دبابيــــــــــــــــــــس - فى مين - شارك معنا بدبابيسك

**عبد العلي فيلالي بالحاج** · 08-06-2007, 13:15

دكتورة مها
ربنا يشفيك ويعافيك يا دكتورة
وترجعي لنا بصحة و عافية
وتعيشي عمرك مستورة
كل القلوب كانت خايفة
أما الأعادي مقهورة
هاترجعي لنا ياأحلي صافية
ويارب أسمك في الصورة
يادكتـــــورة

**صابرين الصباغ** · 08-06-2007, 17:01

[align=center]أهل دبابييس الكرام
في الدبابيس قلنا ورحْرحنا
راح الهم وأدينا أرتحنا
إيدي ف إيدك يالا نفضفض
اللي حيقتلهم ده نجاحنا[/align]

**الشاعرمحمدأسامةالبهائي** · 08-06-2007, 21:30

شق قلبك لو خانك مرة من ضلوعك
زلزل الأرض من سكاتك من خضوعك
ولا أنك تعيش جبان مقهور بجوعك
اعدل الجزع لتميل وتميل بيك فروعك

**صابرين الصباغ** · 08-06-2007, 21:41

[align=center]جميل اخي أسامة

ذكرتني بشاعر الاسكندرية الجميل جابر سلطان عندما قال

لو لك تميل
ميل
ميلة الصقر
اللي بيفادي النخيل

وعجبي[/align]

**الشاعرمحمدأسامةالبهائي** · 08-06-2007, 22:24

المشاركة الأصلية بواسطة صابرين الصباغ مشاهدة المشاركة

[align=center]جميل اخي أسامة

ذكرتني بشاعر الاسكندرية الجميل جابر سلطان عندما قال

لو لك تميل
ميل
ميلة الصقر
اللي بيفادي النخيل

وعجبي[/align]

شـاعـر وتمنـيـت مــن صـغـري أقـــول
فــارس وحصـانـي فــي رمـحـو مـهــول
صابر ياخواننا وف قلبي الصبـر وبرضـو بأقـول
الحـق خالقنـي بحـق طبيعـي ف كـون معـدول

**د. فوزى أبودنيا** · 08-06-2007, 23:10

المشاركة الأصلية بواسطة الشاعرمحمدأسامةالبهائي مشاهدة المشاركة

شق قلبك لو خانك مرة من ضلوعك
زلزل الأرض من سكاتك من خضوعك
ولا أنك تعيش جبان مقهور بجوعك
اعدل الجزع لتميل وتميل بيك فروعك

هههههههههه
هو كده تمام

كنت فى انتظارك من زمان تنزل معانا هنا وتبدع

منور ياباشا
محبتى وتقديرى

**عبدالرحمن السليمان** · 08-06-2007, 23:25

هذا ليس دبوسا، هذا دعاء لأخ:

يا ربَّ الأرباب فرِّج عن أخينا الكَرب،
والطُفْ يا رب، وسهِّـل عليه الصَّعب،
وَرُدَّه سالما غانما إلى أهلـه واخوانه،
عسى مـن جديد يعمّ الهنـا والحُب.

**الشاعرمحمدأسامةالبهائي** · 09-06-2007, 02:04

أخي وحبيب قلبي دكتور فوزى أبو دنيا
تحياتي ياجميل
هل تعتقد أني لم أشارك إلا الآن ...... علي العموم ..أنا لسه جاي وماقلتش غير :
شـاعـر وتمنـيـت مــن صـغـري أقـــول
فــارس وحصـانـي فــي رمـحـو مـهــول
صابر ياخواننا وف قلبي الصبـر وبرضـو بأقـول
الحـق خالقنـي بحـق طبيعـي ف كـون معـدول
******
الناس في الدنيا ولا المراجيح
زي الريشة في قلب الريـح
طالعة نازلة ونازلة وطالعـة
طالعة تبكش نازلـة تغـش
ولا يوم ابداً تخـاف وتكـش
******
شق قلبك لو خانك مرة من ضلوعك
زلزل الأرض من سكاتك من خضوعك
ولا أنك تعيش جبان مقهور بجوعك
اعدل الجزع لتميل وتميل بيك فروعك
******
ربنا يشفيك ويعافيك يا دكتورة
وترجعي لنا بصحة و عافية
وتعيشي عمرك مستورة
كل القلوب كانت خايفة
أما الأعادي مقهورة
هاترجعي لنا ياأحلي صافية
ويارب أسمك في الصورة
يادكتـــــورة
(مع أحترامنا لأخونا عبد العلي )
******
يا أهل العرب يا منطورين شملكم تهجير
ردوا المهانة عنكم وقوموا ساعة لصوت النفير
و (حماس) تدعوكم باجماعكم الثوري للمصير
عدانا ساعيه فى تنفيذ مخططها الخطير
وولاد العرب غرقانه تتاوب وتشبع شخير
*******
النهارده ف (لبنان) غام الجو وهاج الضباب
وعدت عليه المدفعية وألسنة النار بالخراب
بوارج من شعب اللئام بيتجنوا ع الأحباب
و (جنوب لبنان) اللى من شدة العدوان شاب
وكل العرب عرايا وأموات من تحت التراب
ـــــــــــــــــــــــــــــــ
فهل هذا المستوي من المشاركات معقول ؟؟ أنا مش عايزك تزعل مني ...
أنها فكرة طيبة وأتمني أن تكون المشاركات علي قدر كبير من الجدية وليست سجعاً والسلام
أحنا ياأخواننا بنتعلم منكم وربنا يديم المعروف.
أشكرك اخي الدكتور فوزى وبالتوفيق علي الدوام
أخيكم محمدأسامة

**الشاعرمحمدأسامةالبهائي** · 09-06-2007, 02:10

يا بخت من يقدر يقول
واللي ف ضميره يطلَّعه
يا بخت من يقدر يفضفض بالكلام
وكل واحد يسمعه
يقف في وسط الناس ويصرخ : آه يا ناس
ولا ملام
ييجى الطبيب يحكي له ع اللي بيوجعه
يكشف مكان الجرح ويحط الدوا
ولو انكوى
يقدر ينوح
وانا اللي مليان بالجروح
ما اقدرش اقول
ما اقدرش ابوح
ـــــــــــــــــــ
صلاح جاهين

**الشاعرمحمدأسامةالبهائي** · 09-06-2007, 02:13

ومن صلاح جاهين ايضا
ـــــــــــــــــــ

الشمس تلج اصفر شعاعها صاروخ هوا
الضلمه تلج اسود كتير
ألوف ألوف القناطير
خبيني في شعورك يا بت
أحسن عروقى اتخشِّبت
شعرك خشن زى الحِرام الصوف يا بت
خبيني فيه م الزمهرير ..
ونَيِّميني في السرير
دخل النبى بردان خديجه لَفِّته
حَطِّت عليه غطيان لحد ما دَفِّته
دخل النبى بردان وقال: فين الغطا
البسمة غطت شفِّته

**الشاعرمحمدأسامةالبهائي** · 09-06-2007, 02:16

أما عبد الرحمن الأبنودي قال لفؤاد حداد
ـــــــــــــــــــــــــــ
إنت الإمام الكبير .. وأصلنا الجامع ..
وانت اللى نقبل نصلى وراك فى الجامع
****
إن تمدحوا الشعر بامدح سيرة الشاعر
واشهد بإنه صبور .. العارف .. الطاهر
الصاحى سهران .. ونايم نومة الساهر
****
على حرف ورقه ، بنصل يمص دمه الحر
دقق فى " بيت " تلقى تحته ميت وريد بيشر
اتبع خطا الدم تلقى الجرح ولونه يسر
فؤاد ما قالشى ف يوم .. المر ماله مر
متبوع .. وليه تابعين .. عمره ما كان تابع
إنت الإمام الكبير .. وأصلنا الجامع ..
وانت اللى نقبل نصلى وراك فى الجامع

**أحمد حسن محمد** · 09-06-2007, 07:51

أما أنا يا ملا دبوسي شكله غريب
بعيون ملاك يبتدي..
ونهايته زي الديبْ

كتب القصيدة فتى شاعر ولا انكرشي
علقت زي الملا لكن ولا اقبلشي
يغفل دوام بصمتي في بصّتي رمشي

قلت الكلام فللي
لكن هناك حاجةْ
والله وجهة نظر..
والفكرة محتاجةْ
لكنه شاف كلمتي بالكره رجراجةْ

وكتبت اسمي هناكْ
ولقيت كرم غالي

سايبين لي في الشباك
ميزة لإرسالي

وطلع هناك هوهو
يشتم على راحته
ردي هناك كان حلو
ليه غيروا نحته

والله ما سبيتْ
شاعرهم الفاااااااااااااااااااائد
لكن نقدت البيت
وادي أهو العائد

طيب أنا ناقد
طب ليه أصير مشتوم
طالعين لي كالمارد
وايش يعمل إيه مظلوم

وقالوا لي: ما بتعرفش
وكأنها دخلة
طيب وليه ما اقدرش
لو طولوا المهلة

طب يفتحوا لي الباب
وأنا أفتح الرشاش
ويكون ما بنّا خْطاب
شان نعرف الغشاش

انزل لي في ساحتي
أو خدني في ساحتك

هتلاقي مدبحتي
راح تيجي في راحتك

مرة تكون راجل
ياللي ف لسان عيّل

اشتم، ولا سائل
أصلك كدا قْليّلْ

**صابرين الصباغ** · 09-06-2007, 08:03

[align=center]في بعدك كل شيء جايز
حتى الورد آجي أسقيه
يقول صدقني مش عايز[/align]

**عادل العاني** · 09-06-2007, 08:08

يا إخوان

هل تعلمون بأنكم عندما تشتمون " شخصا "

كأنكم تضعون له وزنا ... وهو لا وزن له ,

وكأنكم تحسبون له حسابا ,

وهو ... لا حساب له ,

وكأنكم تعطونه رقما ,

وما هو إلا " صفر " على الشمال .

صرحكم يعلو ... ويعلو ... ويعلو

وهو شامخ بكم , شموخا لن يطاله " صرصار "

جبل لن تهده رمية حصاة تائهة.

نهر من الحب والعطاء , يفيض بما فيه ,

فيسقي القلوب الظامئة , ويزرع الورد والأزهار.

سيروا للأمام , وعين الله ترعاكم ,

فنياتكم خير , و نياتهم سوء.

وتقبلوا تحياتي وتقديري

**عبلة محمد زقزوق** · 09-06-2007, 08:31

يا ساقيه ديره زيّ
مربوطه فيه إلحمول
رضيه وراضي
أيّاكِ تشكي أو تنوحي
د الناي الحزيّن
صوته بالمواويل
يشبه نوحك
داير داير
يشكي ما يشفي...
عليل

دبابيــــــــــــــــــــس - فى مين - شارك معنا بدبابيسك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث