مسابقة اكتوبر للتواصل والإبداع ووسام نجم الشعر ... فشاركونا

**مها ضرار** · 20-10-2011, 21:31

ليبيا عشان حلمها , ضحي عشانها الكل بدمه
ماهي أختنا في عُربها , و الظلم طال فيها و طال همه
لكن خلاص أنتهي , و النصر فرح وليد بتضمه
في أكتوبر الخير لها , عقبال كمان القدس و حرمه

**سيدة الشولى** · 20-10-2011, 22:50

هلِت خطاوي الغريب سامع بعيد .. دبيبها
يا هلترى دي الحبيبة حيعاود لها .. حبيبها؟
والا سنين الالام محال تعيد الغريب
وتغِيب معاني الوداد والأمان والقصد تَغْيبها ؟!

**أحمد على** · 20-10-2011, 22:59

أهي ليبيا اليوم في عيد يا رب

عقبال بلد الوليد

ليه ما أخدش العبرة وحقق ارادة

شعبه ومشي بعيد

يظهر إنه دا موسم التساقط

وذوبان الجليد

ف انتظار نصر قوافل الياسمين

ومجهزين الزغاريد

**علي عبد الله** · 21-10-2011, 06:27

دامت لمين يا مغفل لما هاتدوملك
لو هيا دايمة لبشر ماكانتش وصلتلك
دي سُنّة الحق يعطي المُلك للمملوك
ويذل أنف الجبابرة زي ما ذلّك

**سيدة الشولى** · 21-10-2011, 11:54

كلام جميل من جميل الحس والطلعة
طب امتى نشوف مصرنا من الفلول طالعة؟
اتعاملنا معاهم برقة والرقة مش نافعة
يارب .. امنحها الامان وشمسها الساطعة

**أحمد على** · 21-10-2011, 13:19

تملي سيدة الشولي تقول

كلام جميل

من حبها في المحروسة

واحترامها والتبجيل

لا عندها فرق بين مسلم

ولا حامل الإنجيل

كلنا على أرضها إيد واحدة

جيل من بعد جيل

**سيدة الشولى** · 21-10-2011, 14:15

لولولولولولو لي ... زغرد يا مصري أنت وهي
ما فيش حدود والا فواصل بين الوجوه المصرية
وان قالوا احنا هلال وصليب
قول قُصر ديل وما تحاولوش ، طول عمرنا خلطة عَصِية

**علي عبد الله** · 21-10-2011, 17:10

تِسلم أراضي الوطن من كل عين بتصيب
وتخيب خطاوي العِدا والمكر والألاعيب
محروسة منذ القِدم رب العباد حارس
عايشين ف أرضك سوا شايلين هلال وصليب

**سيدة الشولى** · 21-10-2011, 20:04

بادي عليكوا القلق ، يا أولاد بني صهيون
خايفين يناير يصيبكوا ، من الميدان بجنون
وتبقى ليكوا النهاية
تقضي عليكوا جماعة ، وتنمحوا م الكون

**أحمد على** · 21-10-2011, 20:35

نكون أو لا نكون غالية علينا

وعمرها ما تهون

ناخد بإديها ونعلى اسمها

نوصل فوق ف الكون

لا هكسكوس لا رومان لا تتار

ولا بني صهيون

ما في حد يقدر ع المصري

عاشق بلده بجنون

**مها ضرار** · 21-10-2011, 20:40

نحمي حصون مصرنا , بسيدة و السهم
و بابن عبد الله , مصري في أصالته و شهم
و جاري مينا كمان , دي أبوه بمثابه عَمّ
بيجيني يوم فرحتي , و فـ جرحنا بنتلم

**أحمد على** · 21-10-2011, 20:52

مها ضرار بنت مصرية كلها اصرار

حفيدة الفراعنة والضباط لاحرار

رافعة راية بلدها ونيتها ف العمار

تسلمي ياللي سمارك م النيل وشمس النهار

**مها ضرار** · 21-10-2011, 21:20

ربي عالم بالموده لكل مصري و كل شاعر بيها شاعر , يحب بلده و ليها يفدي
و اللي جمع شملنا , حب البلد دي , ليها روحنا و نطاطي لها عشان تعدي
ننسي ذاتنا و نهدي مالنا , نجنهد و ننول أملنا و اللي رايد بيها شر , نتحد ليه بالتصدي
ليه نقول بس إحنا مالنا , عـ الأقل نشوف عملنا , مانواجهش سنين تردي

**علي عبد الله** · 22-10-2011, 09:09

يا صُبح شَقشقْ على الدنيا كفاية ظلام
الناس بتحلم كتير حقِق لها الأحلام
إمسح مراية الليالي اللي اتكَسِت بضباب
واصرخ ف وش الفساد علشان نعيش ف سلام

**نهى رجب محمد** · 22-10-2011, 19:42

إيد من نور

[frame="5 98"]مسحنا مرايت الليالي
بضي ملو الإيد
دا الحلوه اسمها صابحه
والصبر صبر حديد
واقفا على سلم مجدها تبتسم
والكل يهتف باسمها ويعيد
ومعيده واللبس متفصل
كله جديد في جديد
---------------------
نهى رجب محمد
ريشة المطر
[/frame]

مسابقة اكتوبر للتواصل والإبداع ووسام نجم الشعر ... فشاركونا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث