أخي الجليل الفاضل اسماعيل الناطور كم سعدت بحضورك ومشاركتك

تحية صباحية تليق
أجل لا ألوم الأهل لوم كلي بل هو لوم لثقافة المجتمع والتي تحتاج إلى عمر آخر كي نغيرها

التواصل هنا مقطوع عادة بين المؤسسات التعليمية والأسر لذلك نجد التباين بين
ما يقال وما يفعل

أسعد الله أيامك بالخير

الآن كان موكب الأطفال الخرجيين وكانوا في قمة الروعة
ودوما ندعوا أن تكون قلوب معلمينا رحيمة

شكرا لك أستاذنا الكريم

[align=CENTER][table1="width:70%;"][cell="filter:;"][align=justify]
رجاء من إدارة الملتقى إلى جميع الأخوة والأخوات الأعزاء .. عدم الخوض في مواضيع او عبارات الغمز واللمز في الآخرين .. وتحري الدقة أثناء تناول الظواهر العامة والسلبيات داخل المنتديات .. ونتمنى أن تسود روح الأخوة والمحبة والشفافية في التناول كما نتمنى أن تزول حالات الشللية التي من شأنها أن تعكر صفو الملتقى .. يجب أن نتحدث جميعا مع بعضنا البعض كرجال وأقصد بالرجولة هنا المعاني وليست المباني .. وأما من أراد أن يستمر في عبارات الغمز واللمز ويتستر بها لأهانة الآخرين والحط من مكانتهم .. فلديه من وسائل الإتصال بخصومه ما يغنينا عن هذا الوباء الأخلاقي العضال الذي يكاد يفتك بكل الجهود الأدبية والفكرية والنقدية واللغوية في الملتقى وهذا مالايمكن أن نسمح به إطلاقا .. حتى وإن صبرنا بعض الشىء حتى يصحح كل كاتب من نفسه .. واللهم لاتجعل في قلوبنا غلا للذين آمنوا .
وفقنا الله وإياكم إلى صالح العمل .
[/align][/cell][/table1][/align]

الأستاذ/ الكبير/ محمد الموجي
أتفهم تماما ما تعنيه و تقصده؟ و لقد تفهمت ذلك مسبقا قبل تعليقكم الرقيق هذا
و لو رجعت لردودي فى أي موضوع ستجدها تؤيد ذلك ؟ عندما اهاجم او اريد توصيل شيئ تجدني مباشر تماما ؟ لا مجال للرمزية عندي او الاسقاطات فيما يتعلق بالهجوم على شخصي . و لكن فى حالت الهجوم على كتاباتي . فلكل زميل رأيه .
و اتمنى الا يتطور الأمر لشخصي؟ و للعلم اقول لك استاذ / محمد الموجي انا مطمئن جدا لوجودكم كصمام أمان لنزع فتيل أى أزمة بالملتقى .

أهلا !

لا إله إلا الله ...
سلام قولا من رب رحيم ..
أستغفر الله العظيم !

الهمز واللمز والعياذ بالله ، لست من صفات ( الكتاب ) الذين يحملون أدنى احترام لأدبهم ...
وإنما هي البطحة يا سيدي الموجي ...وليس ذنبنا أن يتحسس كل ذي بطحة بطحته !
ألم يقل لنا ( ثلاثي أضواء المسرح ) ؟ ومع ذلك ضحنا وشربنا على السيرة فناجين قهوة ...ومر الأمر بسلام ...
بت يا رشا ...إنت فين ....أنا أنتظر ردك على مقالي ( خدعوه بقولهم أنت مبدع ) ..

السلام عليكم ورحمة الله وبركاته
لاحظت في الآونة الأخيرة أنّ بعض الأخوة الشعراء والكتـّاب، يُعنونون بما لا يدع مجالاً للشك لجر القرّاء لقراءة ما يكتبون غصبـًا.
استهداف أجده غير مشروع.
وإنــّي أتساءل هل أنّ الملتقى مُشرع هكذا لإلقاء ما نزعم أنـّه أدب، وهل وجب علينا أن نبلع ألسنتنا، ونغمض أعيننا، وأن نمارس دور السـّذج ونقول لا لم يقصد الكاتب ما وصلنا من معنى.
حتـّى الإيماء ما كان يجب أن يكون بدون حساب وموازين، فما بالكم بالمباشرة.
حتـّى الآن رصدت ثلاث مواضيع لثلاث أخوة عنوَنوا هكذا "بالمفتشر"
هذا الأمر لا بدّ أن يكون موضوعًا لحوار، للوصول إلى خلاصة
فمن ارتضى لنفسه السير على حافة الهاوية، لا يجب عليه جر كل من في الملتقى للسير معه على هذا السلك المشدود، لنحمل معه وزر ما ينثر
وعلينا أن نعلم حدود المساحة الحرّة التي نكتب فيها.
على الجميع أن يميّز بين ما يكتبه لنفسه، أو ما يكتبه للنـّاس
تحيـّاتي
ركاد

يا ليلة جاز؟؟

لقيته فين ده يا مصطفى ؟ الكمبيوتر ( شخط) فيا و زعل؟ الشاشه مش قادرة تشيل ده كله؟ و بعدين احنا كده مش هنلاقي كراسي فــ القهوة؟ لالالا
شوف لنا ( كنبة) أحسن او حصيره علشان نفرش و نجلس على الأرض؟
فعلا ؟ و من الأكل ... ما قتل

الكلمة الطيبة صدقة

صباحكم الهناااا

في أي مكان تريده


استاذي الفاضل/
محمد الموجي
في اي مكان تريده
المهم ان نجد موضوعا هادفا مثل هذا نلتف حوله و ليعبر كل منا عن رأيه ؟
ليكون بمثابة فاصل بديع للإلتقاط الأنفاس ؟ و صرف النظر عن المناوشات مؤقتا

صباح الخير أديبتنا الكبيره/ نجلاء الرسول
كانت الصورة الأولى أكثر وضوحا ؟
و هذه الصوره و إن كانت الوانها و خطوطها بديعة ؟
الا أني نفسي مره في حياتي أفهم شيء من أعمالك
غامضه ..غامضه في كل شيئ؟
أعتقد أنك تعشقين الغموض في كل شيئ؟
تحياتي لك أيها الشاعرة الرائعة
ترابيزتك جاهزه في الركن البعيد الهادي
و أضواؤه الخافتة و الهادئة أيضا.
فنجان قهوة بنى غامض ( اقصد غامق)
صباح الفل

أخي محمد أستاذنا الكريم
أهو رجعت صورتي خلاص

كنت أحبس نفسي داخل دالي فترة فوضعت لوحة رسمته فيها

طيب فين الشموع في الركن البعيد الهادي ؟

بمناسبة الشموع ومعانيها اليوم أقدمها لأبنائي التوحديين الخرجين شمعة حب
وعرفان لهم فهم يعطونا الكثير والله يعلمونا الصبر يعلمونا الحكمة يعلمونا
أن ننظر للحياة بمنظور أوسع واكثر رحمة

وبمناسبة الغموض

هل طبائع التوحديين تأثر على أساتذتهم يعني هو سؤال متخصص لمن كان له خيرة بعلم النفس

ويارب ميكونش عندي عقدة نفيسة

تحية صباحية تليق

مرحبا بك اخى طارق

احلى كوباية شاي لرفيق درب الكفاح المسلح بقسم الحاسوب
لقد رددت لك التحيه في الصفحة السابقة
إقلب الصفحة و لكن حاذر أن تقلب الترابيزة ؟
الكوباية تنكسر؟ هههههههههههه

أديبتنا الكبيرة/ نجلاء

شكرا لتبديل الصورة ؟ كده ممكن أفهم او الاقي حاجه من أعمالك أفهمها !
أخاف أمدح يُقال غزل ؟ و انتى عارفه رشا مش هـــ تعتقني

إيه القهوة خلصت احضر لك غيرها ؟ أم أجلب لك مشرب أخر

بالنسبة لسؤالك
هل طبائع التوحديين تؤثر على أساتذتهم
يعني هو سؤال متخصص لمن كان له خيرة بعلم النفس

و الله وجهة نظري تكمن في حكمة بسيطة جدا تقول
( من عاشر القوم .. أربعين يوم .. صبح منهم )
يعني اللى يجاور انسان فترة طويله يتأثر به .
لذلك تكمن إجابة سؤالك في طول فترة التواجد معهم؟

اما علم النفس فله فروع متعددة . و انا شخصيا درست علم النفس التعليمي ؟

بصبح على الناس المصحصحه
فاركه عنيه كويس ومفتحه
نازل من على السرير قصده قهوتنا المدردحه
ادام شاشه صحيح وحروف مبرطحه
تقول وادى اعده متبته مش مروحه
اصل الحكايه ناس سكر وقلبهم مفتوح كالمطرحه
صبحهم سعاده بعيد عن المشاكل المعتاده
صبحهم جميل وعملهم اصيل
صبحهم عباده وايمان بزياده
ميت فل وسلام على الكل
من اول المعلمه رشا الى العبدالفقير
مرفت عاصم اما اصبح على نفسى يعنى مليش نفس وام اكلم نفسى مش احسن مكلم حد غريب ه
لو انى زعلانه منك يا رشا طردتينى من القهوه امبارح بالذوق وحلمت براس المعزه اللى عندنا
ما انا دخله القهوه الا لما انزل موضوع زى ما قولتى

[gdwl]مرفت عاصم[/gdwl]
اهلا بأختنا/ مرفت عاصم
إيه اللي بتقوليه ده ( لو انى زعلانه منك يا رشا طردتينى من القهوه امبارح بالذوق وحلفت براس المعزه اللى عندنا
ما انا دخله القهوه اللى لما انزل موضوع زى ما قولتى )
[gdwl]طيب ليه م قولتيش [/gdwl]أنها طردتك و انا كن اخصم منها يومين و كوبايتين شاى
و لو كررتها أقطم لك رقبتها . علشان م (تكررهاش) تاني و بعدين نزلتي موضوع جديد مش تجيبي الموضوع معاكى( الرابط بتاعه) علشان نشوف تأثير الطرد عليكي.
عموما أحلى كوباية ليمون و م تزعليش؟
ملحوظة ( إبقي حاسبي ع الليمون)
صباحك فل
شفتي الحمار العجيب

[gdwl]ليه يا استاذ محمد [/gdwl]كده وانا ايه ذنبى وانا ايه ذنبى تنفخنى ادام الشاشه بكلامك فشر الراجل اللى جايبو استاذ مصطفى يتخانق بيه دا لما قلت
(طيب ليه م قولتيش أنها طردتك و انا كن اخصم منها يومين و كوبايتين شاى
و لو كررتها أقطم لك رقبتها)
لوانى بحب رشا بس تقول ايه
النفس ربنا يكفينى شرها
وبعدين تشمت الناس فى فى الاخر تقول
(إبقي حاسبي ع الليمون)
[gdwl]تب افرد جرالى [/gdwl]حاجه بقى يبقى دا مخطط علشان تخلصو منى
اصلى باين عليه رغايه ووجعتاكو دماغكووووووووو
ملحوظه انى اقصد اكتب حلمت لان الحلفان بغير الله قد اشرك
ولا اريد الا المزاح
صباحكم شربات
منورررررين والله المشاريب والغد وكله على حسابى لكل الحبايب والحاضر واللى غايب نبعتلو المشاريب على وصله النت
مرفت عاصم
[gdwl]ايه الكرم ده كله يا ست مرفت[/gdwl]
عندك حق الحلفان بغير الله نوع من الشرك
خلاص الليمون على حسابك علشان انتى أخذتي حسنات على حساب اللى سيقرأ
شفتي الحمار العجيب

__________________

[gdwl]نجلاء[/gdwl]
مرفت يا قمر
صباح الخير يارب
طيب طالما طردتك رشاش أهم حاجة صورت الحادثة عشان نعمل حملة إعلامية على القهوة ونقفلها هه
أخي محمد والله إيه رأيك وأنا أدرس الفئات الخاصة ومن ضمنهم المتخلفين عقليا بقالي 14 سنة
يعني أدي روحي كارت أحمر بقى
يسعد صباحك يا أخي الطيب وأكيد الغزل مرفوووووض ههه
[gdwl]برجيس[/gdwl]
أديبتنا الكبيرة/ نجلاء الرسول
إنتى بقى عاوز تقفلي القهوة . طيب لما تقفليها هنشوف الناس اللى زي العسل دول فين. نجيب منين خفة دم رشاش البسمة ولا نجيب منين ظرف طفطف او نعمل ايه لما يغيب عنا الايهمي و تروح فين الست حورية ولا كمان المعلم طه
و كمان مرفت اللى انطردت و بدعت بمقالها؟
و كمان هنشوف فين الكلام الغامض لنجلاء الرسول و التعبيرات اللى عاوزه ( شمبليون) علشان يفك طلاسمها زي م فك طلاسم حجر رشيد .
*****
[gdwl]أدرس الفئات الخاصة ومن ضمنهم المتخلفين عقليا بقالي 14 سنة[/gdwl]
و لسه بعقلك ؟؟ و الله انتى عمله نادرة انا اعرف دكتور صحبي قعد 3 سنين فقط يعالج المتخلفين عقليا ؟ عجبه الحال و قعد معاهم و لما سألته
ايه اللي عمل فيك كده ؟ قال و الله دول ناس ع الفطره فقدوا عنصر الزمن و عنصر المكان لا احقاد بينهم و لا ضغائن ولا كره إنهم الحب المتجسد .
****************
[gdwl]يعني أدي روحي كرت أحمر بقى[/gdwl]
بيدي لا بيد عمرو
*********
[gdwl]مرفووووووض ليه [/gdwl]؟
طيب انتى في موضوع الزميله /منى كمال فى ردك قلتي مباح و لكن باسقاط و رمزيه ؟ إيه رجعتى فــ كلامك ؟
و الله احسن البنت رشا إيدها تقيله قوى ؟؟
[gdwl]نجلاء[/gdwl]
كما قلت باسقاط أو (رمزية حسين ههه)
ربنا يخليك يارب أخي الطيب
طيب خلاص كل المشاريب على حسابي اليوم
وفوقيهم وردة

[gdwl]طارق[/gdwl]


[gdwl]نجلاء[/gdwl]
يسعد صباحك يارب أستاذنا القدير طارق
والله التعامل مع الفئات الخاصة يجلب الخير دوما ويوسع الرزق
فهم أحباب الله هؤلاء الأطفال المصابين بأمراض عقلية أو جسدية
والتواجد بقربهم يضفي البركة والخير دوما علينا كمربيين
والله يحفظنا من عقدة نفيسة
[gdwl]رشاش البسمة[/gdwl]
مونامورري رشو صباحووو يا قمر

[gdwl] نجلاء[/gdwl]
ه والله عسل
والله أحبكِ أنا يا سيدتي
جميل هو حضوركِ وإشراقك
[gdwl]رشاش البسمة[/gdwl]
لكِ كاريزما "غامضة" ألا ان دفئها وطيبتها ورقيها واضح وضوح الشمس
المرة الأولى التى عرفت فيها أنكِ تعملين بهذا المجال بموضوع أستاذنا الهادىء "إسماعيل الناطور" لغة الجسد"
لاأعرف إختلط إحساسي هناك أشفقت عليكِ تارة وتمنيت لو كنت مكانكِ تارة أخرى
جميل ان تساعد طفل... جميل ان تمنحه ساحة أمان يذيب فيها مخاوفه
وأعتقد والله أعلم انكم بالتأكيد تتأثرون بهؤلاء الأطفال
وكيف لا يات سيدتي
إذا كان كلا منا يتأثر بتفاصيل مهنته والأشخاص اللذين يتعامل معهم
قالها لى مرة طبيب نفساني "طبيبي الخاص" محسوبتك أخدت كعب داير طويل على العيادات النفسية " والحمد لله جننت كل الدكاترة وجعلتهم يقسمون اني أعقل منهم ه
المهم قال لى هذا الطبيب فى احدى حوارتنا كنت ادافع ان فيه عن احد المحاميين من باب توقع حسن النوايا
فقال" يارشا لو كان شيخ وإمام جامع طالما انه عمل بمجال المحاماة فلا بد أن أحذر منه وأتوقع الشر منه قبل الخير"
مع إعتذاري للمحاميين طبعا " أستاذ حمزة هيرميني بكوباية الشاي اللى فى ايده"
لكن أقصد هنا يا سيدتى انه من الطبيعي ان تتأثري بهم
أظن حتى هذا الغموض الذى نلمحه ببعض او اغلب حروفك
ربما كان نوع من التوحد مع نجلاء
وكأنك تسافرين بنجلاء وترحلين فيها وبها ومعها وتتناسين ان هناك عالم خارجي لم يخض معك الرحلة!!
شوفتينى وانا بتقمص دور الدكتور
يلا يا أحلى نوجا " ريلاكس يا قمر"
احكيلي بقه أصعب موقف أو أطرف موقف مر بكِ بالنسبة لعملكِ
وصباحكِ بوسات رشروشية على رأسكِ الجميل

[gdwl]نجلاء[/gdwl]
دكتورة رشا شوفي يا ستي
أصعب موقف عدى عليه لغاية الأن كان مضروب × سبعة
أغلب الأطفال الجدد يا دكتورة رشو بتكون عندهم ردة الفعل عنيفة جدا يعني زي لما يزعل أستاذنا محمد ويدلق الجردل على وش الزبون إلي مبيدفعش
حق المشاريب
يعني لغاية الآن آخدة على وشي والحمد لله 7 إقلام من العيار التقيل جدا
واحد منها أغمي علي فيه
بس الحمد لله جات سليمة لغاية الآن (صحيح ركبت طقم سنان جديد )

لكن


شكلي بعد تجميل قلبي صار أحلى
ورد وفل

[gdwl]رشـــــــــــــا[/gdwl][align=center] ههه الله يسعدكِ يا موناموري يا قمر
سلامة وشك يا ست الكل
والله ضحكتيني ربنا يسعدك فقط تخيلت الموقف، ربما لأني مررت به مرتين
وأنا أداعب الأطفال بالشارع أو السوق
أحيانا أجد نفسي داخل المحل "خالتي تشتري" وأنا الاعب الأطفال
"وعينك ما تشوف الا النور"
هههه الأهم أنه حينها يصبح موقف لاتحسدين عليه
فما باليد حيلة
ربما لو كان كبيرا لرددنا الصفعة
ولكن مع الطفل لاتملكين سوى ان تداري إحراجك بطبع قبلة على بينة ربما رحمك حينها من الصفعة الثانية
يجعله بميزان حسناتكِ يا ست الكل
تدوم روحكِ الحلوة يارب[/align]

[gdwl]رشــــــــــــــا[/gdwl]
امممممم صباحك بلا شريك يا أخي الجميل
ولو اني أظنها أمنية غير طيبة
إذن لنعدلها"صباحك بشريك تحبه"
غريب هذا المثل حيرني"وجعلني أهرش برأسي كالعادة"
هل معناه انه من الأفضل ان يسرقني الأجير ولا أن يظل شريكي يحاسبني"بالمليم" ويضايقني بالحساب
منطق عجيب يا أخي...!!
وكوني جربت الشراكة بالتجارة وأظنها بالفعل فكرة فاشلة وخاصة مع الأقارب لما فيها من حساسيات ستضطر معها للتنازل مهما كانت الأدلة...
لكن مع هذا أظنني أيضا لن أفضل ان يسرقني الأجير
تصور أنه يناسب حكمة كانت تقولها جدتي صراحة لم أسمعها الا منها حتى اني صرت مثلها أخترع أمثال
كانت تقول" عامل حرامي ولا يافطة مليانة أسامي" كانت تقصد ان يكون عندك عامل حرامي ولا ان يشاركك فى يافطة المحل أسامي شركاء آخرين
العجيب انك تكتشف ان نفس القيم متواجدة مع اختلاف البلدان سبحان الله
ربما كانت جدتي صديقة جدتك الخيالية على طراز الأفلام الأمريكية

[gdwl]الموجي[/gdwl]

عزيزتي رشا
أشكرك لتفاعلك مع ما أقدّم هنا.
بالنسبة للمثل فأنا أيضًا جرّبت الشراكة
الأجير السارق نستطيع الخلاص منه
أمّا الشـّريك، قد ينتج عن الخلاص منه، تحطيم أحلام، ودمار وإلاّ سوف يبقى ممسكـًا بـ "زمـّارة الرّقبة".
لك التـّحية، وأجمل صباح.
ركاد

[align=center]
[gdwl]رشــــــــــا[/gdwl]
صباح الخير
بنسيم البحر
من شاطيء رأس البر بمحافظة دمياط
نحيييكم
ونمسي عليكم
وسامحوني للتأخير
كنا نمر بحركة تنقلات متنوعة" ما بين الأطفال والكبار والمنقولات المادية"
تم حشر كل هذا وتعبئته داخل "عربية"
وتم نقلهم ورميهم "بنفس تلك " العشه" الرأس براوية
فى مصيف العائلة "العبايدية"
والعاقبة عندكم فى المسرات
فقد بدأت أيام الزحمة
ونزولا على رغبات الأطفال
سنبدأ بالتصييف
دون ان تظنوا ان ملابسنا تؤيد التخفيف
ومن خرج من داره ولأني لا أحبذ التصييف
فأقدر أقول
ألطف بنا يا لطييف
ونبدأ الجلسة المسائية
برقصة شعبية"دمياطية"
تظهر فيها فتاة صغيرة "منكوشة" الشعر وتبدو ملامحها "غبية"
"تتنطط" كما الكرة المطاطية
وتغني بطريقة" شقية"
وادي رقصة المجنونة يا ابا يا ابا على الليمونة
وادى رقصة الغازيه يا ابا ابا على الملوخية
والخ الخ[/align]
[align=center] "هتروحوا مني فين النهاردة"
انا الآن أحدثكم من المطبخ
"شامين ريحة السمك الصيادية"
بحمر السمك المقلي"اتفضلوا معانا"
وايدي اليمين على اللاب توب
وايدى الشمال تصافح "المقلاية"
وربنا يستر
برجيس يا ابن خالتي عارفه هتشمت فيا لو الزيت وقع عليا
لكن على رأى المثل"ضربوا الأعور على عينه قال خسرانه خسرانه"
الجميلة مرفت .. أختي الصبورة والله متحملناي مرفت يا جماعة
كتر خيرها انها لسه بتقول إسمي
شكلنا معمولنا عمل يا مرفت مش بقولك محسودين
هههه معلش سامحيني مكنتش موجودة والله انت عارفه حركة التنقلات لازالت فى البدايه
ومش عارفه "أهرش" من الزحام العائلي بالمنطقة
وماعاش مين يطردك يا قمر
نسيتي انه عملالك توكيل رسمي يعنى اني"الوراث الوحيد"
وحالا رايحة على الموضوع
واحلى بداية
ويدوم الكرم يا أم الكرم

الجميلة هديل منورة يا جميل واحلى قهوة من أيد "الماما"

تحية رجالية وتعظيم سلام
لرجالة الأمة العربية"اللهم أنصرها"
الريس موجه الموجي" سيب الدمياطة فى حالهم هههه على الأقل عشان تضمن المشبك"
برجيس ابن خالتي"ارحم استاذتنا نجلاء"هتعقدها"
بس عارف عندك حق انا كمان هموت واعرف 14 سنه هههه والله تاخد وسام ماشاء الله عليها"


طوفه أبو الطفاطيف" ارحمنى وانزل من على الحصان، واعقل بقه وخليك حلو يا ابن عم بونيف
حلفتك بالقمر وبعطر الياسمين تعقل يا طوفه يارب" الموضوع قوي اتغدى بس وهتلاقيني هناك ان شاء الله

أستاذنا الهادىء الطيب إسماعيل الناطور
"يدوم تواجدك الجميل" فارسنا الفراتي أبو قلب أبيض راقي
منورنااااااااااااااااا جدااااااااااا جدااااااااااااااااااا
والله القهوة من غيرك بتبقى "سادة"[/align]

[gdwl]برجيـــــــــــس[/gdwl]
مساء الخير ع الجميع
و الله كويس خالص
رشا هانم هتروح تصيف ... و مصطفى بيه ٌقال لي هــ أروح أفسح العيال؟
و انا بقى خدام جنابكم . طيب م نشمع القهوة احسن و نروح نلعب ( استغماية)و اللي يمسك التاني يقعده في القهوة . ايه وقعت من قعر الجردل أنا معنديش
حاجه أعملها .
و كمان رايحه راس البر ؟ طيب كنتى قدمي طلب أجازة عارضه او حتى اعتيادي ؟ سايبه كده ... بتروحي من نفسك؟ بنات اخر زمن!!!
ادخلي يا بنت اغسلي الكوبايت و إملئي الجردل علشان نرش شوية ميه امام القهوة علشان الطراوه . بلاش دلع فاضي . قال تصيف قال.
و نسيب الناس الحلوة دي مين يخدمهم ؟
افتحي التليفزيون نشوف
الحمار العجيب]



[gdwl]رشـــــــــــــا[/gdwl]
منور يا ابن خالتي والله يا محمد
"مجبره أختك لا بطل"
على التصيييف والتخفيف والتكتيف
وأحدثك الآن وأنا أتابه الدقائق الأخيرة فى الشوط الأول
من مباراة مصر والبرازيل
3\1 لأبناء السامبا والرومبا
ولك أن تتخيل فى شرفة "العشة" والعشة بمفهوم رأس البر هي شقة ضمن فيلا
تتكون من 12 شقة ما بين بحري وقبلي وبحري صغير وبحري كبير والخ
وبحري شرقي وبحري غربي والخ
ويطلق عليها لفظ عشة
منذ كانت رأس البر تبنى الشقق فيها من "الغاب" أيام أم كلثوم ما كانت بتيجي تصيف فيها
وتخيل أن خالي بكرشه السمين كان منذ دقائق يعتلي سور البلكونة
ويصرخ فى أحمد حسن اللاعب
" دخلهااااااااااااااا جوووون بقه يا ابن الــــــــ"
وبجوارة جوز أختي يعاتبه صارخا
" شوف بقه يا عم الحاج انت القعدة معاك مفيهاش مكاسب أنا رايح القهوة"
ولا يخفي عنك أن اختك أم الرشاريش
كانت تمشط شعر الصغيرة الأمورة مريم بعد عودتها سالمة من البحر وأخذها شاور متين
" وياحرام وقفت نص ساعة تنتظر دورها بدخول دورة المياة لأخذ الشاور وهي "تتكتك" من البرد"
وكنت أشد فى شعرها والوي رأسها مرة يمينا ومرة يسارا تبعا لحركة الكرة بين أقدام أبو تريكة
وبالأخير وجدتها تبكي وتقول"حرام عليكِ يا ماما رشا وهددتني أنها ستقصه على الزيرو زى وائل جمعة عشان ترتاح وتريح"
وطبعا كانت الخلفية هناك
مرور بعض المصيفين بالشارع
ولأننا بالدور الأرضي آخدين جناح كامل" شقتين مفتوحين على بعض"
فقد كان المارة العائدين من البحر ينادون على خالي وصحبته من رجال العائلة
اللى أغلبهم "أصلع"
ماشاء الله
وهم يألون بلهفة
"والنبي يا حاج المتش دلوقتى كام كام ومين اللى جاب الجون"

وآخرهم هذا الشاب الحليوة"يشبه مهند"
الذي عرض على خالي العمدة أن يصعد ليأخذ شاور بالعشة ويابع المتش لأنه خايف يفوته
وكانت نتيجة طلبه
أنه وعلى ما أظن نقل حاليا الى مستشفى رأس البر "اليوم الواحد" شارع101
للعلاج "إثر إصابته" بإرتجاج جزئي وكلي نتج عن "روسية عبايدية: ماركة مسجلة
وربنا يخلي خالي ويخلي راسه
وينصر المنتخب المصري
على الأقل نخرج رافعيين راسنا
قولوا آمييين[/B][/CENTER][/SIZE][/COLOR]

[align=center] الشوط الثاني
وعلى قولة الجماهير
والمعلق
"إنهم يرتبكون......"
النتيجة الآن"3\3"
الحمد لله ... أحسن يا مصرييين
" وفى حين ضياع الهدف الرابع خسارة لم ينتبه لها شوقي" ليحقق الفوز
ولكن إن شاء الله تتعوض
والمعلق الجميل "عصام الشروالي" التونسي
رائع هذا الرجل كم أعشق تعليقه
يملئني حماسا وكأننا بثورة
1919
ويلا يا مصريين
يارب
"حسن شحاته يا معلم .. خليت البرازيل تبلم"
صدقا المنتخب المصري بالشوط الثاني أكثر من رائع
يعطي البرازيل درسا قويا
يارب تكمل بالفوز يارب
قولوا آمييييين
اوعوا يكون فى حد بالملتقي برازيلي الجنسية ههههه
لازالنا معكم على الهواء
والرابع فى الطريق قولوا يـــــــــــــــــــــــــارب[/align]