دبابيــــــــــــــــــــس - فى مين - شارك معنا بدبابيسك

**د/ أحمد الليثي** · 14-06-2007, 12:23

لا هي جمعية ولا هي بطيخ
كله كلام فاضي وتوبيخ
للي يعلي عليهم صوته
حتى الساكت: طخ وطيخ.

**عبدالرحمن السليمان** · 14-06-2007, 13:12

مش جمعية، مَوقِع طِرْش!!!
من نوعية العَشْرة بقرش!
جَعْجِعْ بَعْبِعْ يا بُو صباع،
إنت واللي معاك بفِلْش!

**صابرين الصباغ** · 14-06-2007, 13:46

نصحوني ما بقاش زييهم
ابداعي فوق الكلمات
ده مافيش مبدعة وسطيهم
دول حريفة منتديات

**صابرين الصباغ** · 14-06-2007, 13:50

ألف مبروك وهنيالك
مهو جه اللي ريّح بالك
ماخلاص انزاحت الغمة
ومرارة كلمة عقبالك

**صابرين الصباغ** · 14-06-2007, 14:17

ف مهرجان الاستقالة والاستمالة
قرار لرئيس الحثالة
لجل نرمم بيتنا الواقع
لازم نركع للرجالة
ف مهرجان الاستقالة
الاستقالة الاستقالة الاستقالة
قولوااااا معاي
الاستقالة الاستقالة الاستقالة

**د/ أحمد الليثي** · 14-06-2007, 16:09

[align=right]تجاوباً مع اختنا صابرين في موضوع الاستقالة الباهتة:[/align]

مش عايز اسمع كلمة استقالة
دي كلمة يا ناس مرادفة للعمالة
أنا متبت في الكرسي المخلع
وانتو يا هتِّـيـفة غنّوا ... لصاحب الوكالة.

**د/ أحمد الليثي** · 14-06-2007, 16:22

كيف يا صقَّيفة انت وهوّ حد فيكم يستقيل؟
ازاي تسيبوني لوحدي؟ ده حتى شيء مش جميل!
ده انا سيدكم وتاج راسكم، ولميتكم يا مشردين!
وبكره باحضَّر لكم خوازيق م النوع التقيل.

**د/ أحمد الليثي** · 14-06-2007, 16:24

[align=right]وتروى الرباعية السابقة أيضاً هكذا:[/align]

كيف يا صقَّيفة انت وهوّ حد فيكم يستقيم؟
ازاي تسيبوني لوحدي؟ ومين هيهتف للزعيم؟
انتم نسيتم تاريخي لما لميتكم م الحواري
ده انا شمعة طريقكم، انا نوركم في ليل "البـِهيم".

**صابرين الصباغ** · 14-06-2007, 16:38

طعم حياتك مر وشطة
مش رح أسامحك إلا بواسطة
تستاهل يا أغبى عبيده
مين قالك عاكس القطة

**صابرين الصباغ** · 14-06-2007, 16:39

ويا ليثي وعبدالرحمن
ممكن واسطة ليه كمان
لأجل يفكوا عني الحظر
المجنونة والخرفان

ههههههههههههههههههههههههههه

**د/ أحمد الليثي** · 14-06-2007, 17:16

الأستاذة صابرين:
هذا هو الرد الرسمي:

لو دفعوا لي فلوس ما انا داخل، لو فرشوا لي الأرض رمال
لو أهدوا لي النجم العالي، أو عدوا لي بحور وجبال
أو فرشوا لي الأرض خدودهم لاجل أدوسهم بالأنعال
كيف يا اخوانَّا نروح للواطي وننـزل نقعد في الأوحال؟

**صابرين الصباغ** · 14-06-2007, 17:55

المشاركة الأصلية بواسطة ahmed_allaithy مشاهدة المشاركة

الأستاذة صابرين:
هذا هو الرد الرسمي:

لو دفعوا لي فلوس ما انا داخل، لو فرشوا لي الأرض رمال
لو أهدوا لي النجم العالي، أو عدوا لي بحور وجبال
أو فرشوا لي الأرض خدودهم لاجل أدوسهم بالأنعال
كيف يا اخوانَّا نروح للواطي وننـزل نقعد في الأوحال؟

سلمك الله ونعم الرجال

**د. جمال مرسي** · 14-06-2007, 18:38

الأخوة الكرام
د. أحمد الليثي
د. عبد الرحمن
استاذة صبرين
مهما يفكوا الحظر علينا مش راح نرجع
وعد عليا قطعته بنفسي للي بيسمع
أصل كرامتي عزيزة عليا و جرحي بيوجع
لكن حرفي لو سلطته دانة مدفع
بس رجاءً منكم حاراً حاراً جداً
خلوا كلامكم في دبابيسكم للي بينفع
ايه هيفيدكم زيط و معيط
أو حركات نطاط الحيط
عندك فكره قولها و عبّر عن إحساسك
عاشان نبني بإحساس صادق هذا الموقع

فارجو منكم أحبابي الكرام أن نطوي هذه الصفحة كي نلتفت لأعمالنا و موقعنا
الذي يهمنا عما هو سواه و لا سيما أنه موقع وليد يحتاج لكل جهد جهيد
فأرجو أن يكون لندائي صدى لديكم
و لكم جميعا الحب و الاحترام

**د/ أحمد الليثي** · 14-06-2007, 19:01

الهجاء فــن وأصيــــل
مش فــن والله دخيــل
ده شباك ع المستخبّي
والكــلام أحلــى دليـل.

مش مصدق شوف جرير
والفرزدق، الصغير والكبير
وحسان بن ثابت
وشوقي هو في الشعر الأمير.

واللي اتقال علينا مش شوية
فيه كلام بمليون قضية
سب وقذف وبعد شوية
هيقولوا علينا شلة حرامية.

شوية نفضفض وهتعدّي
وراح أقـول الـود ودي
نترك الأقــلام تمـلـِّـي
واحنا في يوم راح نِهَـدِّي.

**د/ أحمد الليثي** · 14-06-2007, 19:06

حط حمولك على الله، قول يا باسط
تلقى سعدك جنب رجلك والدنيا هاصت
راح ييجي لك والله رزقك وانت هابط
ولا صاعد ولا نايم ولا قايم أو مرابط.

دبابيــــــــــــــــــــس - فى مين - شارك معنا بدبابيسك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث