(مسابقة أكتوبر للتواصل والإبداع ووسام نجم الشعر)

**جمعه محمد** · 20-10-2010, 19:34

لو طال الليل راح يطلع من قلب الليل د نهار
ومسير الشمس هاتسطع من بعد الضلمه النور
والحق اكيد راح يرجع طول ما حنا وراه بندور
صدقنى يا صاحبى هانكسب والظلم مسيره يغور

**مختار عوض** · 20-10-2010, 19:40

روح الفتى فـ حب البلد
ركب الفرس.. قال يا ولد
بلدك تنـادي.. تنتــظر
سيفك مع الفـجر اتولـد

**ربيع عقب الباب** · 20-10-2010, 21:06

داري دموعك الطريق هايطوّل
والدنيا صبحت ألعن من الأول
عشت مابين الأحبة و الصحبة
و كنت للجدعنة عاشق ومتسول

**أميرة فايد** · 20-10-2010, 22:28

لا والله ما عاوز ثروة
ولا تلزمني كنوزك شروة
مش طالب غير أكون متيسر
ويكون لي الستر كما الدروة

**مختار عوض** · 21-10-2010, 07:17

هانم وسعد وعبـ الصمد
بيفكروا فـ حال البــلد
واحنا معاهم مشـغولين
خايفين ولازم نتـــحد

**الخليل عيد** · 21-10-2010, 10:02

داب الجليد و انفجر الحجر
من هول ما صنع البشر
نطق الرضيع فى المهد
من هول النقم

**أملي القضماني** · 21-10-2010, 12:38

مين يداوي جرحي----مين يمسح دمعتي

مين يسكب عطـر----مين يسكن مهجتي

ويرسم على شفافي البسمة

**وليد الوصيف** · 21-10-2010, 14:56

يا زرعه ناديه وخضارك

مش محتاج جنينيه

يرعرع من شمس نهارك

ويغطي العالم حنيه

**محمد جلال عمر** · 21-10-2010, 15:35

هانت يا قلبي.. اصبر ما تستعجل
وانت اللي طول عمرك صابر ومستحمل
مـُـــر السنين شارب ما قلت الآه
وآدي الطريق واسع وحا نكمِّل

**علي عبد الله** · 21-10-2010, 15:41

لا تِنتظر من حَجر يِروي ظَمَا العطشان
لا تِنتظر من كَدَر إنه يصير رَوَقان
إحنا ف زمان العِبَر والمُنحنى نازل
مَمْسوخة كل الصور ، مِتْشقْلبة الأزمان

**جمال عمران** · 21-10-2010, 16:42

نعيش مع بعض احلامنا ..اصونك والمحبة تصون ..
وانسى معاك احزان عمرى .. وانسى الكون ..
واتنبه الاقينى لوحدى فى .. الليل والسكون .
أنده عليكى تصحا الناس .. ويقولوا فى الهوى مجنون
* جمال *

**د.نجلاء نصير** · 21-10-2010, 16:50

نقول عليك في الهوي مجنون
وليل الجوي ماله عيون
وقلوب المحبين تملي ف شجون
يسهروا اليل يعدوا النجوم

**الخليل عيد** · 21-10-2010, 16:56

مات يا حبيبى الهوى من قلت فلوسك
ولما يجى الفرج تعالى وانا ابوسك
اوعى تفكرنى خاينة ولا بدوسك
دا البطن الخالية خاينة لو دستها تدوسك

**جمعه محمد** · 21-10-2010, 16:57

ما بتديش الدنيا ف ثانيه ما بتديش
لازم تنزف دم وتعرق لاجل تعيش
الحق نفسك اجرى بسرعه ما تستناش
لو تتكاسل او تتساهل روحت بلاش

**أملي القضماني** · 21-10-2010, 16:57

حذف من قبلي لانو الحرف الاول تغير قبل ما اعمل ارسال
ههه
حذفنها انا قبل ما يحذفها الرقيب

تحياتي

(مسابقة أكتوبر للتواصل والإبداع ووسام نجم الشعر)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث