حذاء يهز عروش: رباعيـات

**جلال فكرى** · 18-12-2008, 16:46

لو كان العربى ده زبال
أو صرماتى أو حمال
عمر ما دمه ما يصبح ميه
فى عروقه بيجرى الزلزال

**د/ أحمد الليثي** · 18-12-2008, 17:43

شفتوا الدنيا دي ماشية ازاي
طالعة ونازلة اهي زي اليـاي
ترفع يوم في الندل، ويـوم
يلقى ف وشه النعل اهو جاي.

**جلال فكرى** · 18-12-2008, 17:52

لو كان الندل ده إنسان
او حتى لو كان حيوان
كان عرف إن الناس كرهاه
وماكان زار هنا أى مكان

**د/ أحمد الليثي** · 18-12-2008, 18:28

يا سلام على فردتك
وسلام على رميتك
دي بلاد العم سام
مرعوبة من جزمتك.

**جلال فكرى** · 18-12-2008, 18:35

لوكنا نرمى الجزمه
على إللى ماله لزمه
تصبح بلغ بآلاف
ساعتها حتكون أزمه

**جلال فكرى** · 18-12-2008, 18:44

نسينا كلب البصره
اللى إنطرد بالحسره
إسمه بلير العايق
له جزمه سوده بكسره

**د/ أحمد الليثي** · 18-12-2008, 18:44

المشاركة الأصلية بواسطة جلال فكرى مشاهدة المشاركة

لوكنا نرمى الجزمه
على إللى ماله لزمه
تصبح بلغ بآلاف
ساعتها حتكون أزمه

يا ريتها أزمة نعل
مش كلمة، لأ بالفعل
كان كل تيس أو بغل
عـرف مقـام النـدل.

**د/ أحمد الليثي** · 18-12-2008, 18:55

أحلف لك يا عراق بالمولى
إن احنا اللي كسبنا الجولة
دي الجزمة يا كل الطواغيت
بتهـز في أركـان الدولة.

**جلال فكرى** · 18-12-2008, 18:55

وجزمه عشان الأب
بوش الكبير ينسب
لأنه زرع البذره
وورثها ابنه الكلب

**جلال فكرى** · 18-12-2008, 18:59

يا عراق يا أرض الحضارة
جيل بعد جيل و مناره
للخير و للحريه
والجزمه هى الشراره

**د/ أحمد الليثي** · 18-12-2008, 19:08

المشاركة الأصلية بواسطة جلال فكرى مشاهدة المشاركة

وجزمه عشان الأب
بوش الكبير ينسب
لأنه زرع البذره
وورثها ابنه الكلب

العِرْق والله يا ناس دسَّاس
الندل خلِّف ندل م الأنجاس
والنعل بكره يكون له ولاد
يسقوا كل خسيس م الكاس.

**جلال فكرى** · 18-12-2008, 19:10

لو كنا عرفنا إن الجزمه
من يومها راح تعمل أزمه
منتظر و المنتظرين
كان تدريبهم له ميت لزمه

**جلال فكرى** · 18-12-2008, 19:16

ولرمى الأحذيه تدريب
فردى أو حيكون تركيب
مش شرط حنضرب ضيف واحد
المالكى بيعزم كراكيب

**زهار محمد** · 18-12-2008, 19:21

أيها الإخوة
الحذاء أصبح سلاحا فتاكا
والحضر عليه سيكون قريبا
ويمنع على غير العملاء
فاحذروا لبس الأحذية
عند الدخول إلى أمريكا

**جلال فكرى** · 18-12-2008, 19:22

وإن كان المضروب بالحذا
قذر ومحبٌ للأذى
يضرب و بأكثر من جوز
وتمرمط كرامته هكذا

تعليق