يا مصر فوقي

**جلاديولس المنسي** · 26-05-2012, 13:46

الذهن عاصف وكلامنا واصف سيرة بطولتك والأمجاد

بقى كل طامع في الكرسي سامع وعامل مناضل دايس زناد

والكل بات أد التحدي ومين هيأدي ومين هيوالي للموساد

كل الحكاية معروفة يمكن والكل قلبه بقى ع البلاد
******
يا مصر فوقي وقومي وعدي

**مصطفى شرقاوي** · 26-05-2012, 14:06

هتفائل بقلبي واقول بلساني ولحد موتي
ونازل لمرسي وبنفس راضية هدّي صوتي
فاكر شفيق طوق الغريق ؟ ....
يبقى جهز جرابك عشان تشحت قوتك وقوتي

**أحمد على** · 26-05-2012, 14:07

سيبك من الفلول
ومرشحين المغول
حلفاء الشيطان رايحين
مزبلة التاريخ على طول

**جلاديولس المنسي** · 26-05-2012, 14:26

ويقولوا أمن وأمان ماهم لسه على القهر واخدين
مش مصدقين ولا فاهمين ان الحرية لسة في الميادين
أبو الفتوح ومحمد وحمدين
إختار منهم ولا تقرب مـ الفاسدين
راحوا الاتنين وهتكون يا مرسي بعون الله مـ الغالبين

**مصطفى شرقاوي** · 28-05-2012, 13:20

يا ساقيه دوري وهاتي تاني الظلم لينا
الثورة راحت والشعب حارت فيه معانينا
الظلم بيكون نفسه !
وكتير مننا رضي بالدون ونسي أمانينا

**جلاديولس المنسي** · 28-05-2012, 23:06

نسي أمانينا ....!!
هو من إمتى أتمنى ولا حلم حتى وغنا
هو شاف مره نور ولا طار وعدى بحور
دي ناس عـ الضلمه واخده
بالعصا ماشيه وراضيه
لا يوم رفعت الراس ولا حلمت بيوم الخلاص.

**السيد سالم** · 01-06-2012, 03:22

دائما تفاجئنا بكل ما هو جديد وجميل

كلمات ولا أبهى

تصوير فنان محترف

لك ودي

تقبل مروري

د. السيد عبد الله سالم

المنوفية - مصر

يا مصر فوقي

تعليق

تعليق

تعليق

تعليق

تعليق

تعليق

تعليق

ما الذي يحدث