(مسابقة أكتوبر للتواصل والإبداع ووسام نجم الشعر)

**د.نجلاء نصير** · 22-10-2010, 01:36

ياوطن كلنا ناسك ولو حبسوا أنفاسك
عنيا هي حراسك ولو عدو يوم داسك
جعلناه للبشر عبرة ودوسنا عليه بمداسك
يا أرضي أنت أبية حافظين عهدك واحساسك

**د. محمد أحمد الأسطل** · 22-10-2010, 01:55

كالبنفســج في سحر الواني
أو كبيــدر في ظـل أوطاني
يازهرة اللوز هـاك أشواقي
أكتبي أغنية تشـدو لأحبابي

**وليد الوصيف** · 22-10-2010, 01:59

يا أم أنكتب فيكي أحلى الأبيات
وأكتشفتي أنها مجرد كلمات
لما خصخصوكي وهربو في ساعات
أصبري الخاين راجع ولو بعد الممات

**جمعه محمد** · 22-10-2010, 04:50

تشوف رغيف العيش !!! تحس طعم القهر
تسب طبعاً وتلعن : أُم أُم الفقر
وتقول لنفسك صحيح : عجبى عليك يا دهر!!!
زى البهايم بناكل !!!علشان ما لينا ضهر .
وعجبى

**وفاء أمين** · 22-10-2010, 05:18

ربطت راسي بفوطة

ودعيت بقلبى عليه

مجنونه ياقوطة

الكيلو عشرة جنيه!!

عذرا اصدقاء الحرف هى مشاركة خارج المسابقة مريت للتحية فقط ارجو ان تعجبكم

**دكتور مشاوير** · 22-10-2010, 05:26

[align=center]
متابع مشاركاتك الجميع من المبدعين.
وكان نفسي يكون لي مشاركة ولكن الغيبة مسحت مني حاجات كتير
تمنياتي بالتوفيق للجميع وتحية خاصة للمبدع الأستاذ الشاعر الجميل جمال فرح
كل الود
[/align]

**علي عبد الله** · 22-10-2010, 07:56

هَمْس العيون ليه لغة ما تتنطق بلسان
يفهمها كل اللي غارق ف الهوى وَلْهان
تِرْسِل رسايل محبة تِسعِد العاشقين
ما تعوز مُفسّر لها يِشْرح ولا تُرجمان

**آسيا رحاحليه** · 22-10-2010, 08:42

نطقت عيون العاشقين و الصمت فيها سلّمْ
والرّمش ذابل م الحنين..يحكي الضنى و يتألّمْ
دي كل حاجة ف عمرنا.. . محتاجة لغة تدلّنا
إلاّ الهوى, من نظرة العاشق يبان..و يتكلّمْ .

**علي عبد الله** · 22-10-2010, 09:52

مفيش داعي تحاولي تنَزّلي شراعي اللي مِتغرب ف أوطانِك
ومِتْحيّر ما بين مرسـاه بعيد عنـك وبين توهتـه ف شُطـآنِك
زمان كُنتلّك المَرْسـَى وكـانت مَركبـي بتِرسَى على جبينِك
أنا مسافر بأحزاني وشَطّك مهما أغراني هحاول أنسى عنوانِك

**د.نجلاء نصير** · 22-10-2010, 10:25

كيف يا ولدي تنسي عنواني
وتتغرب وتبعد عني من تاني
مش أنت برضوا اللي لحنت غنوة أوطاني
يا ولدي لو سيبتني مين حيحررني من الجاني

**وليد الوصيف** · 22-10-2010, 10:50

يا بشر إحنا بين قوسين
ربنا خلقنا ولربنا راجعين
يبقى لازم نعمل للوطن والدين
ونكسب الرحلة إللي بين قوسين

**آسيا رحاحليه** · 22-10-2010, 11:01

يا ريت كان الهروب ينفعْ و تقدر مركبك ترْسى ف ميناء تاني
أنا الموجة اللي بيك ترجعْ لبر الحب و الأحلام في احضاني

**محمد جلال عمر** · 22-10-2010, 11:51

يمكن نسيت طعم الكلام والسكوت أصبح هوايه

واللئام مسكوا اللجام ســــطَّروا حروف النهاية

والولاد الطيبين الغلبانين شربوا من مر السنين
تاهوا وسط الزحمة مش فاهمين هو ايه أصل الحكاية

**د.نجلاء نصير** · 22-10-2010, 13:24

تعالي نبتدي نسطر للظالمين النهاية
ونجعلهم قصة ملهاش بداية ولانهاية
ما هما عارفين إنهم سيطروا علي الحقيقة
وضللوا كل من حاول يقف في وش الظلم للنهاية

**جمعه محمد** · 22-10-2010, 13:43

هايم ف بحر الغرام طير ف السما عالى
دندنت احلى الكلام مع عزف موالى
وكأنى فارس همام والصيد بيحلالى
سهران نسيت النوم ولا جيه على بالى

(مسابقة أكتوبر للتواصل والإبداع ووسام نجم الشعر)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث