تويت
أسجل كامل الأعجاب بهذة الجدارية الرائعة
تحيتي بحجم خوفك على بلدك دكتور
حما الله مصر وأهلها وسائر بلاد المسلمين
اللهم أمين أمين أمين
تحيتي بحجم خوفك على بلدك دكتور
حما الله مصر وأهلها وسائر بلاد المسلمين
اللهم أمين أمين أمين
-
[SIGPIC][/SIGPIC] -
المشاركة الأصلية بواسطة أمنيه نعيم مشاهدة المشاركةاللهم أمين
أشكرك أخت أمنيه نعيم على حضورك الكريم وأمانيك الجميلة وكلماتك الرقيقة
واعجبني كثيراً وصفك لكلماتي المتواضعة بكونها جداريه فهي وصف توثيقي لأحداث مابعد الثورة
كما اسعدني اعجابك بها وتمنيت لو كنت قرأت حكاوي هنداوي ونبوأته بالثورة قبل الثورة بشهور قليلة
دمت بود ودام تواصلنا
التعديل الأخير تم بواسطة د .أشرف محمد كمال; الساعة 24-04-2013, 18:51.تعليق
-
(13)
..ذهب (هنداوي) إلى ابنته (سوريا) ؛ ليعزيها في وفاة اثنين من أولادها إثر مشاجرة حدثت بينهما في نزاع على قطعة أرض ورثاها عن أبيهما . فاستدعى كل منهما أنصاره و استعانا بعدد من البلطجية ,و صار بينهما عراك كبير , استخدمت فيه كل الأسلحة , فسقط العديد جرحى و صرعى , و كان من بينهم الأخوان مضرجين في دمائهما ,و لا يدر أحد حتى الآن من الذي قتلهما ..؟! ومن ذا الذي سعى في الوقيعة بينهما..؟!
حزن (هنداوي) عليهما حزناً شديداً ,و لم يتمالك دموعه حين رأى ابنته (سوريا) تولول و تصرخ باكيه , تلطم وجهها و تندب حظها ,و تعفر رأسها بالتراب..فاحتضنها و ضم رأسها في صدره ,و غطاها بعباءته ,ثم دعى لها بالصبر و لأولادها بالرحمة. و لم يتركها حتى هدأت نفسها . ثم ذهب إلى السرادق ليتلقى العزاء في ذاك المصاب الجلل..و بعد أن انتهى المأتم , وقف بين من تبقى من المعزين خطيباً ,و قال:
- مش كنّا زمان بنقول أنا و أخويا على إبن عمي ..و إنا و إبن عمي على الغريب ..الله ..!! طب أمال مين بقى مع مين..؟! و مين المستفيدين..؟! دي حاجه تمخول ياناس.. الإخوات بقم بيقتلو بعض ..!! و الأغراب قال إيه بيطفوها..!!ولا بيشعللوها ..؟! و العدو بقى حبيب ..؟!و القريب بقى ألد من الغريب..!!
ثم نظر فيمن حوله ذاهلاً ,و قال و الدموع تتساقط من عينيه:
- دي حاجه تحير ياجدعان ..!! دا كمان حالنا اتشقلب في السياسه ..بقى معقوله إننا نفرح ..إن إسرائيل تضرب سوريا ..هيا الآيه انقلبت ..؟!ولا الدنيا جرى فيها إيه يا إخوانا..؟!
ثم نظر تجاه بعض الأفنديه الذين يرتدون النظارات الطبيه ,و الزي المودرن . سائلاً:
- يا بهوات.. يا مثقفين حد يفهمنا ..إيه الحكايه..؟! و بلاش كل منكلمكو.. تقولولنا كلام عجيب منفهموش ..سايكس بيكو ..ولا بيهم .. أهي كلها بلاوي بتتحدف علينا .. و هما بيلعبو الكوره بيكو ..و بينا ..!!و بيعملو فينا لا مؤاخذه ..زي ما هما عايزين..و العرب بيتك بيتك ..جوه انتو نامو..!!
ولما لم يجبه أحد منهم , فقد ظنوا أنه جن عندما فقد حفيديه ,وأصابه الخرف. أردف قائلاً:
-فيه ناس بيقولو.. قال إيه المدعوقه إسرائيل..بتساعد المعارضه و بتحميهم ..عشان إيران ..و حزب الله ..بيساعدو الجزار بشار.. في قتل أهل السنه في سوريا ..!! و هيا إسرائيل عمرها ..عملت حاجه أبداً ..لوجه الله.. أكيد هتكسب من وراها مصلحه ..!!و أكيد هيا اللي مشعللاها ..و نفسها تقضي على الاتنين شيعه ..و سنه..!! يعني الصاروخ الإسرائيلي.. له عنين ..و هيفرق بين ده ..و دكهوه..؟! أهو بيقتل في مسلمين موحدين بالله ..و السلام..!! صدق الرسول عليه أفضل الصلاة و السلام ..لما قال ..تتكالب عليكم الأمم كما تتكالب الأكلة على قصعتها..و إحنا كتير يامه ..أي و الله ..زي ماقلت بالضبط يارسول الله ..كغثاء السيل..!!
ثم نظر إلى الجهة الأخرى قائلاً:
- و ناس تانيه بتقول.. إن دي مسرحيه عشان تنقذ ال.... بشار.. و تخلي الثوار ..خونه ..و عملا لإسرائيل..!! قال إيه.. إسم النبي حارسه ..البطل المغوار حامي الديار.. رغم إنه مطلقش هو ..ولا أبوه ..ولا طلقة نار ..من إيام احتلال الجولان ..!! و ماشاء الله دلوقتى عامل فيها أسد ..نازل تقتيل في شعبه ..ولا التتار..!!وإن دي لعبه كبيره ..أمريكيه ..إسرائيليه .. إيرانيه.. روسيه ..عشان يبيعو سلاح للدول الخليجيه .. وللثوار من الجهه ديه.. و ديه..والمنطقه تشعلل ..والحاله تنعنش ..ومش مهم البشر اللي بتموت ..ماهم أصلهم مسلمين ..ملهمش ديّه..!!و راحت في داهيه ..القضيه الفلسطينيه ..!!
ثم نظر إلي النسوة خلفه قائلاً في أسى:
- غطيني و صوتي ياوليه ..إنت وهيه..الله يخرب بيت المدنيه ..و الرأسماليه على الإشتراكيه..!!
وما أن سمعن كلامه ؛ حتى بدأن في الصوات و العويل بالصوت الحياني.
يتبع
التعديل الأخير تم بواسطة د .أشرف محمد كمال; الساعة 19-05-2013, 17:51.تعليق
-
(14)
وقف (هنداوي) مذبهلاً أمام شاشة التلفزيون ؛بينما يعرض برنامجاً عن خطف سبعة جنود من الجيش المصري في سيناء ,و قال في حزن بالغ:
- ياعيب الشوم يارجاله ..بقى ده يبقى منظر عساكر جيشنا .. يتخطفو و يتربطو زي الفراخ البيضا ..!! و يقعدو يعيطو و يولولو زي الولايا ..قدام الناس كلّاتها ..!! يبقى منظرنا إيه قدام جيوش العالم التالت..؟! دي فضيحه ياولاد.. ولا فضيحة 67 ..لأ دي وكسه أقوى من النكسه..!! أي نعم فيه ناس بتقول زي فريد الأطرش ماكان بيغني الحياه حلوه..بس نفهمها ..لكن بصراحه ..و الصراحه راحه..المفروض العساكر بتوعنا يكونو انشف من كده..دول عساكر في الجيش المصري ..اللي هزم الإسرائيلين في 73 و عدمهم العافيه..دول مهمن كان سواء مجندين ولا متطوعين ..شايلين أرواحهم على كفوفهم ..و كرامة بلدهم من كرامتهم..ولا الموضوع كله بقى وظيفه ميري ..و بدله مموهه وبيادة جيش..وامشي نافخ صدري.. واقول يا أرض اتهدي.. ماعليكي أدي..!!
ثم شاهد جزءاً آخراً من البرنامج , يستعرض ردود فعل أهالي أولائك الجنود المختطفين ,و قال ماطاً شفتيه في ازدراء:
- جايبين لنا أهاليهم قاعدين يترحمو على أيام المخلوع انخلعو زيه من رقابيهم..!! الراجل أبو واحد فيهم ..رايح يحط جزمته فوق رأسه ..ويقولك جزمة مبارك فوق رأسي ..ماهو الواطي طول عمره هيفضل واطي.. وهيخلي رأسه لسيده مداس..و ابن الناس هيفضل مرفوع الرأس ..حتى لو علقوه على المشانق..!!
ثم أردف سائلاً:
- ومين جله عاد شلوط اللي جايبين في سيرته ده..؟! إيش جاب لجاب تفضل الأسود أسود ..والكلاب كلاب.. أقطع دراعي ..إن ماكان للكلاب دول يد في الموضوع ده..أنا شامم ريحتهم النتنه..وبعدين إيه الإعلام الهباب دكهون..؟! مش سايبين حد في حاله ..و قاعدين يشعللو فيها ..مش عارف عاوزين يوصلونا لإيه..؟! الأول يقولو راحت هيبة الدوله ..و الجيش معدش قادر يحمى أراضيها ..و المرسي.. خربها و قاعد فيها..و بعدين لما اتحرك الجيش ..قال إيه المرسي مش عاوز يهاجم الجماعات الإرهابيه ..أصلها اسلاميه..!! يعني رئيسنا اسم النبي حارسه ..اللي انتخبناه إرهابي هو كمان ورد سجون..مش إنه كان مسجون سياسي ولا مؤاخذه..!! و بعدين قال ايه دي حركه من الإخوان ..عشان يوقعو بين الجيش والشعب.. و يشيلو السيسي لأنهم مش عاوزينو بعد لما نجمه لمع..!! الله مش هو ده السيسي اللي قلتو عليه قبل كده إخوان..وإنهم كانو مظبطنها مع بعض من أيام المجلس العسكري..!!
وبعد لحظات جاء في التلفزيون المصري خبر عاجل عن الإفراج عن الجنود المخطوفين ,فهلّل (هنداوي) و كبّر ,و قال متعجباً ؛ بعدما سمع بعض الأراء المناهضة على القنوات الخاصة:
- قوم لما يتفرج عن العساكر المخطوفين من غير ولا نقطة دم..الناس دوكها.. اللي كان في نفسها البلد تولع يقولو من غيظهم ..آه دي بقى تمثيلية كانت معموله عشان يلمعو فيها إسم الريس مرسي..و يكسب بونطه عند الشعب..والله حيرتونا ياولاد ال... إنتو و اللي مشغلينكو....أنتو عايزين ايه بالظبط ..؟! جنازه و تشبعوا فيها لطم..!! آه يابلد..كل اللي فيكي عجب ..إزاي نرضيكي و ناسك مبيعجبهمش العجب ..ولا الصيام في رجب..و مينفعش معاكي إلا قليل الأدب ..اللي يحكمك فيشكمك و يستعبدك فيظلمك و ينهبك و يسرقك ..فيعلمك الأدب..!!
يتبع
التعديل الأخير تم بواسطة د .أشرف محمد كمال; الساعة 26-05-2013, 19:04.تعليق
-
عائلة هنداوي عائلة كبيرة في مدينتنا لكنها قد لا تجيد تحليلات هنداوي الغلبان الذي يواكب الأحداث في الميدان بنظرة الساخر المتألم ...
نعم سررتُ بالتواجد هنا ,, و كم راقت لي المقالات الأخيرة ...
الدكتور الفاضل أشرف ،، الله يقويك بالليل و النهار و يمدك بالصحة و العافية ...
مودتي ... يا غالي..sigpicتعليق
-
المشاركة الأصلية بواسطة فادي شعار مشاهدة المشاركةأخي الساخر القدير فادي الشعار مجرد وجودك في متصفحي المتواضع يشعرني بالفخار
فمابالك بدعوات الوالد العظيمة الصادقة القويمة عظيمة القيمة
فلك بمثل ماقلت ولك مني خالص الود وخاص المودة
دمت بخير ودام تواصلنا
تعليق
-
سيدي الفاضل
لا يسعني إلا أن أقف إجلالا أمام هذا الإبداع
وُفقتَ ... وعلى الحقِّ ثُبّتَ
ويصلح الأخ هنداوي أن يكون رئيسا للبلاد
أراه فقيها في السياسة
واعيا لما يحاك من دسائس
........ تذكرت الآن , أخاف إن جرفته السياسة
أن يقع في الفخ ....
دعه حرا ...
دمت والإبداع....
ووفقك الله ورعاكتعليق
-
المشاركة الأصلية بواسطة عبدالله محمد عبدالله مشاهدة المشاركةأشكرك أخي العزيز عبدالله على حضورك الكريم وإطرائك الرقيق
وأحب ان أطمئنك أن هنداوي لن يقع في هذا الفخ أبداً
فله مقولة شهيره (قال ياداخل في السياسه ..يا خاسر دينك ودنياك)
دمت بود ياصديقي ودام تواصلنا
تعليق
-
دي حاجه تمخول ياناس
وانا مش ناقص مخولة !
غطوني و صوتوا يا جدعان !
الوضع في سوريا مش مفهوم ، ولا في ليبيا ولا في تونس ولا البحرين
إن كنت فاهم حاجة يا هنداوي ، فهّمني .
إلاّ قولّلي ، حضرتك فاهم إيه بيجرى في مصر حبيبتي
نخرج من حفرة قناة السويس ونقع في دحديرة سد أثيوبيا ، والقادم
ألله يستر من القادم .
هاتي الشاي يا صفية ؟ ...
تحياتي
وأتمنى على هنداوي أن يكون محايدا في رؤيته وطرحه
عارف ليه يا دكتور أشرف ؟
لأنه يكتب التاريح
فوزي بيترو
تعليق
-
المشاركة الأصلية بواسطة فوزي سليم بيترو مشاهدة المشاركةنحن في زمن الفتنة يا أخي فوزي الذي تجد فيه الحليم حيران..!!
أنا لم أكن يوماً مع صدام ولم ابارك له تصرفاته الحمقاء سواء في غزوه الكويت أو في قتله الأكراد والشيعة
لكنني رفضت بشده طريقه محاكمته الهزلية تحت حكم بريمر وشو اعدامه الهوليودي وذبحه ككبش فداء في ليلة العيد
أنا لم أكن يوماً مع معمر القذافي و تصريحاته الخرقاء وجنونه المستطير لكنني رفضت بشده طريقة اغتياله واهانة آدميته والتمثيل بجثته.
أنا لم أكن يوماً ولن أكون مع بشار الأسد أو أبيه وأرفض بشكل قطعي مشروع التوريث في أي مكان كان سواء جمهورية أو ملكيه فلقد ولدتنا أمهاتنا أحرار ولا يجب أن نستعبد بعد اليوم
لكنني أرفض تلك الجرائم التي يحاول البعض عن قصد أو عن غير قصد الصاقها بالإسلام والمسلمين وبالثوار أي من كانوا وتشويه صوره الثوره بتلك الأفعال الشيطانيه التي تحدث بصوره فرديه ولا تعبر عن جوهر الاسلام ولا فكره التغيير والتمرد على ظلم الحكام واستبدادهم واستعبادهم العباد.
أنا لم أكن يوماً من الإخوان ولا من أنصار مرسي لكنني انتخبته لأنه كان المرشح الوحيد المتبقى للثورة..وقد اختلف معه في الكثير من الأشياء لكنني لا أسعى أبداً لإفشاله أو محاولة اسقاطه ولا حتى انادي بانتخابات رئاسية مبكره بل أرى أنه يجب أن يأخذ فرصته كامله حتى نستطيع أن نحاسبه..!!
لكنني أعتقد أن هناك خطط تحاك خارجيا وداخليا من أجل افشال تلك الثورات كم ان هناك الكثير من الدسائس لجعلها تحيد عن مسارها الصحيح وتدخل في صراعات جانبيه ونعرات طائفيه لأجل تفتيتها وتقسيم البلاد العربيه إلي دويلات صغيره متناحره
خلاصة القول أنا أرى أن ثورات الربيع العربي كلها حق ..يراد تشويهه ليكون باطل ..لنكره الثورة ..ونعود ثانية إلى لعق ايدي اسيادنا الذين يتمرغون في التراب ويتمسحون في أحذية كل من ماما أمريكا وتابعتها الوفية اسرائيل
التعديل الأخير تم بواسطة د .أشرف محمد كمال; الساعة 01-06-2013, 18:29.تعليق
-
(15)..يتكرر بصورة دورية - شبه يوميه- انقطاع التيار الكهربائي في سائر مدن و قرى مصر المحروسة خلال العام المنصرم حتى أصبح الكل يتحدث عن هذه الظاهرة , و تندر الكثيرون بذلك و أصبحت مادة إعلاميه فكاهيه في كل القنوات الفضائية , و ربطوا بين النهضة التي تحدّث عنها الرئيس مرسي في برنامجه الانتخابي و انقطاع التيار الكهربائي .. فكان من المستبعد - بل و من المستحيل- ألا يتكلم عنها (هنداوي) و هو الذي يتحدّث في كل شيء ..!!
..جلس (هنداوي) على المصطبة بعد صلاة المغرب , و قال ساخراً:
- خلي بالك يا وليه إنت وهيه ..أصل الكهربا بتقطع ساعة المغربيه.. يعني عماويد الكهربا تفضل منوره طول النهار من غير لازمه.. و أول مالليل يدخل .. الكهرباء تقطع من البيوت على طول..!! دا حتى العيال الصغيرين بقم بيغنو كل ليله..أول مالنور يقطع و يقولو ..النهضه جت.. افرحو يا ولاد..النهضه جت..افرحو ياولاد..!!
ثم ابتسم قائلاً:
- أحلى حاجه في النهضه دي ..إنها رجعتنا لأيام زمان.. و لمتنا الحلوه..!! الكل بيتك بيتك من بعد المغربيه..ولا بنشوف أخبار تسم البدن في التلفزيون.. ولا يحزنون.. بس ميرجعوش يلومو بقه علينا.. لما الخلفه تزيد..أمال الناس هتقضي الليل بطوله في إيه تاني..؟!
فضحكت بعض النسوه و غطين وجوههن خجلاً , وتلمذ بعضهن , و ندبت أخريات حظهن. فأردف (هنداوي) قائلاً:
- ولّه زمان ياولاد.. رجعنا لأيام لمبة الجاز.. بس هوا فين أصلا الجاز..؟! إلا مافيه في البلد لتر واحد يوحد ربنا..!! و طوابير السولار و البنزين بقت تسد عين الشمس ..!!طب نعمل ايه يا أخوانا ..؟! لا فيه غاز ..و لا جاز.. و لا كهربا.. و لا ميه..!! ربنا يستر بقه على الهوا اللي بنتنفسه.. لنصحى في يوم منلقهوش هوا كمان..!!
ثم تلفت فيمن حوله يبحث عن أحد أولائك المثقفين ..الذين يقرأون الجرائد اليوميه ,و يشاهدون برامج التليفزيون ,و سألهم قائلاً:
- إلا بالحق .. إيه هوا سد النهضه بتاع أثيوبيا ده كمان...؟! هيا النهضه وصلت أثيوبيا.. شوره طين.. يبقى هيقطعو عنا الميه هيا كمان..!! أنا سمعت إن فيه ناس حدانا في البلد بدأت تخزن ميه من دلوقت ..!! طب هيخزنوها فين ..؟! و هتكفيهم قد إيه..؟! و ياترى هتكفيهم شرب بس ..ولا حموم..؟! أول امبارح كان فيه واحد قالي إنه كان مخزن 100جركن بنزين بقاله سنتين .. قامت الفيران خرمت الجراكن.. و راح شقاه بلاش ..و طار البنزين في الهوا لا حول الله..!!
ثم نظر للجمع , و همس قائلاً:
- بالكم لو كان سد النهضه ده في أيام عبد الناصر.. كان بعتلهم جمعة الشوان .. ولا رأفت الهجان و محسن بيه ..يوقعو بين الأثيوبين و الإسرائيلين .. و كانو خدو الإسفين المتين..!! و لو كان أيام السادات.. كان بعتلهم بس طيارتين .. يجيبو عاليها واطيها..!! و لو أيام مبارك ..كان بعتلهم حسن شحاته و أبو تريكه يلعبو ع السد .. و غلبوهم إتنين صفر.. لكن في أيام مرسي ..مافيش حل إلا إننا نصلي الفجر.. و ندعي عليهم ..إن الميه تتحاش في زورهم.. يفطسو مايوّعو يبنوه..!!
يتبع
التعديل الأخير تم بواسطة د .أشرف محمد كمال; الساعة 15-06-2013, 12:25.تعليق
-
انت فين يا هنداوي ؟
هل ما حصل في 30\6 قلب كيانك ؟!
امسك قلمك واكتب حكاية شعب ثار ...تعليق
-
خلاص يا فوزي يا أخويا هنداوي معدش له مكان في الميدانالمشاركة الأصلية بواسطة فوزي سليم بيترو مشاهدة المشاركة
الميدان بقى مليان ناس كتير معرفهمش ولو دققنا في الوشوش
يمكن نلاقيها نفس الوشوش اللي قامت الثوره علشانها
معدش الشعب هوا الشعب اللي طلعو ناس تانيه عشان يرجعونا للأيام الفانيه
اعتقد ان سلسلة هنداوي في الميدان بح خلاص
واحتمال انزل قريبا بسلسلة هنداوي في المعتقل
دمت بخير ياصديقيتعليق
-
لا ألقهر لك قلما د أشرف--ولا أبعد البين لك طيفاً
هنداوي في المعتقل----وأحرارنا كذلك في المعتقل
وأكتب لهم---بحبر الدموع
لكنني لم اكتب لقيد العبيد
الّا ---دعوة لأن ينكسر
أما الشعوب الحية فلن تموت
كالفينيق ستبعث من الرماد
نقول اللهم ارحم الشهداء
والطف بحالنا--------
ولك تحياتي واحترامي
يا ســــائد الطيـــف والألوان تعشــقهُ
تُلطّف الواقـــــع الموبوء بالسّـــــقمِ
في روضــــــة الطيف والألوان أيكتهــا
لـــه اعزفي يا ترانيــــم المنى نـــغمي
تعليق
-
المشاركة الأصلية بواسطة غالية ابو ستة مشاهدة المشاركةأهلا بك أختي الغالية غاليه
ها قد أعدت بمشاركتك هذه هنداوي للميدان
وكأنها إشارة إلى مواصلة الكفاح والجهاد
نعم الشعب كله أصبح قيد الاعتقال
عدنا إلى زمن الدولة البوليسية الفاشية
مصر منذ عقود طويله ترزخ تحت الاحتلال
لكنه احتلال من طغمة فاسدة من ابنائها تجبرت وتسلطت على الشعب
مثلما كان يفعل الفرعون سابقاً حين ظن أنه يستطيع أن يستعبد الناس
وقال أنا ربكم الأعلي أحيي هذا وأميت هذا..وحاشا لله أن يكون هذا لبشر
فليأتوا بالشمس من المغرب إن كانوا يستطيعون أو كان بينهم الدجال..!!
الله متم نوره ولو كره الكافرون ..يمكرون ويمكر الله والله خير الماكرين
دمت بخير وهنداوي في انتظار مشاركتك هناك في المعتقل
تعليق
يعمل...
😀
😂
🥰
😘
🤢
😎
😞
😡
👍
👎
☕
تعليق