شكرا اخى الكريم احمد
ومجهودعظيم مكلل ان شاء الله بالنجاح
وشكرا مرة اخرى على دعوتك لى فى المسابقة
بالنسبة لعمل رباعية شعرية للصورة فان اقول :
راحل وجويا احساس بالخوف
راحل وعينى من الخوف ما تشوف
لكن قلبى على المدى فاتح دراعه
بيتمنى فى كل مكان يطوف
اما بالنسبة لموضوع الانتخابات
فانا كنت قدكتبت نص عن الانتخابات التى تمت عندنا فى مصرويشرفنى ان اعرضها هنا
وهى بعنوان : ابو قيردان والجرذان

الحيوانات
عملوا انتخابات
للى يحكم الغابة
بعد موت الملك
اللى اكلوه الديابة
واقسموا ما بينهم
هتكون فى منتهى النزاهه
ولا هيكون فيه غش ولا تزوير
ولا هتقف امام اللجان اى نداهه
وابتدت الاصوات تتوالى
وكل حيوان معاه مجموعة جرذان
لان عددهم كان فى الغابة كتير
وكان بأديهم تحديد المصير
وخلص التصويت
وابتدى فرز الاصوات
وسط امواج من الصوات
وكانت النتيجة
فوز الجرذان باغلبية غير مسبوقة
المعارضة صرخت
دى تمثيلية محبوكة
اخرس يا ابن ....
انت ماشى فى حاره مسدودة
والفار كبر
وانت ذى الدودة
وبعد يومين
الجلسة معقودة
لاختيار الرئيس
الجرذان اغلبية
والمعارضة بيقولوا عليها كدابة
الجرذان شكلوا اللجان
واتفقوا على الرئيس
ولازم يكون منهم
وممنوع يتكلم اى تيس
واتحدد الرئيس
ابو قردان
قعد على الكرسى مفرود الجناح
من الغيط فلاح
لرئيس الجناح
بس شكله عبيط
اخره شيلة قرنبيط
يبيع فيها ويظيط
او يشتغل قماح
فى صوامع الغلال
الجرذان وابوقردان
مسكوا الغابة
قسموها كام فدان
صبحت وسية جديدة
بس صاحبها
لابس توب حمل وديع
مش هيحسسنا وهى بتضيع
وهيسوق القطيع
بكل حنية
يا سلام على الجرذان
ولاد جنية
وابو قردان
مبروك عليه الصباحية
اما الجزءالثالث وهو الرباعيات
فاكتب هنا معكم نص لاول مرة اكتبه على النت بعنوان : هى مش بالدراع
ا
لو كانت بالدراع
كنت اول الفايزين
ولانى ماليش فى طرق الخداع
مفكرينى من العاجزين

انا ليا الف دراع
لكن مش من الخاينين
ودايما بكون فزاع
للى يروع الامنين

وعلشان حياتى شبه مماتى
بقضيها وداع فى وداع
تايه مابين صباحى ومسائى
شايل فى جيبى حباية صداع

وان قولت يا دنيا هاتى
تقولى خد يا طماع
افتش على اللى خته
الاقى صره بتشراوجاع

مين اللى قالك يا دنيا انى للهوى بياع
انا عارف ان انتى فانيه
واللى يامل فيكى يروح فى داهيه
ويقضى بقية حياته ملتاع

واخيرا اتمنى ان هذه الكلمات تنال الاعجاب
وشكرا

المرحلة الثانية
انا

انا باقى على ارضى ومين يقوى
وينزع روحى من جلدى انا الاقوى
انا ضد العدو لو كان يعادى الحق
انا درعى داسيل بركان بعزمه يشق
انا اعصار وبيحمى ويشعل ناره من نار
انا صوتى فى السما يعلى يعدى ويهدم الجدران
انا مجدافى ما يهدى وبيعدى بطول البحر
انا ما اخاف وقلبى يفوت مابين الصخر
انا دمى روى ارضى دى لأجل تكون
انا ابنى كمان بعدى وبعده يكون
انا انسان ومن حقى اضم اولادى بين حضنى
واعيش بأ مان على ارضى دا ابسط حق من حقى
انا عصفور ونفسى افرح على غصنى
ولا اخشى رصاص يجرح ودمعة تفر من حزنى
انا دمعه فى عين ابنى ملاها الخوف
انا كلمة فى سطور مالت ونا قصة حروف
انا ابنى ما بين ايدى دا شاف الموت
حاوتطه وخدته بين ايدى وراح الصوت
انا دمعة وراه نزلت تعيش باقية ومش هاتزول
انا صرخة الم طلعت واه راحت ما قادرة تقول
انا ثورة فى ارض الطهر والعفة
انا بافرح وابنى شهيد وانادى الأهل بالزفة
انا نسمة فى دروب تاهت وعايزة تعود
انا شمعة فى ليل قادت طفاها غدر وظلم يهود
انا ابنك سند دارك وعهد عليا ليكى النصر
وليلك جايله نهارك وفجر يلاحقه ظهر وعصر

شعر \ممدوح بدوى

صباح النور أستاذ أحمد علي
شكرا جزيلا على ماتقدمه وتبذل من مجهود
لو حالفني الحظ سأشارك معكم والله ولي التوفيق
تقديري واحترامي .