مسابقة اكتوبر للتواصل والإبداع ووسام نجم الشعر ... فشاركونا

أحمد على · 18-10-2011, 23:51

راح الحزن بعيد وجت مكانه لافراح

وجابت معاها بلسم يداوى الجراح

نجحت ثورتنا ودم الشهيد عمره ما راح

وبموت أعوان الشيطان حنكتب نهاية السفاح

نهى رجب محمد · 18-10-2011, 20:03

تحية إكبار

[frame="11 98"]داحنا النهرده محتجين حبة بخور
تِرقي ولادنا م الخطر
دي إيديهم تنلف ف الحرير
شقوا الطريق في الجبال وعرفو خط المسير
وحصلت المعجزه
ودخلنا من باب السرور
-----------------------
نهى رجب محمد
ريشة المطر[/frame]

نهى رجب محمد · 18-10-2011, 19:45

ردوا عليا

[frame="4 98"]ردوا عليا مش فاهمه حاجه
صعيديه شاربه الحزن ساده
لاعبه ف غيطانها ،وكلا كيزانها
،وكان عشايا بتاوه طازه
المنجا فيها بترد روحي
والنخلة ياما طرحت زياده
---------------------------
وصحيح غريبه عن حضن امي
لكن سيرتها دايما بروحي بتزيد حلاوه
الجدر أصلي ،والفرع ثابت
بالعربي صالح مخلص كفايه
------------------------
نهى رجب محمد
ريشة المطر
[/frame]

مها ضرار · 18-10-2011, 19:08

روت القنابل قلب كل شجاع , لما الرصاص مطّر علي الأوغاد
أكتوبر اللي ف قلبنا أوجاع , و قصص فرح تتعاد في كل معاد
هارب حنيني اليوم و مش متباع , و راجعي بكره لما ييجي الزاد
ثورتنا يا أكتوبر ماليها ضياع , طول ما إحنا بنكافح و فينا جهاد

أحمد على · 17-10-2011, 20:34

ضفة نيلك ياما شفنا

منها الخير

نبتت عليها سواعدنا وشرب

كمان الطير

وعشانك ننسى الخلاف

ونبدأ نسير

ف طريق الحوار ماهو حبك

ف قلوبنا غير

مها ضرار · 17-10-2011, 18:57

ربي و إلهي , يا كل جاهي , أنا كنت لاهي , ماشي و مغمض
مولود في خيرها , و لا ليّه غيرها , و عشان خاطرها , للظلم هرفض
والدي شهيدها , عمي ساعدها , و ابني وليدها , عايزين نزيدها
ننسي المشاكل , تهدا المسائل , نوجد بدايل لما نفضفض

أحمد على · 17-10-2011, 18:18

مقدرشي عنها في يوم

أنام أو أتأخر

ومهما سوىّّ اللئيم على إديا

حيضيع ويتبخر

بحبها بكل ما فيها وليا الحق

بيها أفخر

أرعى حماها , أصون عرضها وأمشي

فيها واتمختر

د.نجلاء نصير · 17-10-2011, 16:49

رمم جروحك يا مصري قوم
احمي بهية من السهام
اطردمنها ولاد الحرام
اللي باعوها للئام

أحمد على · 17-10-2011, 15:55

بين اللي بيحبك وبين الحاقدين

فرق كبير

ناس بتدي من غير مقابل نفسها

ف التغيير

وغيرهم بينهش من غير قيود ودا

واقعنا المرير

والمحروسة تاهت خطاويها بين

الطيب والشرير

سيدة الشولى · 17-10-2011, 12:59

ربِك كبير يا مها ، يسمع دُعاك ويجيب
واحنا علينا بقى نِوْصِل حبيب بحبيب
نديها اخلاص وتُقى
قبل ما ناخُد نعطي ، فنشوف أملنا قريب

مها ضرار · 17-10-2011, 09:37

تصرخ قلوب العاشقين , أوعوا بإيدكوا تهدّوا مصر
و لا يوم تقولوا مظلومين , دي اللي إنظلم هيجيلُه نصر
دي الثورة قامت و الغمة نامت و الظالمين صبحوا في قهر
و اللي آذاها , هيدوق جواها , و اللي هواها تكون له قصر

سيدة الشولى · 17-10-2011, 04:56

احنا بدينا يا نُهى بس الخُطى لساها واقفة !
تزعق في دوسة الطريق والورود قلقانة راجفة
الندى فارق حماسها والميدان ،
يزعق ورودي في الربيع ليه بس ناشفة

نهى رجب محمد · 17-10-2011, 03:52

[frame="4 98"]يا ساعة الوقت اجري سرّعي
علشان هنبدأ ف البُنا
بإدين جديدة مِسَلِما
عارفه تعَافِر ف الحيطان وتكتب إسمها
علشان تعيش فوق السطورحرة أبيه نيّرا
-------------------------------
الرب واحدوالقلوب متجمعا
على حجر غاليه مؤمنا
فينا الجريءواللي خايف م الطريق
واقف ف سكه مضَلِما
عايزين ننور شمعنا علشان نكثف جهدنا
-------------------------------------
نغسل وشوشنا م البُكاعلشان نهني بعضنا
الحزن غالي ف القلوب
كل اللي راحوا مش هيجوا لحضننا
لكن هيطلع جيل جديد من بعدنا
يحرت غيطانا يرعى أرضنا
------------------
واحنا هنفضل ع السطورذي الفوانيس الحبيبه حنينا
ساعة تنور السلالم للي طالع السطوح
أو تبدر الشارع غناوي ملعلعا
إحنا بننزف حرفنا من جوا ضميرنا ورُحنا وقلبنا
صوتنا حقيقة مؤكده شايله مُنانا ورأينا
------------------------------------
إنك هتبقي ياعزيزه لأحسن من كده
جمعا ولادك عل الغدا
بسم اللانبدأفرحنا
-----------------
نهى رجب
ريشة المطر
[/frame]

أحمد على · 17-10-2011, 00:15

يا ايدي لا تتهزي لا تميلي

ولا تميدي

ولا تحني ع اللي جرح قلب

وليدي

الجاني قدامك وقدامي قطع

وريدي

الشهيد غالي ولما حقه يعود

يبقى يوم عيدي

سيدة الشولى · 16-10-2011, 22:16

بس هُس يا سهم فالِت .. ليه ما صِيبتش الأعادي ؟
الميدان صَوِّب ليه انت .. تُهت من دفع الأيادي ؟!
اختل ليه الوضع ليه .. ؟
شُق كِرشُه وهات وطننا .. هاتُه صح النوبادي

مسابقة اكتوبر للتواصل والإبداع ووسام نجم الشعر ... فشاركونا

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث