تويت
عــودة هنــداوي (16)
تعجب (هنداوي) قائلا:
- طيب و إنتم هتستشروني في إيه يابيه..؟! مإنتو عارفين كل حاجه.. و ماسكين كل حاجه.. و ممشين البلد على هواكو..!!
ابتسم اللواء قائلاً :
-الأمر مايسلمش برضو.. ياهنداوي باشا.. إنت عارف لازم من الديموقراطيه.. و المجلس يستشير الشعب..!!
تساءل (هنداوي) :
- الله أمال إيه لزمة مجلس الشعب والشوري بقه..؟! و لا هوا كتر مجالس و خلاص..!!
قهقه اللواء قائلا:
- يخرب مطنك ياعم هنداوي.. دول حاجه ودا حاجه تانيه..!! المجلس الاستشاري بيساعدنا في اتخاذ القرارات دلوقتي .. وهو المسؤول عن عمل قوانين.. و اختيار الرئيس.. و لجنة الدستور.. دا كمان هوا اللي ممكن يحاسبنا..!!
نظر له دهشا , وغمز بعينه قائلاً:
- أهيييييه .. بقا دي معقوله .. هو فيه حد يقدر يحاسبكو .. دا إنتم الكل في الكل.. و كل حاجه في إيديكو.. و الحساب يوم الحساب.. و أكيد كل حاجه بميزان ..عند الذي لا يغفل ولا ينام..!!
قاطعه اللواء قائلاً:
- يعني برضو.. جلّ من لا يسهو .. الخطأ وارد.. فبنبقى عايزين حد يفكرنا.. ولا ينبهنا..!!
شرد(هنداوي) مفكراً للحظات. ثم قال متردداً:
- طيب مادام كده بقه.. ولا مؤاخذه..!! إنتو عملتو إيه في العساكر إللي دهسو الناس بالعربيات المدرعه عند التلفزيون..؟! و إللي قتلو الناس و ضربوهم في العباسيه..؟! و إللي سحلو الستات و عروهم عند مجلس الوزرا..؟! و إللي حرقو الخيم .. و ضربو المصابين بتوع الثوره في الميدان..؟!
فوجئ الرجل بأسئلة (هنداوي) المباغتة له , فأحمر وجهه , و أجابه متلعثماً:
- لو إتأكدنا إن الموضوع ده حصل بصحيح.. ؟! هنحقق فيه .. و نحاكم المسؤول..!!
ضحك (هنداوي) و قال ساخراً:
- إهيييييه بقا معقوله.. القطه هتاكل ولادها ..!! ولا معقول إن العساكر في الجيش هتعمل كده من ذات نفسها.. ؟! شوف أنت بقى مين إللي عاطيهم الأوامر..؟!
قاطعه قائلاً في غضب:
- ماقلتلك .. الأول هنتأكد إن الموضوع ده حصل بحق و حقيق .. ولا لأ..!!
استطرد (هنداوي) قائلاً:
- يعني هنكدب عيونا ولا هنكدب عيونا..؟! ماكل حاجه كانت قدامنا في التلفزيون .. عياناً بياناً.. جهاراً نهاراً..زلط ملط..!!
قاطعه الرجا بنفاذ صبر:
- خلاص ياعم هنداوي.. قفل على الموضوع ده دلوقتي .. المفروض إنك تشوف مخرج للمجلس العسكري .. مش إنك تستجوبه..!! خليك في إللي يخصك بس.. و قول رأيك في المواضيع إللي هنعرضها عليك.. لحد لما نبقي نشوف صرفه للموضوع ده ..!!
إلا أن (هنداوي) أردف قائلاً:
- تشوفو صرفه لإيه يابيه..؟! هتشوفو صرفه بقه فى الشعب ده كله..!! و شغل إيه بقى..؟! مابانت لبتها..!! يعني إنتو عايزين بعد ما تعملو العمله من دول ..تيجو تقولولنا قمو إنتو اتصرفو ..؟! دا انتم شكلكم عايزنا .. نكون خيال مئاته عشان تستخبوا ورانا..!! و ناخد عنكم كل البهدله و الشتيمه..!! و يمكن ضرب الجزم كمان..!! لا يابيه الله الغني عن المجلس الاستشاري بتاعكو ده.. !!
هنالك دخل الضابط يحمل معه كوبا من الليمون , فوجد اللواء قد استشاط غضبا , و احتقن وجهه قائلاً:
- إنت فاكر دخول الحمام زي خرجوه ..؟!
ثم التفت إلي الضابط قائلاً بلهجة آمره:
- خد معاك البيه ده.. على السجن الحربي.. بتهمه إهانة المجلس.. و محاولة قلب نظام الحكم..!!
(16)
تعجب (هنداوي) قائلا:
- طيب و إنتم هتستشروني في إيه يابيه..؟! مإنتو عارفين كل حاجه.. و ماسكين كل حاجه.. و ممشين البلد على هواكو..!!
ابتسم اللواء قائلاً :
-الأمر مايسلمش برضو.. ياهنداوي باشا.. إنت عارف لازم من الديموقراطيه.. و المجلس يستشير الشعب..!!
تساءل (هنداوي) :
- الله أمال إيه لزمة مجلس الشعب والشوري بقه..؟! و لا هوا كتر مجالس و خلاص..!!
قهقه اللواء قائلا:
- يخرب مطنك ياعم هنداوي.. دول حاجه ودا حاجه تانيه..!! المجلس الاستشاري بيساعدنا في اتخاذ القرارات دلوقتي .. وهو المسؤول عن عمل قوانين.. و اختيار الرئيس.. و لجنة الدستور.. دا كمان هوا اللي ممكن يحاسبنا..!!
نظر له دهشا , وغمز بعينه قائلاً:
- أهيييييه .. بقا دي معقوله .. هو فيه حد يقدر يحاسبكو .. دا إنتم الكل في الكل.. و كل حاجه في إيديكو.. و الحساب يوم الحساب.. و أكيد كل حاجه بميزان ..عند الذي لا يغفل ولا ينام..!!
قاطعه اللواء قائلاً:
- يعني برضو.. جلّ من لا يسهو .. الخطأ وارد.. فبنبقى عايزين حد يفكرنا.. ولا ينبهنا..!!
شرد(هنداوي) مفكراً للحظات. ثم قال متردداً:
- طيب مادام كده بقه.. ولا مؤاخذه..!! إنتو عملتو إيه في العساكر إللي دهسو الناس بالعربيات المدرعه عند التلفزيون..؟! و إللي قتلو الناس و ضربوهم في العباسيه..؟! و إللي سحلو الستات و عروهم عند مجلس الوزرا..؟! و إللي حرقو الخيم .. و ضربو المصابين بتوع الثوره في الميدان..؟!
فوجئ الرجل بأسئلة (هنداوي) المباغتة له , فأحمر وجهه , و أجابه متلعثماً:
- لو إتأكدنا إن الموضوع ده حصل بصحيح.. ؟! هنحقق فيه .. و نحاكم المسؤول..!!
ضحك (هنداوي) و قال ساخراً:
- إهيييييه بقا معقوله.. القطه هتاكل ولادها ..!! ولا معقول إن العساكر في الجيش هتعمل كده من ذات نفسها.. ؟! شوف أنت بقى مين إللي عاطيهم الأوامر..؟!
قاطعه قائلاً في غضب:
- ماقلتلك .. الأول هنتأكد إن الموضوع ده حصل بحق و حقيق .. ولا لأ..!!
استطرد (هنداوي) قائلاً:
- يعني هنكدب عيونا ولا هنكدب عيونا..؟! ماكل حاجه كانت قدامنا في التلفزيون .. عياناً بياناً.. جهاراً نهاراً..زلط ملط..!!
قاطعه الرجا بنفاذ صبر:
- خلاص ياعم هنداوي.. قفل على الموضوع ده دلوقتي .. المفروض إنك تشوف مخرج للمجلس العسكري .. مش إنك تستجوبه..!! خليك في إللي يخصك بس.. و قول رأيك في المواضيع إللي هنعرضها عليك.. لحد لما نبقي نشوف صرفه للموضوع ده ..!!
إلا أن (هنداوي) أردف قائلاً:
- تشوفو صرفه لإيه يابيه..؟! هتشوفو صرفه بقه فى الشعب ده كله..!! و شغل إيه بقى..؟! مابانت لبتها..!! يعني إنتو عايزين بعد ما تعملو العمله من دول ..تيجو تقولولنا قمو إنتو اتصرفو ..؟! دا انتم شكلكم عايزنا .. نكون خيال مئاته عشان تستخبوا ورانا..!! و ناخد عنكم كل البهدله و الشتيمه..!! و يمكن ضرب الجزم كمان..!! لا يابيه الله الغني عن المجلس الاستشاري بتاعكو ده.. !!
هنالك دخل الضابط يحمل معه كوبا من الليمون , فوجد اللواء قد استشاط غضبا , و احتقن وجهه قائلاً:
- إنت فاكر دخول الحمام زي خرجوه ..؟!
ثم التفت إلي الضابط قائلاً بلهجة آمره:
- خد معاك البيه ده.. على السجن الحربي.. بتهمه إهانة المجلس.. و محاولة قلب نظام الحكم..!!
لطم (هنداوي) خديه, وهتف قائلاً:
- تااااااااني.. آه ياااااني .. مفيش فايده..!!يتبع
تعليق