مسابقة اكتوبر للتواصل والإبداع ووسام نجم الشعر ... فشاركونا

**سيدة الشولى** · 16-10-2011, 18:10

شاء القدر يا خلق ، فلق القمر يبكي
دمعُه نزل غيمات .. وجع الميدان يسقي
ينعي عطور الدما ويطيِّب الرملة
وعن اللي كان في الميدان الدنيا راح تحكي

**نهى رجب محمد** · 16-10-2011, 19:16

يا أول الأيام يا آخر صبرنا

[frame="6 98"]يا أول الأيام يا آخر صبرنا
قصدي كفايه أسئله وعلينا لم شملنا
ف صفوف طويله مزبطه عارفه طريقها وضلنا
نعرف ناسس صرحنا على قدنا
--------------------------
واولادنا ييجوا بعدنا يتعلموا من جهدنا
والتاريخ في كل يوم لازم هيرصد خطونا
لكن الحقيقة المرعبة إن الرياح أهي ضدنا
وادينا في ايد بعضنا ممكن نجدف بالمراكب كلنا
علشان نعدي نهرنا
--------------
نهى رجب محمد
ريشة المطر[/frame]

**أحمد على** · 16-10-2011, 21:49

أنا كنت شايف الغمه انزاحت

وباقي بس شوية ضباب

لكن الفرحة لسه ما اتنصبت

مستنيه رحيل الذئاب

والحاقدين والمتربصين ما يملى

عينهم غير التراب

وأصحاب المصالح لسه الطمع فيهم

وجا وقت الحساب

**سيدة الشولى** · 16-10-2011, 22:16

بس هُس يا سهم فالِت .. ليه ما صِيبتش الأعادي ؟
الميدان صَوِّب ليه انت .. تُهت من دفع الأيادي ؟!
اختل ليه الوضع ليه .. ؟
شُق كِرشُه وهات وطننا .. هاتُه صح النوبادي

**أحمد على** · 17-10-2011, 00:15

يا ايدي لا تتهزي لا تميلي

ولا تميدي

ولا تحني ع اللي جرح قلب

وليدي

الجاني قدامك وقدامي قطع

وريدي

الشهيد غالي ولما حقه يعود

يبقى يوم عيدي

**نهى رجب محمد** · 17-10-2011, 03:52

[frame="4 98"]يا ساعة الوقت اجري سرّعي
علشان هنبدأ ف البُنا
بإدين جديدة مِسَلِما
عارفه تعَافِر ف الحيطان وتكتب إسمها
علشان تعيش فوق السطورحرة أبيه نيّرا
-------------------------------
الرب واحدوالقلوب متجمعا
على حجر غاليه مؤمنا
فينا الجريءواللي خايف م الطريق
واقف ف سكه مضَلِما
عايزين ننور شمعنا علشان نكثف جهدنا
-------------------------------------
نغسل وشوشنا م البُكاعلشان نهني بعضنا
الحزن غالي ف القلوب
كل اللي راحوا مش هيجوا لحضننا
لكن هيطلع جيل جديد من بعدنا
يحرت غيطانا يرعى أرضنا
------------------
واحنا هنفضل ع السطورذي الفوانيس الحبيبه حنينا
ساعة تنور السلالم للي طالع السطوح
أو تبدر الشارع غناوي ملعلعا
إحنا بننزف حرفنا من جوا ضميرنا ورُحنا وقلبنا
صوتنا حقيقة مؤكده شايله مُنانا ورأينا
------------------------------------
إنك هتبقي ياعزيزه لأحسن من كده
جمعا ولادك عل الغدا
بسم اللانبدأفرحنا
-----------------
نهى رجب
ريشة المطر
[/frame]

**سيدة الشولى** · 17-10-2011, 04:56

احنا بدينا يا نُهى بس الخُطى لساها واقفة !
تزعق في دوسة الطريق والورود قلقانة راجفة
الندى فارق حماسها والميدان ،
يزعق ورودي في الربيع ليه بس ناشفة

**مها ضرار** · 17-10-2011, 09:37

تصرخ قلوب العاشقين , أوعوا بإيدكوا تهدّوا مصر
و لا يوم تقولوا مظلومين , دي اللي إنظلم هيجيلُه نصر
دي الثورة قامت و الغمة نامت و الظالمين صبحوا في قهر
و اللي آذاها , هيدوق جواها , و اللي هواها تكون له قصر

**سيدة الشولى** · 17-10-2011, 12:59

ربِك كبير يا مها ، يسمع دُعاك ويجيب
واحنا علينا بقى نِوْصِل حبيب بحبيب
نديها اخلاص وتُقى
قبل ما ناخُد نعطي ، فنشوف أملنا قريب

**أحمد على** · 17-10-2011, 15:55

بين اللي بيحبك وبين الحاقدين

فرق كبير

ناس بتدي من غير مقابل نفسها

ف التغيير

وغيرهم بينهش من غير قيود ودا

واقعنا المرير

والمحروسة تاهت خطاويها بين

الطيب والشرير

**د.نجلاء نصير** · 17-10-2011, 16:49

رمم جروحك يا مصري قوم
احمي بهية من السهام
اطردمنها ولاد الحرام
اللي باعوها للئام

**أحمد على** · 17-10-2011, 18:18

مقدرشي عنها في يوم

أنام أو أتأخر

ومهما سوىّّ اللئيم على إديا

حيضيع ويتبخر

بحبها بكل ما فيها وليا الحق

بيها أفخر

أرعى حماها , أصون عرضها وأمشي

فيها واتمختر

**مها ضرار** · 17-10-2011, 18:57

ربي و إلهي , يا كل جاهي , أنا كنت لاهي , ماشي و مغمض
مولود في خيرها , و لا ليّه غيرها , و عشان خاطرها , للظلم هرفض
والدي شهيدها , عمي ساعدها , و ابني وليدها , عايزين نزيدها
ننسي المشاكل , تهدا المسائل , نوجد بدايل لما نفضفض

**أحمد على** · 17-10-2011, 20:34

ضفة نيلك ياما شفنا

منها الخير

نبتت عليها سواعدنا وشرب

كمان الطير

وعشانك ننسى الخلاف

ونبدأ نسير

ف طريق الحوار ماهو حبك

ف قلوبنا غير

**مها ضرار** · 18-10-2011, 19:08

روت القنابل قلب كل شجاع , لما الرصاص مطّر علي الأوغاد
أكتوبر اللي ف قلبنا أوجاع , و قصص فرح تتعاد في كل معاد
هارب حنيني اليوم و مش متباع , و راجعي بكره لما ييجي الزاد
ثورتنا يا أكتوبر ماليها ضياع , طول ما إحنا بنكافح و فينا جهاد

مسابقة اكتوبر للتواصل والإبداع ووسام نجم الشعر ... فشاركونا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث