دبابيــــــــــــــــــــس - فى مين - شارك معنا بدبابيسك

**عبلة محمد زقزوق** · 09-06-2007, 08:41

شفتك أسمر وحليوه
معدّي نواحينا
سلّمت لك قلبي
داريّت عني رمش عينك
ده تقل ولـلا دلال الحليوه؟!!

**عبلة محمد زقزوق** · 09-06-2007, 08:48

يا مها سلّمي أمرك لله
دي عين بالشبك أترمت
ولا صلّت ع النبي
صلوا عليّه
"عليه أفضل الصلاة والسلام"
تسلم مـها وتعيش

**د/ أحمد الليثي** · 09-06-2007, 10:28

عند مسجد سيدنا الحسين كل سنة ينصبوا الصوانات
وييجي فيها شيوخ ودروايش وفي إيديهم صاجات
ويطبلوا ويرقصوا ويهللوا ... ويتنيلّوا للفجر
ولا واحد ينهي عن منكر ولا يصلي الصلوات.

**د/ أحمد الليثي** · 09-06-2007, 10:33

عجبي عليكي يا مصر كم فيك من المصايب مضحكات
أمين شرطة بيضرب، وموظف بيسرق، وأمهات
مش لاقية لقمة للعيل، وأب دايخ، وشعب بيتفس آهات
وشيخ بيخطب، وعالم بتجري وراه الشرطة بالهروات.

**د/ أحمد الليثي** · 09-06-2007, 10:43

ركنت سيارتـي وقلت اتمشى شوية ع الكورنيـش
جالي العسكري يجـري: "يا باشا هنا الركن ما فيش"
قلت: خلاص أركنها بعيد ما دام "النظـام" قال كده
قال: "سيبها ولا جل عينيك كل شيء يمشي بالبقشيش".

**عبد العلي فيلالي بالحاج** · 09-06-2007, 19:35

ما فيش قانون يخليني احترم ناس ولا تحترمنيش
وكل حاجة ماشية علي لوحدي وع الناس ما فيش
لو الحق اسمو حق يبقى اروح لناس وهي ماتجيش
وليه انا لوحدي اوفي بكلمتي وناس تانية ما توفيش

ليه ف ناس ياناس انت مودي اللقمة لبقها
وهي واخدة دبوس لعنيك
وناس مايلة ما تنعدل و تميل بايدها بختها
لو ما حاجتها عندك ما بتجيك

عشان الدكتورة مها اقول

سلامة روحك وربنا يشفي الجروح
وسلامة بدنك وفكرك وسلامة البوح

يا صفحة بيضة بتنكب باحزان غيرها
ويا ست كاملة بنجلها زانها ضميرها

لو ما كنتش اعرفك اديني شايف الكل حواليك
الي يشد ليك كلمتك ثورتك وهمستك ومحبة اهاليك

ان شاء الله تقوملنا بالف سلامة يا رب

**صابرين الصباغ** · 10-06-2007, 20:36

[align=center]في النهاية الحق لازم ينتصر
واللي غلط جه وراكع يعتذر
ماهو الكداب زى الخزف
في أقل خبطة بينكسر
وعجبي[/align]

**صابرين الصباغ** · 10-06-2007, 20:43

[align=center]بمناسبة 136 قراءة و 6 ردود[/align]

[align=center]قالوا في عيونكم شوفوا المغرور
ردوا عليه بس المحاسيب
والباقيين عارفينه طرطور
آخره جرسون للمشاريب[/align]

**د/ أحمد الليثي** · 10-06-2007, 20:46

كسر ودشدش خزف صيني ومغشوش
دنيا هفق وناس ورق وشغل فشوش
بتجادل وتتقاتـل وتسكنـح وتتطـاول
زي الدلالين خُبرا في حلق حوش.

**د/ أحمد الليثي** · 10-06-2007, 20:51

المشاركة الأصلية بواسطة صابرين الصباغ مشاهدة المشاركة

[align=center]بمناسبة 136 قراءة و 6 ردود[/align]

[align=center]قالوا في عيونكم شوفوا المغرور
ردوا عليه بس المحاسيب
والباقيين عارفينه طرطور
آخره جرسون للمشاريب[/align]

كيف تآمن لجرسون بيسب لك أيمانَك؟
لو اديته ضهرك سبك عند إخوانك
لو طال زمارة رقبتك ما يراعي فيك حرمة
وكاس الميه يحط فيه السم من شانك.

**عبدالرحمن السليمان** · 10-06-2007, 21:58

لا تَأمَن لِكَذّاب ولو بأغلظ الأيمان حَلَف،
ولا تَركُن لمحتال ولو كان كلامه صَدَف،
ياللي بيكذب مَرَّة، بيكذب مليون مَرَّة،
وإياك أن تعامله بغير البَهدَلة والقَرَف!

**صابرين الصباغ** · 10-06-2007, 22:28

[align=center]قالوا عامل فيكي موضوع
راح يشفى قلبه الموجوع
كتر خيره شهرة زيادة
مانا اسمي دايما مرفوع[/align]

**صابرين الصباغ** · 11-06-2007, 04:39

[align=center]إيش ياخد ريحك يا بلاط
ومستني إيه م الجلياط
اللي فاكر نفسه جزمة
صدقني ماحصلش رباط[/align]

**صابرين الصباغ** · 11-06-2007, 04:49

[align=center]قال إيه عارف قدري ووزني
أنا ريس عالوالت ديزني
واقف عالمرجيحة أتمرجح
وماحيقدر حد ينزلني[/align]

**صابرين الصباغ** · 11-06-2007, 05:06

[align=center]أنا جنيّة وعفاريتي كتير
اللي بيمشي واللي يطير
وقعت ماحدش سمى عليك
من قالك أنزل ده البير[/align]

دبابيــــــــــــــــــــس - فى مين - شارك معنا بدبابيسك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث