مش هنرحل من الميدان.. حتى لو طلقت سوزان
آخر طلعة جوية هتكون على السعودية
امش بقه أنا بردان
ارحل بقى عايز استحمى
قاعد 13 يوم ما نمتش.. وأنت لسه ما فهمتش
عفوا مبارك.. لقد نفد رصيدكم.. تيت.. تيت
طبيب أسنان.. جاي أخلع مبارك
الولادة متعسرة جدا لأن المولود اسمه الحرية
أفلام مبارك تقدم فيلم احم بيتك بطولة حبيب العادلي والبلطجية
إن ما كانش عندك دم أسلفك
طير انت
اضحك الثورة تطلع حلوة
الشعب يريد فلوس الرئيس
ارحل غير مبارك
كان مبارك أبويا.. إذن فأنا ابن حرام
عيد الحب قرب يا حسني.. سوزان مستنياك
أحمد عز: الفلوس معايا.. والحديد كمان معايا --- الشعب: الفلوس هترجع.. والحديد في ايديك
يا علاء قول لاخوك مصر دي مش عزبه ابوك
ارحل عاوز انام اصل كنا مش بنعرف ننام اوي يعني
يا هانم قولي للبيه كيلو العدس ب10جنيه
مصر يا أم، مصر يا أم، ولادك أهم، دول علشانك شالوا الهم

مضحكة مبكية

نصر الله الشرفاء

وأعان مصر على همّ مقيم

همسة: عمر سليمان رد عليكم:
مش حيمشي مش حيمشي .. اه واللهِ

مع اعتذاري للتطفل

من أعماق الجوارح والأوردة أقول لأرض الكنانة ،بأن لغتي قد عجزت عن التعبير عما يجيش في قلوبنا تجاهكم أيها الإخوة العرب بأرض مصر الحرية .كما أعلن بأننا نحيا معكم بالنبض كل الثواني والدقائق والساعات والأيام .ونشارككم عن بعد .تواجدكم في ساحة الشرف العربي " التحرير " ...من خلال وسائل الإعلام الرقمية ...مترقبين منفعلين بكل تحركات الشارع العربي المصري العظيم .بالفعل أنتم تسطرون ملاحم التاريخ العربي المجيد في عمق مفصل هذه الأمة .فلن تخيبوا وأنتم أحياء ولن تموتوا وأنتم الشهداء ..ومن هذا المتصفح المحترم أجزم لكم بأنكم النصر ذاته .والحياة نفسها .والمجد عينه ...أيها الصامدون ....أعتذر على لغتي المنهكة فما عادت تسعفني أمام هذه الثورة الشريفة المرامي والغايات ...
لذلك أقدم لكم جميعا باقة ورد وود وتحايا رغم صمتها عبر هذه الحروف . فوالله حورية تغلي من الغضب
والفرح على الخروج من شرنقة القبضة الشرسة من قبيل من لايحسن تسييس وإدارك مشاعر الرعية ...
عاشت مصر تحيا الثورة ...
أختكم حورية إبراهيم ..

قول يا مبارك يا ابو راسين ...

في التحرير إحنا مرابطين ... حتى ان كان ده ليوم الدين

حسني أفسد من فاروق ... إعدموه كده ع الخازوق.

الداخلية هي هي طلعوا شوية بلطجية..
مدنية مدنية مش عايزينها عسكرية
علنية علنية.. المحاكمة الحقيقية مش تواطؤ على ع القضية ..
المحاكمة الحقيقية مش تباطؤ في القضية
علِّي وعلي الصوت .. عمر الثورة ما هتموت ..
علي وعلي وعلي كمان .. لسه الثورة في الميدان ..
حسني مبارك يا جبان... كل محاكمة اعمل عيان
مجلس عسكر... صح النوم كل ظالم وله يوم
عايزين نيابة حرة ،العيشة بقت مرة
يا سيادة النائب العام ، بعتوا دم الشهدا بكام