مسابقة اكتوبر للتواصل والإبداع ووسام نجم الشعر ... فشاركونا

أحمد على · 16-10-2011, 21:49

أنا كنت شايف الغمه انزاحت

وباقي بس شوية ضباب

لكن الفرحة لسه ما اتنصبت

مستنيه رحيل الذئاب

والحاقدين والمتربصين ما يملى

عينهم غير التراب

وأصحاب المصالح لسه الطمع فيهم

وجا وقت الحساب

نهى رجب محمد · 16-10-2011, 19:16

يا أول الأيام يا آخر صبرنا

[frame="6 98"]يا أول الأيام يا آخر صبرنا
قصدي كفايه أسئله وعلينا لم شملنا
ف صفوف طويله مزبطه عارفه طريقها وضلنا
نعرف ناسس صرحنا على قدنا
--------------------------
واولادنا ييجوا بعدنا يتعلموا من جهدنا
والتاريخ في كل يوم لازم هيرصد خطونا
لكن الحقيقة المرعبة إن الرياح أهي ضدنا
وادينا في ايد بعضنا ممكن نجدف بالمراكب كلنا
علشان نعدي نهرنا
--------------
نهى رجب محمد
ريشة المطر[/frame]

سيدة الشولى · 16-10-2011, 18:10

شاء القدر يا خلق ، فلق القمر يبكي
دمعُه نزل غيمات .. وجع الميدان يسقي
ينعي عطور الدما ويطيِّب الرملة
وعن اللي كان في الميدان الدنيا راح تحكي

نهى رجب محمد · 16-10-2011, 17:36

[frame="8 98"]ليلة الميلاد لسه م جتش
وعشان أكون أو لا أكون أتعرف أو م تعرفش
لازم أكحل نظرتي بالصبرلجلن م تحسدش
الكل واحد ع الطريق والجدع م بيتكسرش
------------------------------
والصغير بكره يكبر،والحكايه ليها أول لكنها م بتتقفلش
عايزا حواروصراع صريح ويا عنين خاصمها رمش
لجلن ننام لازم نكون قد المنام ،وبلاش نقفل علينا الشيش
---------------------
نهى رجب محمد
ريشة المطر[/frame]

أحمد على · 16-10-2011, 14:20

يا عين لا تبكي ولاتخافي

من فلول الغول

ربي معاكِ وشبابك اديهم عفية

بتصول وبتجول

هما اللي قهروا زمان التتار

وهولاكو المغول

إنتِ بلد أمن وأمان ربنا قال

وكمان الرسول

سيدة الشولى · 16-10-2011, 13:40

يا عين يا ليل سهران رمشي ما بينمشي
صار صعب اصدق ما صابها وصعب ما احلمشي
يا خلق قلقان وخايف
الثورة الفلول تسرقها .. وخيرها ما احصدشي

أحمد على · 16-10-2011, 13:29

هانت عليَّ نفسي يا مصر

ولا هُنْتِ

ماهو إنتِ وسامي مملكتي

ومدنتي

لو تتوه الأسامي منقوشة

إنتِ بخلدي

كل يوم يا بلدي على إدين شبابك

بتتولدي

مها ضرار · 16-10-2011, 05:22

أراضيها تطرح طيبين , ما هي أصلها طيبه
لكنهم بره العرين , مالهمش في الطيبه
و اللي عداهم يومه طين , و كأنه في مصيبه
طالعين عليه متأهبين , راجعين به في زكيبه

نهى رجب محمد · 16-10-2011, 03:21

بُكا

[frame="7 98"][COLOR="bداري انهرده دخلتها ملقيت أخُوي فيها
قالو الجدع انخطف وكان فِدا ليها
يارب خفف لوعتي علشان أعديها
يا مين هياخد مطرحة وتهدهده إديها؟
-------------------------------
ياغاليه فُوقي م الدموع إنت قديها
م الفجر صلي سبحي واستغفري، وهو يقضيها
نفسي أروح الحرم واقرا ياسين ليها
علشان تعيشي مركبة واحنا مراسيها
************
نهى رجب محمد
ريشة المطر[/frame]

نهى رجب محمد · 16-10-2011, 03:06

مشاركة محذوفة

[frame="12 98"]داري انهرده دخلتها ملقيت أخُويْ فيها
قالو الجدع انخطف وكان فِدا ليها
يارب خفف لوعتي علشان أعديها
يا مين هياخد مطرحه وتطمنه إديها؟
ياغاليه فُوقي م الدموع إنت قديها
نفسي أروح الحرم واقرا ياسين ليها
علشان تعيشي مركبة واحنا مراسيها[/frame]

أحمد على · 15-10-2011, 23:16

الشرارة الأولى للثورة جت من عموم

القهر والفساد

لما طالت سيوف المستبد رؤسنا

و خيرات البلاد

غابت العدالة وهربت من نار الظلم

وانكوى العباد

هب الشعب هبه والمغرور وجلادينه

بقوا رماد

مها ضرار · 15-10-2011, 19:51

أنا من تراب الأرض دي , و أنا اللي شارب نبتي دم و كبرياء
م القهر و من الحر شقيت بسمتي و من الوجع في بلادي حسيت بالوفاء
و أنا اللي هايم بالغرام فيها بطوف و أصطاد كلابها و ألمهم و يا الجراء
و أنا اللي من غير العيون حتي بشوف , بسمة عيونها و أنتشي بلحظة ضياء

أحمد على · 15-10-2011, 14:25

أحلامنا وهدفنا رفعة بلدنا وعْلِوْ اسمها

واللي ضحوا بدمهم عشان بلدهم كانوا قدها

كتبوا تاريخ نضال بلدنا وعزفوا على لحنها

والدور علينا نمد إدينا ونعمر أرضها

عبد الرحيم محمود · 15-10-2011, 13:43

الأخت الكريمة ماجي الغالية
بناء على رسالتك الكريمة التي أرسلتيها لي فقد بحثت مع الأخت الشاعرة الكبيرة قضية التحكيم والإشراف على المسابقة ، وعهدت للسيدة الشولي رئاسة لجنة التحكيم ، وأنا سوف أكون عضوا مشاركا لك وللسيدة الشولي لإخراج هذه المسابقة بما يليق بالملتقى وبك وبمصر العرب تاج الرأس وفخر الأمة / تحيتي .

مها ضرار · 15-10-2011, 09:34

راحت تطير روح الشهيد والنصر حاضن حلمها
قلوب جميله عشان بلادها , سقت دماها لأرضها
طرح النهار , و ف كل دار, دَعِت الخَلايق كلها
يا رب سَلّم مصرنا و نعيش و نِحـفـظ عـهـدهــا

مسابقة اكتوبر للتواصل والإبداع ووسام نجم الشعر ... فشاركونا

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث