هنـداوي في الميـدان

**فوزي سليم بيترو** · 17-06-2012, 14:53

قلبي معك يا هنداوي
روح وتعال ، ونعال وروح . هيَّ الناس فاضية
مورهاش أشغال غير إنها تصوّت وتستفتى !
معلش يا هنداوي . اصبر . فات الكتير والي فاضل
حتة صُغّيَّرة .
نتظرك أخي دكتور أشرف
فوزي بيترو

**فوزي سليم بيترو** · 17-06-2012, 14:55

[QUOTE=فوزي سليم بيترو;841610][SIZE=6][COLOR=black][I]قلبي معك يا هنداوي
روح وتعال ، وتعال وروح . هيَّ الناس فاضية
مورهاش أشغال غير إنها تصوّت وتستفتى !
معلش يا هنداوي . اصبر . فات الكتير والي فاضل

حتة صُغّيَّرة مثل شكة الدبوس .
نتظرك أخي دكتور أشرف
فوزي بيترو

**د .أشرف محمد كمال** · 18-06-2012, 18:42

[quote=فوزي سليم بيترو;841612]

المشاركة الأصلية بواسطة فوزي سليم بيترو مشاهدة المشاركة

[size=6][color=black][i]قلبي معك يا هنداوي
روح وتعال ، وتعال وروح . هيَّ الناس فاضية
مورهاش أشغال غير إنها تصوّت وتستفتى !
معلش يا هنداوي . اصبر . فات الكتير والي فاضل

حتة صُغّيَّرة مثل شكة الدبوس .
نتظرك أخي دكتور أشرف
فوزي بيترو

أشكرك يافوزي يا اخويا انك صلحت الفونت لأني مش عارف ليه دايما بيطلع عندي عفاريتي..!!
أما بالنسبة لموضوع شكه الدبوس دي الخدعه اللي بيقولوها كل دكاتره الأسنان عشان ميدوش بينج
مافيش حاجه بتيجي بالساهل ..فخلع العسكر من الحكم أصعب من خلع ضرس العقل
انا كده كده قاعد في الميدان ..حتى لو فاز الإخوان ..!!
فأنا في صفوف المعارضة برغم أني انتخبتهم في الإعادة انتصاراً للثورة

**د .أشرف محمد كمال** · 18-06-2012, 19:21

(2)

ضحك (هنداوي ) فجأة ضاربا كفاً بكف ثم قال:
ـ والله هم يبكي وهم يضحك ..!! بقى فيه عضو مجلس شعب في مجلس الشعب اللي حلوه ..يروح يجيب 100قله وزير يكسرهم قدام المجلس..؟! قال إيه ..عشان يحتفل إنه بقى عاطل .. و رجع للشارع من تاني..!!
و تلفت حوله ثم أردف قائلاً:
- ياما نفسي انا كمان أجيب 18 قله و زير .. و أكسرهم ورا المجلس .. لما ربنا يؤمر و يسيب الحكم بعد عمر طويل .. يديني ويديكم .. طولة العمر ..و الصبر ..!!
ثم نظر ذاهلاً لمن هم حوله قائلاً:
ـ بس الأكاده ياجدعان..انهم يعملوا إعلان قبل النتيجه بتاعة الانتخابات متطلع بساعات..؟! قال إيه..كماله..!! كأننا في محل كشري ..عشان يجيلنا رئيس منتوف الريش ..!! يدوبك يهش الدبان عن وشه ..و يستأذن قبل دخول الحمام..!!
ثم استطرد قائلاً:

_ يعني العسكر ماشيين ولا مش ماشيين ..؟! و هيسلمو الحكم لمين..؟! للعسكر برضو ..ولا لناس تانين..؟! أمال إحنا كنا بننتخب ليه مدام السكتين مسدودين ..؟! ولا إحنا بنضيع وقت .. لحد ميفكرولنا في إسفين متين ..و نرجع نقول يا مبارك آسفين..!!

يتبع

**د .أشرف محمد كمال** · 22-06-2012, 06:25

(3)

..جلس (هنداوي) القرفصاء في أحد الخيام المنتشرة بوسط الميدان , محتمياً من قيظ الشمس في صيف يونيو الساخن , و التف حوله العديد من الشباب الثوار , و هم في حيرة من أمرهم بعد صدور الإعلان الدستوري المكمل , و حل مجلس الشعب , و تأجيل ظهور نتيجة الانتخابات الرئاسية. فهتف قائلاً لهم:
- الموضوع واضح وضوح السمس في عز الليل يا أخونا..!!العسكري مش عاوز ..من الأول جمال ابن المخلوع ..و ماصدق قامت القومه ..و قال بركه.. أهي جت منهم ..ومجتش مني..لكن في نفس الوقت مش معقول أخلص من عيل.. يطلعلي جني..!!
قام قال إيه ..أنا أرمي لكل واحد عضمه ينشغل فيها.. لحد ما الحكم يوصلني..و نزل استفتا على إعلان دستوري ..و الناس انضحك عليها شويه..قوم إيه ..بعدين الناس مسكتتش..وفهمت اللعبه.. وقالتله أرحل يسقط.. يسقط حكم العسكر ..!!
قام فكر في إيه.. في وثيقة السلمي..!! قامت الناس هاجت ..و نزلت الميدان من تاني ..!!قام جاب إيه.. حكومة الجنزوري.. قوم عملنا ايه ..زيطه ..و زمبليطه..!!قام عمل إيه.. قال انا ماشي يا اخونا بس لما تعملوا انتخابات الشعب والشورى..قوم إيه ..عملنا الانتخابات وخلصنا.. قام قال إيه.. الدستور يا سيادنا..قوم إيه.. كل واحد اتشاكل على الحته بتاعته ..!!
قام ايه ..جت الانتخابات الرئاسيه ..قوم إيه طلعت أم حازم أبو اسماعيل أمريكيه..قام ايه..نزل الفلول تاني المعركه الانتخابيه قوم ايه..شالو اللي عرفو يشيلوه ..وسابولنا تلاتاشر واحد عشان يتفرق صوتنا على القبايل..!!
قام إيه ..قالو إعاده ..وشالوا الواد ..و نزلوا الشايب ..عشان يؤش الليله ديه..!!قوم ايه .. جت المحكمه وحكمت بان المخلوع يلبس القضيه والشعب يبقى الضحيه..!!قام ايه ..كمان المحكمه الدستوريه حلت مجلس الشعب..و بقى العسكري صاحب السلطه التشريعيه ..ويطلع كماله للإعلان الدستوري..قوم ايه ..يجي الرئيس زي الشخشيخه من غير صلاحيه..!!
قام قالو إيه.. اللجنه الانتخابيه..هي اللي هتختار مين هو الرئيس على حسب مزاج العداله العاميه..قوم ايه..نرجع تاني لأول المسرحيه..!! من الآخر يا إخونا ..العسكري مش عاوزها مدنيه..و باينه كده مش عاوزها تبقى سلميه..وشكله عاوز يخليها زي سوريا..؟!

يتبع

**فايزشناني** · 05-07-2012, 15:19

ادي اتحلت المشكلة يا هنداوي يا خويا والريس اتريس خلااااص
وفيه غزل مش باين بينو وبين العسكر ..... يعني خلصنا شوية من الصدامات
في ناس فرحانة عشان خلصت الانتخابات ومصر بقالها ريس
وفي زعلانة عشان بتكره الاخوان ومش راضية عن اللي حيعملوه
وفي ناس خايفة من اللي جاي وعندهم مليون سبب وسبب
خلي حسك عالي يا هنداوي ولو كان الريس ابن عمك أو ابن خالك
لاتنسى حقوق الناس ودافع عنهم وعن أحلامهم مهما كانت الصعوبات
هنداوي يا صاحبي انت مش بتعرف تتلون أو تبدل من شهامتك وعزة نفسك
خليك صاحي وقلوبنا معاك
كن بخير يا صديقي

**د .أشرف محمد كمال** · 05-07-2012, 20:55

المشاركة الأصلية بواسطة فايزشناني مشاهدة المشاركة

ادي اتحلت المشكلة يا هنداوي يا خويا والريس اتريس خلااااص
وفيه غزل مش باين بينو وبين العسكر ..... يعني خلصنا شوية من الصدامات
في ناس فرحانة عشان خلصت الانتخابات ومصر بقالها ريس
وفي زعلانة عشان بتكره الاخوان ومش راضية عن اللي حيعملوه
وفي ناس خايفة من اللي جاي وعندهم مليون سبب وسبب
خلي حسك عالي يا هنداوي ولو كان الريس ابن عمك أو ابن خالك
لاتنسى حقوق الناس ودافع عنهم وعن أحلامهم مهما كانت الصعوبات
هنداوي يا صاحبي انت مش بتعرف تتلون أو تبدل من شهامتك وعزة نفسك
خليك صاحي وقلوبنا معاك
كن بخير يا صديقي

إطمن يافايز يا أخويا أنا لسه في الميدان..ومش هتعتع من مكاني إلا لما أجيب حق إخواني..!!
والحمد لله أنا مش إخواني..ولا سلفي ..ولا شيعي ولا شيوعي.. ولا علماني
أنا مصري وأبويا مصري وأمي مش أبوها أمريكاني
أدينا قاعدين .. سامعين وشايفين ..إن أحسن هنقول وراه آمين ..وإن خرّف هنقوله ولا الضالين
كلها أربع سنين.. والميه تكدب الغطاس..يأما نرجع أحسن ناس..يأما هنستعيذ من الوسواس
بس ربنا يبعد عننا أشر إعلام خلق..و مجلس القلق .. وصناع العقد.. و رجل أعمال فسد..!!
دمت ياصديقي ودامت بلادنا حره مستقره..مستقله..وشعوبها أبيه ..متآخيه.. تحيا في حرية وكرامة وإنسانية وعدالة اجتماعيه

**د .أشرف محمد كمال** · 15-10-2012, 19:43

(4)

أخذ أولاد (هنداوي) و أحفاده يبحثون عنه في مشارق الأرض و مغاربها..فلقد اختفى كعادته.. و ظن البعض أنه قد مات .. أو قتل مع من قتل بعد الثورة.. و بدأوا يعدون العدة .. ليحتسبوه واحداً من شهدائها ..كي يصرفوا معاشاً من الحكومة الجديدة .. ويطالبوا الرئيس مرسي -الذي جلس أخيرا على كرسي الرئاسة- أن يجد لهم أبيهم - الذي اختفى طوال المئة يوم الماضية- أو يمنحه قلادة النيل أو على الأقل نوط الشجاعة من الدرجة الأولى ..!!
بل أن بعضهم تصور أن يكون (هنداوي) في المعتقل مثل الأيام الخوالي ..فربما قد تطاول في الكلام على السادة الجدد ..وأن يكونوا قد اعتقلوه كسابقيهم - رغم كونهم إخوان..!!-
و قام بعضهم بنشر صورة له في التلفزيون المحلي تحت عنوان خرج و لم يعد.. و في أسفلها كتبوا .. وعلى من يجده الاتصال بزيرو 10 أو 11 أو 12 (سعر الدقيقة جنيه ونصف).

وبالطبع لم يتصل أحد البته..؟!
فأين هو هنــــداوي..؟!
لنفتش عنه سوياً ..و نبحث في سر اختفائه ..عسى أن نصل إلي حقيقة الأمر..!!

يتبع

**فوزي سليم بيترو** · 15-10-2012, 19:54

يا ترى إنت فين يا هنداوي ؟!

أهلا بعودتك دكتور أشرف
فوزي بيترو

**د .أشرف محمد كمال** · 15-10-2012, 20:00

المشاركة الأصلية بواسطة فوزي سليم بيترو مشاهدة المشاركة

يا ترى إنت فين يا هنداوي ؟!

أهلا بعودتك دكتور أشرف
فوزي بيترو

والله لك وحشه يا فوزي يا أخويا
أنا أتحدث حقاً عن حالي
فلقد عدت إلى مصر أم الدنيا
وتهت فيها وفي الدنيا..!!
واللي يلاقيني له جايزه مليون زرار

**د .أشرف محمد كمال** · 18-10-2012, 13:33

(5)

كان (هنداوي) قد قرر من تلقاء نفسه ألا يبرح الميدان, كي يحرس الثورة..!!

بعدما أحس أنه قد أدى رسالته مع أولاده ,و أوصلهم إلى بر الأمان و أصبحوا في غير حاجة إليه. تركهم ليعتمدوا على أنفسهم , و قام بتوزيع إرثه الضئيل عليهم بالأنصبة الشرعية في حياته. كذلك كي لا يكون عبئاً عليهم ؛ بعدما أصبح لا يستطيع العمل في الحقل كما كان من مشرق الشمس حتى مغربها..

فبنى له كوخاً خشبياً بجوار أحد المساجد المنتشرة على أطراف ميدان التحرير , وتولى مع آخرين مهمة الإصلاح و التشجير في الميدان. وكان يتلقى على ذلك أجراً باليومية من رئيس الوزراء شخصياً..!! ثم وبعد انتهاء أعمال الصيانة تماماً , أصبح هو المسؤول الأول عن ري وتخضير وتقليم الحشائش في الميدان .

..كعادته كان يجلس بعد الانتهاء من عمله ساعة المغربية على دكة خشبية , مستنداً على جدار الجامع , يلتف حوله بعض المصلين و المارة و من تبقى من المعتصمين و شباب الثورة مستمرة ؛ لا يكف أبداً عن الكلام :

-قالولنا اصبرو ..وادينا صبرنا أيام و ليالي..لكن مينفعش معاهم إلا الصوت العالي..قالو ادو الريس فرصه ميت يوم ..قلنا وماله ..خلينا قاعدين جنب الحيط ..لحد مانشوف هيعمل ايه رب البيت..؟! قال هنرجع مجلس الشعب .. قلنا دا عنتر زمانه ومجبتوش ولاده ..بلاها مصاريف بزياده ..وانتخابات وخيلة كدابة ..جت المحكمه الدستوريه كالعاده ..وقفتله زي العضمه في الزور ..قام رجع تاني في الكلام.. وكأن الخبر ما كان..!! جه لغى الاعلان الدستوري ..قمنا صقفنا له ..وقلنا يسلم فمه ..وشال الروس الكبيره ..قلنا عفارم عليه وربنا يصلح مابين ايديه ..بس ياعيني جت الحزينه تفرح ملقتلهاش مطرح ..طلعو كده من غير حساب ..وكأنهم مع بعض متفقين ..إنهم يعملو مطنشين ..ودن من طين و ودن من عجين ..والحساب يبقى يوم الدين..!!

جه قال هنسعّر الرز عشان الفلاحين .. قلنا قرار متين ..قامو التجار مضربين..وبقت شوِلة الرز مرطرطين ..ومرميين على السكك..والعصافير والفيران كلت منه لحد مابقم شبعانين ..والفلاحين مساكين مش عارفين يبيعوه حتى بتراب الفلوس..!! جه قال أنا هشيل النائب العام.. قلنا أهو ده الكلام.. هوا بعد ماطلّع كل اللي قتلو ولادنا في الميادين براءة ..هيبقى فيه تاني كلام..قام وقفو العتاه من القضاه معاه عشان ميجيش عليهم الدور كمان..والصغار خافو ليشيلو منهم العلاوات والبدلات والامتيازات والذي منه .. قوم الريس رجع تاني في الكلام ..والتفافه بقت إكوام.. إكوام..!!

وآخرة المتمه ..لما طلعت الناس في الميدان بعد الميت يوم ماخِلصو..ومافيش حاجه من الوعود حصلت ولا في حاجه في البلد اتغيرت..!!وطلع الكلام كله ..طق حنك على الفاضي ..وفض مجالس وفنجرة بق ..!!يقوم يهجم عليهم الإخوان ..ويضربوهم ويقولولهم ممنوع الكلام..والّه زمان ياولاد ..!!دا كأن الحزب الوطني رجع من تاني ..بعد متحرق هنا قدامي ..هيا كلمه أخيره بقولها في ودن الريس مرسي ..وأجري على الله ..عايزنا نرجع زي زمان..قول للزمان إرجع يازمان..ولو كان الكرسي دام لغيرك ..مكنش جالك..و يجعله عامر..!!

يتبع

**فايزشناني** · 21-10-2012, 11:57

أهلاً بعودتك أخي أشرف

هنداوي الغلبان مش قادر يعمل حاجة عشان بيبرطم لوحدو
الميدان لم يعد ساحة للأبطال بل امتلأ بكل الأجناس والأنجاس
حتى جماعة آسفين يا ريس كانوا هناك
يا ما قلنا ويا ما حكينا وطلع على لسانا شعر
دي مش ثورة عشان فيها ثيران وجواميس وجمال
وهناك من يهيّش دول كلهم ليتحول الميدان إلى حلبة مصارعة
الثورة هناك ... هناك
بص يا هنداوي
لو بصيت كويس حتعرف أنا قصدت إيه
وخير اللهم اجعلو خير

**د .أشرف محمد كمال** · 22-10-2012, 21:24

المشاركة الأصلية بواسطة فايزشناني مشاهدة المشاركة

أهلاً بعودتك أخي أشرف

هنداوي الغلبان مش قادر يعمل حاجة عشان بيبرطم لوحدو
الميدان لم يعد ساحة للأبطال بل امتلأ بكل الأجناس والأنجاس
حتى جماعة آسفين يا ريس كانوا هناك
يا ما قلنا ويا ما حكينا وطلع على لسانا شعر
دي مش ثورة عشان فيها ثيران وجواميس وجمال
وهناك من يهيّش دول كلهم ليتحول الميدان إلى حلبة مصارعة
الثورة هناك ... هناك
بص يا هنداوي
لو بصيت كويس حتعرف أنا قصدت إيه
وخير اللهم اجعلو خير

والله لك وحشه يا فايز يا أخويا
هههه والوحشه دي مش مرات الوحش زي ما إنت فاكر..!!
الميدان هيفضل طول عمره ميدان للتحرير ورمز في كل زمان
زي ماهيبقى زيه ميادين كتيره في كل بلاد العالم
حتى في اللي بالي بالك ..أصلها عدوه بعيد عنك ومافيش حد منها هيسلم
الناس خلاص طهقت وملت وماعدتش عاوزه دكاتره على فكره دي مش جمع دكتور برضو
ومتفتكرش إن اللي هناك هيفلت منها.. حتى لو كان فاكر نفسه ياما هنا ياما هناك..!!
ويجعله عامر

**د .أشرف محمد كمال** · 26-11-2012, 12:49

(6)

استشاط (هنداوي) غضباً حينما وجد عشرات الخيام قد نُصِبت في حديقة الميدان التي تعب وكد فيها حتى عادت إلى رونقها وتبدل لونها الكالح إلى اللون الأخضر اليانع الذي يحبه , ويذكره بأرضه التي هجرها؛ ليصلح غيرها ,ويكون الميدان رمزاً لنهضة مصر وعودتها الى سابق عهدها أرضاً للعمل , منتجة تمتلئ بالخير ,وقال محدثاً جمهور لا يسمعه:
- هوا أنا يعني كل ما أصلّح الميدان ..تيجو تخربوه هوا فيه إيه يا جدعان.. البلد دي هتعمر إمتى..؟ خلاص مبقاش حدانا إلا كلام في كلام ..!! مافيش حد عاوز يشتغل فى البلد دي..أمال هنأكّل كل البطون الجعانه منين..؟ وهنشغل ولادنا وهنسكنهم فين..؟ وهنصرف عليهم منين..؟ فوقو بقه يا سيادنا ..وإلا إنتم عايزين تخربوها ..وتقعدوا على تلها..!!
أنا نفسي بس أعرف مين دول اللي في محمد محمود..؟ ومين اللي بيزقل الطوب ..وبيولع فيهم بالملوتوف ..؟ يعني هما الثوار بقم بيضربو في الثوار..؟ ولا إللي بالي بالك .. اللهو الخفي إياه رجع من تاني..؟!
ياجماعة الخير.. فيه ناس كتير ..من بره.. ومن جوه ..مش عاوزين البلد دي تقوم لها قومه من دي النومه..!! وفيه ناس تانيين ..مرتاحين على كده.. ومرحرحين ..وناس تانيه ملاعين مبرطعين..وناس متشددين وبيكلّمو بإسم الدين.. وهما ميعرفوش من الدين إلا غسل القدمين للكعبين..!! قوم كل دول يقوموا شبطانين في بعض.. عشان البلد تولع ليوم الدين..!! وده كله شغل ولاد الأبالسه ..اللي قاعدين بينا متربصين ..!!
الله يحرق الدستور.. واللي بدعه ..واللي شار بيه..إحنا مالنا ومال البلاد التانيه .. ما إحنا عندنا دستورنا المتين ..اللي نازل من عند رب العالمين..!!هوا فيه أحسن من كلام ربنا ..؟هوا اللي خلقنا وعارفنا ..وعارف ان فينا ناس مؤمنين ..وناس ملاعين ..وفيه كمان منافقين ..وطبالين.. وفاسدين ومفسدين ..وحراميه وهلابين..!!
وبعدين ..ماطول عمرهم المسيحين ..عايشين ويا المسلمين.. آكلين نايمين شاربين.. دا كمان في رمضان صايمين..!! إيه بقه لزوم نفضل متشاكلين عشان الماده إتنين..؟! مالقرآن الكريم قال لكم دينكم ولي دين.. والجماعه اللي بيقولو على نفسهم ليبراليين ..ولا علمانيين ..أهي كلها أسامي منعرفش بتتحدف علينا منين..؟! مش عاجبهم أيُتها حاجه ولا أيُها حد..!! لو طلع قوانين يقولو مش موافقين.. ولو معملش حاجه يتنقوزو ..ويقولو اديكو شايفين ..ولو قلنالهم حلّوها يا سيادنا ..يقولو يانقعد على الكرسي يا مش لاعبين..ولو لامؤاخذه قعدو ..مهماش قايمين ولا عاملين أيُتها حاجه في سنتهم الطين..!! كله كلام في كلام ..و رغاوي صابون ..ولا هيعملو حاجه ولا يحزنون..!!

يتبع

هنـداوي في الميـدان

هنـداوي في الميـدان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث