تويت
المْرَا التّونسِية
منيرة الفهري
نَايْ هَا الِّي بِينْكُمْ المْرَا التُّونْسِيَّة
الإسْلاَمْ دِينِي و لُغْتِي العَرَبِيَّة
نَاي مْرَا و عْلَيّ الكْلاَمْ
و يَامَا كِتْبِتْ في خْصَالِي الأقْلامْ
المْرَا التُّونْسِيَّة الحُرّة
الِّي مَعْدِنْهَا مِنْ كُلْ دُرَّة وْ دُرَّة
نَاي أُخْتُكْ، أمِّكْ، و زُوجْتِكْ الحْبِيبَة
نَايْ خَالْتِكْ، عَمْتِكْ و الجَارَة القْرِيبَة
بْعَرْقِي نِخْدِمْ أرْضِي
نْصُونْ عَرْضِي
نْحُطْ تُونِس بِينْ جْفونِي
نْكَحِّلْ و نْغَمِّضْ عْلِيهَا عْيُونِي
نْدَافَعْ عْلَى صْغِيرْهَا و الضْعِيفْ
هِيَ الرُّوحْ، هِيَ العْيُونْ و الحُبْ العْنِيفْ
حَقِّي مَا نْسَلِّمْ فِيهْ، مُسْتَحِيلْ
مُكْتَسَبَاتِي، حُرِّيتِي
كِبْرِي و شَخْصِيتِي
نْجِيرْ المَظْلُومْ، المَقْهُورْ و القِلِّيلْ
نَايْ الفَلاَّحَة،الأسْتَاذَة، المُحَامِيَة و الرَّاْيدَة القْوِيَّة
عِلِّيسَة، عزِيزَة عُثْمَانَة و الجَازِيَة هْلاَلِيَّة
نَايْ الطبِيبَة ، العَاملَة و الرَّاعِيَة الجْمِيلَة
بِينْ ايْدِينْ تُونِس نِتْبَخْتِر و نقُولْ يَا احْلِيلَه
يَا احْلِيلَه الِّي يِتْعَرِّضْ لَهَا التُّونْسِيّة
و يْسِدْ عْلَاهَا طرِيقْ الكِبْر و الحُرِّيَة
نْوَلِّي لَبْوَة و نَاكِلْهُمْ باسْنَانِي
يَا وِيلَه الِّي يْحَاوِلْ بالتّضْلِيلْ يْوَخِّرْ زْمَانِي
نَايْ فِي العِلْم نْقُولِّكْ نَايْ
نَايْ فِي الطِّيبَة و الحْنَانَة نْقُولِّكْ نَايْ
مَزْهُوَّة و فَرحَانَة بِبْلادِي انشاء الله و الِّي جَايْ
رُوبَة، بَرْنُوسْ و سَفْسَارِي
مَلْيَة، جِبَّة ، بِدْعِيَّة و خْمَارِي
تشَرِّفُنِي، تزَيِّنِّي اللِّبْسَة التّونْسية
مَانِي قُلتُ لكُمْ نَاي التُّونسِية الحُرّة
المُخُتارَة مِنْ كُلْ دُرَّة و دُرّة
نَايْ هِيَ المْرَا التُّونْسِية
الاسْلامْ دِينِي و لُغْتِي العَرَبِيَّة
نَشِيطَة، عَامْلَة و ذكِيَّة
مُنَاضْلَة، كْبِيــــــــــــٍرَة و وَطِنِية
نَايْ هَا الِّي بِينْكُم المْرَا التُّونْسِية
الاسْلاَمْ دِينٍي و لُغْتِي العَرَبِيّة
نَاي مْرَا و عْلَيّ الكْلاَمْ
و يَامَا كِتْبِتْ في خْصَالِي الأقْلامْ
المْرَا التُّونْسِيَّة الحُرّة
الِّي مَعْدِنْهَا مِنْ كُلْ دُرَّة وْ دُرَّة
نَاي أُخْتُكْ، أمِّكْ، و زُوجْتِكْ الحْبِيبَة
نَايْ خَالْتِكْ، عَمْتِكْ و الجَارَة القْرِيبَة
بْعَرْقِي نِخْدِمْ أرْضِي
نْصُونْ عَرْضِي
نْحُطْ تُونِس بِينْ جْفونِي
نْكَحِّلْ و نْغَمِّضْ عْلِيهَا عْيُونِي
نْدَافَعْ عْلَى صْغِيرْهَا و الضْعِيفْ
هِيَ الرُّوحْ، هِيَ العْيُونْ و الحُبْ العْنِيفْ
حَقِّي مَا نْسَلِّمْ فِيهْ، مُسْتَحِيلْ
مُكْتَسَبَاتِي، حُرِّيتِي
كِبْرِي و شَخْصِيتِي
نْجِيرْ المَظْلُومْ، المَقْهُورْ و القِلِّيلْ
نَايْ الفَلاَّحَة،الأسْتَاذَة، المُحَامِيَة و الرَّاْيدَة القْوِيَّة
عِلِّيسَة، عزِيزَة عُثْمَانَة و الجَازِيَة هْلاَلِيَّة
نَايْ الطبِيبَة ، العَاملَة و الرَّاعِيَة الجْمِيلَة
بِينْ ايْدِينْ تُونِس نِتْبَخْتِر و نقُولْ يَا احْلِيلَه
يَا احْلِيلَه الِّي يِتْعَرِّضْ لَهَا التُّونْسِيّة
و يْسِدْ عْلَاهَا طرِيقْ الكِبْر و الحُرِّيَة
نْوَلِّي لَبْوَة و نَاكِلْهُمْ باسْنَانِي
يَا وِيلَه الِّي يْحَاوِلْ بالتّضْلِيلْ يْوَخِّرْ زْمَانِي
نَايْ فِي العِلْم نْقُولِّكْ نَايْ
نَايْ فِي الطِّيبَة و الحْنَانَة نْقُولِّكْ نَايْ
مَزْهُوَّة و فَرحَانَة بِبْلادِي انشاء الله و الِّي جَايْ
رُوبَة، بَرْنُوسْ و سَفْسَارِي
مَلْيَة، جِبَّة ، بِدْعِيَّة و خْمَارِي
تشَرِّفُنِي، تزَيِّنِّي اللِّبْسَة التّونْسية
مَانِي قُلتُ لكُمْ نَاي التُّونسِية الحُرّة
المُخُتارَة مِنْ كُلْ دُرَّة و دُرّة
نَايْ هِيَ المْرَا التُّونْسِية
الاسْلامْ دِينِي و لُغْتِي العَرَبِيَّة
نَشِيطَة، عَامْلَة و ذكِيَّة
مُنَاضْلَة، كْبِيــــــــــــٍرَة و وَطِنِية
نَايْ هَا الِّي بِينْكُم المْرَا التُّونْسِية
الاسْلاَمْ دِينٍي و لُغْتِي العَرَبِيّة
رُوبَة، بَرْنُوسْ و سَفْسَارِي
مَلْيَة، جِبَّة ، بِدْعِيَّة و خْمَارِي
مَلْيَة، جِبَّة ، بِدْعِيَّة و خْمَارِي
هذه أسماء للباس التقليدي التونسي
روبة
برنوس
سفساري
ملية
جبة و من تحت البدعية للرجال
و هذا القصيد بصوتي
http://www.youtube.com/watch?feature...&v=MM8ll9T53s8
تعليق