مسابقة اكتوبر للتواصل والإبداع ووسام نجم الشعر ... فشاركونا

**نهى رجب محمد** · 18-10-2011, 19:45

ردوا عليا

[frame="4 98"]ردوا عليا مش فاهمه حاجه
صعيديه شاربه الحزن ساده
لاعبه ف غيطانها ،وكلا كيزانها
،وكان عشايا بتاوه طازه
المنجا فيها بترد روحي
والنخلة ياما طرحت زياده
---------------------------
وصحيح غريبه عن حضن امي
لكن سيرتها دايما بروحي بتزيد حلاوه
الجدر أصلي ،والفرع ثابت
بالعربي صالح مخلص كفايه
------------------------
نهى رجب محمد
ريشة المطر
[/frame]

**نهى رجب محمد** · 18-10-2011, 20:03

تحية إكبار

[frame="11 98"]داحنا النهرده محتجين حبة بخور
تِرقي ولادنا م الخطر
دي إيديهم تنلف ف الحرير
شقوا الطريق في الجبال وعرفو خط المسير
وحصلت المعجزه
ودخلنا من باب السرور
-----------------------
نهى رجب محمد
ريشة المطر[/frame]

**أحمد على** · 18-10-2011, 23:51

راح الحزن بعيد وجت مكانه لافراح

وجابت معاها بلسم يداوى الجراح

نجحت ثورتنا ودم الشهيد عمره ما راح

وبموت أعوان الشيطان حنكتب نهاية السفاح

**نهى رجب محمد** · 19-10-2011, 02:52

حلمانه لسه بالربيع

[frame="13 98"]حلمانه لسه بالربيع وبمركبه جيا
تاخدني أرجعلك يا حنينه عليا
الفرح دا فرحك يا عزيزه يا أبيا
أنا من ترابك سنبلة يا مكحله عنيا
---------------------------
عطشانه غايبه من زمان مشتاقه انا لميا
ترويني شرباتها كريمة دي غنيا
بالبلسم الشافي يا حنة ف إديا
إمتى أدوق بسمتك؟يا أحلى أمل ليا
-----------------------------
نهى رجب محمد
ريشة المطر

[/frame]

**سيدة الشولى** · 19-10-2011, 05:02

أنا في الطريق جايبني على هودجي عنتر
على الميادن أفوت.. بالحنة أتمخطر
تشوفني كل الورود ،
تجري تفسح طريق بالفل وتنور

**أحمد على** · 19-10-2011, 18:46

ربيع بلدنا رجعلنا وتاني من جديد

اتزينت أرضها بزهور شبابها الفريد

شايفينك بعين الحب داخله عصر سعيد

ولادك وبناتك ثروتك يعمروكِ والإيد ف الإيد

**علي عبد الله** · 20-10-2011, 09:00

دموع العين بقالها سنين تملي ع الخدود تجري
ما انا المصلوب وانا المنهوب وانا المغلوب على أمري
رويت بدموعي أرض الشوك وعديت الطريق حافي
ولما زادت احمالي صرخت وقلت انا مصري

**مها ضرار** · 20-10-2011, 09:17

يا مصري دي الدموع غاليه , بلاش تبكي علي اللي راح
و خلينا أمل بكره , زهور تطرح في كل صباح
هنسقي الأرض بعرقنا , و تطرح لينا خير و نجاح
و نتغدي بأوغادها , نحارب بلطجي و سفاح

**علي عبد الله** · 20-10-2011, 09:46

حفرت اسمك على صدري وسام أتباهى بحروفه
وقلمي حطم الأغلال وودعها سنين خوفه
يا مصر يا أمي يا غالية أنا اللي رضعت من نيلك
ولو رميتيني ف البركان هاطيعك واترمي ف جوفه

**مها ضرار** · 20-10-2011, 09:57

هدوب صخرك القاسي , و هعجن م الرمال ملبن
و هرسم في الخلا صوره , جمالها للمدي يفتن
تكوني بلادي و عشيقتي , و أكون لك مستحيل ممكن
تكوني عطري و مرايتي , و أكون لك فخر بيأمن

**أحمد على** · 20-10-2011, 09:58

نبت حلمنا وكان بعيد المنال وصعب يتحقق
خرجت جموع الشعب الغفيرة واليأس اتشقق
بالأمل عبرنا كل الحواجز والخوف اتبدد واتفرق
نجحت ثورتنا وشمس الحرية طلت وبدأت تشرق

**عائشة بلجيلالي** · 20-10-2011, 13:51

قسمت باللي خلقني أني ما حركع
ولا خاف من رصاصة ولا مدفع
ولايجبرني كلب طيعو ولا أخنع
وطني شمس إذا ضيعت ما تسطع
هو هامة وشامة فوق جباهنا ماتردع
هو روحي ونفسي وبلاه روحي تطلع

**مها ضرار** · 20-10-2011, 14:06

عادل قانون السما , مهما الطغاه عربدوا
و اللي ظلمنا زمان , بكره هنستعبدوا
شهد التاريخ في أكتوبر , و في ليبا فرح اليوم
سلخوه كما الجرزان , لجل البشر يشهدوا

**نهى رجب محمد** · 20-10-2011, 17:52

[frame="6 98"]احنا النهرده مجمُعين
يارب اجعلها جُمعة خير
الظلم كاسه انكسر
ربك ده رب قدير
يدي للي ظلم قوته
ولصاحب الحق طاقة نور
الشر خيطو انقطع
والفرح فرح كبير
[/frame]

**سيدة الشولى** · 20-10-2011, 19:35

ربِك كبير يا نُهى وعدلُه فوق الكل
ليبيا النهاردة فاح ، فيها عطور الفُل
يُمهل مايهمِل ولازماً ،
من قتل يُقتل مؤكد والحق نورُه يطُل

مسابقة اكتوبر للتواصل والإبداع ووسام نجم الشعر ... فشاركونا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث