صباح الخير يا ملتقى " قهوة الصباح"

**محمد برجيس** · 10-06-2009, 17:05

الأستاذه /سحر جبر اهلا بك عاش من شافك

اسكتي يا ست سحر والله كان فيه حريقه انما ايه تستاهل الجردل بجد

و بعدين يا سيتي دخل عمنا الموجي و راح مخليها مجرد حريقه على م قُسم
عموما شرفتينا يا استاذه

**محمد برجيس** · 10-06-2009, 17:09

الحاج / طه
حمد لله على سلامتك

احنا زورناك لكن لقينا ممنوع الزياره
علشان فى الإنعاش
روحنا حطينا بوكيه ورد عندك في دفتر التشريفات و انتظرنا خروجك
حمدا لله على سلامتك

**محمد برجيس** · 10-06-2009, 17:13

ازيك يا حاج مصطفي بو نيف

يا عم غير الصوره دي طالما الناس مش فاهمه يعني ايه صور سيرياليه
الا بالمناسبه يا بونيف صورة مين دى

**محمد برجيس** · 10-06-2009, 17:19

بنت خالتي العزيزه رشروش

ازي خالتي ؟ امي بتسلم عليه كتير السلام

انتى ليه مش مقدره الموقف و بتقولي خلاص انسى
يعني احنا بنتكلم تفاهات و كلام مش نضيف
يعني هما بيتهمونا و بيقولوا احنا هبطنا بمستوى الملتقى و القهوه دي غرزه لللألفاظ المنيله عموما سأتصدى للدفاع عم اؤمن به ؟

و بعدين صورتي ما لها اغيرها علشان ترتاحوا؟

**رشا عبادة** · 10-06-2009, 17:47

المشاركة الأصلية بواسطة محمد برجيس

بنت خالتي العزيزه رشروش

ازي خالتي ؟ امي بتسلم عليه كتير السلام

انتى ليه مش مقدره الموقف و بتقولي خلاص انسى
يعني احنا بنتكلم تفاهات و كلام مش نضيف
يعني هما بيتهمونا و بيقولوا احنا هبطنا بمستوى الملتقى و القهوه دي غرزه لللألفاظ المنيله عموما سأتصدى للدفاع عم اؤمن به ؟

و بعدين صورتي ما لها اغيرها علشان ترتاحوا؟

تسلم انت والخالة
بكل وقت وفى أى حاله
يا ابن خالتي ليه زعلان
الناس قلوبها أشكال وألوان
لو ناوي ترضى الكل
هتبقى اكيد خسران

نعمل ايه فى اللى فى قلوبهم غل
كارهين الضحكة لو على الوشوش تطل

خايفين ل الصحبة تحلى ويبقى "المقهى" من حر سطورهم "ضل"
عنوان ملامحنا مرسوم فى تعليقات الكل

أساتذة مفكرين وكبار
رواد فى القصة والفن والعلم والأشعار
كلمتهم طيبة.. وروحهم نور للحق وللباطل نار
وبيتنا مفتوح للكل... وديما دارنا عمار

واللى بيقول هبوط يقول عن كلمته وحده مسؤل
ولو عنده الشجاعة والفكر والقوة وبيفهم فى الأصول
كان جانا وقالها فى "وشنا" مش أستخبي وفى ضهرنا يطعنا علطول

واثقين إحنا فى بعضنا وفى عقلنا وفى قلبنا
وفى الحلوين الطيبين اللى شرفوا ونوروا روحنا وعقلنا

وخلى اللى يقول يقول على رأى اللى قال
إشرب نقيع السم من عاقل
وأسكب على الأرض دواء الجهول

وعلى راسي الصورة أخاف اقولك غيرها ... تعلق صورة سريالية انت كمان زى مصطفى
ههههه وجدران القهوة مش متحملة غموض!
الا يعنى ايه سرياليه دى يا ابن خالتي
أكيد اللى تقدر تجاوب السؤال ده
هى أستاذتنا الجميلة مومناموري"نجلاء الرسول"

**رشا عبادة** · 10-06-2009, 17:52

[align=center] ا الله االله
حوريتنا الجميلة"أم عيون حلوين"
منورة يا سكره
ويسلموا الإيدين
ولا نتحرم من الطلة
وهلتك علينا اللى تسوى اكتر من مليونيييييين
احلى حورية أشتقنا مشاكاساتكِ
وجمال حضوركِ يا عزيزتي
وأحلى ليمون لعيونك
وبدون دفع طبعا
"أنتي صاحبة قهوة يا قمر"[/align]

**نور الهدى محمد** · 10-06-2009, 18:19

ززززززززززز
ررررررررررررر
ممممممممممممممم
واحد اتنين ثلاثه
ازيكم ياجماعة انا جيت
كويس المكرفون شغال عال
اخواتى الافاضل
المنتدى زحمة وكله كلام صدعت ممكن اريح وحد يطلبلى واحد شاى
على مية بيضة
وكباية ميه ساقعانه لحسن الجوووو نار

**رشا عبادة** · 10-06-2009, 18:26

[align=center] يا نور النور
يا نجف بنور
يا سيد الغزلان
يا سيد الغزلان
ههههه هل تذكرين تلك الأغنية يا نور
طالما ان الميكرفون معكي
تمام وشغال
فهيا يا عزيزتي" خدي راحتك"
وعلى قولة محمود سعد" البيت بيتك"
نورتي يا قمر
أهلا بخفة روحك وأحلى كوباية شاي وايس كريم
وسندوتشات وعشا
وسحور كمان إذا حبيتي
تحياتي[/align]

**نور الهدى محمد** · 10-06-2009, 18:32

تصدقى يارشروشه
الاغنية دى كنا بنغنيها فى رحلات الجامعة
يووووووووو فكرتينى
اه يانجف يانجف حلو يانجف
طيب شغليها والنبى خلى القهوة تلعلع
شكرا على الشاى
ممكن تعملى لى كشف حساب بالمشاريب واحاسب اخر الشهر
اختك لسه مشتغلتش والحاله . الحاله فيها استحاله
حاله فيها استحالة ما تفسرهاش قوالة. ولا شكوى ولا أنين. انا عايزه معجزه تنجدني من التفليس
مساءكم فل ياست الكل

**مصطفى بونيف** · 10-06-2009, 18:45

السلام عليكم ورحمة الله وبركاته
القهوة اليوم منورة ماشاء الله الله اكبر أنا شكلي هطلب من الموكي ..يفتحلنا جنب القهوة مطعم !

ولا قلتو إيه ؟

**رشا عبادة** · 10-06-2009, 19:08

المشاركة الأصلية بواسطة مصطفى بونيف

السلام عليكم ورحمة الله وبركاته
القهوة اليوم منورة ماشاء الله الله اكبر أنا شكلي هطلب من الموكي ..يفتحلنا جنب القهوة مطعم !

ولا قلتو إيه ؟

ههههه انت ناوى على ايه يا ابو الطفاطيف يا أخي
فبعد تغيرك للصورة بصورة كانت منذ قليل
رأيت فيها ولأول مرة حواسك الخمس مجتمعين دون إخفاء واحدة
عدت لقواعدك سالما لتخفي أذنيك
ويبدو انك لم تسمع ابن خالتي وهو يقول
اننا داخلين على حرب وضرب
ولا بد أن نأخذ ساتر
ونقول يارب يا ساتر
تقوم تقولي كمان نفتح مطعم
اذا كان بالقهوة ومش خالصين من بعض الحاسدين
وعلى قولة عبد الوهاب
أشكيك لمين لمين لمين
أشكيك لمين يشعر بقهوتي اللى انظلمت وياك سنين
أشكيك لمين وانت عجيب
وهتحاسب على كل المشاريب
هههه والله حلوة
هعمل دراسة جدوى للمطعم وارجعلك يا ابو كتائب وصواريخ وعاهات

**د.مازن صافي** · 10-06-2009, 19:27

صباح الخير يا ناس
أجاني في المنام يا سادة يا كرام وحش جبار اسمه السكر وتعجبت من الاسم أشد الاعجاب وقلت يارب .. هذا السكر ما لوش أهله ولا ناس .. وفجأة ظهرت لي حاجة ضخمة ومهترئة .. سألتها بخوف شديد .. إنس ولا جان .. أجابت بغلظة .. إنت يا جاهل ما بتعرفش في خالتك البدانة صاحبة الكرش الهزاز .. حاولت أن أضحك بس خفت بجد من السكر والبدانة .. قلت أكيد الموت معهم وما فيش كلام في مثل هالحالة .. صمت وقلت اسمع قصتهم ..

