دبابيــــــــــــــــــــس - فى مين - شارك معنا بدبابيسك

**د. فوزى أبودنيا** · 05-06-2007, 09:48

موجوع ضميرى وان طلبته يشت
طالع ونازل عمال ف البدن بيحت
اقولو اهمد شوية............ ريحنى
يعند ويحرن و يعيد ف الكلام ويلت

**صابرين الصباغ** · 05-06-2007, 09:53

[align=center]مين قالك نبوتي مكسور
ده معاه سنجه وألف ساطور
يكفيك شر حليم لو يغضب
م الحرباية و الكم طرطور [/align]

**د. فوزى أبودنيا** · 05-06-2007, 09:55

ماليان ياحضن الوطن الام وغربة
بحس بيك موجوع وبتسكنك كربة
خايف يجينى اليوم وتلفظنى منك
مالئى حضن يضمنى ويلمنى ف تربة

**د. فوزى أبودنيا** · 05-06-2007, 09:56

الكلمة مخنوقة فيا وبتكابد
وانا بحارن فيها وبعاند
واقولها ياكلمتى موتى
مين الى عاد يسمعك ولا بيساند

**د. فوزى أبودنيا** · 05-06-2007, 09:57

دبوسك اللى شبك
لملم حبال الشبك
قلبى العليل انشبك
والعينى والننى
غوانى حلو الكلام
وشد رجلى شرك
العقل منى هلك
مارضيت تطمنى

**د/ أحمد الليثي** · 05-06-2007, 10:03

حمار ونهَّق في زريبة؟ برغوت وعاش ف جلد حمار
خنفس وخنفسة حبِّيبة؟ حكمــة اللــه وبالأقــدار
حبة عنب في تكعيبة؟ لقمة حلال وحسن جوار
راس تور وفيها زبيبة؟ حلِّوها بقى يا أهل الدار.

**د. فوزى أبودنيا** · 05-06-2007, 10:05

صابرين عليك ياجميل
يابو وش زى القمر
وبشر الصابرين
اللى يفوز من صبر
هاتلى ياسبع دليل
يقولى انك بطل
اودام كلامنا الزين
يصيب كلامك عطل

**صابرين الصباغ** · 05-06-2007, 10:07

[align=center]

المشاركة الأصلية بواسطة ahmed_allaithy مشاهدة المشاركة

يا تاعب النسوان مسيرك يوم وراح تتعب
صلي علي العدنان بالصلاة عليه تكسب
وِنْ ركبت راسك، البُشرى عندي عجب
بكره يا خفيف من كيعان المُر راح تشرب.

دكتور أحمد

لو كان معايا قرشين
ماكانوا طردوني
العانس والنساوين
راح يدفعوا ديوني[/align]

**د/ أحمد الليثي** · 05-06-2007, 10:24

لو كان معاكي قرشين كانوا يا أختنا بلعوكي
وإن كان قرش واحد ما كانوا والله سابوكي
وان شافوا حتى تعريفة كانوا على روسهم شالوكي
لكن لما كشفتيهم شتموكي وعايروكي وطردوكي.
=========

[align=right]وفي رواية أهل البصرة (وهم غير أهل البوكر والدمينو والسلم والتعبان)، يروى البيت الأخير هكذا:[/align]

لكن أهل الخسة لما كشفتيهم طردوكي.

=========
وسلامي لشكوكي (بدل شكوكو) لزوم القافية.

**صابرين الصباغ** · 05-06-2007, 10:42

[align=center]دايبة ورى الرجالة شرياها بفلوسها
واللي يقرب منها يفر ما يعوزها
إلهي وانت جاهي يارب يا كريم
اتوبيس سواقه أعمي يحضنها
ويد ووووووووووووووسها[/align]

**معافا آل معافا** · 05-06-2007, 10:46

[align=center]ايه الدبابيس دية يا خواني
تضحك مظلوم وتغيظ الجاني
ابو دنيا وصبرين من ناحيه
واحمد بكلامه سكينه حامي
سامحوني عجبني الموضوع
قلت اهنيكم يا خواني [/align]

**د/ أحمد الليثي** · 05-06-2007, 11:01

المشاركة الأصلية بواسطة صابرين الصباغ مشاهدة المشاركة

[align=center]دايبة ورى الرجالة شرياها بفلوسها
واللي يقرب منها يفر ما يعوزها
إلهي وانت جاهي يارب يا كريم
اتوبيس سواقه أعمي يحضنها
ويد ووووووووووووووسها[/align]

هههههههههههه!!!

وشوووووبش على كل من سمع كلامك وما أمِّن
كيف يغمض عيونه ويطـمِّن
ده انت يا أختنا مليانة والهم متكـوِّم
خد من قلبي وصر يا حنيِّـن.

**د/ أحمد الليثي** · 05-06-2007, 11:05

معافا آل معافا تسلم يا عمي ع اللطافة
وصل سلامك ودبوسك هو أصل الظرافة
ادخل معانا في المعمعة وسمي الله
دي الصحبة حلوة ودأبنا حسن الضيافة.

**عبدالرحمن السليمان** · 05-06-2007, 11:13

هذا دبوس فيه دعوة خير:

لا تِلْتِفِت يا صاح لأَهْل اللا واللَّيْس ..
وْصاحِب الأَجاويد من أهل الفَضِل والأَيْس ..
وْصَلِّي على النبي العدنان وِتْعَجَّب:
مِن أتان ... تِِلْعَبْ بِعَقْل التَّيْس!!!

**معافا آل معافا** · 05-06-2007, 11:34

المشاركة الأصلية بواسطة ahmed_allaithy مشاهدة المشاركة

معافا آل معافا تسلم يا عمي ع اللطافة
وصل سلامك ودبوسك هو أصل الظرافة
ادخل معانا في المعمعة وسمي الله
دي الصحبة حلوة ودأبنا حسن الضيافة.

بسم الله نبدا الجلسة نقول
لدكتور أحمد الشكر ليك مقبول
ودبوسي الأول صاروخ جاي على طول
بس الحق صلاتي وبعدها راح اقول

دبابيــــــــــــــــــــس - فى مين - شارك معنا بدبابيسك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث