والله يا منارتي العزيزة حكاية خالتك عميقة
فكرتني بحكاية خالتي عزيزة ..
خالتنا المسكينة اللي اتخطفت مننا وهي صبية صغيرة
وفي عز شبابها ..
واحنا بقالنا سنيــــــــــن بنعمل اللي نقدر عليه ، بنطالب بإستردادها ..وطلبنا مساعدة
الأخوة والعشيرة والآهل وألاقارب والآصحاب ..أصل الخاطفين بتوع عزيزة
عالم بلطجية ومتشردين ومجرمين ولهم أعوان وأصحاب من نفس النوع ..
بينصروهم ويساعدوهم ..على إخفاء عزيزة ..وعلى تغيير ملامحها بعمليات تجميل مشبوهة ..
عشان تضيع ملامحها العربية الآصيلة ..واللي يشوفها ميتعرفش عليها أبداً ..ولا يصدّق إنها عزيزة ..
ويقول دي تبقى راحيل ..أو شوشانا ..أو أي خَوَجايَة شغل اوروبا أو أمريكا أو ألمانيا ..!!
وعشان وقعتنا كانت سودا وصعبة ، طلبنا دعم الحبايب والقرايب ، بس يا وِلْداه ...
كلهم اعتذروا وقالوا لنا هو احنا فاضيين لكم سيبونا نخلع شوكنا الآول
وبعدين نبقى نشوف حكاية خالتكم عزيزة ..
وأدينا قاعدين مستنيين يا منار ..لما تخلعوا أشواككم ..وتبقوا تتذكرونا ..
انتو على الآقل خالتكم معاكم في أحضانكم ..مش مخطوفة بإيدين الحرامية
والمغتصبين ...قولوا ربنا يعيننا ويرجع لنا خالتنا الحبيبة عزيزة ..قادِر يا كريم ..
أصلُه يا حبيبتي مفضلشي لينا حدّ يمكن نطلب مساعدتُه غير ربنا ...
ونِعمَ بالله ...
مش كده وَلاّ ....إيه ..؟؟