وبدأ السكر يشكو لي من أنماط الأكل وأن الناس صاروا مهووسين بالسعرات الحرارية الرنانة ماكدونالز وبرغر وتاك أوي وأفريكاني وما بعرف شو كمان .. وصار صوته حزين وخافت ويردد وما بيلعبوش كورا يا مصطفى .. ما بيجروش .. كل وقتهم أكل وكمبيوتر وراحة .. بصراحة أنا قررت أعتزل هالناس الخرفانه .. مش عارفين ايش اللي راح يجيهم من ورا هالعادات القبيحة .... بنقلهم العبوا رياضة ما بيلعبوش .. طيب افحصوا نسبتي فيكم ما بيفحصوش .. ولما بيسمعوا اسمي بيطنشوا وما بيهتموش .. وانا شو أعمل لما يموتوا وبيقولوا بكرا هالسكري الملعون بيسبب موت 80% من المصابين بي .. أنا يا مصطفى صديق مش عدو .. بس اللي يفهمني .. طيب شو احكي لما أحكي .. ما صارش بعد اليوم خجل .. وهنا تدخلت خالتي ( البدانة ) وبدأت تولول وتقول اسمع يا سيدي .. 70% من البالغين و 12% من الأطفال موجودة أنا فيهم .. البدانة خالتهم ما بتفارقهم .. وهذا في الامارات مش في الغمازات.. وخمس نسبة هالأطفال راح يصيروا من نصيب جاري السكري .. جاري يا حموده .. والأدهى أنو ربع السعوديين راح يصيروا من نصيب جاري السكري كمان وكمان .. ويا ويلي على الناس ومشاكل المعاقين وأصحاب الحاجات الخاصة .. بتصدق أنو في الرياض وحدها .. 90 شخص بيخضعوا لعمليات بتر أطراف شهريا .. وبتعرف ليش لأنهم بيهملوا صديقي السكري .. وكويتي واحد من كل أربعة صاروا من جماعة السكري ..

وبكرا راح يحاربونا الناس ويقولوا خالتنا البدانة وجارها السكري يفتكوا بالبشرية .. طيب ليش ما نصيب صحاب من هالحين .. ويحالوا يراضوني وينزلوا الحِمل اللي بيحملوني إياه ويصيروا صحاب مع جاري .. وصدقوني راح تعيشوا حياتكم أجمل بكتير ..

وصباحكم أحلى من السكر يا سكر ،،

بقلم وفكرة : د. مازن ابويزن
11-6-2009

**صبرى حماد** · 10-06-2009, 20:22

اولاً وبصراحه مقهاكم جميل ويوجد به كل ما لذ وطاب خصوصا انه يحتوى على كوكتيل من جميع المأكولات التى تشتهيها النفس إضافه الى المشروبات والفواكه الطازجه ,ولكن انتم بس اعزمونا وستجدونا بينكم على أول طائره
لكم منى خالص التحيه

**حورية إبراهيم** · 11-06-2009, 00:30

يا أستاذ بونيف صباح الخير ..فين النظارات ؟؟
الشمس حتطلع بعد شوية ..والأشعة مضرة على شان عينيك ..
يا رزاق يا حنان يا منان ..أصبحنا وأصبح الملك لله ..
صباحكم ورد ويا سمين يا أساتذة ...الست رشا تأخرت ليه .ما فيه لا قهوة ولا شاي ولا أيتها حاجة ...علما أنها ستصبح من أغنياء الملتقى بربحها لنصف مليون في المسابقة ...من يكون هذا الرجل ؟؟؟

**مصطفى بونيف** · 11-06-2009, 00:32

يا أختي حورية
أنا في انتظار صلاة الفجر .

ثم إن رشا حلفتني بالغاليين ...أقلع النظارة !
مع إني كنت زي القمر وأنا بالنظارة ...

صباحك ورد أختي حورية ....صباح المحبة والياسمين

صباح الخير يا ملتقى " قهوة الصباح"

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث