حذاء يهز عروش: رباعيـات

**جلال فكرى** · 23-12-2008, 15:50

لازم نقول أصل الحكاية من البدايات القديمة
الموضوع عن أب واطى زارنا بنيتة اللئيمه
كانت بلادنا خيرها كتير و ابنها شبه الأمير
قرريصادربترول بلدنا فى بيره كان أوف بريمه

**د/ أحمد الليثي** · 23-12-2008, 16:02

[align=center]ده نعـل متريليـوز
مش فردة، لأ بالجوز
والندل وطَّى وفطّ
كأنه فرقُع لـوز.[/align]

متريليوز: مدفع أو بندقية سريعة الطلقات
فرقُع لوز: حشرة تصدر صوتاً عندما تمسكها من نصفها كأنها فرقعة عند ارتداد نصفها الأعلى لمكانه بما يشبه القفز.

**جلال فكرى** · 23-12-2008, 16:03

كان اقتصادهم بيولى
وحساب بنوكنا بيخللى
اللى ما يحسدش يحسد
والفتنه ولعت بين أهلى

**جلال فكرى** · 23-12-2008, 16:06

وطى يا بوش آخر أيامك
دمرنا تيهك و ..حلامك
إن التاريخ يذكر إسمك
وبلادنا تركع قدامك

**جلال فكرى** · 23-12-2008, 16:12

آهو الحذاء هان إحساسك
ما حماكش مالكى و حراسك
رب الخلايق لما يريد
حيزلك القمل فى راسك

**جلال فكرى** · 23-12-2008, 16:22

تكرار..أعتذر

**جلال فكرى** · 23-12-2008, 16:25

ابنى البطل زى العادة
حدفه بنعلين و زياده
كل الخلايق بكرامه
حيوان و إنسان..إلا ده

**د/ أحمد الليثي** · 25-12-2008, 18:09

[align=center]يا نعل يا عارف سكِّتَك
بقـوة نسمع كلمتـك
عدِّي على دنيا العـرب
هز الكراسي بحكمتك.[/align]

**د/ أحمد الليثي** · 25-12-2008, 19:58

حتى الحذاء من حقدهم نسفوه
قطَّعوا جِلده وبعدها حرقـوه
يعنـي يا أغـبى خلـق الله
من عقـول الخلق راح تمحـوه؟

**د/ أحمد الليثي** · 25-12-2008, 20:10

في المرة الجاية يا منتظر
ترمي بفردة واختها تنتظر
على الله عدوى الجزم تتنشر
ونبخر الأخت لاجل ما تتنظر.

**د/ أحمد الليثي** · 26-12-2008, 18:39

[align=center]يا نعـل ناطق، صدع بالحـق
في وش ظـالـم بكلمـة لأ.
امتى الرجال في الأمة يبقوا نعال
وكل ظـالم بالبُلَغ ينْـدَق؟[/align]

**د/ أحمد الليثي** · 27-12-2008, 15:36

[align=center]المالكي قال يا بوش يا سيدي
وبوش ما قال له انتـم عبيدي
رد صحفي "يا ابن القديمـة،
ما ليكش إلا حـذاء يزيدي".[/align]

**جلال فكرى** · 29-12-2008, 06:34

لوكنت شايف نفسك ايه
رئيس بلاد الأبصر ايه
وجاى تهبل فى بلادنا
جزم ولادنا قالتلك ايه؟

**جلال فكرى** · 29-12-2008, 06:38

اصل اللقا ده تملى نصيب
لما الجزم لقفاك حتصيب
يوم ما تسيب اليبت لبيض(الأبيض)
بدل القلل حتاخد مراكيب (=الأحذيه)

**جلال فكرى** · 29-12-2008, 06:41

ساعتها يبقى المالكى حبيب؟
ساعتها ليك الكلب قريب
يا جزمه نتنه وفيها مسمار
كرهتنى فى لبس المراكيب

حذاء يهز عروش: رباعيـات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث