مسابقة اكتوبر للتواصل والإبداع ووسام نجم الشعر ... فشاركونا

مها ضرار · 23-10-2011, 09:36

مادمنا عــ الوفاق ماشين , لا يمكن يوم طريقنا يميل
هنزرع فجرنا بساتين , و نروي القهر شهد جميل
نشوف , مانقولش بس آمين , و نختار اللي ليها ذليل
يخاف الله فـ أموالها , و يرعي ولادها بالتمثيل

علي عبد الله · 23-10-2011, 07:22

ربيع العمر ولى وفات.. ومش باقي سوى أيام
ويا ندمي على لحظات.. مضت وكأنها أحلام
ومـا ينفع بُكـا وآهـات.. ولا يُمكن تعـود تاني
يا أحزاني كفاية شتات.. رافعلك راية استسلام

عاجبكم كده ؟ أهي قلبت نكد !!
هههههه

أحمد على · 22-10-2011, 22:53

دهب ترابها ونسيمها يشفي ونيلها كوثر

جوها جنة وشمسها حنه ومسجدها أزهر

هرمها ومنارتها من العجايب ومن حقي أفخر

وسدها عالي بناه شبابها بسواعده شمر وعمر

نهى رجب محمد · 22-10-2011, 19:42

إيد من نور

[frame="5 98"]مسحنا مرايت الليالي
بضي ملو الإيد
دا الحلوه اسمها صابحه
والصبر صبر حديد
واقفا على سلم مجدها تبتسم
والكل يهتف باسمها ويعيد
ومعيده واللبس متفصل
كله جديد في جديد
---------------------
نهى رجب محمد
ريشة المطر
[/frame]

علي عبد الله · 22-10-2011, 09:09

يا صُبح شَقشقْ على الدنيا كفاية ظلام
الناس بتحلم كتير حقِق لها الأحلام
إمسح مراية الليالي اللي اتكَسِت بضباب
واصرخ ف وش الفساد علشان نعيش ف سلام

مها ضرار · 21-10-2011, 21:20

ربي عالم بالموده لكل مصري و كل شاعر بيها شاعر , يحب بلده و ليها يفدي
و اللي جمع شملنا , حب البلد دي , ليها روحنا و نطاطي لها عشان تعدي
ننسي ذاتنا و نهدي مالنا , نجنهد و ننول أملنا و اللي رايد بيها شر , نتحد ليه بالتصدي
ليه نقول بس إحنا مالنا , عـ الأقل نشوف عملنا , مانواجهش سنين تردي

أحمد على · 21-10-2011, 20:52

مها ضرار بنت مصرية كلها اصرار

حفيدة الفراعنة والضباط لاحرار

رافعة راية بلدها ونيتها ف العمار

تسلمي ياللي سمارك م النيل وشمس النهار

مها ضرار · 21-10-2011, 20:40

نحمي حصون مصرنا , بسيدة و السهم
و بابن عبد الله , مصري في أصالته و شهم
و جاري مينا كمان , دي أبوه بمثابه عَمّ
بيجيني يوم فرحتي , و فـ جرحنا بنتلم

أحمد على · 21-10-2011, 20:35

نكون أو لا نكون غالية علينا

وعمرها ما تهون

ناخد بإديها ونعلى اسمها

نوصل فوق ف الكون

لا هكسكوس لا رومان لا تتار

ولا بني صهيون

ما في حد يقدر ع المصري

عاشق بلده بجنون

سيدة الشولى · 21-10-2011, 20:04

بادي عليكوا القلق ، يا أولاد بني صهيون
خايفين يناير يصيبكوا ، من الميدان بجنون
وتبقى ليكوا النهاية
تقضي عليكوا جماعة ، وتنمحوا م الكون

علي عبد الله · 21-10-2011, 17:10

تِسلم أراضي الوطن من كل عين بتصيب
وتخيب خطاوي العِدا والمكر والألاعيب
محروسة منذ القِدم رب العباد حارس
عايشين ف أرضك سوا شايلين هلال وصليب

سيدة الشولى · 21-10-2011, 14:15

لولولولولولو لي ... زغرد يا مصري أنت وهي
ما فيش حدود والا فواصل بين الوجوه المصرية
وان قالوا احنا هلال وصليب
قول قُصر ديل وما تحاولوش ، طول عمرنا خلطة عَصِية

أحمد على · 21-10-2011, 13:19

تملي سيدة الشولي تقول

كلام جميل

من حبها في المحروسة

واحترامها والتبجيل

لا عندها فرق بين مسلم

ولا حامل الإنجيل

كلنا على أرضها إيد واحدة

جيل من بعد جيل

سيدة الشولى · 21-10-2011, 11:54

كلام جميل من جميل الحس والطلعة
طب امتى نشوف مصرنا من الفلول طالعة؟
اتعاملنا معاهم برقة والرقة مش نافعة
يارب .. امنحها الامان وشمسها الساطعة

علي عبد الله · 21-10-2011, 06:27

دامت لمين يا مغفل لما هاتدوملك
لو هيا دايمة لبشر ماكانتش وصلتلك
دي سُنّة الحق يعطي المُلك للمملوك
ويذل أنف الجبابرة زي ما ذلّك

مسابقة اكتوبر للتواصل والإبداع ووسام نجم الشعر ... فشاركونا

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث