(مسابقة أكتوبر للتواصل والإبداع ووسام نجم الشعر)

**جمعه محمد** · 24-10-2010, 13:41

صعدت جبال هزمت بفكرى كل محال
ف كل محافل الدنيا بقالى مجال
لقيتنى ف بلدى يا خساره
لا ليا وزن ولا مكيال
**************
وعجبى

**وليد الوصيف** · 24-10-2010, 16:08

لوحة عربيه رسمها الزيدي
بروحه العراقيه وحذائه المصري
أعادت للعرب الكرامه والمجدي
لبضعت ثواني وهلا بعدُها القهري

**علي عبد الله** · 24-10-2010, 16:32

ياغراب بينـْعق ف الوشوش وَشْوشني بالراحة
شَرْشَرْ شـرارَك ف الهشيم والشمس لفـّاحة
مَشبوك بمَشبك شراعي اللي اشتفى م الشر
شَكْشَكْني شُوكك مِشيت وشفايفي نوّاحة

**وليد الوصيف** · 24-10-2010, 17:38

هاجت عواصف رامليه فى وطنا
وبندعي ربنا يبعت لينا الأمطار
تهدى العواصف ومن الفساد ترحمنا
ويغرق فيها من الوطن شلة الأشرار

**د.نجلاء نصير** · 24-10-2010, 17:44

ربنا قادر وفرجه قريب
اصبر علي المصايب
لجل ما تفوت ماهما ناسيين
انها عيشة واخرتها الموت

**جمال عمران** · 24-10-2010, 17:55

تِعَلَقى على كل حاجة .. لا سايبة شاردة ولا واردة ..
ماشا الله عليكى يانجلا .. طايرة وللجناح فاردة ..
وتطولى فى السما النجمة .. وتغردى لوحدك هناك ..
وتقولى للى قاعدين تحت .. مافيش فى ارضكم فايدة ..

**جمعه محمد** · 24-10-2010, 18:15

هلال وصليب .........ف وقت الجد مجتمعين
يقولوا يا مصر نفديكى : ولادك لينا غيرك مين؟
مافيش ف القلب ........... غير صورتك
لا بينا عُملا........ ولا خاينيين

**انوار عطاء الله** · 24-10-2010, 18:16

نستنى وتمر في بعدك الثواني سنين و سنين
ولما انكون سوى تمرّ ليه في رمش العين ؟
واتمنى لو اخبي من الغياب ساعة او ساعتين
وازيدهم لوقتنا لما انكون سوى احنا الاثنين

**جمال عمران** · 24-10-2010, 18:32

نفضل لآخر حياتنا كدة .. نستنى الطعنة فى قلوبنا ..
نشيل للناس شعورطيب .. يحطوا الطين على توبنا ..
وتصدمنا الحياة فيهم .. نضيع وتتوه بنا دروبنا ..

**أميرة فايد** · 24-10-2010, 18:41

أنا مبتلى بشيطان ..م الإنس مش م الجان
مفروض على دنيتي ..وله عليها سلطان
حالف يدمر حياتي .. بالكدب والبهتان
ينفث ..يشنع ف ضهري وياخدني بالأحضان

**جمعه محمد** · 24-10-2010, 18:43

نسمع ف الاخبار حواديت
ابطالها اطفال كتاكيت
بيواجهوا العدوان بجساره
والبطل العربى ف البيت

**جمال عمران** · 24-10-2010, 19:52

تقول الناس بتسترخصنا ع الآخر ..
كإننا توب من صنف ردئ ماهوش فاخر ..
ده زماننا إللى فيه الكبير بيتكبر ويتفاخر ..
وإحنا ياحسرة نتكرمش ونبقى فرجة للساخر ..

**انوار عطاء الله** · 24-10-2010, 20:05

راجع كلامك واوع تتبّع خيط الظنون
ومش لمجرد انك تشك كل شيء عندك يهون
ومش لمجرد اوهام في خيالك تبعد , تخون
بالصبر بس والتفهم كل الى نعوزوا , يكون

**د.نجلاء نصير** · 24-10-2010, 21:24

ننول الاماني بالصبر الجميل
ولو استعجلناه يبقي حملنا تقيل
زمان قالوا الصبر مفتاح الفرج
وانا بقولكم بالصبر كلنا ننسي الكرب

**وليد الوصيف** · 24-10-2010, 21:51

بر الأمان غرقنا في بحر من القوانين
رغم المفروض يكون لينا حمايه
سألته ليه ؟ قالي عشان تفضلوا نايمين
ولا مره أشوف حد منكم بدور ورايه

(مسابقة أكتوبر للتواصل والإبداع ووسام نجم الشعر)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث