
سعدي أنا بميمتي قرة عيني أنا بها زايخة
بعد الإسلام ولات العصابة والصلاية
بلسانها شادة وفي دعاها خاشعة
هذا الكل وڤالو رومية
امالا اذاكنت عربية
كيفاش تكون لحوال دايرة ؟
حسبي محبة الله والرسول عليهم مْعَوْلة .
وتكفيني رضاية الوالدين تفتحلي لبواب المْسَكرة
وهاذي لبيات مني للكل هدية مانيش عليهم مْجَمْلة .. !!
....

*******

هي اهداء مني لكل من قال عني رومية
رومية باللهجة الجزائرية = نصرانية = فرنسية = خواجاية
لا أتقن اللغة ولا أتكلمها فصيحة وأنا من مدينة بوابة الصحراء بالجزائر .
وأنا تحت أمر الجميع في أي استفسار أو كلمة لم تكن مفهومة .
مع فائق تحياتي واحترامي .

ياقلبي لا تسافر وتبكي وتنوح
ريحة الظلم هاذي عارفة من وين تفوح
و ياغربتي أفتحي بوابك وين ما نروح
عديلية قامة جاية طالبة رضاك وتداوي لجروح


************

نسيت روحي وقلت أني انسان
ضربة لحباب مڤساها يا حنان
تكوي كالجمرة وما يغطي جرحها حتى زمان
ياربي ليك الهربة من كل حاقد فتان .

************


كل ماڤلت وصلت الطريڤ تطوال
أش نعمل اذا كان العيش بهذا الوقت الشين حال
تايهة يا لميمة وعيني تشوف جناحي الثاني في ترحال
كسرو ڤليبي وحتى سعدي مال .


**************


ربي في سماه عالم بأصحاب الجور
الفتن غداهم وعشاهم والقلب منهم مقهور
نساو أنها دنيا الغرور
ودعوة المظلوم مسموعة من كل برور .

المربوية = من الربى
الديسية = وهي مدينة الأم التي نشأت بها واسمها الديس نسبة لنبات الديس
أُمالية = الأهل
سالات وطواية = اسم لجبال بين حدود مدينة الديس وبوسعادة
قاشية = نفس المعنى الأهل وحتى الأحباب وكل العرش
قصية = تصغير للقصة
مقزل = أداة غزل الصوف وفيه من يقول المغزل
ركبية = الركبتين ( بمنى المرأة عند الغزل تستعمل ساقها من الكعب للركبة لتتم عملية دوران المغزل بسرعة كبيرة وعند الشد بين الأصابع في اليد يتمدد الصوف )
برنوس = هو لباس رجالي أبيض ناصع له جناحان ومفتوح من الأمام وهو رمز للطهر والنقاء
وتلبسه حتى العروس يوم خروجها من بيت والدها .
زربية = الزرابي نوعية من المفروشات الكبيرة مصنوعة يدويا من الصوف والإختلاف فيها حسب نوعية الرڤم
أي ( النقش والرسومات )
مزابي = بني مزاب عرش من عمق الصحراء لهم لهجة خاصة ورمزت هنا لنوعية مفروشاتهم ( الرڤم )
وهم عرش محافظ جدا وملتزم لهم عزوتهم وشأنهم بكل الجزائر ومدينتهم اسمها غرداية .
ڨشبية = لباس رجالي كذلك يلبس في الشتاء لكن عكس البرنوس فهو مغلق كليا ويصنع من الصوف
والوبر .
مذابية = يعني بكل سرور وهنا قصدت صنع شواط لطبق تقليدي ( وهو نوع من الفطائر الرقيقة جدا )
هرماس وضلفة = الهرماس ( البرقوق بعد تجفيفة تحت شمس الصيف لإستعماله بالشتاء أثناء الطبيخ )
وضلفة ( نفس الشيء بالنسبة للطماطم الطازجة فتحها لنصفين مع اضافة الملح وتجفيفها تحت الشمس ) .
مثرد رفيس = المثرد هو الإناء مصنوع من الحطب او الطين خاص بأكلة تقليدية
الرفيس = هو طبق تقليدي حلو من أساس دقيق ( شواط ، فطير ، مْذَكر) + عجينة التمر ( الغرس ) + زبدة .
مجبود = هي حرفة يدوية تختص بها الفساتين القسنطينة وكلها من خيط رفيع جدا يكون من الذهب
وهي صناعة من التراث القسنطيني العريق .
القسمطيني = قسنطينة مدينة الجسور المعلقة ( وبالنص كنت أشير لنوعية الصناعات اليدوية )
جلفة ولقواط = محافظتين : ولايتين ..لقواط = الأغواط .
الهيدورة = هي جلد الذي يحتوي صوف الماعز او الأبقار او غير ذلك بعد فركها وغسلها جيدا لإستعمالها كفرش .
قبوشة = هي تصغير للڤنونة = وعاء دائري مصنوع من الحلفاء ويدهن داخليا بالقطران ويشرب به الماء في الصيف للإنتعاش .
بريواني والخنڤة = أرض فلاحية مسماة بهذا الإسم ومساحتها كبيرة جدا ولوالدي مساحة تقدر ب 12 هكتار وهي أرض عروش . والخنڤة : ممر ضيق بين سلسلة جبلية سمي بهذا نسبة للإختناق وصعوبة السير به .
متاومة = توأم
قرداشي = نسبة للقرداش وهي أداة تستعملها النسوة قبل عملية غزل الصوف لتفكيكه وجعله شكل أسطوانات مستطيلة .
تتقيزب = من المسخرة والضحك والإستهتار .
بميمتي = بأمي
زايخة = أفتخر


شكرا لك أستاذ أحمد علي على الحضور الطيب واشادتك الجميلة
سأحاول أن أجلب لك صورا تدعيما للشرح كي تأخذ فكرة أكبر
تحيتي واحترامي ...انتظرني .

مقزل وقرداش



قبوشة = تصغير لقنونة لشرب الماء .
الصورة موجودة بالرابط .



برنوس رجالي



قشبية : هي أغلى في سعرها من البدلات الرسمية تتراوح مابين
10 ملايين و15 مليون في الجزائر .



برنوس للعروس + فستان قسنطيني مطرز بخيط ذهب ( مجبود )




هيدورة

نار الحاڤد تاكل ساسه
واللي علا بالحيلة مع ناسه
فاكر الدنيا شي جبهات وجاه
ياك قدوة ڤدام الحي يوقف براسه

*******

ساهي ولا ناسي يا ابراهيم
الوطن بناسو والمحبة والإخلاص
موش شعارات وتزويق كلام بالإعلام
والبلآد تتنهب بالنهارودم بنو آدم رخس خلاص

*******


تعلمنا ان الحرية لازملها رجال
والحق لا يعلاه الا المتعال
خوض درب الصح ولا تمشي مع المحتال
ولا تستنى شكر على ثواب عملته بكل لحوال

***********

منواه نخاف من كلام الناس
ولا من وسواسهم الخناس
اللي عشش في الراس
و سكنهم في قصور نحاس معدومي الإحساس.

مابين الإخوة شكر
سعيدة بفعل ذلك وأأمل أن المعلومات كانت كافية في الشرح
احترامي وتقديري .

قلبي راه تعل من عيون الحساد تنظر فية
ماقالو الله يبارك وزادو لية من كل جهة بكيّة
استكثرو عني الربيع والبسمة اللي مالية عينية
وكي شافو فتحتلو الباب رماو علية بلية .

******


لا تنظر للخلف أمشي للڤدام وقول الله
تفتحلك الأبواب المسدودة في سماه
تمشي حافي ولا لابس ماتنال شي من غير رضاه
أشكر نعمتو في كل رايحة وجاية بكلمة الحمد لله .

***********

كان البارح عزيز عليا
واليوم راه راحل في لنعاش
يا الخو خاف الله لو تعلم مابيا
لا تترك الشيطان لحديثنا صراش .

**********

باعو الضماير وخلو العيون محتارة
مالنا الا الله الشدة فيه حتان تجينا من عندو إشارة
والموت راها تبقى للناس عبرة
قدام قدرته تتقهر النفوس وتولي الدموع جراية .

*******

تاهت العباد على درب الحيا
وكثرت الفتنة وهزازين السعفة
وعلاه يا خوتي هذا الفعل تاكل في القلة
وتسب الملة ونسيت دار غدوة تجمعنا

السلام عليكم
جنون هدا يا خديجة اتعلمين هناك مقول لاحد الفلاسفة لا اذكر اسمه يقول الجمال هو ما يقوله الجنون ويصدقه العقل
جميلة جدا ما وجدت هنا هو محط اعتزاز وفخر لباد الجزائر يعطيك الصحة يا بنت بلادي